انـــا وأبــــله سعـــاد والحـــظ الـــردي!! - صفحة رقم 2 - نادي الهلال السعودي - شبكة الزعيم

مالكه السعوديه · #16 09/11/2006, 12:56 PM

فرصه ضايعه اقول وش ذاالعبايه حشا ملطخه بلزرق لولونهاازرق كان اهون بعدين هذي موالفراشه هذي السمكه

الكناري الازرق
اقول كانها العجوز حاطه دبله وانامدري؟؟؟ تفشل قسم

هلالي وشقاوي · #17 09/11/2006, 01:47 PM

إقتباس


	وهل تقبلين بزوج يلبس نظارات؟؟!!

ترى ماحولك أحد يتشرطن ويتأمرن ويطلبن وآخرتها شين بقووووووه وتقول يهبل خذ وخل

هلالي الظهران · #18 09/11/2006, 02:41 PM

حياكم الله جميعا من اولكم لاخركم << جالس بشات صوتي ,,

الله يعطيكم العافيه جميعا .. ماشاء الله وش كثركم .. يبيلكم تكيه خاصه ..

ياجماعة الربع فيني خصله شينه! بتسالوني وش هي؟ بقولكم مالكم دخل

.. لا من جد يوم اكتب موضوع اكون فاتح الصفحه وشغال الدميجه واكتب اللي يطلع معك لكن لمن ارد عليكم لازم الواحد يتفرغ لكم ويرد عليكم باخلاص

ويقدركم مثل ماقدرتوه

..

المهم راجعلكم بس الحين خلوني متوهق صكرت شنطتي ووسطها فطوري ونسيت الرقم السري :p .. اخوياي جالسين يكسرون الشنطه وانا عمال اعيييييييط

..

البالون · #19 09/11/2006, 03:10 PM

السـلام عليـكم ورحمـة اللـه وبركاتـه << خـلنا زي الكنـاري ..

ويقـولون فيـه اوقـات مايصـلح فيهـا لا سـلام ولا تحنحن

<< أظنكم عرفتـوهـا (خير من الف ميعاد

) << بايعـها .. استغفر الله

هـلا بـ الظهـرانـي .. اللـي يـوم من الأيـام صار وحداني ..

ومالقي غيـر مديرة أمـه بالمدرسة

وخـلنا ناخـذ القصـة بطابـع " الواقـع و الحقيـقة " << خش في السياسة

البنـات لازم يتـركـون الدلـع ويلحقـون على أعمـارهم قبـل ماينتـهـي الوقت بدل الضـائع

والأولاد يبيـلهم هجـدة من ذا الحـركتات الجاهـلة وهي ن ( لازم يكون لي خوية )..

قـصـة مميـزة كـ باقـي قصصـك ..

بـس كـل اللـي كتبتـه كـوم ..

إقتباس


	3- ليه كأس العالم مايصير كل سنتين!!

احـس انـك شارب شيء

^^
لا يـروح فكرك بعيـد قصـدي لبن والا ببسـي

ثانكيوو

abu_riman · #20 09/11/2006, 03:24 PM

" والله يا فرصة ما ندري كيف نقوم بجزاك !
تسألين عنا ! و يوم حضرنا قلت لا تروحون ! و اليوم تعلمينا عن الفراشة ! لا والله كثير الله يسلمك !

لكن كملي معروفك ! بما أني لمحت و للأسف إجابتك ما عطتني اللي أبي !
باسأل بصراحة !
الفراشة زينة أو لا ؟!

يعني من يلبسها من البنات ؟!

كان السؤال ما له داعي تجاهليه لمدة 48 ساعة و بارسله لك ثانية على الخاص !

بعدين أنت من وين جبت ( ناه ) ؟؟؟؟؟؟؟؟؟؟

ناه كم الساعة !
من جد ذكرتينا بزمان أول !
مو اليوم حتى الحكي لازم نعدله و انطق الكلمة كذا و قلها كذاك ذبحونا !

عموماً الله يصلحنا و ياك "

لميس الهلالية · #21 09/11/2006, 04:20 PM

هلالي الظهران

بعيداًعن التراجيديا المحزنة بين ابو لمخة و الأربعينية الفاتنة (أبله سعاد)...

و بعيداً عن أن قصص الحب تبدأ دائماً بإعطاء التنفس الصناعي لأحد ضحاياها..

و بعيداً عن أن (فرصة ضائعة) أحضرت لنا صورة غير دقيقة عن عباءة الفراشة..:p

( فأنا اوافق مالكة السعودية بأن هذي هي عباءة السمكة وليست الفراشة

)

بعيداً عن كل ما سبق ...سطور موضوعك حملت رسالة لم تستطع الكثير من المواضيع الأخرى أن تحملها...

فكل الشكر والتقدير لك يا مبدع

تقبل مروري و تحياتي
.............
........
..
لميـــــــــــــــــس

فرصه ضايعه · #22 09/11/2006, 06:25 PM

مرحباً جميعاً

.....

عارفه أن هلالي الظهران وده يسطرني:sad: على كثرة ردودي

.....
بس يحمد ربه أن موضوعه جاز لي

وكل دقيقتن مارتن عليه

يابنوتاتي الأعزاء;)
<<<هذا المعرف مايفرق بالأسماء اللهم لك الحمد على هالنعمه

والله يزيدني بهن جهل

بس أنا قلت أنها قريبه منها

مب هي نفسها يعني;)
هذي الفراشه المطوره اللي مخيطه على الجانبين إذا ماني واهمه:p اللي سميتوها بالسمكه

وهذا ردي عشان تقرونه مرتن ثانيه

إقتباس


	بنزل صورة قريبه لها بس من دون التطريز اللي بالنص

شفتوا أني كاتبه قريبه لها ;) .....
مالقيت إلا ذا الصورة أقرب شي

.... وإذا عندكم لا تبخلون بها حطوها هنا

خلوا الأعضاء يعرفون شكلها

نرجع لأبو ريمان ,,,,

إقتباس


	" والله يا فرصة ما ندري كيف نقوم بجزاك ! تسألين عنا ! و يوم حضرنا قلت لا تروحون ! و اليوم تعلمينا عن الفراشة ! لا والله كثير الله يسلمك !

وش دعوى ;) ...
من يتكلم عاد

....كبيرنا الذي علمنا كل هذا

أحرجتني بكلامك

ماسوينا شي يستاهل;) ولوو;)

إقتباس


	باسأل بصراحة ! الفراشة زينة أو لا ؟! يعني من يلبسها من البنات ؟!

اول ماطاحوا فيها هي أحسن من العبايات المخصرة

على الأقل ساترة شوي;) ولو أنها على الكتف بس برضوه تعطي منظر حلو:sad: ....

واللي يلبسونها واجد الله يهديهم

كل وحده تمشي على الموضه راح تلبسها حتى لو ماعجبها شكلها

هماها على الموضه بس:sad: ...
أجل الحين فيه عبايه جديده مزمزمه من نهايه البطن إلى تحت تدري عاد وش مسمينها

!!!!

الحفاظه

عزكم الله :sad: .....
لا نها تعطي نفس الشكل تقريبا

....
تخيل وحده تسأل عند البايع عندك عبايه الحفاظه

....

اللهم عافهم ولا تبتلينا ;) ....
الحمد لله ماعندنا غير عبايه الراس وبدون أي إضافات يالله لا تخلينا

...
عاد من جد راعين هالعبايات دايم لازم يغيرون عباياتهم

عشان الموضه كل سنه تغير

وحنا مريحين بالنا لا جينا نفصل ولاها نفس العبايه القديمه

بس نجدد لا تقطعت أو انعدمت أو حبينا نغير القماش

إقتباس


	بعدين أنت من وين جبت ( ناه ) ؟؟؟؟؟؟؟؟؟؟ ناه كم الساعة ! من جد ذكرتينا بزمان أول ! مو اليوم حتى الحكي لازم نعدله و انطق الكلمة كذا و قلها كذاك ذبحونا !

هههههههههههههههههههههههههههههههه
جازتلك:p .... لا تستحي قل باخذها ولا تشاور

منهم اللي ذبحوك:p .... ماعليك منهم

أنا تجوز لي بعض الكلمات وتلقاني دايم أقولهن

.... من ضمنهن كلمة ناه

وإذا بعد براسك شي أبد لا تستحي

.....
<<< كنها صاحبه الموضوع

نمون صح

ياسفابي

ولد وايل · #23 09/11/2006, 09:54 PM

موضوعك مشوار ياعمر

والله الفراغ مشكله

لكن اللي اكتشفته من موضوعك ان رد هجمة ديسلفا اطول من الموضوع

واكتشفت ايضا انه في عالمنا اللي نعيش به اخطاء املائيه شنيعه الله يعافينا بس

ومن اخطر الاكتشافات من بدايه حياتي في الشبكة العنكبوتيه على اللغة العربيه :

إقتباس


	juve1897 أما أبو كمخصه هذا مشكلته مشكله

اللهم يكافي

شكله اخو ابو لمخه من الرضاع فهو يخلق من الشبه اربعين << انلحست من قوة الخطأ

<

ياحبي لك ياجوفي << ان تسان اسمك تسذا

إقتباس


	فرصه ضايعه ناه

ناه واخواتها :
1- قوه( يالله مشينا )
2- دوك ( خذ )
3- ناه ( شف )
4- كاه ( يعني هذا هو>> للشخص المسؤول عنه)
5- الف المؤخرة للفعل الماضي << هذي من راسي والامثله ( رحتا - جيتا - اكلتا - مشيتا - الخ)

المهم ياعمر ياصديقي قصه حلوه وخفيفه بس انها طويله وانا قريته الين ام ابو لمخه عصبت يعني انهيت القصه

الزواج يالربع قسمة ونصيب انا اعرف واحد متزوج وراتبه 1500 بس ومع ذلك قبلت فيه البنت بقناعه تامه هي واهلها

الله يكتب لنا البنت الصالحه اللي تحطه على الجرح يبرى
والله يجزاك خير ياعمر على هالنصايح ;)

عشقان هلالي · #24 09/11/2006, 10:06 PM

مشكور اخوي على الموضوع وتسلم ولا تحرمنا من جديدك

تحياتي

الفارس الحائر · #25 10/11/2006, 06:55 AM

هلا وغلا باخوي عمر

الله يوفق ابله سعادى الي دخلتك المنتدى غصب عنك

إقتباس


	1 يابنات تلاحقوا على اعماركم ولا تشرطون واجد وحتى لو طلع اللي تقدم مامعه الا رابع ابتدائي وافقوا تراه ازين من العنوسه ..

هذه مشكلة بعض البنات يقولون شروط تعجيزيه من شان يبعدوا الولد عنهم وفي الأخير يقول عنسنا!!!!

إقتباس


	2- ياشباب ارفقوا على نفسكم يعني مو بلازم تصير لك خويه .. وارفقوا على اهاليكم بعد مايكفي انك تبيهم يدخلونك مدرسه اهليه ويطلعلون لك سياره وفوق هذا تبيهم يزوجونك ..

لاتعمم انت وجهك

إقتباس


	3- ليه كأس العالم مايصير كل سنتين!!

علشان ننسى الهزائم بـ8 والـ4 ونجدد بعدها

الف شكر لك

~بنت الزعيم~ · #26 10/11/2006, 09:48 PM

يقطع ابليسك يالظهراني
اختي بالغرفه وعيت لا اتصرف وقريته قدامها<<وهقتني
لا ابشرك مو ما كله شي لاني صايمه الحمد لله
وش هالحظ اللي يكسر الصخر الله لا يبلانا
ماشاء الله تعرف تهدي ابله سعاد<<لا تكون حقت الفيزياء اللي عندنا
بس المشكله دبى ومصريه مين يبيها ذي
وبعدين حنا مساااكين ما نتشرط انتم اللي تتشرطون
كل ما شفتم بنت ما تعجبكم لانها ما تشبه هيفاء واليسا
خليكم جعلكم تعنسون لو ذا تفكيركم<< نذله
وبعدين الزواج ما يجيب الا دوشه الراس يعني لو ما تزوج احسن

ليه كأس العالم مايصير كل سنتين!!<<عشان نشتاق له

الله يوسع صدرك بالعافيه اخوي هلالي الظهران

الهلالي دائماً · #27 11/11/2006, 12:47 PM

هلا وغلا بالغالي الهلالي الظهراني ...

الحمد لله علة سلامتك يالغلا وعودا حميدا ...

بعدين انت مو ملاحظ ان الصبايا كثروا في حياتك بداية من ماما ماري مرورا بمرمر وننانسي وانتهاء با ابلة سعاد

خخخخخخخخخخخخخخخخخخخخخخخخخخخخخخ

>>> نشبة متابع

الا على طاري ابلة سعاد ترا المسيار ماهوب شين .. و ترا الربع ما يدانونه

وترا الربع مايدنوانه

صدقني اخوي عمر اللي مثل ابو لمخة قابل للانحرف و اللمراهقة المتاخرة وهو واقع نراه ونسمعه ..

ومن ناحية اكلينيكية

اعتقد انه يعيش اجواء اخويها اللي اربعة ارباعهم نصابين

ويتخيلها

ومن ثم تجده يبحث عنها في الحقيقة فيحدث مالا يحمد عقباه

>>> اركد يابو اكلينيكية

الا على طاري كاس العالم زيدان رايح بنغلاديش

وانا اقول وشفيهم البنقالية اللي في حارتنا مسفهلين وقلبينها حفلة

ثانكيو مستر عمر موضوعك المميز ...

ودمت بخير وعافية ’’’

(( مشكلتي اني اجي متاخر فايطلع ردي باااااااااايخ ))

الفيروسه الزرقاء · #28 11/11/2006, 01:07 PM

هلا بـ هلالي الظهران ..

ترى ردي عليك والمزاج مقفل مالي خلق ، لكن قلت لازم ارد علشان الاكل يجهز

---> ميته جوع توني صاحيه وأبي أكل

<---- ساحبة ع الدوام

إقتباس


	يا أمة الله اذا سألوك .. وهل تقبلين بزوج يلبس نظارات؟؟!! اقول تلايطي ولايكثر !!يعني من جدكم تشرطون هو فيه رجال علشان تقولون يلبس نظارات او لا؟!العوض ولاالقطيعه ولايكثر واحمدوا ربكم و اول واحد يطق الباب قولي موافقه وماجاكم علي ..

مافهمت

خخخخخ شلون يعني هو فيه رجال

!
ليش العالم كله مافيه رجاجيل بس بنات

!
أقول ، لايكثر بس

..

إقتباس


	يا عبد الله اذا سألوك.. وهل تقبل ان تتزوج امرأه لاتعرف عنها شيء؟؟!! اقول لا تكثر بربستك!! يعني تبي تقنعني انك بتتزوج وحده تعرفها ! الله يطول باعمار اميماتكم وادعوا ان الله يبارك وتطلع المره نقوه زينه ..

لأ ماأبي أعرس

..

وشوووله الزواج والقلق ، خلك مرتاح بلا عرس بلا هم .. ع قولة حكيم منتدانا صدى "خلك عزوبي طول عمرك

"

يـ زين العنوسه زيناه

..

إقتباس


	1- حاول تصرف اي واحد جالس جنبك وفي حالة كان اللي جنبك اكبر منك اغلق النافذه حالا ..

ليششششششششششش

!!
وش هالانانيه تصرف اللي جنمبك

، الظهراني اعترف وش بتسوي فينا

إقتباس


	2- يمنع تناول المأكولات والمشروبات منعا باتا .. كما ان التدخين مسموح بجميع انواعه وحبذا لو كانت الغرفه مقفله حتى تعجعج زين ..

افااا طب دام المشروبات ممنوعه

، تعال ولع لي

.

إقتباس


	المهم يوم توني ماشي بالسياره يوم طلعت ذاك المسدس وقالت اطلع للبر ..قلت نعم !1قالت البر المهم طلعتها للبر في مكان مافيه الا انا وهي والمسدس بينا ..وكنت توي شاري جوال n73 جديد.. المهم قالت لي فصخ ملابسك!!. قلت اكيد ناويه تسرقين الجوال .. ويدخل عليهم ياسر بسالفه ثانيه وخويكم ابو لمخه يسمع سوالف الشباب ولاهي بعالم ثاااااااني وكل من قال سالفه يقول ياحظك والله ..

ورااااااااه قطع كلامه ، وش صار عليهم يوم طلعوا للبر

---->> ملقوفه

.
جد ليه يبون يطلعون للبر ! يعنني جو رومنسي

..

إقتباس


	قمت افكر بالمنتدى واتحسف انا اللي ذابح نفسي تميلح عند البنات

لووووووووووووووووووووووو

ووووووووووووووووووووووووول
عاد انت ياكثر ماتتميلح

إقتباس


	" انتظر ردك بفارغ الصبر حبيبي ابو ساره "

إلا وش اخبار بوساره

!!!
ماله حس هـ الكائن الحي البشري ---->> اشك انه بشري

!

إقتباس


	يوم ناظرت الا وانا حاط الخمسمية في صندوق مسابقات

ههههههههههههههههههههههههههههههههههههههههههههه الله من الدلااااااااااخه
العقل خارج التغطية والعيون طايره

إقتباس


	ويوم قربت من البنت .. قالت اسفه انا غلطانه كنت احسبك السواق

قووووووووووووووويه

مسكين يابولمخه فشيلتين فـ يوم واحد !! الله يعظم أجر نفسيته

إقتباس


	قالت.. احلف انك تتوب قل قسم .. وانا اطق ذيك الايمان واتوسلها تسامحني وقلتلها..ما عاد اقوى على فراقك خلاص اليوم العصر امي بتجي تخطبك!!

مدرسه بحق وحقيق

إقتباس


	وهي اللي تتقطع من الفرحه وتقول .. خلاص سامحتك وانا بانتظرك انت وخالتي ( مسرع يا المشفوحه )..

من جد مشفوحة ومطفوقه

، الله يخلف ع العقل راح فيها

!

إقتباس


	ابو لمخه: لا يمه .. انا خلاص حطيت عيني على البنت وهي مدرسه ..

ايزي عنده بوشباب يتزوج وحده اكبر منه بـ 10 سنوات مدري بـ 20
---> نست كم عمره

إقتباس


	أم ابو لمخه وبعد صراااخ وسب وتهزيء قالت .. مابقى الا هي ولدي يتزوج مديرة المدرسه اللي ادرس فيها ..

لوووووووووووووووووووووووو

ووووووووووووووووووووووول
قوويه ، زوجتك تكون مديرة امك

خخخخخخخخخخخخخخخخخخخخخخخخخخخخخ

إقتباس


	1- يابنات تلاحقوا على اعماركم ولا تشرطون واجد وحتى لو طلع اللي تقدم مامعه الا رابع ابتدائي وافقوا تراه ازين من العنوسه ..

ليش نلحق ع اعمارنا

! وشوله نعرس

، نجلس بيت أهلنا ابرك واصرف

، واذا طقينا 40 رحنا واخذنا لنا واحد يهبل من الخارج نجيب ولد وخلاااص يادار مادخلك شر

.. ياهووو ولدي بيصير اطخم عيونه زرق " ع امه

"

إقتباس


	2- ياشباب ارفقوا على نفسكم يعني مو بلازم تصير لك خويه .. وارفقوا على اهاليكم بعد مايكفي انك تبيهم يدخلونك مدرسه اهليه ويطلعلون لك سياره وفوق هذا تبيهم يزوجونك ..

خخخخخخخخخخ لا شبابنا فاقدين حنان :p وامل بعد

، لازم يتعرفون ويعوضون النقص اللي فيهم :p
ليش الاهل مايزوجون ولدهم ! بـ العكس المفروض الاهل يزوجون عيالهم ويختارون لهم احسن البنات

..

إقتباس


	4- هالقصه كلها من بنات افكاري يعني لاحد ينضرب بمخه ويصدق وتتشوه السمعه عقبها تروا اهم شي السمعه بعدين محد يزوجني ..