رددوا معي.. حـاضـريـن حـاضـريـن.. لـو تـنـقـلـوهـا لـبـرلـيـن - نادي الهلال السعودي - شبكة الزعيم

غريب القصيم · #1 07/11/2006, 12:27 AM

طبعاً مثل ما أنتم شايفين إسمي.. غريب القصيم..

يعني ساكن بالقصيم..

يوم الأربعاء إن شاء الله راح أروح لحايل (بعد حيي و ميتي).. على طريق القصيم حائل الجديد..

كلها ساعتين و أنت بحايل..

وراح أكون هناك العصر بإذن الله.. أشتري تذاكر المباراة وأرجع..

وأروح مرة ثانية يوم الخميس علشان أحضر المباراة وأشجع الزعيم وأناقز مع الجمهور وأصفق..

فـ اللي يبي يخاويني من أهل القصيم يرسل لي رسالة خاصة..

سيارتي كامري2000 ولا معي أحد..:sad:

ويستحسن أن اللي بيخاويني يجيب معاه رخصة السواقه حقته..

لأن رخصتي منتهية من سنتين.. ما جددتها بسبب المخالفات اللي ماقدرت أسددها.. 2900 ريال..

(لله يامحسنين

طبعاً لا يحلم يمسك الطاره إلا إذا قربنا على نقطة التفتيش..

وبعد ما نتعدا النقطة.. ينزل الله لا يهينه و يخليني أمتطي صهوة سيارتي..

واللي يبيني أجيب له تذاكر يوم الأربعاء أنا حاضر.. بس كل شي بحقه..

للمعلومية.. تراني أدخن..

.. و زقارتي ما تطفي..

فـ اللي ينزعج من الدخان لا يفكر يركب معي..

لا تقولون ما قلت لنا

..

ولحد يقول لي شغل الشريط الفلاني والفنان الفلاني..

أحب أشرطة القصيد أكثر من الأغاني.. وأحط الشريط اللي يعجبني.. وغصبن عليكم تسمعونه..

بس أحياناً تمسك معي غلط و أصير أنا الفنان والشاعر..

واللي ما يعجبه صوتي يحط قطن في إذنه..

وأحياناً ترى تمسك معي هدوء و تفكير.. في هذه الحالة يا ويل اللي يتكلم..

(جوالاتكم تقفلونها)..

وأحياناً تمسك معاي سوالف و فلسفة.. و إبن أمه اللي يقاطعني..

وبس..

وإذا تذكرت شي أبضيفه ضمن الردود..

فـ اللي رضى بالشروط وعجبه الجو لا يرده إلا كيبورده.. يرسل لي رساله خاصة..

أو يرسل على الإيميل: [email protected]

أذيوس = مع السلامه (بالإسباني)..

أبو زاحـم · #2 07/11/2006, 12:30 AM

مايقصرون أهل القصيم....

وشكرا لبادرتك أخوي,,

الفهد · #3 07/11/2006, 12:42 AM

ههههههههههههههههههههههههههههههههههههههههههههههههههههههههههههههههههه

تتشرط بعد ههههههههههههههه

التمياط 999 · #4 07/11/2006, 12:52 AM

ههههههههههههههههههههههههههههه حياك الله الغالي بحايل

اما الشروط فله ياشيخ لو انا بالقصيم كان خاويتك ياشيخ رايق انت

ههههههههههههههههههههه

الوعد بالملعب وربي لانرج الملعب رجه مو طبيعية

بس انا اكره اللعب بالعصر احس ماله داعي

غريب القصيم · #5 07/11/2006, 01:21 AM

إقتباس

الرسالة الأصلية كتبت بواسطة أبو زاحم الهلالي


	مايقصرون أهل القصيم.... وشكرا لبادرتك أخوي,,

عفواً لبادرتك..

_عنيزاوي_ · #6 07/11/2006, 03:52 AM

هههههههههههههههههههههههههههههههههههههههههههههههههههه

ممكن اضحك

قسم انك فلللللللللللللللللللللللللللله

بس للأسف بعض اللي قلت ماجازن ولاارتحت لهن

مثل الدخان == صدري مايتحمل

الرخصه == قاضيه حقتي يعني ماااصلح لك ومخالفتي اهون منك بشوي

الاغاني == مانب راعيهن بس الشعر يمكن نقبله خاصتن اذا صرت انت اللي مألفه

تراك ماقلت لنا من وين الانطلاق

على العموم الله يساعدك

وخذ نصيحة اخوك لاتسرررررررررررع تكفى

ترى مهب باكيك الا اهلك

صاحبة المجد الهلالي · #7 07/11/2006, 04:35 AM

هههههههههههههههههههههه

أول شي الله يهـديك ان شاءالله وتتـرك الدخان الله يعطيك حريمته

<< ماتطيق الدخان والمدخنين

ثاني شي أنتبه وأنا أختـك للطـريق

ثالث شي تـوصل بالسلامه ان شاءالله

الذئب الهلالي999 · #8 07/11/2006, 04:48 AM

شروط خارطة الطريق وتحرير فلسطين اهون ياشيخ.....

شكلك بتروح بلحالك وبتنصك مخالفه بعد...;)

يعطيك العافيه اخوي وان شاء الله الربع يخأونك
وتروح وتجي بالسلامه ..من ناحية المخالفات ماعندك احد
كلها نقطه وحده عند الدغمانيه اسمها كذا على ما اذكر
وكلهم نايمين ....

تهاني الهلاليه · #9 07/11/2006, 04:59 AM

هههههههههههه

كفووووو والله ايه هذا الزعيم ولا بلاااااااش

الله يقويكم

وترجون الملعب رج

وياهلااااااااااااااااااال ياهلال عزك عزنا ياهلاااااااااااااااااال

غريب القصيم · #10 07/11/2006, 01:55 PM

إقتباس

الرسالة الأصلية كتبت بواسطة فهود الزعيم


	ههههههههههههههههههههههههههههههههههههههههههههههههههههههههههههههههههه تتشرط بعد ههههههههههههههه

وش هالشخاميط اللي انت كاتبها؟

لا تضغط على حرف الهاء كثير الله يصلحك

..........................

باقي الردود بعدين.. مانيب فاضي الحين..

داخل النت من الجوال.. والكتابة صعبه.. والأزرار صغيرة.. ونظري ضعيف.. ومالي نفس احط النظارة..

تشاااااااااااااااااااااااااو..

غريب القصيم · #11 07/11/2006, 03:47 PM

إقتباس

الرسالة الأصلية كتبت بواسطة التمياط 999


	ههههههههههههههههههههههههههههه حياك الله الغالي بحايل اما الشروط فله ياشيخ لو انا بالقصيم كان خاويتك ياشيخ رايق انت ههههههههههههههههههههه الوعد بالملعب وربي لانرج الملعب رجه مو طبيعية بس انا اكره اللعب بالعصر احس ماله داعي

الله يحييك يالغلا..

يا ليتك بالقصيم.. كان خليتك تجلس جنبي بالسيارة..

وتصير مساعد سواق..

وأخليك الرئيس العام لرعاية الهدوء داخل السيارة..

غريب القصيم · #12 07/11/2006, 04:09 PM

إقتباس

الرسالة الأصلية كتبت بواسطة _عنيزاوي_


	هههههههههههههههههههههههههههههههههههههههههههههههههههه ممكن اضحك قسم انك فلللللللللللللللللللللللللللله بس للأسف بعض اللي قلت ماجازن ولاارتحت لهن مثل الدخان == صدري مايتحمل الرخصه == قاضيه حقتي يعني ماااصلح لك ومخالفتي اهون منك بشوي الاغاني == مانب راعيهن بس الشعر يمكن نقبله خاصتن اذا صرت انت اللي مألفه تراك ماقلت لنا من وين الانطلاق على العموم الله يساعدك وخذ نصيحة اخوك لاتسرررررررررررع تكفى ترى مهب باكيك الا اهلك

بكيفك.. محد غاصبك تروح..

ذكرتني.. الإنطلاق راح يكون من سوق الخضار بالجردة.. بريدة..

واللي يتأخر دقيقة بنقول له بيبااااااااااااي..

جاكم العلم..

تشاااااااااااااااو..

سامــــيو 9 حبيبي · #13 07/11/2006, 04:30 PM

يعطيك العافيه

غريب القصيم · #14 07/11/2006, 04:36 PM

إقتباس

الرسالة الأصلية كتبت بواسطة صاحبة المجد الهلالي


	هههههههههههههههههههههه أول شي الله يهـديك ان شاءالله وتتـرك الدخان الله يعطيك حريمته << ماتطيق الدخان والمدخنين ثاني شي أنتبه وأنا أختـك للطـريق ثالث شي تـوصل بالسلامه ان شاءالله

وش فيه الدخان..؟

ترى ما أرضى أحد يتكلم عليه..

و لا تخافين علي بالسواقة.. مايكل شوماخر ما يتحداني..

على طاري السواقة.. لا تحلمون بالسواقة يا بنات..

خليكم في المطبخ أحسن..

شارابوفا هلالية · #15 07/11/2006, 04:45 PM

يعطيك العافية

وبالتوفيق للزعيم ان شاءالله