زور وارشي على كيفك # راضي بحكم البلوي راضي (( بربسه للاسبوع السابع ))
 

:http://vb.alhilal.com/news/Untitled-13.gif

يالله حي كلن باسمه



يالله حي الزعماء والزعيمات ( الأخيره لعيون ابو عمار :d )

صباحكم زعامه وتصدر وبطولات بإذن الله







صراحة ودي اسولف شوي عن مباراتنا مع الأتشاد

<========( عنصري ):d

مباراة سوينا فيها كل شي تسحيب مهارات كباريات هدفين عوارض وكل شي في علم المجنونه

وهم

تكسير انبراشات خشونه اخلاق وصخه هدف ما ادري وشلون جا الله يعينا على دفاعنا الين تجيهم شوي خبره

على العموم ما علينا منهم
اهم شي فزنا وخذنا الصدارة

وخلهم يفحطون ورا الزعيم




لجنة معاقبة الهلال

اقول الا الله يذكر ايام فيصل بالخير

اجل لجنه بدون تحقيق بدون دراسه بدون اية شي يصدرون قرار على طول
بس قروا مطالبة في جريدة الرياضي قالوا مانردها بخاطرهم والعقوبة على الهلال يعني ابركها والله من ساعه

ماسمعوا وش قالو جماهير الاتشاد (( برضوا انا عنصري )) ماسمعوا قبلها وش قالو جماهير النصر

قسم بالله قلة حيا

يعني كل العقوبات تبدا بالتدرج
مافيه عقوبه تجيك كذا خبط لزق
بس تكلمتوا ببنقل مباراتكم وينا فيه الدعوى تراها ميب استهبال هذي فيها حقوق اعلان ودراهم وفلوس (( وش الفرق بين الدراهم والفلوس:d )

المفروض

واسمعي يا لجنة الاستعباط

فالبدايه تجيبين شريط المبارة وتشوفينه كامل
ثانيا تضعين الزيت على النار (( موب كنه قلب على الشيف رمزي :d ))

لا صدق ثانياً تناظرين وش الاخطاء اللي في المباراة

بعدين تعطين كل ذي حق حقه

وبعدين في ما يخص عقوبة الهلال

في البدايه لفت نظر او انذار شديد اللهجه

بعدين اللعب بدون جمهور على ارضك

بعدين واذا ما استادبوا ينقلون المباراة لارض محايده

لاكن تجي تعستعبط علينا لا يا حبيبي ترانا فاهمين الكفت انت وخشتك



نجي لمباراتنا مع الفيصلي

والله موب عاقلين ذا السديراويه
والله ياهم صاكين دفاع صراحه ماقد شفت احد يدافع بذي الطريقه الا الخليج ومدربهم الكمخه (( المرزوقي :d ))

بس خل عنك يا اثبت مدربنا انه يحب الاستهبال واجد وانه ذروق* اجل تطلع الشلهوب والتمياط وتخلي لعبك كله دفاع وهجوم

وقدام الوحده تطلع الجمعان وتخلي اللعب كله دفاع ووسط

بس اللي يشوفك قدام الاتحاد يقول وش ذا الفلته

والله ما فهمنا لك

بس اطلق شي في ذا لمباراة اربعة اشياء
1/ هدف ياسر
والله ياهي شوته من قلب والله ياهو هدف قاااااااتل والله يالحارس تعلق بعد

2/ الجماهير اللي طبت والله ياني ضحكت الين اذنت بس ماش مشجع الهلال موب يدل الملعب زي حق الفيصلي
والله ياهو حافظ الملعب بعد نصا* الجدار ونقز وسحب على العسكري( يالبى يازينب :d )) شكله كل عصريه يجي هو واخوياه يفرقون اذا قضوا نقزوا مع ذا الجدار
3/التصريح الناري والقاتل والكويس والرهيب لمحمد بن فيصل
والله ياهو تكلم من قلب والله ياهو طلع حتسي* واجد بس احلى شي يوم يقول ناس اعمارهم تعدت الاربعين وتفكيرهم تفكير ابو عشر سنين

بس قناة الضفدع كامل قطعت التصريح لا وش العذر يقولون انتهى وقت البث حقنا والملعب طفوا انواره يقولون بنرقد*:d

على العموم بالطقاق الكلام كله ذا مايخش امخاخنا لو يقولون اللي يقولون




على الطاير

* كم مره قلت لكم ان الهليل مشروع لاعب فاشل

لا وطالع في الجرايد يقول ما ادري وش سبب غضب الجماهير علي

ياخي تستهبل انت وراسك يخوك لاعب ما يعرف يسوي كنترول صحيح على الكوره (( تراي اتفلسف ولا لو اني قايل ما يعرف يثب الكوره كان فهمتوا :d ))
الله يفكنا منك ومن اشكالك لا سرعه ولا مهاره ولا كنترول:d

*ياحليلك يا هاني تشيك (( على وزن بيتر تشيك )) الحارس هاني العويض طالع اليوم في الجرايد يقول قائمة المنتخب خذلتني واني متوقع انهم بيضموني

معد بقى الا انت على كذا بكره بنلقى شريفي اساسي مع المنتخب والخوجلي احتياط (( ياهو ضعيف ذا الخوجلي دايم احتياط الا مباراة الهلال يلعب اساسي نسجل فيه كم هدف ويطلع باصابه :d ))

** اللي يبي يقرا مقال جاااااامد وفي الصميم يقرا مقال صالح الحمادي في الشرق الاوسط اليوم

والله ياهو قال كلام من ذهب وكلام موجه لسلطان بن فهد صاحب الخطط المدروسه زبد فيه ولمح عن البلوي الين قصر



على العموم خلص موضوع ذا الاسبوع



وودي اكتب واكتب واكتب ولا نيب زهقان ابد (( هذا الكلام للقمر الهلاليه عشان ماتقول قاعد يتغلى :rolleyes: )):d


نجي للفقره الجديده

صراحه فيه ناس يقولون لا تحتسي عامي واجد فيه مفردات محد يفهمها عشان كذا اللي احس انه صعبه بسوي لها معاني الكلمات



ذروق : خواف جبان

نصا : يعني اتجه اي ذهب رأساً

حتسي : كلام أو هرج

بنرقد : ننام



يالله فتكوا بعافيه

والله أنك صادق ... الهليل !!! ياخي أحس أنه شـــايب !!!

خل عنــك الهليل معاه واسطه قــوية ! ولا فيه لاعب مثلة يلعب مباراتين ورا بعض أساسي ..

رررررررررررررررررررررررررروعة والله واواواواواواوا رهيب

بربس يامبربس
وتسلم يمينك والهليل تعبنا وحنا نقول احتياط في الزعيم يخب عليه لكن لاحياة لمن تنادي

يعطيك العافيه كفيت ووفيت

الهليل لو ينطرد من مباره


توقع من يحط الداهيه بيسيروا مكانه

ذروق : خواف جبان

نصا : يعني اتجه اي ذهب رأساً

حتسي : كلام أو هرج

بنرقد : ننام

^^^^^
ههههههههههههههههههههه

مبربس !!!!!!!

اتوقع لو يصاب الهليل قبل المباراة كان المدرب حط اسمه بدون مايلعب يعني يلعب بعشرة

لاهنت يالغالي :d

بربس يابخت الحروف الي تبربسها

تسلم اناملك الذهبيه


ولكم خالص تحياتي
اخوكم
ALRSSAM 472

تشكرات لكل اللي ردوا

اخوي الزعامه للزعيم

اقول تعرف رقم الهليل صار لي فتره افحط ابي اغير تخصصي في الجامعه بس ماهنا واسطه كوده ينفعنا :d

محب 2006

مدري وش انت كاتب بس شكرا:d

الذيب الهلالي تسعات

يقولون كثر الدق يفك اللحام
وان شاء الله قريب بتتغير قناعات مدربنا


هلالي يا عالم

ماظنيت انه بينصاب مع وين تجيه الاصابه وهو مايلمس الكوره الا ثلاث مرات في المباراة:d



متيم الحرمان

الله يبربسك بالعافيه:d

هلا والله maanmaan

متى مبربس مادريت فاتتني والله << المشكله معسكره بالمنتدى 24 ساعه

بس تخبر هاليومين المواضيع بالكووووم ماشاء الله

إقتباس:

وودي اكتب واكتب واكتب ولا نيب زهقان ابد (( هذا الكلام للقمر الهلاليه عشان ماتقول قاعد يتغلى :rolleyes: )):d

http://www.alqnas9.com/robben/smile/01.gif http://www.alqnas9.com/robben/smile/01.gif
يامال العافيه والله ,, بطييييير من الفرحه ,, ياحبيلي طلعت شي وانا مادريت << صدقت

خخخخخخخخخخخخ لا مو لازم يكفي انا فهمت << برااا :p

إقتباس:

* كم مره قلت لكم ان الهليل مشروع لاعب فاشل

كل بربسه تقول ,, الله يستر أحس انك إذا شفته بترتكب جريمه خخخخخخخخخخخ :d

يعطيك العافيه ودايم أقول كل بربسه أحلى من اللي قبل ..http://forum.buraydh.com/images/smilies/11_4_101[1].gif



يالله فوووووتك بعافيه << ترا ماتقلد http://forum.buraydh.com/images/smilies/4_1_7v[1].gif