#1  
قديم 06/11/2006, 09:37 AM
زعيــم فعــال
تاريخ التسجيل: 21/09/2005
المكان: الرياض
مشاركات: 324
Cool زور وارشي على كيفك # راضي بحكم البلوي راضي (( بربسه للاسبوع السابع ))

:

يالله حي كلن باسمه



يالله حي الزعماء والزعيمات ( الأخيره لعيون ابو عمار )

صباحكم زعامه وتصدر وبطولات بإذن الله








صراحة ودي اسولف شوي عن مباراتنا مع الأتشاد

<========( عنصري )

مباراة سوينا فيها كل شي تسحيب مهارات كباريات هدفين عوارض وكل شي في علم المجنونه

وهم

تكسير انبراشات خشونه اخلاق وصخه هدف ما ادري وشلون جا الله يعينا على دفاعنا الين تجيهم شوي خبره

على العموم ما علينا منهم
اهم شي فزنا وخذنا الصدارة

وخلهم يفحطون ورا الزعيم





لجنة معاقبة الهلال

اقول الا الله يذكر ايام فيصل بالخير

اجل لجنه بدون تحقيق بدون دراسه بدون اية شي يصدرون قرار على طول
بس قروا مطالبة في جريدة الرياضي قالوا مانردها بخاطرهم والعقوبة على الهلال يعني ابركها والله من ساعه

ماسمعوا وش قالو جماهير الاتشاد (( برضوا انا عنصري )) ماسمعوا قبلها وش قالو جماهير النصر

قسم بالله قلة حيا

يعني كل العقوبات تبدا بالتدرج
مافيه عقوبه تجيك كذا خبط لزق
بس تكلمتوا ببنقل مباراتكم وينا فيه الدعوى تراها ميب استهبال هذي فيها حقوق اعلان ودراهم وفلوس (( وش الفرق بين الدراهم والفلوس )

المفروض

واسمعي يا لجنة الاستعباط

فالبدايه تجيبين شريط المبارة وتشوفينه كامل
ثانيا تضعين الزيت على النار (( موب كنه قلب على الشيف رمزي ))

لا صدق ثانياً تناظرين وش الاخطاء اللي في المباراة

بعدين تعطين كل ذي حق حقه

وبعدين في ما يخص عقوبة الهلال

في البدايه لفت نظر او انذار شديد اللهجه

بعدين اللعب بدون جمهور على ارضك

بعدين واذا ما استادبوا ينقلون المباراة لارض محايده

لاكن تجي تعستعبط علينا لا يا حبيبي ترانا فاهمين الكفت انت وخشتك




نجي لمباراتنا مع الفيصلي

والله موب عاقلين ذا السديراويه
والله ياهم صاكين دفاع صراحه ماقد شفت احد يدافع بذي الطريقه الا الخليج ومدربهم الكمخه (( المرزوقي ))

بس خل عنك يا اثبت مدربنا انه يحب الاستهبال واجد وانه ذروق* اجل تطلع الشلهوب والتمياط وتخلي لعبك كله دفاع وهجوم

وقدام الوحده تطلع الجمعان وتخلي اللعب كله دفاع ووسط

بس اللي يشوفك قدام الاتحاد يقول وش ذا الفلته

والله ما فهمنا لك

بس اطلق شي في ذا لمباراة اربعة اشياء
1/ هدف ياسر
والله ياهي شوته من قلب والله ياهو هدف قاااااااتل والله يالحارس تعلق بعد

2/ الجماهير اللي طبت والله ياني ضحكت الين اذنت بس ماش مشجع الهلال موب يدل الملعب زي حق الفيصلي
والله ياهو حافظ الملعب بعد نصا* الجدار ونقز وسحب على العسكري( يالبى يازينب )) شكله كل عصريه يجي هو واخوياه يفرقون اذا قضوا نقزوا مع ذا الجدار
3/التصريح الناري والقاتل والكويس والرهيب لمحمد بن فيصل
والله ياهو تكلم من قلب والله ياهو طلع حتسي* واجد بس احلى شي يوم يقول ناس اعمارهم تعدت الاربعين وتفكيرهم تفكير ابو عشر سنين

بس قناة الضفدع كامل قطعت التصريح لا وش العذر يقولون انتهى وقت البث حقنا والملعب طفوا انواره يقولون بنرقد*

على العموم بالطقاق الكلام كله ذا مايخش امخاخنا لو يقولون اللي يقولون





على الطاير

* كم مره قلت لكم ان الهليل مشروع لاعب فاشل

لا وطالع في الجرايد يقول ما ادري وش سبب غضب الجماهير علي

ياخي تستهبل انت وراسك يخوك لاعب ما يعرف يسوي كنترول صحيح على الكوره (( تراي اتفلسف ولا لو اني قايل ما يعرف يثب الكوره كان فهمتوا ))
الله يفكنا منك ومن اشكالك لا سرعه ولا مهاره ولا كنترول

*ياحليلك يا هاني تشيك (( على وزن بيتر تشيك )) الحارس هاني العويض طالع اليوم في الجرايد يقول قائمة المنتخب خذلتني واني متوقع انهم بيضموني

معد بقى الا انت على كذا بكره بنلقى شريفي اساسي مع المنتخب والخوجلي احتياط (( ياهو ضعيف ذا الخوجلي دايم احتياط الا مباراة الهلال يلعب اساسي نسجل فيه كم هدف ويطلع باصابه ))

** اللي يبي يقرا مقال جاااااامد وفي الصميم يقرا مقال صالح الحمادي في الشرق الاوسط اليوم

والله ياهو قال كلام من ذهب وكلام موجه لسلطان بن فهد صاحب الخطط المدروسه زبد فيه ولمح عن البلوي الين قصر




على العموم خلص موضوع ذا الاسبوع



وودي اكتب واكتب واكتب ولا نيب زهقان ابد (( هذا الكلام للقمر الهلاليه عشان ماتقول قاعد يتغلى ))


نجي للفقره الجديده

صراحه فيه ناس يقولون لا تحتسي عامي واجد فيه مفردات محد يفهمها عشان كذا اللي احس انه صعبه بسوي لها معاني الكلمات



ذروق : خواف جبان

نصا : يعني اتجه اي ذهب رأساً

حتسي : كلام أو هرج

بنرقد : ننام




يالله فتكوا بعافيه
اضافة رد مع اقتباس
  #2  
قديم 06/11/2006, 09:46 AM
زعيــم متألــق
تاريخ التسجيل: 12/02/2006
مشاركات: 1,401
إقتباس
الرسالة الأصلية كتبت بواسطة maanmaan
:




على الطاير

* كم مره قلت لكم ان الهليل مشروع لاعب فاشل

لا وطالع في الجرايد يقول ما ادري وش سبب غضب الجماهير علي

ياخي تستهبل انت وراسك يخوك لاعب ما يعرف يسوي كنترول صحيح على الكوره

والله أنك صادق ... الهليل !!! ياخي أحس أنه شـــايب !!!

خل عنــك الهليل معاه واسطه قــوية ! ولا فيه لاعب مثلة يلعب مباراتين ورا بعض أساسي ..
اضافة رد مع اقتباس
  #3  
قديم 06/11/2006, 09:46 AM
زعيــم متواصــل
تاريخ التسجيل: 16/05/2005
مشاركات: 155
رررررررررررررررررررررررررروعة والله واواواواواواوا رهيب
اضافة رد مع اقتباس
  #4  
قديم 06/11/2006, 09:56 AM
زعيــم مميــز
تاريخ التسجيل: 28/01/2006
المكان: الريـ ــ ـاض
مشاركات: 4,235
بربس يامبربس
وتسلم يمينك والهليل تعبنا وحنا نقول احتياط في الزعيم يخب عليه لكن لاحياة لمن تنادي
اضافة رد مع اقتباس
  #5  
قديم 06/11/2006, 10:14 AM
الصورة الرمزية الخاصة بـ هلالي ياعالم
زعيــم نشيــط
تاريخ التسجيل: 26/09/2004
مشاركات: 954
يعطيك العافيه كفيت ووفيت

الهليل لو ينطرد من مباره


توقع من يحط الداهيه بيسيروا مكانه
اضافة رد مع اقتباس
  #6  
قديم 06/11/2006, 11:20 AM
زعيــم مميــز
تاريخ التسجيل: 26/03/2006
مشاركات: 2,697
ذروق : خواف جبان

نصا : يعني اتجه اي ذهب رأساً

حتسي : كلام أو هرج

بنرقد : ننام


^^^^^
ههههههههههههههههههههه

مبربس !!!!!!!
اضافة رد مع اقتباس
  #7  
قديم 06/11/2006, 11:35 AM
زعيــم متواصــل
تاريخ التسجيل: 30/09/2006
مشاركات: 113
اتوقع لو يصاب الهليل قبل المباراة كان المدرب حط اسمه بدون مايلعب يعني يلعب بعشرة
اضافة رد مع اقتباس
  #8  
قديم 06/11/2006, 11:55 AM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
اففففففففففف والله فاتتني بربستك بس اشوى لحقت عليها في ( الرمق الاخير )

ماني بعاقل اتفلسف وابربس مثلك يامبربس ياصديقي عز الله اليوم بربستك غير

على وزن ( جدة غير )
اضافة رد مع اقتباس
  #9  
قديم 06/11/2006, 12:09 PM
زعيــم مميــز
تاريخ التسجيل: 24/07/2005
مشاركات: 14,960
لاهنت يالغالي
اضافة رد مع اقتباس
  #10  
قديم 06/11/2006, 12:24 PM
الصورة الرمزية الخاصة بـ alrssam 472
زعيــم نشيــط
تاريخ التسجيل: 16/07/2006
المكان: بــريـــدة
مشاركات: 756
بربس يابخت الحروف الي تبربسها

تسلم اناملك الذهبيه


ولكم خالص تحياتي
اخوكم
ALRSSAM 472
اضافة رد مع اقتباس
  #11  
قديم 06/11/2006, 12:43 PM
زعيــم مميــز
تاريخ التسجيل: 10/10/2005
المكان: الـقـصـب الـمـتـقـدمـة
مشاركات: 4,409
ههههههههههه ..

يعـطـيـك الـعـافـيـة على الإطـراء < الله من زين اللي قاله فيك .

أبـو حمـد يـخـوي غيـر يـوزرك غبي ..!!

من قـدك يالـهـيـس أجـل بالعامي يقول .
اضافة رد مع اقتباس
  #12  
قديم 07/11/2006, 07:45 AM
زعيــم فعــال
تاريخ التسجيل: 21/09/2005
المكان: الرياض
مشاركات: 324
Cool

تشكرات لكل اللي ردوا

اخوي الزعامه للزعيم

اقول تعرف رقم الهليل صار لي فتره افحط ابي اغير تخصصي في الجامعه بس ماهنا واسطه كوده ينفعنا

محب 2006

مدري وش انت كاتب بس شكرا

الذيب الهلالي تسعات

يقولون كثر الدق يفك اللحام
وان شاء الله قريب بتتغير قناعات مدربنا


هلالي يا عالم

ماظنيت انه بينصاب مع وين تجيه الاصابه وهو مايلمس الكوره الا ثلاث مرات في المباراة



متيم الحرمان

الله يبربسك بالعافيه
اضافة رد مع اقتباس
  #13  
قديم 07/11/2006, 08:10 AM
الصورة الرمزية الخاصة بـ ♫ ROMAntico
زعيــم مميــز
تاريخ التسجيل: 24/07/2006
المكان: a l z a e e m
مشاركات: 2,833
هلا والله maanmaan

متى مبربس مادريت فاتتني والله << المشكله معسكره بالمنتدى 24 ساعه

بس تخبر هاليومين المواضيع بالكووووم ماشاء الله

إقتباس
وودي اكتب واكتب واكتب ولا نيب زهقان ابد (( هذا الكلام للقمر الهلاليه عشان ماتقول قاعد يتغلى ))




يامال العافيه والله ,, بطييييير من الفرحه ,, ياحبيلي طلعت شي وانا مادريت << صدقت

إقتباس
صراحه فيه ناس يقولون لا تحتسي عامي واجد فيه مفردات محد يفهمها عشان كذا اللي احس انه صعبه بسوي لها معاني الكلمات

خخخخخخخخخخخخ لا مو لازم يكفي انا فهمت << برااا :p

إقتباس
* كم مره قلت لكم ان الهليل مشروع لاعب فاشل



كل بربسه تقول ,, الله يستر أحس انك إذا شفته بترتكب جريمه خخخخخخخخخخخ

يعطيك العافيه ودايم أقول كل بربسه أحلى من اللي قبل ..



يالله فوووووتك بعافيه << ترا ماتقلد

اخر تعديل كان بواسطة » ♫ ROMAntico في يوم » 07/11/2006 عند الساعة » 08:43 AM
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:39 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube