الكالتشيو هذا الموسم : لا مـنـافـس لــرومــا .. !!
بسم الله الرحمن الرحيم
السلام عليكم و رحمة الله و بركاته
كل عام و انتم بخير يا رب
عيدكم مبارك و عساكم من العايدين و الفايزين
و كل عام و اليوفي بالسيريا B ..
خخ أمزح !
ندرعم بالموضوع الإنتر مستواه متذبذب و ما هو ثابت ;)
اليوفي ماهو موجود الله يذكره بالخير ميلان تو الناس عليهم إلى هلحين نايمين باليرمو مسوين ينافسون لكن ما عندهم إلا الخراط :p
R O M A أبد ما أظن في غير روما يقدر ينافس على الكالتشيو و بجدارة بعد
< مشكلة إذا صرح السيد سلفاتوري سكلاتشي !! إلى حد الآن البداية جيده بل رائعه .. و التعادل الأخير 1_1 ظلم
و الهدف اللي على روما تسلل يعني حكم الراية بأم عينه ضيع ثلاث نقاط
و كان المفروض روما مع الإنتر و باليرمو في الصدارة
لكن كلها كم يوم و يخسر الإنتر إن شاء الله
أنا أقول بإذن الله البطولة هالسنة روماوية
يجيك واحد يقول انتوا كل سنة تقولون كذا
و فريقكم ما عنده نسم إلى نهاية الدوري
اقول حنا بنلعب كوره ما بنغوص ياخي و بعدين عطني فريق عنده نسم أكثر من 30 مباراة
هذا غير مباريات الكاس و دوري الأبطال
يعني لازم المستوى مره يرتفع و مره ينهبط
<< أما هي ينهبط طيب ؟
فـعشان كذا أقولك .. صحيح إن روما يزودها شوي و يجلس
كم جولة ما يدري وش السالفه .. لكن بعدين يعوض
تجيه حاله و يمغط لك 11 جولة كل جولة بنقاطها
و بكل تأكيد بعد ما نزل اليوفي السيريا B
صار الوضع أسهل .. على الأقـل لمن يسألني أحد
كم بطولة عندكم أقول 4 .. لكن 3
صعبه شوي
إلا فشيلة بقوة بعد ..
لكن على الأقـل 3 بطولات نظيفة خالية من الشوائب
ما أدري إذا في منافسين حقيقيين لروما .. لكن هالموسم ما أعتقد إن شاء الله
ادري كلامي خرطي بدون منطق و ما منطق
لكن إحساسي يقول إن كلامي شبه صح .. خلونا نقول صح
و اللي يحس إن في منافس لروما يذكره هنا مع الاسباب
في أمان الله
الازوري الهلالي