سلامي للجميع.. اعجبتني هذي الادعيه من موقع و حبيت اشاركم فيها يمكن اساتذتكم يدعونها

دعا مدرس اللغة العربية ……
الهم اجعلني ( فاعلاَ) للخير و ( مرفوع) الرأس… بعيداَ عن ( النصب) و ( مضافاَ) إلى عبادك الصالحين و ( مجروراَ ) لتقواك و ( تابعاَ) لصراطك المستقيم و ( مبتدئا ) بالسلام.. …

دعا مدرس الكيمياء :
الهم اجعلني( عنصرا ) فعالاَ في المجتمع … و اجعل ( تفاعلي) مع الحياة حسناَ….. و هب لي من لدنك ( عاملاَ مساعداَ )على فعل الخير ………

دعا مدرس الرياضيات :
اللهم اجعلني ( مستقيماَ) على صراطك…. و لا تجعلني ( منحرفاَ) عن الخير و اجعلني ( جامعاَ )للحسنات….. و ( طارحاَ) للسيئات و (متحداَ) مع عبادك الصالحين……

مافيه ادعيه لتخصصات ثانيه غير هالثلاث تخصصات
والا يالنجيدي وش رايك

موضوع يوسع الصدر بس مايموت من الضحك هع هع هع

وش رايك ياسلمان في هالدعاء ,,,,,,

اللهم إجعل موازيني كالجبال ولا تجعلها( كالريشه ) ,,,,,اللهم لا ( تسود ) قلبي وإعطني من ( خضرة ) الدنيا ,,,ونقني من الذنوب والخطايا كما ينقى الثوب ( الأبيض ) من الدنس ,,,,

يصلح لك ياسلمان ؟؟؟ إسأل النجيدي ;) ;)

لا ياسلمان يكفي المدرسين اللي قالهم .... ولا باقي التخصصات مالها سنع ,,,

وش الفايده بالله عليك من مدرس التربيه الفنيه ولا البدنيه ووش وظيفته بالحياه ؟؟ ,,,


الهم اجعلني( عنصرا ) فعالاَ في المجتمع … و اجعل ( تفاعلي) مع الحياة حسناَ….. و هب لي من لدنك ( عاملاَ مساعداَ أو حفّاز )على فعل الخير ;) ,,,

شوف ياهيمو ( ابليس ) ...
من ناحيه مالهم فايده فهذي ماادري انت وش خبرتك في الحياة عشان تقول هالكلام ...

وبعدين الله يحييك تدري انه لو واحد تخرج فيزياء مثلا وبامتياز وجاء واحد متخرج قبله بسنه تربيه رياضيه والا فنيه ممكن يتعين راعي الفنيه وذاك لا او يتعين علي البند والاخ رسمي وممكن علي الرابع او الخامس وخويك اللي له فايده قاعد يدربي راسه ....

اقول ياهيمو انت وش لك وللتعليم خل التعليم لاهله واللي يعرفون له انت علم نفسك ثمن تعال نظر وقل رايك في التخصصات ..
والشرهه مهيب عليك علي اللي يشاورك ...
وماردى منك الا راعى الدعاء ابوذكرى باشا

اقول وخر بس وخر لااجي اعلمك وش فايدة كل تخصص علي حده

شفت يابو ذكرى إنه ماينعطى وجه ! ,,,

عساي ما أتعين طول عمري ولا أصير مدرس تربيه بنوعيها ,,,

<==== مستخسر يذكر كل تخصص على حده من ترفعه عن هذي التخصصات " الداجه " واللي مالها سنع ,,,

لكن يابو ذكرى ( خضرة الدنيا ) هذي حلوه ... انت الظاهر ماشفت وجهه زين هذاك اليوم وإلا ماقلت الكلام هذا .... ربي أعطاه من " حكاكة " الدنيا في كل شيء .... الله يعافيه ولا يبلانا ,,,

معليش أخوي يا عذابي قلبنا موضوعك تشات ... لكن وش نسوي باللي مهوب فاهم حقيقة وضعه الإجتماعي ,,,

تحياتي لك ,,,

الا ابراهيم صادق ياسلمان وش فايدة مدرس رياضه ولافنيه ...

الاول يعطيهم الكوره ويقولهم طامروا وراها والثاني يقولهم ارسمولي شجره فيها عشة حمام وداخل العشه ضب

انا هذا اللي اخبره من ايام الابتدائيه كان تغيروا التالين مدري

اجل مدرس يقطع يدين بزر في ثالثه ابتدائي عشان كراسه

اللهم استجيب دعائنا جميعا
والله مرة حلوة

ههه الله يقبل ان شاء الله من الجميع ويا سلمان انت وابراهيم خلووكم عاقيلين ولا تراي ابسطع كل واحد منكم واعطيه فلكه

مشكورين يا شباب على (( تفاعلكم )) مع الموضوع ههههه

اخوي ابراهيم الموضوع طلع تشات من جد

امشكور على هالأدعيه


والله يتقبل من الجميع

السلام عليكم ,
والله ادعية حلوة و اكثر شيء اعجبني :
دعا مدرس اللغة العربية ……
اللهم اجعلني ( فاعلاَ) للخير و ( مرفوع) الرأس… بعيداَ عن ( النصب) و ( مضافاَ) إلى عبادك الصالحين و ( مجروراَ ) لتقواك و ( تابعاَ) لصراطك المستقيم و ( مبتدئا ) بالسلام.. …

وهذا من عندي :
اللهم اجعل الحياء( صفه ) من صفاتي , وارزقني الطاعة لك بكل ( أمر ).. وان اكون( ماضي ) في عمل الخير ..

و .. للإملاء:
اللهم احفظني من ( همزات ) الشيطان , و اكتب لي ( الوصل ) بالجنة و ( القطع ) عن النار.. و اسالك ( فتح ) باب رزقي , و ( الضم ) بالجنة مع النبيين والشهداء , واسالك نصر المسلمين الضعفاء و ( كسر ) شوكة الأعداء ,,

تحياتي ..

جيده ها الادعيه بس الطلاب وش يقولون الله يعينهم مساكين

من امنيات حياتي مدرس خط او رياضه او فنيه

راتب جيد+ عطله جيده كل سنه +لا شغل ولا مشغله

وش رايكم وش اصلح مدرسه تراني فتيت كوره كنت في اشبال الهلال

اقول ياسلمان رحنا وطي
مااحد جاب لنا طاري
بس العلوم والفيزيا والقواعد!!
وباقي التخصصات الله يخلف
دبرلي دعوه على تخصصي
بس لاتتاخر ولا استفزع ببو ذكرى