صديق وين مفتاح - نادي الهلال السعودي - شبكة الزعيم

نـــــــ15ــــــمر · #1 20/10/2006, 08:18 AM

السلام عليكم ورحمه الله وبركاته

صباح الخير ....مساء الخير...

اخبار احلى الاعضاء الشباب منهم والشابات والشياب والعجز الاخيار

احب اهنيكم بالعيد كلكم واحد واحد وودي اصافحكم وابوسكم بعد بس الشباب والصبايا من بعيد سلام بس

اليوم جايكم واكتب معاناة جديدة مع سيارتي الحبيبة

قد سبق وصارت لي حادثه مع السيارة ومن قهري كتبتها لكم يا اعضاء شبكه الزعيم علشان اريح قلبي

وهذا الرابط

آآآآآآآآه يا الرياض *قصه معانه في بدايه الاجازه

وصارت لي حادثه ثانيه قبل العيد ......والناس في هالوقت تقضي لوازم العيد وانا والحمد لله على كل حال
وللاسف ضاع مفتاح سيارتي.........

يحكى لكم انه انا طالع من بيتنا وطفشااااااااااان ومتجه اقابل خويي مهند ونتواعد في شارع العروبه عند محل شمغ هناك المهم نزلنا وشفنا الشمغ وطلعنا وبغينا نتمشيى شوي ونشتري ما تبقى من لوازم العيد وجا مهند قال لي مشينا بسيارتي (الضمير عائد لمهند) واركب معه ومشينا لالدو نشوف جزم الله يكرمكم وطلعنا من هناك ورحنا لسرايا التركي وتعشينا وهقتها(الفتوش حقهم بطل ) وطلعنا وين يا مهند وين نروح قال مشينا لبدر في الاستراحه يحترينا وهو الحين الحاله قانا يالله ومشينا لبدر ويوم وصلنا الاستراحه القابعه بعد الدوار الثالث (الله يحيكم العيد عندنا وفيه قسم عوايل ) ايه وصلنا وانزل انا من السيارة واشوف المحفظة والجوال موجود لكن مفتاح السياره

وينه؟؟.؟.؟.؟.؟.؟.؟.؟.؟.؟.؟.؟.

وين المفتاح ؟.؟.؟.؟.؟.؟.؟.؟.؟

ادور يمين يسار فوق تحت نفضت ابو السياره
بس المفتاح وينه؟؟؟.؟.؟.؟.؟.؟.؟
دقينا على بدر بدر اطلع من الاستراحه
وندور المفتاح المفتاح وينه؟.؟.؟.؟.؟.؟.؟.؟
ما لقينا شيء ونبدا ندق على اخويانا الي في الرياض زياد واحمد وخالد وكل واحد ارسلناه لأحد المحلات الي نزلنا فيها بعد نص ساعه جانا الخبر ان المفتاح ما لقوه ...

بيجي واحد عبقري فيكم وبيقول .....وين السبير (النسخه)
الاسبير الله يحيكم ناسيه في الشرقيه وما ادري وين مكانه بالظبط...

وشوي اقول لزياد رح للسياره وعطني رقم التوتل كير (اتوقع اسمها خدمه الطريق هذي خدمه من الوكاله مسويناها والشركه هذي اذا صار لك أي مشكله يحاولون يساعدون علما انك اذا اتصلت يبدا شغل التصريف

)
واتصل ويقولون اعطينا رقم الشاصي واعطيهم بس انا وقتها خفت يخربون لي البرمجه ويفتحون السياره
وبعدها ما تتقفل .....عاد قلته اتصل عليكم بعدين

وطبعا ما هدالي بال وطلعت انا وبدر للمحلات الي مرينا عليها قبل لا نطلع للاستراحه وكل واحد يقول ما لقيت شيء الين وصلنا مجمع الي فيه ألدو الي قدام المملكه ونبدا نوزع ارقامي على المحلات علشان اذا جاء احد وعطاهم المفتاح يتصلون علي مامل انا ملاحظين....
المهم بدون نتيجه قبل لاامشي مع بدر لقت واهد باكستاني نفر هازا اسم نياز هذا يبيع مكسارت قدام المحل وسالناه يقول طال عمره ان الهندي حق البلديه الي لابس اصفر لقاه معه حتى انه وصفلي شكل المفتاح
وجاك الفرج يا عبد الصمد مسكنا الخيط والحمد لله

نياز ..هذا نفر هندي متي ايجي....يجاوب ويقول بكرى يجي ممكن 11 او 12 الليل واخذ رقمه واخذ رقمي
وقلته لك هديه ومشيت للبيت
والهم وضيقه الصدر تتملكني
طبعا انا من يوم ما ضاع المفتاح قاعد اردد دعاء وهو

اللهم يا جامع العباد في يوم لاريب فيه اجمع بيني وبين ضالتي

رجعت للبيت واهلي حاطين السحور وتسحر معهم امي متعب وين السياره؟.؟.؟.؟.؟.؟.؟.؟؟؟.؟؟.

قلت لهم اني نسيت المفتاح مع في سياره خويي وهو الحين مقفل جواله نصبت عليهم الين ما كملون السحور...
ابوي يوم شافني يقول متعب وش فيك ... قعد اضحك وقلت ما فيني شيء .....(وقتها امي قالت سبحان الله الاهل يحسون ) وكل شوي تنغزني متعب السياره فيها شيء..؟.؟.؟
وبعد ما كملو سحورهم قلت لهم ان المفتاح طاح مني وكيت .... وكيت.... وكيت ..
طبعا قاموا يهاوشون شوي ....

نمت ذالك اليوم

وما نمت قاعد اهوجس

يوم جت 10 الصبح وانا احط التوقيت وانا ظر الجوال واطفيه

جاني احباط كنت ناوي اطلع الوكاله ابي اشوف عندهم مفتاح ولا لاء وبعدها بخمس دقايق تجيني الوالده متعب قم واقوم واتصل على الوكاله ابي ويحولوني من واحد الى واحد وافادوني ان الوكاله ما عندهم مفاتيح ولازم طلبيه والطلبيه تاخذ شهر ونص وفيمه المفتاح بحدود 2000 ريال ويمكن اكثر (المعلومات عن المفتاح من الوكاله هي معلومات اوليه قد تكون صائبه وقد لا تكون علشان ما يقولون نصاب):p

المهم قفل جوي ورجعت وانسدحت

ويوم جت الساعه 5 العصر او 5 المغرب تختلف باختلاف مكان القارئ

واتصل على نياز ...باكستاني نفر .... والمشكله ما رد قلت سحب علي ....

وقعدت اردد الدعاء
اللهم يا جامع العباد في يوم لاريب فيه اجمع بيني وبين ضالتي

اللهم يا جامع العباد في يوم لاريب فيه اجمع بيني وبين ضالتي

اللهم يا جامع العباد في يوم لاريب فيه اجمع بيني وبين ضالتي
ونزلت عند الوالد قبل الفطور وكمل هواش شوي وعطاني ذبه وقال انتي كل شيء تضيعه الا شعرك
محدثكم شعره طويل

وبعد ما فطرنا وصلينا العشا والتراويح ادق على نياز وما يرد ويوم وصل اخر دقه ويرد وتحمد ربي

بس المشكله ما طلع نياز طلع خويه واقوله وين نياز قال صلي.....

وادق على بدر ويجيني واقعد معه شوي الي اشوف جوالي دق دقه وقطع قلت من هالبنت

خخخخ
واشوف الا نياز داق وادق عليه ويقولي الهندي موجود و صار دنجال بينهم وهي الدزه انا وبدر والمشكله وقتها كنا بعيدين وتاخرنا شوي تعرفون زحمات الرياض

:sad:

واجي للباكستاني وين نفر قال هذا امشي هناك وقتها انا خليت بدر عند الدو الي في طريق العليا العام واطقها رجليه الي المملكه ادور العامل حق البلديه الي لابس اصفر ويوم وصلت المملكه والقى الهندي معليش بنقالي
واقوله وهي التصريف وشوي اكتشفت انه مو هو الي مستلم قدام الدو خويه الثاني ونطقها رجليه انا وياه
من المملكه الين التحليه واخير لقينا البنغالي الي لقى المفتاح والمصيبه انه جديد ما يعرف عربي ويقعد ذاك يفهمه وبيبر بنغالي وانا ما ادري وش يقولن خرابيط قسم بالله
وبالاخير الي فهمته انا العامل الي لقى مفتاحي يقول انه عطاه اربع بنغاليه.....

وينهم .... موزعين في الشوارع وقال هو في التحليه وادق على بدر تعال ركبنا معك
ويجينا واركب الهندي معي وندور على خويه ووصلنا اخيرا لواحد عامل ثاني حق البلديه والمصيبه الثانيه انه
ما يعرف عربي ويبربرون وما ادري الا بالخير ركبته معي وطلعنا لعامل ثاني العامل الثاني يقول انا العامل المطلوب في العليا العام ونرجع للعليا العام وزحماااااااااااااااااات لذلك قررت ان نواصل المسيره انا والهندي معليش البنغالي سيرا على الاقدام اسرعي لكي لا يداهمنا الوقت واخيرا تم التوصل للعامل المطلوب
والمصيبه الاعظم انه ما يعرف عربي واحاول صديق مفتاح سياره و ابدا لغه الاشاره والتيوس ما فهمو والي قاهرني ان الغبي يحاول يكلمني بالبنقلاديشي وشوي ويمر جبنا واحد بنغالي ولد عز لابس وي الناس واسئله انا
تعرف بنقالي يقول ايه واتحمد ربي ويبدا يسال ويحاور ويناقش وانا اقول وش تقول يقول اصبر بغيت اصفقه
بس قلت اصبر وبدا يفهمني ويقول ان المفتاح موجود بس اصبر الي الساعه 2 الليل ونروح للسكن حق العمال لان المفتاح هناك وانا قلت ما فيه امل الحين نروح واخذته غصب عاد وقتها اعطيت المترجم 10 ريال كشكر مني له ولاغواء العمال البلديه ...حركه نفسيه وش رايكم...

المهم طبعا رفض بس غصبته ونطلع لبلديه السلي عند مخرج18 والله المحل بعييييييييييييييييييييييييييييييييييييييييد

وحنا في الطريق احاول اتاكد انا المفتاح موجود
بس الاغبياء يكلموني بنغالي

بس الحمد لله ان لغه الاشاره موجوده وطمنوني ان المفتاح موجود وصلنا والحمد لله للسكن وجاوبولي المفتاح وقلت امشو ارجعكم قالو لا خلاص شوي ينتظرون يبون الفلوس واعطيهم 50 ريال وقلت لهم تقاسموها وقالو نبي 100 قلت يالله بس .....

وامشي واطمن الوالد اني لقيت المفتاح ويوم ادق على الوالده واطمنها ..قالت لي ارجع للعمال وازدهم قلت ما يحتاج والله تقسم ان ارجع والله ورجعت واعطيهم ويقولن لا خلاص ما يحتاج بس بناء على قسم الوالده عطيتهم
وارجع لالدو واروح للباكستاني واعطيه 50 ريال رفض ياخذها بس قلت هذا هديه ....

واروح للمحلات الي هنالك واقولهم شكرا وما قصرتم

بناء على ما تم سرده يستفاد من عده امور

# كاتب الموضوع في وقت الناي فيه مشغوله لكن اعرف نفسي ان ما كتبته الحين ما راح اكتبه
وحلاه الموضوع طازه

# الحو بالدعاء لله عز وجل

#انتبهو لمفاتيحكم وشيكو عليها دايم

# قررت اتعلم بنقالي

# مفتاحي صار مشهور وسافر كثير واكيد فيه ناس يبون بشوفونه
لذلك قررت الصوره تتحدث

# لم اقم بتصيح الاخطاء الاملائيه لاعطاء الفرصه للذئب الأزرق وغيره
واشغالهم بهذا الموضوع (يبيله سنه)
وكل عام وانت, بخير

#يا شين التنسيق تعب

بس تستاهلون
ويا شباب انا المنسسق

تشـــــــــــــــــــــــــــــــــــــــــاو