بسم الله الرحمن الرحيم

الحمد لله الذي أنعم علينا بشهر العبادة في هالشهر كل المعاني تظهر وكل الصفات تكون هي الأجمل والكل يتسابق لكِ يكون الأفضل..

باقي من الشهـر ان شاء الله أربعة أيام بس انا عقب رمضان هالسنه خلاص اعتزلت الاعتماد على أحساسي ابعتمد على عيون الخضيري الله يعطيه الصحه والعافيه ويطول بعمره ان شاء الله على طاعته .. يعني أربعة أيام هذا احساسي يقول أما الخضيري ماش له كم سنة وهو يخالف توقعاتنا .. وش نسوي نتمسك بأي زيادة برمضان الله يعيده علينا وعليكم بالصحة والعافية والطاعه باءذن الله..


نجـي لفرحة المسلمين الكبرى : العــــــــيد

طبعاً كلنا تختلف برامج العيد عندنا فيه ناس عيدهم الصباح .,فيه ناس عيدهم الظهر,, فيه ناس في الليل..,

وكل واحد منا له برنامجه المعين في يوم العيد :

الأطفال لهم حق علينا ,, المساجد لها حق في دعم هدايا العيد للأطفال .. العمالة الموجوده عندنا أو في الشارع .

كلهم لهم حقوق علينا ..

احنا من خلال هالموضوع نبي نعرف برنامج كل واحد في العيد بحيث الاخرين يستفيدون يمكن فيه اشياء كانت غايبه عنهم واعضاء اخرين يسوونها ممكن ننبه بعض لاشياء تكون غايبه عنا .. فيه ناس أعيادهم كانت تقليديه حاولوا يغيرون منها نستفيد من تجاربهم نحاول نطور من سعادتنا في العيد نحاول نبتكر أشياء ماتدفن جمال وحلاوة العيد وأنه العيد فرحه للمسلمين لازم نستشعر فرحة العيد وننبذ من تفكيرنا كلمة ان العيد تغير وان العيد مو مثل أول العيد نفسه اذا فيه احد تغير فهو احنا .. ليش في مناسباتنا الثانيه نجتهد ونتحمس مع انها فرحه تقليديه كل يوم ممكن تصير ..

لكن الفرحة الكبرى فرحتنا بعيد المسلمين لازم نحسس أنفسنا ان فرحتنا فيه لازم تكمتل لأن سعادتنا بالعيد تعني الفرحة بتمام صومنا وقيامنا وان العيد شيء فرضة علينا رب العالمين وسعادتنا فيه شيء بديهي ونابع من أنفسنا ..

ــــــــــــــــــــــــــــــــــــــــــــــــــــــــــــــ

تجـــارب مع الخـــير:

الأيتــام ,, المعاقين ,, المحروم من أي نعمة من نعم الله علينا .. كل هؤلا فئاات تحتجنا أيام العيد

أنا أبغى استفسر اذا كان فيه أحد من الأعضاء له تجربه مع يتيم او معاق أو اي انسان محروم كيف كانت الاجراءات

وكيف أقدر أستضيف يتيم أو يتيمه خلال أيام العيد تعيش حياة أسرية مثل مانعيشها وتنعم بكل ماننعم فيه ويحسون بمثل مايشعر به أطفالنا ويكون لهم مثل ما لأطفالنا من نصيب الهدايا والحلويات والملاهي والمسابقات ..

أتمنى من له تجربه حقيقيه أو قد فكــّر في هالاستضافه يعلمنا هل نتائج ما سوف نقوم به مريحه لهم أو أنهم لا يرغبونها ..!!!

ــــــــــــــــــــــــــــــــــــــــــــــــــــــــــ

أفكـــار لمسابقات العيد وتجمعات العيد للكبار والصغار:

نبغى يكون هالموضوع تجمع لأفكارنا من خلال المسابقات الهدايا الحلويات ونستفيد من سلبيات وايجابيات بعض في مثل هالبرامج ...!!

وان شاء الله يتفاعلون الأعضاء بأفكارهم ونتائج تجاربهم ويحكون لنا برامجهم في العيد وان شاء الله نستفيد

ــــــــــــــــــــــــــــــــــــــــــــــــــــــ

كل عـــــــــــام وجميـــــــع المسلميــن والمسلمـــات بخــير وعــــــافية ..

الله يقويكم

لو عندي اي فكره على طول طرحتها هينا <<قوي صح

و عن الاجراءات يا سندريلا و الله ما عندي اي خبر عنها

و على طاري المسابقة

كم الجائزه <<<بجيح



على العمووم

كل عام و انت بخير قبل الزحمة



و



سلامـ

كل عام والجميع بالف خير
مشكووره سندريلا على هالموضوع اللي جا بووقته
انا ودي بافكار اغير عيدنا لانه تقليدي وعادي مافيه شي جديد
او غريب هدايا لصغار وبس وانحن يالكبار مالنا شي

إقتباس وان شاء الله يتفاعلون الأعضاء بأفكارهم ونتائج تجاربهم ويحكون لنا برامجهم في العيد وان شاء الله نستفيد

ايه الله يعافيييكم
وبالنسبه لتجارب الخير للاسف ماصاارت معنا ابد <الله يخلف بس
والله يعيده علينا وعليكم بالخير والصحه والعافيه يارب

النـادر

الله يعطيك العافية على مرورك وكل عام وانت بخير ان شاء الله .. وعلى طوول جوائز ماعندك وقت



اسيرة الهـلال

الله يعطيك العافية وكل الشكر لمرورك وكا عام وانتي بخير ..

وان شاء الله عيدكم يطلع مميز وحلوو بجمعتكم ولمتكم مع بعض وبأصوات الصواريخ والشروخه اللي تقل في موسم جراد ماتدرين الشرخ يجي من فوق ولا تحت

ـــــــــــــــــــــــــــــــــــــــــــــــــــ

أنا بتكلم عن عيدنا بحكم اني أعيشه بكل تفاصيله ..

عيــدنا أول كان تقليدي جداً نروح المسجد نصلي صلاة العيد بعدين نرجع نلبس ملابس العيد ونروح لبيت جدي وجدتي يجتمعون فيه خوالي وخالاتي نسلم عليهم وكل وحده تحط عيدها وتبلشين عاد ذوقي من عيدي وذوقي من مدري وشو واللي تسوي دعاية لعيدها تقول عيدها مميز حاطه فيه دجاج لانها تعرف اغلب البنات مايحبون اللحم فالبنات يكون لهم نصيب الاسد من هالعيد..

بعد ما نخلص ماكلين تبداء كل وحده تقول خلاص شفتوا لبسي بروح اغيّر تدهر كل الشهر عشانه وفي الاخير تقول شفتوه خلاص بغير

بعدين عااد يبداء الحسم يبداء تجميع العيديات

وبعدين خلااص يبداء النوم يداهمنا وكل واحد يدل بيته ويروح من غير مطرود ..

ــــــــــــــــــــــــــــــــــــــــــــــــــــ

أما عيدنا هالحين فهو غــير ..

نروح نصلي العيد في المسجد ونشوف كيف الاطفال فرحاننين وهدايا المسجد والناس اللي تهدي وتشوف البنات الصغار والاولاد الصغار كيف فرحانين وكل واحد منهم يحس ان ملابسه احسن من الثاني

بعدين نروح ونتجهز

و صرنا نجتمع في استراحة وكل من يعرف طريق هالاستراحه يجي ويسلم على الموجودين من رجا ل ونساء

العاب حركيه ,, ملاعب صابونيه ,, نطيطات .. بوني >>>>> صغير الخيل عشان يركبون عليه الصغار اللي ماتنفع لهم لا الملاعب الصابونيه ولا النطيطات .. مسابقات .. حلويات هدايا مفاجاءات

طبعاً يكون مجموعه مسؤلين عنها ويجيبونها ويتكفلون بكل شيء ويكونون كل العوائل كل واحد يدفع المطلوب منه

طبعا اللي يروح ينام ويرجع اللي يقعد يعني الكل ورغبته

ــــــــــــــــــــــــــــــــــــــــــــــــــ

يالله يا أعضاء لازم نتفاعل عشان أعيادنا تكون أحلى وأجمل بأفكارنا وتغييرنا ..

سندريلا بعيداً عن ذات الموضوع ..
أقول لك : أتعبت من بعدك ..

لي عووودة

اقولك >>>تحسين اني ولد عربجي
لازم تكلمين الجمعيه الايتام وتاخذين موعد وتقولين عدد الاطفال وواعمارهم والتفاصيل
>>>>>>نفس كلام اسيره

افكار العيد
اهم شي الواحد ينووم وياخذ كفايته:p
عيد الرياض ماحبه زحمــة مووت
عيدنا هناك مافيه افكار بس سواليف

الملعب الصابوني احس انه فلــة بس ماجربته

سندريلا تراني ودي اذبحتس كل ماجا في بالي فكرة سويتيها
موضوع الهدايا وهالموضووع الله يهديتس اجلي افكارتس شوي لين انزلها :p

وتسلمين لنا والله يخليك لنا ذخر >>>لاتشرهين توني مخلصه من مووضوعي وراسي مصدع

اذا جا في بالي فكرة رجعت








الهنووف





كانت










هنا





ورحلت

لي عووودة

لعلي أجرب عيدكم ولأول مره..

سندريلا...

رفع الله قدرك وجمعنا بكِ في جنته..

دمتِ متميزه كما عهدتكِ غاليتي..

هلا وغلا بالسندريلا موضوع مسلي ومفيد بنفس الوقت

فيه برنامج مسوينه الاهل في العيد

واللي هي

شراء 200 عيديه من الخريجي للحلويات وماكلفت الا 400 ريال بس وكل عيديه فيها حلاوه وشيبس وعصير وحبة شوكلاته بإضافه مبلغ جوى الكيس

والشي الثاني مسابقات وجوائز




وطبعاً في الليل للكبار دوري بلاي ستيشن ههههههههههههههههههههههه

فكرتك جدا رائعة