#1  
قديم 18/10/2006, 06:50 AM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
تهـــنــئـــه + دردشــــــــــــه

بسم الله الرحمن الرحيم



السلام عليكم ورحمة الله وبركاته .. وبعد


صباحكم الله بكل خير .. ومساكم الله بكل حب وتقدير يا جمهور الزعيم


تقبل الله منا ومنكم صالح الاعمال في الشهر الفضيل .. والايام الحلوهـ تروح بسرعه


وكل عام وانتم بخير .. ومن العايدين قبل الزحمه ..


حبيت اهنيكم بالعيد .. وشوية دردشه قبل المباراة المرتقبه

قبل كل شي عندي سؤال يحك مخي اللي هو .. ابغى واحد يشرح لي
الحين بحضورنا ندعم الفريق .. هل فيه نسبه معينه من سعر التذكره تروح للنادي ..؟
وكيف يفرقون ان هالشخص شراء التذكره لحضوره مع الهلال او الفريق اللي يقابل الهلال ..؟




والحين ندردش شوي معاكم .. وخاصه للي بعيدون بالمدرجات مع الزعيم ..


احبائي الحضور الكريم .. اعزائي الجمهور الوفي حضوركم للملعب وتشجيعكم ع راسي من فوق واهنيكم ع الروح الجميله .. لكن انا ملاحظ وخاصه في ملعب الملز مكان الرابطه جميل والاسباب معروفه .. لكن سؤال محيرني الاحظ هذا الشي دايم .. حتى لو كان في ملعب الاستاد ..
1- الجمهور يتحمس في اول ربع ساعه من الشوط الاول بعدين يطفى ..
2- بداية الشوط الثاني يتفاعل ويخف التفاعل تدريجياً
3- التفاعل اكثر شي يكون حول الرابطه .. يعني مره كنت يمين الرابطه وما يفصلني عنهم الا .. بوابة الدخول الاحظ ان اللي يكونون يمين الرابطه يخف تشجيعهم تدريجي ..
4- وهذا الشي ملاحظه من زمان .. إذا صار الزعيم متأخر بفارق هدف الرابطه تسكت ليه ..؟؟ بالعكس بهذا الوقت اللاعبين محتاجين لصرخه من الاسد .. ودعم من الجمهور

وش السبب برايكم ..؟


وانا اوجه لهم رساله .. حنا حضرنا لنستمتع ونؤازر ونشاهد زعيمنا .. يعني جزاكم الله الف خير ع الحضور لكن حضورك و حضور اللي يجلسون بالمقاهي واحد والرابط هو مشاهد فقط ..

واتمنى اني اشوف هالاسباب اللي ذكرتها تتغير .. ويعطيك الف عافيه يا بو خليل


ثاني شي .. ما زال تخلف العساكر ومسلسل كل دوري يتكرر وفي كل مباراة للزعيم اللي هي قصة الشالات اللي مكتوب عليها كلام للزعيم او صور للاعبين وش المشكلة هل هذا الشي بيمنعنا من الحضور ..
اتمنى توصل لكم الرساله يا المسئوليين عن العسكر ..
لا شال ولا علم ولا كل انواع الاستفزاز اللي نشوفها منكم تمنعنا من الحضور .. لو تمنعونا من كل شي حاضرين بإذن الله والله لا يعوقه بشر .. بنحضر نشجع ونشوف زعيمنا لا انتم ولا غيركم يمنعنا مهما صار من مضايقات حاضرين حاضرين حااااااااااااااااضرين ..



ثالثاً .. قصة المندسين وكثرة المحسوبين على شبكتنا الغاليه .. مهما قلتوا ومهما كتبتوا راح يطلع لكم هلالي بالمرصاد عشان كذا لا تـعبون انفسكم لان انتم مثل الشياطين اللي يسترقون السمع وياتي لهم شهاب يحرقهم << اعذروني على هالتعبير .. لان انتم عله ع الشبكه وعله ع قناة الزعيم وجودكم مثل عدمكم .. واتمنى توصل لكم هالرساله ..


رابع شي .. اتمنى من كل هلالي يهمه امر الهلال انه لا يلتف خلف الاقاويل والاشاعات اي شي بيصير راح يجيكم خبرهـ من الاداره اللي ما اظن انها مقصره بالاخبار .. ولا تلحقون وراء اخبار الجرايد وكلام المحسوبين ..

خامس شي .. قناة الزعيم .. اتمنى منها تقلل من سرعه الشات وثاني شي روابط اللثيمات ما تشتغل ياليت فيه شرح من قبل الاداره وثالث شي ياليت يكون فيه رقم نقدر نرسل اقتراحاتنا للقناة مثل جوال الهلال ..

وسادس شي .. نشوفكم ان شاء الله في اول لقاء لزعيم بعد الاجازهـ الجميله وتقبل الله منا ومنكم صالح الاعمال .. واعذروني انا ماني كاتب ولا لي خبره بالكتابه .. بس حبيت اسلم عليكم وعايدكم واهنيكم .. وتقبلوا دردشتي بكل رحابة صدر .. وتقبلوا خالص تحياتي

وإلى اللقاء في احلى عيد في مدرجات الزعيم ..

اخوكم الشوق الازرق ..

اخر تعديل كان بواسطة » Blue longing في يوم » 18/10/2006 عند الساعة » 07:14 AM
اضافة رد مع اقتباس
  #2  
قديم 18/10/2006, 07:03 AM
موقوف
تاريخ التسجيل: 09/07/2006
المكان: في الوادي ..في الغرفه الي فوق مع الي تخبرون
مشاركات: 221
س1
اضافة رد مع اقتباس
  #3  
قديم 18/10/2006, 10:57 AM
زعيــم متواصــل
تاريخ التسجيل: 17/10/2006
المكان: الريـــــــــاض
مشاركات: 105
كلام في مكانه
اضافة رد مع اقتباس
  #4  
قديم 18/10/2006, 12:50 PM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
هلا اخواني شرفتوني .. بس ما قلتوا لي وش السبب في رايكم .. انخفاض التشجيع ويكون التشجيع منحصر على اللي يكونون حول الرابطه .. ؟؟

الموضوع تراهـ للدردشه .. خلونا ندردش





دمتم بخير
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:15 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube