حكايتي مع المواتر = 3 =
 

بسم الله

ونكمل حكايتي معها

كما قلت لكم كان الاتجاه للياباني وبالتحديد لسيارات عبداللطيف جميل وبالتحديد أكثر للاند كروزر VXR موديل 2000
رصاصي اللون فل كامل

نقزت للأمارات عام 1421 وفي اجازة عيد الفطر المبارك وشريته من هناك

وللحقيقة كان من أفضل السيارات الي سقتها ان لم يكنها افضلها على الأطلاق { اتكلم عن الجيوب } باستثناء عذروب واحد فيه وهو كثرة استهلاك الوقود

*** للفائده مشرفكم البارق مشخص فيه وكان أول لقاء بيني وبينه ومن بركات هالموضوع اني دريت انه ما يعرف بالسيارات :yes: :thumbup:
http://carad.ebayimg.com/i1/02/a/08/a1/51/8e_4.JPG
http://carad.ebayimg.com/i14/04/a/08/9c/7a/b9_4.JPG
http://carad.ebayimg.com/i3/01/a/08/a7/80/c9_4.JPG

وهنا كان البارق جالس
http://carad.ebayimg.com/i19/06/a/08/9b/a9/3b_4.JPG

جلس معي الموتر سنتين ما شاء الله تبارك الله

بعد ذلك جاه سومة طيبه والحقيقة ان واحد من الشباب امتحني عنده كل يوم بعه علي بعه علي

الصحيح صجني عنده والولد اشهب ( يعني يمكن يصكه بعين ) قلت ياولد بعه عليه لا يجيك او يجي الموتر بلا منه

بعته عليه ابي الفكه بس

ثم قعدت عشرة ايام بسيارة آجار ( تخيل عقب الجيب آجار )

والسبب اني كلمني اخوي وكان في الأمارات وقال لقيت لك VXR ابيض موديل 2000 يعني نفس اللي معي بس يفرق ان المراتب كانت جلد والقير كان عادي مهب تماتيك

قلت بكم لقيته قال بقيمة سيارتك اللي بعتها قلت توكل على الله واشتره

نقزت للبنك وحولت الدراهم وفعلا اشتراه من الغد وشحنه عن طريق البسامي ووصل بحفظ الله بعد عشرة ايام

منها يومين كان اخوي يتمشى فيه بالامارات ويوم سألته ليش تأخر الموتر ما جا قال توي اخلص أوراقه

ثم اخذ يومين بمنفذ البطحاء ثم يومين بالرياض قبل شحنه للقصيم

وصل بعدها الجيب بحفظ الله ورعايته مستقبلا بكل حفاوة وتقدير
http://i4.ebayimg.com/05/i/08/9e/a3/d1_3.JPG
http://i21.ebayimg.com/04/i/08/98/cf/78_3.JPG


*** على فكره السيارة اللي استاجرتها خلال الأيام هذي كانت هونداي سوناتا
http://carad.ebayimg.com/i6/02/a/07/83/b2/29_4.JPG

والله السيارة حلوه وخفيفه واقتصادية بالوقود

الصراحه اشجع الشباب انهم يشترونها

جلس الـ VXR معي سنه وشوي
الحقيقية VXR وقير عادي ما تنبلع أبد
عجزت اصبر عليه
التماتيك أفضل بكثير لأن المكينة قويه جدا { ثمانية سلندر } والقير عادي مافيه أي تناسب

يعني بالمختصر المفيد السيارة قير عادي تبي جبال زي الجنوب

ما تنفع للخطوط ابد

مليت منه وفي أقرب فرصه جت زحلقته على واحد من الشباب

وللحقيقة فقد نصحته بعد ملائمته له

لكنه قال ابشتريه لشايب من الجماعه ما يبي الا قير عادي

قلت توكلنا على الله وبعته عليه بخمس وثمانين الف ريال { يعني برأس المال }

وكان اخوي اثناء هالسنة اللي مضت قد اشترى شيروكي سبورت م 99 قير تماتيك لون سماوي
سقته كم يوم وجاز لي واللي شجعني اشتريه من اخوي سعره المناسب جدا
موديل 99 اخذته منه بثلاثين الف
http://carad.ebayimg.com/i9/01/a/08/8d/b8/4a_4.JPG
http://carad.ebayimg.com/i24/05/a/08/9c/43/bd_4.JPG
http://carad.ebayimg.com/i3/05/a/08/a2/2a/e2_4.JPG


الصراحه لا يوجد اي مقارنه بين السبورت والقراند
القراند هو اللي بهذل بي وكرهني في الشيروكي وسبق ذكر سالفته معي سابقا

ولكن السبورت عدل من الصورة قليلا

بعد شهرين من شراء الشيروكي
طلب مني اخوي الأصغر { القعده } أن ابيع له سيارة كان قد اشتراها من معارض جده
بثلاثين الف وهي ميركوري قراند ماركيز م 99 ذهبية اللون
http://carad.ebayimg.com/i17/02/a/08/9c/f4/75_4.JPG
http://carad.ebayimg.com/i5/02/a/08/a7/92/12_4.JPG

قلت بكم تبي تبيعها
قال بثلاثين
قلت اشتريت
لأن الموتر نظيف ورخيص
قلت اخليه للخطوط والشيروكي للبر
وفعلا جلسن معي سنة كامله وتزيد قليلا

بعد مارح سنه وكم شهر

جتني فكرة بيعهن كلهن وشراء يوكن يقيمتهن

والحقيقة انه قرار غبي

لأن اليوكون مهما كان فلا يقوم مقام سيارتين

يعني لن يكون أفضل من الشيروكي في البر

وكذلك لن يكون أفضل من الميركوري في الطريق

ولكن اراده الله هي الغالبه

وفي العام الماضي وبالتحديد في شهر اثنين { 2 - 1426 هـ }

بعت السيارتين في المعارض
الشيروكي بثلاثين
والفورد بتسع وعشرين

واخذت الدراهم وعلى جده

لأن في جده يقام مزاد على السيارات الأمريكية كل اربعاء وخميس
وتكوت الأسعار غالبا ارخص من السوق

وفعلا لقيت يوكون م 2001 رصاصي فل كامل بدون فتحه بخمس وستين ألف
ومازال معي حتى الآن ولله الحمد
http://carad.ebayimg.com/i1/03/a/07/6f/9e/3f_4.JPG
http://carad.ebayimg.com/i16/02/a/07/6a/e4/07_4.JPG
http://carad.ebayimg.com/i11/03/a/07/6c/c2/c5_4.JPG

والسلام عليكم ورحمة الله وبركاته

ملاحظة :: السيارة الحقيقة تحتاج الى تصوير ثم رفع { يعني تبي وقت }
ففضلت الصور الجاهزة

تبي الصرااحه انا ما اعرف شي بالسيارات لا احد يلوومني لاني بنت..

وكل شوي اشووف موضوع حكايتي مع المواتر قلت يا بنت الحلال

ادخلي وشوفي وش السالفه..

بس ماشالله عليك كل شوي بسيااره؟!

يعطيك العافيه شيروكي استانست على موضوعك

برووح ادور الاجزاء اللي فاتتني واقرأها..


عــســيــريــه مــصــرقــعـه

تبيع .... شريطي مطوع مهوب غاشك :d

اسعدتنا شيروكي بحكايتك وعلشان كذا ترى بوه ;)
برياض الخبرا مدري الخبرا كهربائي يمدحونه اذا عندك
مشاكل بصرف البنزين ويركب لك مثبت اذا ما فيه :yes:
والا هذاك الجي اكس ر ... المهم وش رايك بالشيروكي 2007 الجديد
مهوب القراند لا السبورت بصراحه شفته بالوكاله واعجبني
بس اللي اعرفه عنه ان القير مشكلته !

http://4nw.net/uploads/8ff67feb19.jpg

الله يعينك .... كل يووووووووم سيارة ...

بس بجد منت بحزين على الفكس ار اللي بعته على جاركم ؟؟1
لو اني منك ... أمسكه وافقع وجهه .. واخليه يتفل على الموتر عشر وعلي عشرين ..

ع العموم الله يوفقك .. ويوفق سياراتك لخدمتك..
عقبال مايفتحون المجال للسيدات .. علشان عشسيرية مصرقعه تتعلم...


تحياتي,,,

اسمحلي يا مشرف القسم الاسلامي

انا شايف واحد في معارض النسيم شريطي
يقربلك شي


وعلى اليوكن وش رايك تركب عليه كفرات بالون ونطلع للثمامه
الجو هبال هاليومين

يعطيك العافيه ...

موضوع حلو من الجزء الاول الى الثالث ...

بس بصراحه انت هاوي تغيير ...