ياشباب اللي يعرف موقع محل في كول لتظليل السيارات.... - نادي الهلال السعودي - شبكة الزعيم

هــــلاV X Rلــــي · #1 13/10/2006, 03:11 PM

بسم الله الرحمن الرحيم....

أنا ولله الحمد شريت سيارة جديدة ....

ونصحوني بأني ما أظللها بالغرابي لانه يخرب بسرعه ويروح لونه ....

وانا أبي أظلل عازل حراري وفوقه أسود ...

ومستعد أدفع ....:p
فـــ الله لايهينكم أبي موقع محل في كول .... وياليت يكون قريب يعني بالعليا __ الملك عبدالله __ حول ذي المناطق <<وش جاب ذا لـــ ذا ...

المووووووووهم....

واذا ممكن أرقام تليفوناتهم ...
واللي يعرف أوقات الدوام في الشهر الكريم... >> ما بقا شي بالمحل إلا وطلبه

بس والله اني مستعجل ...
ونصيحه من المجربين أسعارهم... << ترى عندي كرت خصم جا مع الموتر 10 %<<
هل تسوى أني أدفع عليها ولا خلها الغرابي وبس .....
وكيف التعامل معهم مريح ... يعني خربت وحده يصلحوها ببلاش ولا.....

أرجو إفادتي بأسرع وقت ....
مشكورين وما قصرتوا مقدما

تحياتي

مجودي الهلالي · #2 13/10/2006, 10:05 PM

هلا اخوي

كان ودي اساعدك بس زي منت شايف انا وين

لكن خذ نصيحه مني لا تظلل شفاف

شوف انا مظلل كل السياره يعني 5 اقزه 4 ابواب والقزاز الخلفي والامامي للسائق

لونه اسود للخلف زيرو ون وللامام زيرو زيرو

واخذو مني 1500

هذه نصيحتي لك يعني افضل من انه يكون شفاف وفوقه اسود

وبالنسبه للمشكلات فانا كانت عندي مشكله في واحد منهم وبعد 6 اشهر غيرو لي جديد مجانا
لكن الضمان راح يبقى عندك يعني مو للسياره

واذا مالقيت فيكول

ظلل زمبرت ممتاز برضو

بس ماقلت لنا وش شريت سياره؟

هــــلاV X Rلــــي · #3 14/10/2006, 01:37 AM

مشكور أخوي مجودي على الافاده
وانا قايل من البدايه اني بظلل شفاف عازل فوقه أسود
نرجوا الافادة من البقية ...
تحياتي
وسيارتي بقولها ..... بس بعدين إذا ظللتها ....

هتلر الرياض · #4 14/10/2006, 12:49 PM

هــلا اخوي

ألف مبروك السيارة و الله يعطيك خيرها ويكفيك شرها..

اخوي

اذا راعي مشواير لـ شرق الرياض

فيه شارع ابو سعيد الخدري (( الـكــهــرب )) في محلات تظليل روعة صراحة و اسعار رخيصة

فــيــه محل بإختصار (( الشباب مسوين زحمة عليه )) يعني شغل نظيف وحلو و سعر رخيص..

اسمه الرالي

وصفه قبل الاشارة الأولى بـ ثلاث محلات (( جنبه محل المهوس ))

لوحته لونها ابيض واسود بس الحين الظاهر انه صار باسم راعيه و اسمه الاول فهد بس اسمه كامل للاسف ما اذكره..

يعطيك العافية و الله يبارك لك بـ سيارتك..

هــــلاV X Rلــــي · #5 14/10/2006, 04:20 PM

مشكوزر أخوي يزيد والله يجزاك خير على الافاده ....

بس انا ابي أظلل من محل ضمان والمشكلة بالتظليلات التجارية .. انها ما تعيش يبي لي كل شهري أرجع واغيرها ....

بانتظار البقية من الأخوة .... و

و
و
و
و
وتقبلوا تحياتي

هــــلاV X Rلــــي · #6 15/10/2006, 05:51 PM

يا شبااااااااااااااب
ويييييييييييييينكم ؟؟؟

للرفع