SoMe OnE والبـــــــــلوتـوث!!!! ادخلوا عشان تستمتعون!!
..SoMe OnE..]
.. .. ,,
*****
مرحبا بـ الاحبه .. واسعد الله جميع اوقاتكم بكل ماهو خير ,,
طبعا قبل لا احكي لكم يومياتي المتواضعه ,, حبيت اني ابعد عن الرسميه ويكون كلامي معكم بشكل مبسط اكثر على غير العاده ,, ويكون في العامي لاني اذا تكلمت في اللغه العربيه الفصحى ,, احس اني اقص عليكم مسلسل تاريخي ...!! فـ مالها داعي في نص اليوم ناخذ فاصل اعلاني لـ بعض الصناعات السعوديه خخخخ
راح يبدا اليوم من اول مااصحى الساعه 9 الصباح ,, والمشكله في طبيعة نومي انه معدل نومي كـ كل مايجي الا خمس ساعات في كامل اليوم ,, علشان كذا اهلي يسموني الذيب <<<====== هو مو ذيب بـ المعنى الصحيح لكن مثله تقريبا وطبعا طلعت للمكتب والحمدلله ان المكتب ماهو بعيد عن البيت بـ مسافه طويله ,, ولا كان عشنا اوضاع الزحمه في ولاية الرياض طبعا في في رمضان دايم مايكون الشغل على خفيف بحكم الصيام ,, لذا الدوام يروح مابين العمل ومابين اني ادخل على الزعيم واتصفح بعض مواضيعه ,, مع بعض الطقاق مع الموظفين ,,بحكم ان النفسيات 2 بيض في رمضان ,, وهذا دايم ماابعد عنه وهذا اللي دايم اساله ...!! اذن الظهر نصلي ورجعنا لـ محور العمل لحد الساعه 3 العصر ,, بعدها طلعت للبيت وفي الوقت هذا كانوا راجعين من مدارسهم .. وتعالوا شوفوا كيف الوجيه بعد الدوام الرمضاني ... اللي حاط شنطته في الدرب واللي معلقه شباصتها على الابجووره:p <<<===== تراه لمبه طايحه قلنا ابجوووره بعد صلاة العصر .. اخذت لي غفوه عاد اليوم ماادري ليه ماجاني النوم بس الظاهر اني نمت ساعه وشوي <<<==== الحقيقه ماجاه النوم ابدا قمت قبل الفطور بنص ساعه قريت لي ماتيسر من القرآن ,, وبعد الفطور هي صلاة المغرب والجلسه المعتاده امام الشاشه ماتتعدى الساعه فيها ترنح من خمول الفطور طلعت بعد كذا لصلاة العشا والتروايح ,, بعد الصلاة على طول كـ عادتي حفظني الاله رحت لـ روما كافيه والمشروب المفضل ( قهوه تركيه ) وبعدها توجهت مع اخوي الصغير الله يحفظه .. عنده موعد في المستشفى .. والحاصل انه الاسبوع اللي راح كان يبي يسوي فيها ( ياسر القحطاني ) وكان يبي يسوي حركة باص عيون لعله ماشاف الا ورجله بـ ماصورة المويه وهي اللي تنكسر رجله .. واليوم كان موعد مع فكـ الجبس وتغييره ,, والظاهر يبي يتعيد في عيادة سالم الزهراني
بس احلى مافي الموضوع انه اعطي حرمان من دخول الاستراحه والتمتع بكافة وسائل الترفيه لمدة لا تقل عن شهر نظرا للغشامه التي يتمتع بها المذكور اعلاه بعد ماخلصت من الاخ الصغير .. نزلته في البيت وهي بداية المشوره في شوارع الرياض ,, طبعا بداية مع رساله من الوالده حفظها الله ..
نصها كالتالي
ثوب المقاس عند الخياط نسيت اخذه منه .. مع المقاضي واللي هي توست / صلصه / كرواسون جاهز / دجاج مسحب / فيلم DVD <<<------ ماله دخل ابد ولا تنسى وانا امكـ تمر على خالتكـ ام روان ( ترا روان عادي يكون هيله:p ) بس ظروف الاتيكيت
طبعا الخياط شمال والمقاضي من العثيم وام روان اللي هي اخت امي واسمها هيله في الشرق يعني ضرب مشاوير في زحمة الرياض ...!! دخلت على اول حاجه المقاضي والظاهر بيتنا صاير افطار صايم كل عشر ايام لسته من المقاضي .. هي دخلنا العثيم وطلعت جوالي على اساس اني اقرا منه الرساله .. وهنا جت المصيبه ...!! اخذت العربه وانواااع الزحمه قلت وين تاريخ 29 شعبان ...!! وانا امشي ادور على اولى المقاضي اللي هو ثوب امي :p لاااا اقصد الدجاج اللي بدون عظم الا واحد من وراي يقول هيه هيه انت ... انت ابو ثوب <<<----- الصراحه مميز ثوبي خخخخ التفت .. قلت انا .. قال ايه اجل مين ..!! قلت خير ان شاءالله .. قال جوالكـ لو سمحت .. ويلا الاداره ..!! اطالع فيه .. قلت مفطر فول انت ...!! وانا وياه .. وجا خويه وصارت زحمه قلت الحين على أي اساس تقول هات جوالكـ قال انت تسوي بحث بلوتوث ..!! قلت اييييه اجل بلوتوووووث ..!! اولا يااخي الفاضل احسن الظن في الناس .. ثانيا البلوتوث مطفى عندي ..!! ثالثا جالس اقرا رسالة المقاضي ..!!
قال اجل ورني الرساله ..!! قلت اوريكـ الرساله بس بشرط ..!! قال وش عندكـ قلت اجلس على ذاكـ الكرسي وانت تجيب كل المقاضي اللي في الرساله <<<------ يحب استغلال الفرص لصالحه ..!! جلس يضحكـ قلت ماعندي انا عند شرطي .. وانا واثق من نفسي .. قال طيب المعذره وخذ راحتكـ بس اعذرنا من الشيء اللي نشوفه صار الظن عندنا لكـ عليه قلت ولا يهمكـ ..!!
المهم مالكم بالعريضه .. وهي العربه اول شيء شامبو بانتين للشعر العادي خخخخ والمشكله انا اهووووجس يعني اسرح وانا اتقضى .. تلقاني في اول السوبر ماركت عند الشوكلاته وماتدري الا وانا عند اكياس الرز في اخر المخزن .. وش جابني الله اعلم .. واحد يذب علي يقول شكل الرجال عنده صالة افراح على ذي المقاضي خخخ خلصت بعد ساعه ونص تقريبا .. وعند المحاسبه ..
ماغير ذي الحمرا تشر ويرتفع معها المؤشر ( جهازهم عكس سوق الاسهم الاحمر يرتفع خخخ ) طبعا تمت المحاسبه ولله الحمد وطلعنا لخياط الوالده ,, وينه في الشمال لا عادت عليه .. وانا في الطريق اقارن بين الفاتوره والرساله .. اخر شيء نسيت اخر شغله .. هي اللي مالقيتها ..
شوووووكرن هذي جلست ساعه ادور عليها اخر شيء لقيت كرتون .. ( كاتبتها الوالده بنظام النت متاثره ولا هي شكرا :p ) وصلت لحد الخياط وانا بالسياره فيه وحده واقفه .. قلت زين .. انا خابر عندي رسالة ملاحظات فيها قصه .. خلني استغل الوقت واقرااها .. قريت النص الثاني ارفع راسي .. والعجوز تاخذ من الكيسه قماش وتجلس تشرح .. جلست اكثر من نص ساعه ... وانا قفلت معي .. قلت بسوي حركه يمكن تحس .. سويت اني بتعدل وبكوووعي ضرب المنبه ( البوري ) هي ماكان احد يقول انا مزروع هنا ساعه ..!! اشوا صاح ولدها وراحت ماادري وش تسوي فيه .. الا وانا انط من السياره واقول للمحروس ثوب امي وينه ..!! اخر شيء من قمة الاحباط .. ان الثوب ماخذته ام روان .. وانا ناسي ان امي قالت لي دق عليها شف ان كانه ماخذته ولا رح للخياط ..!! وهذا عيب التناحه في ايام رمضان المباركـ .. انا يوم قالي هذا مدام يوخذ امس .. قلت يوخذكـ ربي من بلاعيم بطنكـ خخخخ اولا .. مشوووواار .. ثانيا زراعه في بطن الشارع لمده نص ساعه ثالثا هواجيس في عدم نسيان أي غرض من الاغراض التي لزمت عليهن امي من العثيم .. رابعا هل سـ واحد نازل لمحل المفروشات ومسكر علي ..!!
رحنا لام روان طبعا بعد تخطي حاجز الزحام .. <<<------ كان نفسه يسجل حلم واحد من الشباب ويمشي على كفرين في الدائري خخخخ ادخل لا تدخل القهوه والمه .. الا والله تدخل قلت معي اغراض وفيهن ايس كريم اخاف يموووع <<<---- مهيب تصريفه ابد طلعنا من ام روان وانا عيوني على البيت والله يستر من الطريق .. وصلنا البيت والمفاجاه .. انهم طالعين والله يعيني على تنزيل الاغراض .. لو انا داري كان جايب معي هندي ينزلهن معي ..!! طبعا الامور مثل ماتلاحظووون جايه عكس .. بس الحمدلله الهوبات ماجاهن شيء ( الهوب مصطلح رجولي ) <<<----- ماعنده تحيز ابد
تم تحميل الاغراض في مجلد المطبخ وبعدها نبي نحدد أي البرامج المتاحه لتشغيلها والظاهر انه الفرن ...!! اهلي وينهم .. عند وحده من الخوات يبي يتسحرون .. انا رحت هناكـ وعيني على الكيبورت علشان اكتب يومياتي .. بعد حفلة الشواء العائليه اخذت بعضي قبل اهلي لا يجووون وجلست اكتب لكم مقاضي البيت ,, وهي يومياتي .. وطبعا المبزره مستغلين تقويم الطلاب وماعندهم الا غياب بكرا فـ اكيد اذا دخلوا الحين تبي تصير انواع الاصابات في البيت نظرا للمكرمه الملكيه بـ غيابهم هذا اليوم الاخير
النوم عادة مايكون بعد صلاة الفجر .. بعد قراءه للقرآن .. ومن ثم الخلود للنوم مع احلام سعيده باذن الله ,, طبعا انا ماصرت ذيب الا كذا .. بس مانيب صاير ذيب ازرق توني في طور الاعداد وصلت اخضر
هذي بكل بساطه يوم من يومياتي واتمنى يكون الانبساط على محيا وجيهكم .. وكل الاماني لكم بدوام التوفيق ,,,
****
ارشادات عامه
** اذا قدر الله عليكـ ورحت تشتري مقاضي حاول تلقى موقف عند الباب علشان العربه ماتجلس تصدم في سيارات خلق الله
** البلوتوث افة العصر فـ حاول ان تكتب المقاضي بيدكـ لان لو كتبتها بورقه يبي يوقفكـ حارس الامن ويقول جالس تحاول ترقم في ارواق
** اذا شفت وحده طولتها عند الخياط وانت تبي تخلص شغلكـ سريع سريع وتمشي احسن لكـ خذ لكـ بلكه والزخها في احد الافراد اللي في سيارتها
** اذا حسيت ان اللي حولكـ مالهم بالذوق وما عزموكـ على السحور لا تقط معهم وانت ماحد دق عليكـ لانكـ تبي تظطر تجلس لحالكـ في المجلس علشان وحده من بنات الخاله جايه معهم :sad:
*****
هذي بكل بساطه يوم من يومياتي واتمنى يكون الانبساط على محيا وجيهكم .. مع باقة ورد معطره للاخت الكريمه / سندريلا الهلال على جهودها الجباره في المنتدى ,, وكل الاماني لكم بدوام التوفيق ,,,
حبيت اني ابعد عن الرسميه ويكون كلامي معكم بشكل مبسط اكثر على غير العاده ,, ويكون في العامي لاني اذا تكلمت في اللغه العربيه الفصحى ,, احس اني اقص عليكم مسلسل تاريخي
أحسن ماسويت ....
على الأقل راعيت مشاعرنا
إقتباس
لذا الدوام يروح مابين العمل ومابين اني ادخل على الزعيم واتصفح بعض مواضيعه ,,
ياسلااااااااااام عليك ...
تصدق عاد أمنيتي تكون وظيفتي لو بتوظف زيكم:p ....
شغل شوي وتقليب بالنت شوي وسواليف ....
إقتباس
بعد الصلاة على طول كـ عادتي حفظني الاله رحت لـ روما كافيه والمشروب المفضل ( قهوه تركيه )
ماتكفيك القهوة اللي تسربها المغرب على الفطور
إقتباس
وبعدها توجهت مع اخوي الصغير الله يحفظه .. عنده موعد في المستشفى
الله يقومه بالسلامه ....
إقتباس
دخلت على اول حاجه المقاضي والظاهر بيتنا صاير افطار صايم كل عشر ايام لسته من المقاضي ..
طيب زين ماتقضى إلا ثلاث مرات
وحده اليوم تسولف تقول لحد الحين مقاضينا كلفت حدود 4000 ريال <<<< مدري وش يسوون
إقتباس
قال جوالكـ لو سمحت .. ويلا الاداره ..!!
وش يصير ذا سكيورتي
إقتباس
( كاتبتها الوالده بنظام النت متاثره ولا هي شكرا )
ياحليلها أمك تدخل النت ....
خلها تجي معنا
إقتباس
وانا ناسي ان امي قالت لي دق عليها شف ان كانه ماخذته ولا رح للخياط ..!!
يقطع أبو القلق اللي كذا
ياشين النسيان :sad:
إقتباس
الا والله تدخل قلت معي اغراض وفيهن ايس كريم اخاف يموووع <<<---- مهيب تصريفه ابد
البلوتوث افة العصر فـ حاول ان تكتب المقاضي بيدكـ لان لو كتبتها بورقه يبي يوقفكـ حارس الامن ويقول جالس تحاول ترقم في ارواق
الله لا يبلانا
إقتباس
اذا حسيت ان اللي حولكـ مالهم بالذوق وما عزموكـ على السحور لا تقط معهم وانت ماحد دق عليكـ لانكـ تبي تظطر تجلس لحالكـ في المجلس علشان وحده من بنات الخاله جايه معهم
ههههههههههههههههههههههههه
حنا إذا اجتمعنا ببيت جدي الله يحفظه ولد خالتي (مافيه إلا هو نتغطى عنه;) ) يمر بس وهو لاف وجهه مافيه أمل نشيل جلال معناعشان نتغطى عنه بعد مابقى إلا هي حنا ماعطيناه فرصه أنه يقعد معنا يتقهوى مثلا الشاهي مع أن كل أخوالي يجلسون معنا وهو يروح للسوني يلعب فوق بلحاله
أجل لا جينا سببنا مشاكل لكم ....
عاد كل يوم لازم اصبح وامسي بخشته:p ....
ويشوفني بجميع الحالات كاشخه ,, توني قايمه من النوم ,,, محيوسه ...
إقتباس
هذي بكل بساطه يوم من يومياتي واتمنى يكون الانبساط على محيا وجيهكم ..
** اذا حسيت ان اللي حولكـ مالهم بالذوق وما عزموكـ على السحور لا تقط معهم وانت ماحد دق عليكـ لانكـ تبي تظطر تجلس لحالكـ في المجلس علشان وحده من بنات الخاله جايه معهم
كأنك تتكلم بلسـاني << دايمـا مرزوع بالمجلس
يعطيك ألف عافيــة أستاذنـــا
من الأعمــاق شكراً لك على إمتاعنـا بهذه اليوميـات الجميلـة
حبيت اني ابعد عن الرسميه ويكون كلامي معكم بشكل مبسط
يكون احسن << ما تحب الرسميات
إقتباس
والحاصل انه الاسبوع اللي راح كان يبي يسوي فيها ( ياسر القحطاني ) وكان يبي يسوي حركة باص عيون لعله ماشاف الا ورجله بـ ماصورة المويه وهي اللي تنكسر رجله ..
سلامات عليه ..ذكرتني باخوي كل يوم اصابه ..مايجي الا وهو مفلوق او مكسور والا ما يطلع اخوي ..
إقتباس
والظاهر بيتنا صاير افطار صايم كل عشر ايام لسته من المقاضي ..
زين حنا يوميا مقاضي جديده الصراحة رحمت السواق .. صار اذا ما دقت عليه امي تقول له الطلبات يدق هو يقول وش تبون ..
إقتباس
قال طيب المعذره وخذ راحتكـ بس اعذرنا من الشيء اللي نشوفه صار الظن عندنا لكـ عليه
اتخيل وجهه بعد الفشيلة تلقا به كل لون ..
إقتباس
وطبعا المبزره مستغلين تقويم الطلاب وماعندهم الا غياب بكرا فـ اكيد اذا دخلوا الحين تبي تصير انواع الاصابات في البيت نظرا للمكرمه الملكيه بـ غيابهم هذا اليوم الاخير
انا اخواني اجزوا قبلها بيومين طلعوا مليون عذر عشان الغياب.. << بس اختهم غابت اليوم الاخير بس:sad: كنت بغيب الثلاثاء بس كان عندي اختبارين عاد يوم قمت الصبح وشفتهم نايمين تهاوشت انا والشغالة من الحرة بس اليوم قايمه مستانسه مارحت
إقتباس
اذا حسيت ان اللي حولكـ مالهم بالذوق وما عزموكـ على السحور لا تقط معهم وانت ماحد دق عليكـ لانكـ تبي تظطر تجلس لحالكـ في المجلس علشان وحده من بنات الخاله جايه معهم :sad:
لذا الدوام يروح مابين العمل ومابين اني ادخل على الزعيم واتصفح بعض مواضيعه ,,
والله موب دوام ذا صار استراحه نت وجرايد وسواليف
إقتباس
والحاصل انه الاسبوع اللي راح كان يبي يسوي فيها ( ياسر القحطاني ) وكان يبي يسوي حركة باص عيون لعله ماشاف الا ورجله بـ ماصورة المويه وهي اللي تنكسر رجله ..
تذكرني يوم اول ماشفت حركة رونالدينو جيت ابسويها (على بالي محترف)ا لا رجلي داخله في جنط موتر ابوي وعلى طول الشميسي وتجبيس
إقتباس
وطبعا المبزره مستغلين تقويم الطلاب وماعندهم الا غياب بكرا فـ اكيد اذا دخلوا الحين تبي تصير انواع الاصابات في البيت نظرا للمكرمه الملكيه بـ غيابهم هذا اليوم الاخير
تخيل اني مودي اخوي المدرسه اليوم عشان عنده اختبار ويوم حطيته عند البا مامداني تعديت الايأشرلي رجعت له وقال لي ان الفراش يقول ان المدرسه مافيها احد وهو متورط عنده اختبار واضطريت انزل معه عند الاداره واشوى اختبروه بسرعه وطلعوه وان تأخرت عالدوام
إقتباس
هذي بكل بساطه يوم من يومياتي واتمنى يكون الانبساط على محيا وجيهكم
بصراحه بصراحه ان يومياتك من اجمل اليوميات اللي قريتها
يويماتك ماراح ننساها تدري لاني غايبه اول مرة في مشوار الجامعي حفظني الله
ثانيا خلصت بطاقتي امس الدي اس ال
ثالثا جات وانا اكتب رد لك
إقتباس
طبعا قبل لا احكي لكم يومياتي المتواضعه ,, حبيت اني ابعد عن الرسميه ويكون كلامي معكم بشكل مبسط اكثر على غير العاده ,, ويكون في العامي لاني اذا تكلمت في اللغه العربيه الفصحى ,, احس اني اقص عليكم مسلسل تاريخي ...!!
منذو مبطي ونحن نريد العاميه مير تحمست الله يهديك بعدين ارد بشوف و شلون شكلك وانت كاتب بالعامي >>>اسكتي فشلتينا
إقتباس
علشان كذا اهلي يسموني الذيب
الذيب سامي مهوب انت >>>ماتعرف تجامل ليش يعني الذيب ينوم شووي والا وش سبب التشبيه
إقتباس
بس احلى مافي الموضوع انه اعطي حرمان من دخول الاستراحه والتمتع بكافة وسائل الترفيه لمدة لا تقل عن شهر نظرا للغشامه التي يتمتع بها المذكور اعلاه
حرام عليك الله يشفيه بسرعه ياعميري تخيلته رابضن باحد زوايا الاستراحه ومطير عيونه في الصغار يقول الله لايعيد شي اسمه هلال وياسر القحطاني
إقتباس
ترا روان عادي يكون هيله
ايه عادي متعودين سعيد يصير فيصل وتركي هنا
إقتباس
يقول هيه هيه انت ... انت ابو ثوب
لو منك قلبت عليه قلت وش هيه هيه اصغر عيالك انا وحلوة ابو ثوب بعد
إقتباس
والعجوز تاخذ من الكيسه قماش وتجلس تشرح
ياكرهي لهم يجون باقمشه الدنيا انا برمضان امي بالخياط وانا بالسياره واطل مع الباب بسررررررررعه وبنات خالتي يضحكون علي الصبر له حدود اكره مالي خياط ومحل اقمشه
اذا حسيت ان اللي حولكـ مالهم بالذوق وما عزموكـ على السحور لا تقط معهم وانت ماحد دق عليكـ لانكـ تبي تظطر تجلس لحالكـ في المجلس علشان وحده من بنات الخاله جايه معهم :sad: