بسم الله الرحمن الرحيم
أدري إني غثيتكم لأن أكثر مواضيعي عن الزواج ومشالكه يس لاتلوموني من كثر الأشياء اللي أشوفها بحكم عملي .
هذه قصة غريبة جدا وعجيبة اضعها بين ايديكم .
هذا واحد اسمه محمد قصة محمد والله ترفع الظغط بصراحة وقد كتب القصة أبي أوصلها لاحد المسلسلات لكن قالوا لي انزلع ماباقي إلا أنت تحطيم بس كل شي يهون بس لاتحطموني أنتم ترى أهون ولاعاد اكتب ======>> ايه اخلص قل القصة ياكثرك
المهم القصة إن ابو حميد من عائلة معروفة وغنية الا اهله عمانه تجار ومطخطخين دراهم الا ابو محمد ياحول على قد حاله بس مستوره محمد يوم انه صغير صار له حادث وصار لاحول ولاقوة الا بالله عرج والعرجه اللي فيها قويه لكن هو مؤمن بقضاء الله وقدره ودائم يقول الحمدلله إني امشي وغيري مايقدر ابو حميد موظف يعني راتبه حلو تقريبا بالخمسة الاف نوى يتزوج والله وخربها الولد راح وخطب بنت عمه كان جوابه لا ماباقي الا هو راح كلم خاله يبي بنته قالت البنت ماابيك وكل ماكلم احد من جماعته قام يعيب فيه وفي ابوه لانهم على قد حالهم الله يخلف عليهم كانو يقولون عن ابو محمد انه مفشلنا في العائله داااج وماعنده شي المهم محمد خطب اكثر من فتاة ولكن قوبل بالرفض مادري ليه .؟ أكيد لانه عرج ولكن العرج ذكر في القران احسن من اللي ماذكر المهم قال محمد لأهله ترى نويت أسافر برى السعوديه سياحة قال أبوه الله يوفقك ياوليدي روح وسافر بس الله الله برضاء الله سبحانه وتعالى احفظ نفسك يحفظك الله .
طبعا ابو حميد نيته سيئه جدا في السفره ناوي يخربها ومجمع له حول خمسة عشر الف ريال وهو اول مره يسافر وغشيم .
نزل محمد لسوريا وقال يالله بسم الله اول بنت بشوفها بخربها معها بس الله يعني على العرجه لاتضحك علي او تعيب فيني حصل محمد بنت في الفندق وصار الحوار هذا بينهم
محمد : السلام عليكم اختي ممكن خدمة
الفتاة : وعليكم السلام نعم شو بدك خيو
محمد : ممكن تشيلي معي بعض الأغراض تعرفين أنا عرج ومااقدر على الطلوع والنزول
الفتاة : ولو تكرم بس مرة ثانيه بدك تحمل أغراضك كلم المسئولين هم بيساعدوك
محمد : أنا أول مره أجي هنا ماعليش لايكون أحرجتك
الفتاة : ايه تكرم .
طلعت الفتاة مع محمد في الانصنصير وكانت البنت متحجبه طبعا ومحمد يخطط .... محمد انت عمرك كم سنة ووش عندك هنا في الفندق .
الفتاة انا هوني بدي أبحث عن وظيفه في الفندق بس ماحصلت وعمري 15 سنة واهلي ضعيفين واحناء من اصل سعودي ونرجع لقبيلة الفلان ولكن اجدادي سكنوا في سوريا من زمان واخذنا الجنسية من زمان وزي مانت شايف .
وصلوا الغرفه محمد تفضلي
الفتاة : لاشكرا مايصير
محمد تفضلي وراح تشبعين فلوس
الفتاة : خلي افلوسك الك انت انسان كامل ماناقصك شي روح وتزوج واستر عرضك
محمد : اي كامل وانا فيني عرجه تقل غساله .
الفتاة : ايه شبها هاذي إرادة الله ولازم بترضى ............ الخ
طلعت الفتاة وقام محمد يلاحقها وهي ماتحس لين وصلت البيت بعد مادخلت البنت جاء محمد وطق الباب طلع اخو البنت نعم محمد ممكن اتفضل اخو البنت ولو تفضل والله ويدخل محمد عليهم وتشوفه البنت وتنهبل شو جابه المجنون جلس محمد مع والد الفتاة وقال له انا محمد من السعوديه موظف واحناء وضعنا المادي لابأس به وانا شفت البنت واعجبتني ونفسي اكمل ديني واتزوجها .
ابو البنت الرأي رأي البنت بسألها وعلمك " عشان ماطول عليكم تزوجو ورجعوا السعوديه وهي كل هما تسعد محمد ولاقالت عرج ولاشي وتقبلت فيه وفي اهله واخذت عليهم واخذوا عليها وتعودو على بعضهم ووفقهم الله . جماعة محمد عرفوا بالموضوع وقالو : والله السوريه خبله والا احد يتزوج محمد واسكتوا وصارت الامور بخير علما انه قرائب محمد لايحبذون محمد ولا اهله لانهم مفشلينهم من ناحية الماده .
وبعد ثلاث سنوات من الزواج جاء لمحمد ولد وجاء الرزق مع الولد
طلع محمد سيارة اقساط وباعها بمائة الف ريال وحط الفلوس بالمحفظه وخبر زوجته السوريه . قالت له محمد دخيل الله من شاني مابدنا شقه انا بسكن مع اهلك وفر الفلوس وخلينا نستثمرها يمكن الله يبارك فيها دخيلتك محمد وبعد اخذ وعطاء وافق محمد ودخلوا فيها الاسهم شوفو وش صار
محمد يكلم زوجته والله السوق رايح فيها من جد ويخوف ويقولون ماقد نزل مثل كذا لا لا ماابي ادخل .
الزوجه : محمد من شاني جرب وربك هو اللي بيرزق
محمد : مااختلفنا الرزق من عند الله لكن لازم نسوي الاسباب وهاذي راح يكون فيها خسارة واضححه .
وبعد اخذ وعطاء مع الزوجه اقتنع محمد وقال الفلوس لك وسوي فيها اللي تبينه .
الزوجه : اشترت اسهم في المكيرش وكان سعرها 12 ريال وشرت بالمائة الف ريال كامله الذكي يعرف كم فيها سهم .
بعد شهر محمد وش صار على الاسهم
الزوجه اصبر حبيبي لاتسال عنها وخليك في راتبك
محمد ناسي الفلوس لان زوجته تسوى الدنيا ومافيها ومخليها على راحتها
بعد فترة
الزوجه : محمد حبيبي السهم المكيرش وصلت 48 ريال نبيع حبيبي
محمد : أجل وش تنتظرين " كم طلع المبلغ " أربع مائة الف ريال تقريبا .
محمد : اللحين وش ورطنا في الفلوس وش نسوي فيها والله مبلغ
الزوجه : محمد حبيبي نستثمر من ثاني والمائة الف رأس مالنا بيطلع بره
محمد : موافق
الزوجه : تشتري أسهم في سيسكو بقيمة ثلاث مائة الف ريال وكان سعر السهم 45 ريال
بعد فترة سعر السهم ب 110 وباعت الزوجه " والله الهاموره "
وتسحب الثلاث مائة الف وتعطيها محمد والباقي تدخل فيه أسهم
وبعد فترة يجب الله له رزق وتبيع الاسهم
المهم صار رصيدهم حول خمسة عشر مليون ريال ومن تجارة لتجارة لين اصبح محمد العرج . محمد الغالي الحبيب الكريم الرجال الشهم اللي مافيه مثله بفضل الزوجه " صدق لقالو الفلوس هي كل شي وتغير النفوس .
ايه اللحين محمد من كبار رجال الأعمال والفضل لهذه الزوجة وش سوى قرائب محمد ..؟
العنوان الجواب وزيدو تزوج من بناتنا