السلام عليكم ورحمة الله وبركاته

طبعا جالس ألعب بنادي الهلال و مضيف كم لاعب عشان أهزم برشلونه بس أخذت ( زيدان وهنري وتوتي ونستا وريبري)

والباقي نجوم الزعيم بالاضافه لكم نجم عربي ... طبعا قمت ولعبت مباراة الذهاب في ملعب برشلونه وتعادلنا 1/1

ومباراة الاياب صلحتها في الرياض وكان الملعب فل ما تلقى وين تجلس ... المهم و أمسح برشلونه ب 4 / 2 ..

طبعا بعدها جاتني تخيلات وشي من هذا القبيل وا قول آآآآآه لو يصلح الشي هذا ابو سلطان بمناسبة مرور 50 عام

على تـأسيس الزعيم ...


طبعا نجوم الزعيم بس بدون إضافه وتكون مباراتين .. الاولى في ملعب الخصم والثانيه عندنا في العريجاء ..

والله لا يهينك يا ابو سلطان التذاكر بلاش والمعلق ناصر الاحمد ..

يا اخوان طالبوا ابو سلطان بالشيء هذا وراح ادعمكم .. ( واحد ماخذ مقلب بنفسه )

(( و أتمنى من كل قلبي يكون مقدم الحفل فايز المالكي (( الهلالي )) وعاد لو يكون بشخصية مناحي يكون أزين ))

الله يرحم والديكم لا تقولون لا بو سلطان أنا اللي اعطيتكم الفكره .. لاني مصلح ثقيل و رسمي معاه (( هم بعد شايف نفسه ))

صدقوني ابو سلطان طيب بس اضغطوا عليه (( زعيم اسيا ونادي القرن ما تكرم حتى الان والله العظيم ))

فلــــــــــــــــــــــــــــــــــــــــــــــــــــــــــــــــــــــــوس
دراهــــــــــــــــــــــــــــــــــــــــــــــــــــــــــــــــــــــم
نقـــــــــــــــــــــــــــــــــــــــــــــــــــــــــــــــــــــــــود