|
طلاب ثالث ثانوي الشاطرين؟؟! العدد الثالث السلام عليكم ورحمة الله وبركاته: ولو أن ما في ردود تحمس حتى الواحد يكتب العدد الثالث بس أنا على وعدي راح أكتب لكم ومثل ما واعدتكم قلت لكم راح أقولكم الطالب الي اختبرت عنه بعدين طلع غايب... يومني بثاني ثانوي كنت دافور الا شوي دافور على مستوى الشرعي مو على مستوى الثانوي يعني النسبة من 70 إلى 80 هذا تعريف الدافور بالشرعي خصوصا بفصلنا المؤدب الموقر الي مكتوب على بابه إن لم تكن عضوا فلا تدخل خشية عليك من الفساد والصرع.. فكان واحد خويي مب لم دراسة أبد وكنا كل يوم نتحجج أنا وإياه على أهلنا ونقولهم نذاكر مع بعض وإذا جاء عندي شغلنا سيارتي وطلعنا نتمشى وأقول لأهلي أنا عنده وإذا رحت عنده شغلنا النت وقعدنا من موقع لموقع وكذا مشت الأمور خلصت الإختبارات الشهرية طبعا أنا الدافور نسبتي 85 بينما خويي 62 وكان مبسوط بعد يقول من قدي وجت الإختبارات النهائية قعدنا نحسب مع بعض درجاتنا هاذي باقي 14 حتى ننجح وهاذي باقي 25 حتى ننجح والمشاركة بكل تأكيد وجدارة ما نحسبها من ضمن درجات النجاح لأنها طبيعي يا 0 يا 1 هذا إذا كان المدرس أحلى من الحليل المهم أنا ما كان عندي إلا مادة واحدة يبلي فيها 10 درجات حتى أنجح والباقي كلها ناجح مشت الأمور على خير وبعدين قالي والله ابوي يقول إذا مانجحت السنة هاذي بأذبحك أنت وخوييك الي مسوين فيها تذاكرون وأنتم من جنبه وبعدين أنا من باب المحافظة على سمعتي الخالية من الشوائب ومن باب التضحية قلتله أعتبر نفسك ناجح وشلون قلت ما عليك إذا جت ليلة الإختبار أعلمك والمشكلة ليلة الإختبار تسلط علي أبوي وقالي والله لو ما تجيب درجات زينة لأسويك شاورما وأنا أهز الراس وأقوله ماعليك ازهلها وهو يقولي كفو عاد مثل ما أنتم تعرفون أنا الأول على الفصل وهو دايم يستانس إذا شافني الأول ما درى ان كل الفصل ستايم يعني دبش همج مب لم داراسة عاد بعد ماكلمني أبوي وواعدته الوعود تلو الوعود رحت لخويي وقلتله شف أنا بأختبر عنك وأنت اختبر عني لأني ناجح بالمادة هاذي يعني انت اكتب اسمي على الورقة وانا اكتب اسمك على الورقة خصوصا اننا كنا ورا بعض في المصلى نختبر قال تمام وبعدين اختبرنا وعدينا على خير وانا أسأله وشلون إجابتك يقول والله سهل وحليت تمام ولما سألني قلتله والله حليت تمام جت المادة الثانية بآخر اسبوع من الإختبارات والحمدلله كان المراقب زكرت فلاوي وكنا متفقين أنا وخويي من أمس بالتلفون لأننا مقدرنا نتقابل أننا نختبر مع بعض المهم جاء يوم الإختبار احتريه ما جاء ثم شوي جاء واحد وراي أنا على نياتي بريء ما أعرف حركات الزكرت أحسبه خويي قمت اختبرت وكتبت أسمه على الورقة عاد الي وراي طلع قبلي على أساس انه كاتب أسمي وبعدين كانت الطامة الي ما بعدها اني لما جيت اسلم الورقة أدور مكان اسمي مالقيت توقيع مكان اسمي ولا مكان اسمه معناها انه غايب ما جاء ياسلاااااااااااام اللحين وشلون ارجع الورقة من المدرس حتى أغير الاسم حاولت وبعدين قررت اعترف واعترفت والمدرس سكت ومسح الاسم وكتب اسمي ياهو سنايد المدرس ذا ماعمري شفت مثله المهم شوي ولا الطالب جاء ومعه ورقة اختبار طلعت السالفة انهم تقريبا حاسين وفرقونا قبل الإختبار وهذاك من قلة الخاتمة كاتب اسمه ما كتب اسمي المهم طلعنا برة وكل واحد يقول حلي تمام خلصت الإختبارات وأنا تقريبا حليت 5 اختبارات عنه والسادس انكشفنا ماقدرنا نختبر مع بعض بس بركة وحنا نحتري الشهادات على أحر من الجمر جت الشهادات والي بسبتها أبوي سحب السيارة مني طول الإجازة وصرت أمشور مع خويي الي أنا مختبر عنه لأن أبوه شارله سيارة علشان درجاته ممتازة طلع خويي هذا ما يذاكر أبد أيام الإختبارات ومعتمد على ذاكرته بما كان يشرحه المدرس بالفصل الي هو طول اليوم نايم ما يدري عن شي ما أدري أي ذاكرة مععتمد عليها الظريف هذا درجاته جايب لي فيها 5 من 30 و 2 من 30 وأنا جايبله 18 من 30 و 25 من 30 بس ما عليكم ادبته طول الإجازة كل يوم ادق عليه تعال مرني ودني للإستراحة لم العيال أمي تبي خبز جب ما معي سيارة ود اخوي للمركز ودني للنادي هبلته خليته يعتمد على ذاكرته تمام مرة ثانية وهاذي قصتي وترقبوااااااااااااااااااااااااااااااااا قصة المدرس الي بلع طبشيرة |
هلا انا فاتني العدد الثاني ممكن الرابط |
الله يعطيك العافيه وانا بعد فاتني العدد الثاني ممكن الرابط؟ |
هههههههه قـصـة رهيبـة .. لـكن لـو أني منك ما بعـطيـه الورقـة حقتـي وش يضـمنـلي انـه بيـحل .. نبي رابط الأعـداد السابقـة |
طلاب ثالث ثانوي الصتايم 2 طلاب ثالث الداجيــن 1 هذي الروابط .. ــــــــــــــــــــــــــــــــــــــــــــــــــــــــــــــــــــــ والله سنايدي الأستاذ , شكراً على القصص الممتازة جداً ,, وننتظر اللي بلع القلم مدري الطبشورة :D |
الهلال & يوفنتوس أشكرك على مرورك وتعليقك حلالي لكل هلالي مشكور أوي على مروروك البالون والله يا اسمك شكله عل شكلك بس يعطيك العافية الذيب الأزرق أشكر ك من أعماق قلبي ولك من كل تحية وتقدير وأشكرك على الروابط |
اوكيه يصير اروح اذاكر الفيزياء علشان................. |
رووووووعهـ كل يوم اسجل اعجابي فيك اكثر ابداع يسلمؤؤؤؤؤؤؤؤ قصصك صزز ولا زي سوالفي سيووووووووووو |
سراب الهلال أشكرك على مرورك أما أنت يا إبراهيم إقتباس:
راسهم يابس وماتصدق قوة القلب الي عندهم مع اني كنت الداعم الأول والرئيسي لهم خصوصا اني مؤدب ولا أحب المشاكل |
إقتباس:
وحتـى انت احس انك ترجع ريوس دايما :d |
صبـــاحك زيزفون أخوي عابر القارات بصـراحـة عدد فللله :d إسمحلي عاد ابي أخش معك جو شوي بالنسبـة لنـا حنا يا طلاب العلمي << مسكين الله لا يوريك يا أنـواع الدجـة ( حاليـا ) المفرووض بحصة الرياضيات كل الفصل مصحصح يمين بالله ما تسمع غير الشخـير من كل صوب وبالنسبـة لشعب الشرعي ( عندنا بمدرستنا ) لا كثرهـم الله :p وربي إيش أقولك وإيش أوصفلك أقل شي صار إن ثلاث أرباعهم سحبوا الأسبوعين الأخيرة من رمضان غياب يوم تدخل فصلهم تحس إنك بشبك غنم من كثر ما هم متزاحمين تخيل الفصل فيه أكثر من 53 طالب بينمـا << حلوة بينما ;) .. فصول العلمي ما تتعدى 24 ستيودنت بالفصل الواحد << أبوك يا ستيودنت :d :clapping: .. آسفين على الإطاله بس أحس نفسي بالمدرسة كل ما أقرالك موضوع عن طلاب ثالث ثانوي الشاطرين ولك يسلموووووو يا باشااا على أعدادك ننتظر جديدك ,, تحياتي / أحد طلاب العلمي الدوافير << أما دافوور كثر منهـا :no: |
إقتباس:
إقتباس:
إقتباس:
فصلين كل فصل 25 وياليتهم كلهم يجون 5 غايببين و 5 يتمشون بالأسياب و 5 بعدالفسحة (زبنون) يعيني هجو وش بقى للمدرس الي ما عمره شرح لأنه يتحطم ما في الفصل إلا عشر طلاب وياليتهم كلهم قاعدين لا 5 نايمين بالله عليك وش رايك أحلى ناس حقين الشرعي ولا راح تلقى مثلهم لو يصير عددهم 60 بالفصل تلقى فصلهم فلة x فلة |
إقتباس:
مثلك عارف ورانـا زواج بكره لازم نجيب نسبة ونخشلنـا جامعة ونتوظف << عنده طموح كبر راسه إقتباس:
تحس كل ما تضيق فيك الدنيا ودك تجلس معهم بحصة فاضية ترى وناسة مو طبيعيـة مو مثلنـا وين ما تلتفت تلقا أخوياك كل واحد ماسكله كتاب حتى لو حصة فاضية تلقى الكل يذاكر برايفت بسيط / المشكلة يذاكرون ويتعبون وفي النهاية أنا الداج أجيب أحسن منهم الله يخليكِ يا ميمتي لي إقتباس:
بس تصدق ومالك علي يمين إن أفضل ناس ترى حقين الشرعي يعني كل أنواع البشر تلقاه عندهم الله يعطيك العافية أخوي ,, |
مشــــــــــــــــــ(الـــــــــــــــــــــــــــــــــــــهــــــــــــــــــــــــــــــــــ ـلالي 505 ) ــــــــــكور |
:d يقطع أبو التحشيش الله يخلف على أمٍ جابتكم;) الحين قهررر قريت هذا العدد قبل العددين الأولى ما لكم دااااااعي:wallbash: <<<يقطع أبو النظام اللي تعرفينه:razz: يالله ننتظر الأستاذ اللي بالع طبشور<<ما أدري أحس لك دخل بالجريمة هذي:d البالون.. لا عمري أشوفك ترد بالمنتدى يا أخي أمووووت من الضحك بسببك خف علينا شوي:d |
| الوقت المعتمد في المنتدى بتوقيت جرينتش +3.
الوقت الان » 04:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd