حقيقة اعتزال سامي بن عبدالله الجابر - نادي الهلال السعودي - شبكة الزعيم

هلالي جذاب · #1 04/10/2006, 09:30 PM

كثير منكم يسأل وش فيه سامي ؟؟ وش غيره ؟؟

وكثير منكم يعرف ان ابو عبدالله عمره 33 سنه وهالسن مو سن لاعب منتهي بالعكس ابو عبدالله يقدر لو انضبط في التمارين يصير انشط من كل مهاجمي الزعيـــم الان ولكن ..

الرجل عانى كثير منكم ومن غيركم ..

تخيلوا يا نااااااااااااس قائد المنتخب رايح يرفع راية البلد في كاس العااااااالم وهنا هات ياسب وشتم على الجرايد ومن حثالة الكتاب واولهم اكرمكم الله نجس النيه والبكيري والفلاته وبقية الرعاع والرئيس العام ونائبة يشوفون كل يوم وش يكتب عن سامي وهو في معسكر كاس العالم ومع ذلك يتفرجون وراضين مدري ليش ؟؟؟
مع انهم برفع سماعه لرؤساء تحرير الصحف قادرين يسكتون ابو ابوهم ..

غير كذا والجرايد الجماهير وطوال الـ ( 16 ) سنه يسبون سامي ويشتمونه بمناسبه وبدون مناسبه وكانه شارون اللي دمر وخرب بيوت المسلمين ولا كانه معتدي سرق او نهب منهم شي وكل ذنبه انه حضر في الوقت الذي كان نجمهم الاوحد كل شي في ناديهم والمنتخب ..

والعجيب في الامر ان ابو عبدالله وطوال تاريخه ما رد على احد لا الجماهير اللي تشتمه في الملاعب ولا حثالة الكتاب اللي بالجرايد كل يوم يكتبون عنه ولا حتى بعض اللاعبين اللي قللوا من قيمته ونجوميته ومنهم على سبيل المثال ماجد عبدالله .. سعيد العويران .. وفهد بنت الهريفي وبقية الناعقين للنيل من نجومية من سلب منهم الاضواء والبطولات والانجازات وهو شاب في مقتبل العمر ..

سامي ما اخذ شي مو له والميدان كان للتنافس والمجال كان مفتوح لكل النجوم يسجلون في الفرق الاسيويه والعربيه والعالمية والمحلية وباستمرار وهذا اللي كان يسويه سامي اما هم فلكل واحد منهم مرحلة يظن هو وجمهوره انهم منافسون لهذا السام جداً ..

طبعاً انا ما ودي ابعد عن صلب الموضوع ..

سامي ومن خلال قربي منه ومعرفتي لنفسيته قد كره الوسط الرياضي ووجد انه وسط مستنقع الكل فيه يبحث عن الاساءه وانتوا شايفين الان كيف صارت الرياضة موضع شبهه واتهامات وتشكيك في الضمائر ..
سامي فقد طعم ولذة التنافس خلاص ووجد انه قدم الكثير ولم ينل الا الاساءات فقط وحفة من المال يستطيع ان يحصل عليها بجهد اعلاني بسيط يغنيه عن بيئة كلها حسد وحقد دفين لم ولن يزول ..

وجد انه كان حليماً الى ابعد الحدود مع كل من اساءوا له ..

شاهد حقير يصور والد سامي عبدالله الجابر رحمه الله في شكل رجل جيزاني او يماني يرقص بشكل ضاحك وكلامي وليس تقليل مني في اخواني في جيزان او اليمن ولكن لماذا يفعل ويستهان بكرامة الرجل بهذا الشكل !! شاهد اثناء فعاليات كاس العالم من ( يدبلج ) له صورة مع فتاة يقال انها ملكة جمال او شيء من هذا القبيل ..
وكلنا شاهد الصورة وقد اتضح انها مدبلجه ولكن !! لماذا يتحمل الجابر كل هذا ولمصلحة من ؟؟؟
انتم من تتغير المفاهيم عنده مع اقرب اخفاقه او تدني لمستواه ؟؟؟
ام الوطن الذي لم يوقف الاساءات طوال السنين التي عاش امرها وهو يتقطر عرقاً وتضحيات من اجله ؟؟لذا الرجل قد يرحل وهذا مؤكد وهذا قراره الذي اختاره لنفسه وما علينا الا ان نقول له :

الف الف الف شكر سامي وسامحنا فقد خذلناك وقصرنا غير قاصدين حباًَ فيك وفي نادينا ومنتخبنا

والى لقاء باذن الله يازعماء ..