طلاب ثالث ثانوي الشاطرين ؟؟! العدد2 - نادي الهلال السعودي - شبكة الزعيم

عابر القارات بالريوس · #1 05/10/2006, 01:19 AM

صراحة حمستوني بردودكم وقررت أخلي العنوان ثابت وأغير رقم العدد والمضمون سيكون
أمتع وأشيق بإذن الله..

هذي القصة صارت بثاني ثانوي وفي الإختبارات النهائية بعد ..
بعد ماخلصت اختبار البلاغة الفترة الوحيدة في ذلك اليوم خرجت من المدرسة وإذا بالجو ممطر وفلة
فوسوس لي ابليس اللعين أن أذهب إلى الثمامة ( معشوقتي ) لكن مايصير أروح لحالي
وكان وقتها مافي بثاني إلا أنا معي جيب والباقين كلهم سيارات صغيرة يعني لازم ما أثقل
سيارتي حتى إذا جيت أرقى النفود يصير الموتر خفيف وفعلا حصلتلي نفر واحد وقلتله وش رايك قال
قدام وفي الطريق دقت علي أمي وينك قلت ( عندي اختبار حاسب تطبيقي ) ما أحب الكذب أبد
قال الله يسهل عليك كان ودي أنك توديني (بندة) بس دام عندك اختبار اختبارك أهم وقالتها وأحس
أنها ما مصدقة عندي اختبار ، وأنا من باب بعد الشك عن قلبها اتصلت عليها بعد ربع ساعة وقلتلها
ادعليلي اللحين بأدخل قاعة الإختبار ، قام السطل الي جنبي رفع على المسجل لأنه ما يبيني أكذب
على أمي لا تصدقون لأني نكبته يوم كلم أمه وقاله عندي اختبار حاسب قمت رفعت المسجل فوحدة بوحدة
وأنا بسرعة قفلت الخطة حتى أمي ما تسمع أمي العزيزة الغالية مشتها وسكتت وهي تدري
وبعد ماقضينا من النفود وبقى شوي ويقضي البنزين قلت لخويي السطل صاحب الرأس الكبير سق
أنت أنا تعبان ما أقدر أسوق وأغمضت عيني ولم أفتحها إلا وأنا المستشفى وأمي فوق راسي
تقول أحسن اختبار حاسب شفته بحياتي وأنا رديت عليها بكل براءة أنا أقصد أجرب كمبيوتر السيارة
عاد هي حبيبة وما تحب المشاكل قالت ايه ايه بس يازينك ساكت
وأم خويي تدق على أمي وتقوله حسبي الله على ولدك خرب ولدنا
وأمي تقولي يعجبك تسذى الناس تدق تدعي عليك عاد أنا رديت قلت هذا جزاي أعلمه السواقة
وبعدها ما جاني كف من أبوي الي مرتفع ضغطه مب مني لا من السيارة الي راح يصلحها ..

بالله وش رايكم فيني طالب مؤدب اهتم بالإختبارات ولا أحب المشاكل .

وترقبوا الطالب الي اختبرت عنه بعدين طلع غايب واختبرت دور ثاني بسبته

9ابراهيم9 · #2 05/10/2006, 01:39 AM

والله العظيم اني داخل متحمسسسسسسسسسسسسس

عادي تصير صديقي

خخخ

والله انك مبدع

يسلمؤؤؤؤؤؤؤؤؤؤؤ

_________

القصه قصيره عطنا وحده طويييييييييييييييله

عزوز الأزرق · #3 05/10/2006, 03:12 AM

يسلموووووووووووووووووو....

بس كيف صار الحادث .؟؟!

أوصف ولي عوده...

تحياتي,,

الذئـــ الأزرق ــــب · #4 05/10/2006, 03:55 AM

إقتباس

الرسالة الأصلية كتبت بواسطة عابر القارات بالريوس


	[RIGHT][B][COLOR="Blue"]صراحة حمستوني بردودكم وقررت أخلي العنوان ثابت وأغير رقم العدد والمضمون سيكون أمتع وأشيق بإذن الله.. قال الله يسهل عليك كان ودي أنك توديني (بندة) بس دام عندك اختبار اختبارك أهم وقالتها وأحس أنها ما مصدقة عندي اختبار ، وأنا من باب بعد الشك عن قلبها اتصلت عليها بعد ربع ساعة وقلتلها ادعليلي اللحين بأدخل قاعة الإختبار ، قام السطل الي جنبي رفع على المسجل لأنه ما يبيني أكذب وأنا بسرعة قفلت الخطة حتى أمي ما تسمع أمي العزيزة الغالية مشتها وسكتت وهي تدري وترقبوا الطالب الي اختبرت عنه بعدين طلع غايب واختبرت دور ثاني بسبته

قالت **

ادعي لي **

الخط **

ــــــــــــــــــــــــــــــــــــــــــــــــــــــــــ

رهيبـــه السالفة , بس وشلون صار الحادث ماسالت السطل خويك , صاحب الراس الكبير ..؟!

ننتظر الجزء الثالث ان شاء الله يصير طويــل .,.

عابر القارات بالريوس · #5 05/10/2006, 04:39 AM

تسلمون على مروركم ياشباب
أما الحادث فسألتموني كيف حصل
أخونا الصاحب الرأس الكبير والي يدعي انه ذكي
حب يتجاوز تريلة ومثل ماتعرفون طريق الثمامة قبل كم سنة كان
طريق واحد رايح راجع اخونا الظريف حب يتجاوز ما عرف وخاف فقام تجاوز من التراب
ودخل بعبارة.......
ويالذيب الأزرق لا تدقق

الفيروسه الزرقاء · #6 05/10/2006, 06:50 AM

هلا بـ عابر القارات بالريوس

لحظه بريوس

واروح لـ موضوعك العدد الاول ، فيه شي نسيت مـ أجيبه

..

إقتباس

الرسالة الأصلية كتبت بواسطة ســــ 9 ـــــام


	أنـا معك لكن والله النظام الجديد مايرحــم يعني تهبل بالمدرس ولا ترج محسوبـه عليك .. وهذا إللي يقولون أزين شي بالتراكمي يخلون الطلاب سيدهـ

لووووووووووو

ووووووووووول
يـ مسكييين

، الله يعظم أجركم ع هـ النظام ، بس يابختكم صار عندكم تقييم بدل من الاختبارات

بس بالفاينل إختبار

.. عاد مدري طبق ع الثانوي وإلا لأ ! لأني سامعه انه راح يطبق عليكم

إلا تعاااااااال بـ سألك بحكم أنك توك صغنون

ســــ 9 ـــــام عادي اعترف انت والشباب اللي مروا هـ المرحله ، بـ المتوسطه ماتاخذون السيارات من دون علم أهلكم !
داري وش جاب هـ الطاري

! اليوم ابربر مع اخوي وولد خالي توهم فـ المتوسط وكبوا العشا

وطلعوا فضايح بعض كل واحد اعترف انه يأخذ السياره من السواق فـ غفلتنا

وتعال شف أنواع الهجوله ع قولتهم

، لا وباغين يصدمون

وهم توهم بزارين ، يعني لو انهم بـ الثانوي بعذرهم لكن توهم طازجين ، المصيبه ليتهم يعلمونا

ماعلمونا يعني بتصير صاعقه لو صار لهم شي وأهلي مادروا عنهم لكن الشرهه موب عليهم الشرهه ع هـ السواويق المخفه اللي يعطونهم مفاتيح السيارات

..

تلاحظون قمت ابربر وطلعت برا الموضوع

! بس تراني ماطلعت مره

جالسه احكي لهم قصة هجولة الشباب فـ هـ العمر من دون علم اهاليهم

.. يـ الله نزل موضوع عن ذكرياتك بـ المتوسطه وش كنت تسوي

----->> صايره تحث ع تنزيل المواضيع

..

نرجع لموضوعك يـ عابر القارات بالريوس

إقتباس


	صراحة حمستوني بردودكم وقررت أخلي العنوان ثابت وأغير رقم العدد والمضمون سيكون أمتع وأشيق بإذن الله..

طب ورى ماتنزل الموضوع كل أسبوع

علشان مانمل & موضوعك السابق يأخذ حقه من الردود ..
عباره عن وجهة نظر والرأي لك

إقتباس


	أنها ما مصدقة عندي اختبار ، وأنا من باب بعد الشك عن قلبها اتصلت عليها بعد ربع ساعة وقلتلها ادعليلي اللحين بأدخل قاعة الإختبار ، قام السطل الي جنبي رفع على المسجل لأنه ما يبيني أكذب على أمي لا تصدقون لأني نكبته يوم كلم أمه وقاله عندي اختبار حاسب قمت رفعت المسجل فوحدة بوحدة

لوووووووووووووووووو

ووووووووووووووووووووووول
حبل الكذب قصير

..

إقتباس


	بالله وش رايكم فيني طالب مؤدب اهتم بالإختبارات ولا أحب المشاكل .

إلا الله يخلف عليك

..
لو أني فـ مكان الاهالي بـ نقل ولدنا عنك وإلا وشوله ينقلون عيالهم

!
ورى ماينقلونك ويودونك للمريخ !! نفتك منك

..

عابر القارات بالريوس ، دامك إنسان ماتعرف درب المشاكل ! ولأ تحب تخرب أحد عندي لك عرض

رح خرب القاضي وابوريمان

عاد بشوف مدى قوتك فـ التخريب الشباب أقصد الشياب

..

إقتباس


	الفيروسة اقتراحك محل تقدير واهتمام ولك مني التحية والتقدير

اقدم لكم خدماتي مجاناً

، وإذا تبي تستشيرني بـ شي تراني تحت الخدمه بس موب 24 ساعة :p

مانيب صويحيه مابعد نمت جالسه اطالع بلود 6 ساعات متفرقه

مابقى إلا شوي واختمه

..

الفيروسه الزرقاء

عابر القارات بالريوس · #7 05/10/2006, 07:51 AM

الفيروسة اقتراحك محل تقدير واهتمام ولك مني التحية والتقدير

إقتباس


	دامك إنسان ماتعرف درب المشاكل ! ولأ تحب تخرب أحد عندي لك عرض رح خرب القاضي وابوريمان عاد بشوف مدى قوتك فـ التخريب الشباب أقصد الشياب ..

نعمل على من هم بأعمارنا فقط ولا مجال للشياب

لاتسمعك أمي وانت تقولين رح خرب والله ان تكسر الكمبيوتر فوق راسي

الـمـشـاغـب · #8 05/10/2006, 08:17 AM

خخخخخخخخخخ

عز الله اللي أنتم داجين

ذكرتني ببعض الأشياء <<<<<< الأشياء؟؟ إلا قل الطوام اللي حصلت أيام الثانوي

شكلي بأتحمس مثلك وبأكتب لكم بعض الطوام اللي حصلت لي بالثانوي...

سي يووو

هلالية حرة · #9 05/10/2006, 04:01 PM

والله انكم فااااااااااااااالينهااااااااااااااا

عابر القارات بالريوس · #10 05/10/2006, 09:05 PM

إقتباس


	شكلي بأتحمس مثلك وبأكتب لكم بعض الطوام اللي حصلت لي بالثانوي...

والله يالمشاغب لا تخليني أسوي مثل صالح كامل وأخليها حصريا (ههههههههههههه)

ومشكور على مرورك

هلالية حرة
الحياة من دورن فلة ما تسوى شي
مقدر مرورك وتعليقك

برنسيسة الهلال · #11 06/10/2006, 03:17 AM

هههههههه والله داااااااااج

بانتظـــــار العدد 3

تحـيـــــاتي

عابر القارات بالريوس · #12 06/10/2006, 07:30 AM

برنسية الهلال
أشكرك على مرورك

كان هنا · #13 06/10/2006, 01:08 PM

تسسلم على هالدجات ...d

وسلم لي على ابو راس ..<<<مو العضو الي هنا ..

خويك ...

الكناري الأزرق · #14 06/10/2006, 01:46 PM

الـسلام عليكم و رحمه الله و بركاتـــه ,,

هههههههه

!

الله يرجـك ..

عليك يوميات فـلة

..

احد قالكـ تعطيه السيارة و هو غشيم

؟!

إقتباس


	اخر تعديل كان بواسطة » الفيروسه الزرقاء في يوم » أمس عند الساعة » 06:09 AM. السبب: ********---> مشفرته:

p

ليش مشفرتـه ؟!

الاخـت تقرب لصالح كامل

؟!

أبوماضي · #15 06/10/2006, 10:59 PM

مشكور على القصه

إقتباس


	أخونا الصاحب الرأس الكبير والي يدعي انه ذكي حب يتجاوز تريلة ومثل ماتعرفون طريق الثمامة قبل كم سنة كان طريق واحد رايح راجع اخونا الظريف حب يتجاوز ما عرف وخاف فقام تجاوز من التراب ودخل بعبارة.......

ههههههههههههههههههههههههههه أجل ذكي

أبسأل رأسه الكبير في مخ؟؟؟؟

بس اذا كنت في الثانوي وفالها أجل بالجامعه وش تبي تسوي

هذا اذا دخلت جامعه ههههههههههههههههههههههههههههههههههه

بس ماقلتلي وش دخلت عقب الفله في الثانويه؟؟؟؟؟؟؟

إقتباس


	ليش مشفرتـه ؟! الاخـت تقرب لصالح كامل ؟!

أجل قلها تتوسط لي عنده تخليلي الاشتراك مفتوح