#1  
قديم 04/10/2006, 12:20 AM
مشرف سابق بمنتدى الثقافة الإسلامية
تاريخ التسجيل: 15/12/2000
المكان: القصيم
مشاركات: 2,953
حكايتي مع المواتر = 2 =

بسم الله
السلام عليكم
طبعا كنتم تعتقدون أن القرار يتعلق بالسيارات
والصحيح انه لا علاقة له بها لا من قريب ولا من بعيد
القرار الذي قررته هو الزواج في العام 1417 هـ
وتعرفون أن الباترول
غير مناسب لشاب سيتزوج حديثا ( بس حلوه شاب )
وأيضا لا بد من ترك سيارة للأهل
فتركت الباترول لأخي الأصغر وعزمت على شراء سيارة لي
منها تكون صغيره
ومنها مناسبة للزواج
وبعد بحث ليس بالطويل عثرت على سيارة أرى أنها مناسبة لي
وفعلا كانت من أفضل السيارات التي قدتها
فكان قرار شراء سيارة بيوك رود ماستر ( وتعني سيد الطريق ) ذهبية اللون م 93 من معارض الرياض



ولله الحمد لم يخب ظني فيها
كانت نعم السيارة لمدة ثلاث سنوات أعوام ( 1418 – 1419 – 1420 )
وأثناء ذلك اشتريت سيارتين
الأولى جيب باترول ( ربع ) وهي ثاني سيارة اشتريها من الوكالة بعد الددسن ال 85



وان كانت هي الأولى الجديدة التي أشتريها من مالي الخاص
السيارة ما طولت معي فقد وجدت منها مشقة شديدة
باب وحد لعائلة ما يصلح ابد
يركبون البزران ثم الشغالة ثم ام محمد
صار الركوب قضية والنزول قضية أخرى
قال اخوي الصغير أبيها قلت جتك
اهم شيء افتك منها
قال اباخذها برأس مالها تقسيط على سنتين
قلت ما عندي مانع
لكن صارن السنتين خمس
مهب مشكله مهب غريب

السيارة الثانية كانت جيب قراند شيروكي



الحقيقة سيارة سيئة بكل ما تحمله هذه الكلمة من معنى
كرهتني في شيء اسمه جيب
الحقيقة الغلط مني
كيف آخذ سيارة منتهية جدا
المهم هذا الموتر قعد بالورشة أكثر مما قعد معي
بالأول انكسر الدفرنس
ثم خبط القير
ثم انعدم ال A B S
كانت تقعد معي اسبوع وبالورشة شهر
الله يخلف علي شريتها بسبعة وثلاثين الف وبعتها بواحد وعشرين ألف بعد ثمانية أشهر
للمعلومية كانت هذي الفترة هي الفترة اللي اشتركت فيها في منتدى الزعيم
وعلشان الشيروكي مسبب لي غثا وغرابيل سميت نفسي به
ليس حبا
بل حتى لا أنسى وأشتريه مرة أخرى

نعود للبيوك الذهبي
بعت السيارتين وصار ما معي الا هو
ولكن في السنة الرابعة تغير الموتر علي ( يبدو انه صكته عين ) خرب على الأديتر ثم بعد فترة غيرت البخاخ ثم بعد فتره انفقعت المساعدات وكانت هدروليك
قلت يا ولد السوق
والله ولا ردني الا المعارض
ولله الحمد تيسرت بيعته بسرعه
وللمرة الأولى بعد خمسة عشر عاما اصبحت بدون سيارة
اذا لا بد من قرار سريع
وكان في الحقيقة قفزة حضارية جيدة جدا
الصراحة الشيروكي علمني ان الغالي ثمنه فيه
وكان الاتجاه للمرة الأولى جهة شركة تويوتا
فكان اختياري لسيارة .............؟
نكمل ان شاء الله في الجزء الثالث
اضافة رد مع اقتباس
  #2  
قديم 04/10/2006, 12:34 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
هلا والله أخــوي شيروكي..
الله يعطيك العافيــه بس جد ارحمك المواتر مسببين لك مشااكل
الله يعينك:sad:
شكلك مو محظوظ مع السيارات بس يالله الحظ له
دوور ..
انا بصراحه مالي بالمواتر ولا شي من هالقبيل
بس انصحك بكامري الجديد :p ولا رنج ولا BMW تراهي روووعه
انا من ناحية الشكل اعرف اختار
اما من ناحية المكينه ومدري ايش اللي دااخل السياره اضيع فيها :p


وتسلم أخــوي على الموضوع..
اضافة رد مع اقتباس
  #3  
قديم 04/10/2006, 12:51 AM
عضو سابق في اللجنه الإعلامية
تاريخ التسجيل: 21/04/2003
المكان: في كل مكان
مشاركات: 1,222
إقتباس

ماشاء الله عليك ساكن جنب حي السفارت ( اشوف علم امريكا )

الله يعينك اخوي مع هالسيارت والله حالتك حاله :sad:

بس شكلك تحب الامريكي واجد بيوك وكابريس وشيروكي ( هذا اللي جاب لك الظغط)

بس الحمد لله انك شريت ياباني وشكلها كامري
اضافة رد مع اقتباس
  #4  
قديم 04/10/2006, 12:53 AM
زعيــم مميــز
تاريخ التسجيل: 16/10/2005
مشاركات: 15,355
السلام عليكم و رحمه الله و بركاتــــه ,,

اجل ما تحب الشيروكي !

كمل بسرعة تراني مدمج ,,

" موضوعك كوكتيل ينفع هنا و بمنتدى السيارات ! " ..
اضافة رد مع اقتباس
  #5  
قديم 04/10/2006, 01:08 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
إقتباس
وكان الاتجاه للمرة الأولى جهة شركة تويوتا
فكان اختياري لسيارة .............؟
نكمل ان شاء الله في الجزء الثالث



انا وصلت هنا وانقهرت وماعرفت ارد
ليش ماقلت وش شريت
اضافة رد مع اقتباس
  #6  
قديم 04/10/2006, 02:18 AM
خبير سيارات
تاريخ التسجيل: 15/02/2005
المكان: USA, CO
مشاركات: 5,499
ابد الشروكي كله ما يمدحووونه لا هو و لا وكالته


و في انتظار جزءك الثالث ;)
اضافة رد مع اقتباس
  #7  
قديم 04/10/2006, 03:18 AM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
لا تنضغطون جيب GXR ..

<--- يبي يجيني تصفيق ..

لكن ما علي منه ..

أبو محمد عودا على بدء تقول عام 1405 وأنت بثاني ثانوي ..يعني ذيك السنة عمرك 17 سنة تقريبا ( طبعا لو أخذنا بالاعتبار إنك دافور ومانتب راعي رسوب )

ومن عام 1405 إلى الحين 22 سنة ..

يعني وشلون ..

<------- من جد بيتصفق

على العموم جازن لي سياراتك ..وخصوصا الكابرس حق الخطوط ..

مشتاقين لك يا ابو محمد ;)
اضافة رد مع اقتباس
  #8  
قديم 04/10/2006, 04:15 AM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
قصتك مع السيارااااات تصلح فلم هندي

حب .. معاناه ... فرحة .. حزن .. لقاء .. فراق ...


يسلمووووو ع الموضوووووووووووع اللطيف
اضافة رد مع اقتباس
  #9  
قديم 04/10/2006, 05:16 AM
زعيــم مميــز
تاريخ التسجيل: 03/03/2006
المكان: قلب كل هلالي
مشاركات: 2,078
مــــــــــــــــــــــــــــبـــــــــــــروك عليك الـــــــــــكـــــــــــامــــــري
انا متاكد انك بتقول شريت كامري بس وش اللون

(الــــــــــــــــــــــــــــــــــــــــــــهــــــــــــــــــــــــــــــــــــــــــــلالي 505 )
اضافة رد مع اقتباس
  #10  
قديم 04/10/2006, 01:22 PM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,711
هلا وغلا بأبو محمد

والله معاناتك مع السياراة احسها مطوله ,,
بس انا اذكر كان عند ابوي نفس البيوك اللي عندك وطوّل عندنا ,,
لولا التجديد ماباعه الوالد .. والشيروكي والله مشكله ,, وانت مسمي نفسك شروكي
على بالي حب فيه ,, أثاريه كره ,,

يالله بانتظار الجزء الثالث ,, متى الحلقه الاخيره << متحمس
اضافة رد مع اقتباس
  #11  
قديم 04/10/2006, 01:45 PM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
والله السيارات إذا بدت تخرب مشكلة ,, تصير كل شوي في الورشة ,,
ما يمديها تطلع .. إلا تدخل مرة ثانية ,,

الحين سيارة السواق مهبلة فينا كل شوي يخرب فيها شي ,
وتم الإتفاق على تجديد السيارة بعد ما يضف وجهه هالسواق ,
احسه هو سبب خراب السيارة

إقتباس
وكان الاتجاه للمرة الأولى جهة شركة تويوتا
فكان اختياري لسيارة .............؟

اتوقع لاند كروزر ,,


إقتباس
بس انصحك بكامري الجديد ولا رنج ولا BMW تراهي روووعه

ياحبيلك رعبوبة .. وش جاب الكامري عند الرنج والبي أم دبليو
اضافة رد مع اقتباس
  #12  
قديم 04/10/2006, 02:08 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893
السلام عليكم ورحمة الله وبركاته ...

الف مبروك اخوي شروكي ..

بارك الله لكما وبارك عليكما وجمع بينكما بخير

>>>> ولو انها جات متاخرة شوي

أبو محمد ..

اتوقع انك ساكن في كامباوند او تحدثنا من واشنطن

إقتباس
الحقيقة سيارة سيئة بكل ما تحمله هذه الكلمة من معنى

اعتقد ان الشروكي احلى مافيها اسمها

إقتباس
بل حتى لا أنسى وأشتريه مرة أخرى

طريقة رائعة ومبتكرة للتذكر

إقتباس
نكمل ان شاء الله في الجزء الثالث

أخاف الدعوه يصير فيها زوجة ثانية

>>> ام محمد مالي دخل

سكر لك اخي شروكي ونحن بتظارك

دمت بخير ,,,
اضافة رد مع اقتباس
  #13  
قديم 04/10/2006, 02:19 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,765
إقتباس
كانت تقعد معي اسبوع وبالورشة شهر
الله يخلف علي شريتها بسبعة وثلاثين الف وبعتها بواحد وعشرين ألف بعد ثمانية أشهر
للمعلومية كانت هذي الفترة هي الفترة اللي اشتركت فيها في منتدى الزعيم
وعلشان الشيروكي مسبب لي غثا وغرابيل سميت نفسي به
ليس حبا
بل حتى لا أنسى وأشتريه مرة أخرى

خخخخخخخخخخخخخخخخخخخخخخخ اما ذي حلوه منك

ياخوي معاناتك احزنتني بشده لو انك محارب في افغانستان اهون لك من هالشقى

يالله بانتظار موضوعك الثالث ولو ان عندي احساس انها كراون مدري ليه
تحيه لك وعوافي ياشيروكي
اضافة رد مع اقتباس
  #14  
قديم 04/10/2006, 04:06 PM
رحمه الله تعالى واسكنه فسيح جناته
تاريخ التسجيل: 13/10/2005
مشاركات: 2,441
خلاص قالكم البــــارق جي اكس آر ,,

,, والله قصصك ممتازه مع المواتر ,, ننتظر الجزء الثــالــث ..

بس لاتصير زوجة ثانـــــية ,, هههههههههههههههه الله يرجك ماجد ,, وبعدين تقال شكر , وليس سكر ,, خخخخخخ


مشكووووور شيروكي ..
اضافة رد مع اقتباس
  #15  
قديم 04/10/2006, 07:30 PM
مشرف سابق بمنتدى الثقافة الإسلامية
تاريخ التسجيل: 15/12/2000
المكان: القصيم
مشاركات: 2,953
ما لك لوا يالبارق

اثرك عليمي بالسيارات

عموما نكمل بعد التراويح
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube