|
طلاب ثالث ثانوي الشاطرين؟؟! :thumbup: :clap: s60s أبقولكم قصتي أيام ثالث ثانوي وشلون اني شاطر وما أحب أخرب أحد طبعا أنا وحيد ماما وبابا ، بابا شغال بأرامكو بالرياض جاله نقل للدمام ماما قالت رجلي برجلك تخاف يعرس عليها طبعا تغار ، أنا اعترضت قلت والله لو تحبون رجلكم مقلوبة ما أفارق الرياض، قالوا بكيفك البيت موجود مب طاير والشغالة (عفوا رفضوا وبشدة يخلون الشغالة بالبيت)حتى الشغالة يغارون عليها ياسبحان الله ، ومن هنا بدأ انضباطي الشديد بالمدرسة. رحت اليوم الأول للمدرسة بعد ماسافروا الماما والبابا ، وأنا بطير من الفرح لا رقيب ولا حسيب قلت للعيال بالمدرسة ترى بيتنا بيتكم وبيت الشعر ادفالكم أي واحد ابوه يكرشه ولا يبي يتغلى على أمه كم يوم يجي عندي ترى البيت فاضي (أبد ما أحب أخرب أحد) ويوم ورا يوم صاروا العيال يوميا مسنترين عندي سوني وبعدين صارت شيش وبعض الأحيان أنا أروح المدرسة وهم قاعدين بالبيت يقولون مالنا نفس نروح وزاد الغياب ومما زاد الأمر سؤا أننا طلاب ثالث ثانوي شرعي وعدد طلاب الفصل معروف كالعادة من 25-30 مايزيد وعدد العيال 13 وكلنا بفصل واحد وعاد هم مابهم ملح إذا غابوا ما يغيبون واحد أو اثنين لا ، يغيبون كلهم ويصير الفصل فاضي وكذا الأيام تمشي وتمشي وجت أيام الإختبارات وقلت لهم ما أبي شوف رقعة وجه أي واحد منكم أيام الإختبارات ، اتفقنا على كذا وكان يوم السبت علينا اختبار مشاركة لمادة الأدب الموقرة التي للأسف لم نستفد منها نهائيا ويوم قمت يوم السبت الصبح شغلت سيارتي (الشروكي الموقر) لقيت الجو ممطر والجو فلت الفلة والأجواء هاذي ماتجي إلا أيام الإختبارات والمدارس كالعادة ، قعدت أدور عند باب المدرسة والعيال كل واحد يدور بسيارته عند الباب لين تجي سبع وندخل لكن أنا عجزت أهضم أني أداوم اليوم والجو كذا بديت أشاور شباب وش رايكم الثمامة قالوا والإختبار قلت إذا شاف المدرس نص الفصل غايب بأجل الإختبار الشباب بعد ماقصروا قالوا قدام وطلعنا وكشتنا لمين قرب الظهر وكل واحد رجع بيتهم وعلى الحمام على طول يتروش من ربحة الحطب قبل ما يكفشه أبوه إلا أنا مبسوووووووووووط وما عندك أحد . ومرت ألأيام تلو الأيام والأوضاع تزداد تدهورا وتهورا إلى أن تسربت بعض الأمور إلى بعض أولياء الأمور وجاء أبو كم و احد مسك ولده مع اذنه وقاله تعلمني وين تروح ولا أنا أعرف وشلون أجيب خبرك وبعدين أنا أبد ما انكشفت بس درى ابوي وأمي وزمرة بسيطة بين المدرسين الي ما يحشون بالطلاب أبد وقت الفسحة وبعدين جاء البابا ومصعني مع اذني وعلى الدمام ودمعتي في عيني لكن الحمدلله خصلت ثالث على خير ونكست للرياض ورجعت الأيام الحلوة أكثر حلاوة من قبل بالله وش رايكم بطلاب ثالث ثانوي والمشكلة مب هنا المشكلة اذا جلسنا ببيت الشعر أو بالبر أو بأي مكان تلقى كل واحد يقول أنا ودي أصير مدرس والثاني يقول أنا بصير دكتور وكل واحد له اسبوع اقل شي ماراح للمدرسة على العموم حبيت اعلمكم بأخوياء العمر الي عشت ولا زلت اعيش افضل أيام حياتي معهم وفي صور كان ودي أحطها بس في ثلاثة رفضوا وبشدة أني أنزلها بأي مكان لكن أوعدكم إذا لقيت صور من دون أشكالهم وريتكم صور من طلاب ثالث ثانوي المجتهدين |
خخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخ ههههههههههههههههههههههههههههههههه ههههههههههههههههههههههههههههههههه الله يرجكم يا طلاب الشرعي... أصلاً ما نكب أم العالم كله إلا طلاب الشرعي الداجين:D بس بصراحة حلوة طلعتكم الثمامة وقت الاختبار.... عز الله معك شباب شقردية... إلا على فكرة ما علمتني يا بو ريوس:D في أي مدرسة بالرياض وبأي حي؟ لأني دارس بالرياض الثانوية كلها... والحين تراني جنبك مانيب بعيد.... التفت جنبك وتلقاني قدامك <<<<<<<<<<<<<< خخخخ بيصدق الدلخ:D أقصد اني جنبك بالشرقية لا تفهم غلط........وتحديداً الظهران........ |
مشكور يالمشاغب والله ما نكب العالم إلا مقابل هالكتب خلت الناس موسوسين مايعرف إلا مذاكر تلقى خويه إذا شافه قاله وينك يابن الحلال ما شفناك منذ مبطي قال والله تعرف ثالث ثانوي ولازم الواحد يشد حيله ثم جايب 75 وبعد ماقلت لك كانت عندنا أساليب متقنة في الهروب من المدرسة إذا يوم دخلنا المدرسة بالغلط يوم من فوق السور ويوم معطين الحارس عشر تريل وماسكين الباب مابقى أحد بالمدرسة إلا يعرف ان حنا مؤدبين مرة لدرجة انهم صاروا مايحذرون الطلاب مننا بس كل هذا والله كنا ممتازين ونجيب درجات حلوة ولاتنسى المذاكرة الجماعية الي ماعمرنا ذاكرنا 10دقايق ورا بعض لأننا ماكنا ندردش بالنت ونشرب شاهي وحنا نذاكر وش رايك بس بالمجتهدين ؟؟؟ الصراحة يالمشاغب انك متستس؟؟؟؟؟؟؟ ومشكور كثير الشكر على مرورك وردك |
عابرر وشلون تخرجتوا من الثانوي و هذا نظاااامكم؟؟؟ أنوااااع الفللللة... بس صدقني هالأيااااام ما راح تنساها طوول عمرك .. و انا شاء الله الاياام الجاية أحلى بعد و بالتوفيق...... |
والله انا عابر الحين في ثالث مثلكم , بس طبيعي :( :d , وش رآيك اجتهد ولا اخربها زيكم :d , بيني وبينك .. درآسه وجو فلله زي اللي قلت ما تنفع والله :d مفروض المدرسة اذا شافت الجو زيين تعطي الطلاب اجآزه :p لانهم اصلاً غايبين غايبين الله لا يعوق بشر :d , يعطيك العآفيه يالمجتهد :d , / نآيف |
اقوول شكلك واحد من اخوياي هذا نظامي في ثالث العام لا شفنها نقطت ما صدقنا خبر درعمنا لنفود على العموم الله يرجك ومشكور على مدح طلاب الشرعي!!! الله يعطيك العافيه |
الـسلام عليكم و رحمة الله و بركاتـــه ,, و الله من الدجــه :d .. احـسكم اذا اجتمع الفصل كله و مافي اي واحد غايب نطقت الجدران و قالت " الـليـلة عـيد :d ! " .. إقتباس:
الله يهديكـم ! إقتباس:
اتوقع انت لو يكون فيه مطر و عرسك بنفس اليوم كان سحبت على العرس :d .. " عاد لكم الاختبار الاستاذ و لا لا :d ؟! " .. إقتباس:
اكيد معكم دبـوووس :d .. إقتباس:
و الله يا عليهم طموووح .. المشكلة تلقى الواحد منهم ما يعرف يكتب اسمـه :d .. قلهم حدكم تبيعون خــُــضار بسوووق الخضرة :d .. و لا سواقين باصات زي مناحي :d ,, *** يوميات رهـيبة s60s .. تـــُــشكر عليها ,, و السلام عليكم و رحمة الله و بركاتـه ,, *** |
يا أخي طلاب الشرعي هم سبب مشاكل الناس كله غير طلاب العلمي لاتدور أحسن ناس بس أنا أحب طلاب الشرعي عشان شي واحد بس تدري وشو سامي كان شرعي ياحبيلك ياسامي والله أنك حليت طلاب الشرعي |
يعطيك العافيه إقتباس:
إقتباس:
|
مشكور يالمولود بالسعودية والله ماراح أنسى الأيام هاذي ومشكور على مرورك |
نايف والله بشر ما تفكر ولا تقدر مشاعر الطلاب المفروض بعد يخلون 3 أيام في الاسبوع إجازة مو اثنين ولك مني تحية وتقدير |
أما أنت يا أبو ياسر عاشت أيامك إذا كان هذا نظامك مافي أحسن من هالنظام في المدارس وبالذات في ثالث ثانوي هههههههههههههههههه ولك التحية والتقدير على مرورك |
واللــــه من التنسيـــم ,., هبـــــــــــــــــــاااال ..... شرعـــــي وش خليت ,, :D |
إقتباس:
والله انك صادق وأشكرك على تعليقك المميز والرائع إقتباس:
مصخوها كل يوم غايبين ومثل ماقلت عددنا 13 يعني نص الفصل مو معقول يعني ماراح يحسون المدرسين وصار كلام الطلاب فصل الشرعي مافي إلا 10 طلاب مشكووووووووووووووووووووووووووووو ر أشد الشكر يالكناي الأزرق |
إقتباس:
ياعمي طلاب العلمي كلهم نفس في نفس الناس تفطر بالفسحة والأخ ماسك كتابه يذاكر ههههههههههههههه مشكور ياعاشق سام على مرورك |
| الوقت المعتمد في المنتدى بتوقيت جرينتش +3.
الوقت الان » 06:55 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd