30/09/2006, 05:05 PM
|
مشرف سابق بمنتدى الرياضة العالمية | | تاريخ التسجيل: 01/04/2004 المكان: ANFEILD ROAD
مشاركات: 8,142
| |
ما اقول الا الله يرحم البريمر ليج
قبل فتره تكلمت بعد مباراه ايفرتون وليفربول والغالبيه قالت مباراة وحده والاخطاء وارده وشي من هالكلام
انا توقعت شي زي كذا
وقلت ميخالف ...نتحمل مباراه وحده
بس انه نظل نتعرض لهالظلم التحكيمي الفاضح ...طيب وش ذنبنا ياجماهير ليفربول نعامل بهالطريقه من الحكام
اللاعبين انفسهم لو تسألهم بعد كل مباراه من الاربع مباريات الماضيه وش رايك بالتحكيم مسك راسه وقال الله يرحم الحال
الضغوط اللي يواجهه ليفربول غير طبيعيه
من بدايه الدوري الى الان ... واول كل جوله ليفربول لازم طرف فيها .... الظاهر يقولون ليفربول يلعب اول مباراه والباقي يتحدد بعدين بتنظيم الجدول
لنا خمس اسابيع وفريقنا يلعب او لمباراه بالجوله.... على اي اساس طيب سوو كذا
اتحداكم اذا لقيتو بالكالشيو او بالليجا فريق مثل ميلان او برشلونه يلعب خمس مرات متتاليه بافتتاح الجوله
طيب خلصنا من هذي
نرجع لمباراه ايفرتون
اللي كان فيها من الظلم ماكان
وضحكنا كثير على سوء التحكيم من المشهور جراهام بول اللي عطى 3 كروت صفر بمباراه وحده بكأس العالم وبدو يلقبونه بالبريمر ليج بو 3 كروت ...وفجأة يخلونه يحكم اقوى ديربي في الجوله بين ليفربول وايفرتون
انا قلت الله يستر ... وفعلا صار اللي خايفين منه....فاولر يعرقل عرقله صريحه من ليسكوت داخل منطقه الجزاء والحكم مايقول شي ....اوسمان يدفع فينان بقوه ويجي الهدف الاول لايفرتون من فاول صريح لنا .... كاهيل يمارس المصارعه الحره مع الونسو ويسوي له سوبلكس وتتكمل الهجمه ويجي الهدف الثاني لايفرتون ...وبعدهاالطامه الكبرى يتحول يوبو الى لاعب كاراتيه ويرجف جيرارد مع بطنه والحكم يكتفي بالكرت الاصرف ((هاللقطه ذكرتني بكوره يوسف الثنيان ومصطفى ادريس )) .... بعدها يتحول توني هيبرت الى لاعب كره يد ويصد الكوره بيده على خط المرمى ونفس الكلام يمشي الحكم جعله للعمى ولا كأنه شاف شي وتستمر المباراه ويجيبون ايفرتون الهدف الثالث ((الصحيح ))واللي مافيه كلام ... بس وش عقبه وكان بالدقيقه 94
وكانت هذي المباراه الاولى
بعدها جت مباراه تشلسي وقلنا تشلسي لو ننهزم منهم على ارضهم اوكي موب مشكله لانه فريق كبير وقوي .... تبدا المباراه بضغط ليفربولي كبيرة مع تقوقع لتشلسي في ارضهم ((مع ملاحظه اني شكيت اننا نلعب ضد الوحده وعلى الانفلد من هالدفاع)) ... رينا كان يتقهوى كل المباراه ماعدى لحظه دروجبا التاريخيه....ضربه جزاء يشوفها العميان لستيفن جيرارد على لامبارد اللي تعلق به كأن جيرارد كاس ماء واذن المغرب ويبي يفطر العم لامبارد ...والحكم ولا كأنه شايف شي ...ليفربول يلعب على باب واحد ومثل ماذكرنا كل شوي اتأكد اننا نباري تشلسي ولا لا ... ولكن الحظ يصر انه مافيه تعادل ولا فوز اليوم وظفو وجيهكم ياليفربول
وهذي قصه المباراه الثانيه
واليوم الطامه الكبرى
بولتون وعلى ارضه ... فريق معروف وعنيد على ارضه .... بدت المباراه بغضط ليفربولي كالعاده ...بيلامي يضيع انفراد ...تسديده الونسو على العارضه ....ومن ثم فجأة وبقدره قادر يقرر حكم الرايه ان يكون له دور بالمسرحيه الهزليه ويشوف بعين مادري وش تبي ان رينا طلع وشات الكوره برا المنطقه ...ويجي الحكم مرحوم الحال يحسب فاول على القوس لبولتون ويجي الهدف الاول ...وتلوموننا بعد ... وبعدين يجي كويت في امان الله واقف بالمنطقه ويصدمه كامبو بكوعه من خلفه وامام الحكم ولكن الحكم لايرى فيها شي ...وياقلب لاتحزن
ماالعمل يعني
هذا بغض النظر عن ضغط المباريات بين تصفيات شامبينز الى دوري والى شامبينز ليج ... والاصابات لريزا ومارك جونزاليس لاعبي الجهه اليسرى
بعد كل هذا
يبون ليفربول منافس على الدوري
ويقولون ليفربول كبير وعنده لاعبين ... ليش ماينافس
شوفو اللي صاير وكل الظروف واحكموا
الله يرحم البريمر ليج
ونداء لعشاق الريدز
حولو للكالشيو واالا الليجا ارحم من الي اللي يحرق الاعصاب اللي صاير |