افتخر بالزعيم وحكايته مع اقواس عدنان جستنيه!!!!! - نادي الهلال السعودي - شبكة الزعيم

المنتدى الاستشاري · #1 27/09/2006, 11:44 PM

السلام عليكم

كيفكم جميعا...

اول شىء تراني تارك مباراة الانتر والبايرن وجالس اتعب نفسي على هالكيبورد اكتب لكم يوميات سعادتي >>>> من اولها الرجال جالس يمن علينا

لا وش دعوى انتم غالين علي كثير يكفي اني اعتبر نفسي جزء من هالكيان وهذا بحد ذاته شرف

اليوم الاربعاء

وقالوا ( يوم الربوع تزين الطبوع )

وقالوا ( يوم الربوع يحلى الطلوع ) >>>> افهموها جالس علشانكم >>> ان لله رجع الرجال يمن علينا

اي يوم اربعاء الواحد يقوم من النوم وهو مبسوط لاننا دائم نعتبره يوم حلو

لكن صاحبكم صحى ونفسه خايسة لانه مااخذ كفايته من النوم ( مانمت الا بعد الفجر ) لا بعد ومن زود السناعة ماصحيت الا 10.15 والدوام يبدأ 10 يعني نفس خايسة ومتأخر عن الدوام بعد

صحيت وغسلت وتوضيت وجلست لي نص ساعة البس ( عادي الرجال فيه النوم ) ;)
وعلى قولة واحد اعرفه يقول انت ماترتاح الا الين جلسته عند المراية نصف ساعة

طلعت من البيت ولقيت الشوارع فاضية مررررررررررة >>> الله من النصب :

المهم صادتني زحمة الرياض المعتادة امشي على طريق الملك فهد 40 -50 بهالحدود >>>طالع طريق ترابي مهوب طريق الملك فهد

ووصلت للدوام اخيرا حول الساعة 11 بس الحمد لله طلعت محظوظ مرررة >> حمزة ادريس على غفلة

طلع مديري مابعد جاء شكل الرجال مكثر من هالكبسة امس

جيت وعينت من الله خير واشوف وش عندنا من اشغال جلست بالدوام الين الساعة 4 وطلعت ( دوامنا طويل صح )

جيت للبيت مااشوف ماابي غير المخدة ( ياحبه للنوم )

نمت ماقمت الا عند اذان المغرب

افطرت مع الوالد والوالدة الله يطول بعمارهم

صليت المغرب وجيت اقلب بهالقنوات

بصراحة من اكثر الاشياء اللي ضايقتني اليوم حلقة طاش يدس لك السم بالعسل يبغى يظهر لك ان الهدف منها معالجة قضية التطرف والارهاب ( اللي كلنا ضده طبعا ونتمنى القضاء عليه ) لكن لو تفكر شوي بضمون الحلقة وطريقة عرضها تشوف ان فيه اهداف ثانية غيررررر الهدف المعلن

صليت العشاء والتراويح وفتحت النت اتابع هالاسهم ( الله يرزقنا منها ) وفي نفس الوقت اكتب لكم اللي صار معي اليوم ( لذلك لا تشرهون اذا شفتوا بالموضوع اسم شركة بالغلط ترا العتب على الكيبورد )

ملاحظة هااااااااااامة :

ادري اني ذبحتكم بالاقواس اخاف احد يقرأموضوعي ويتذكر اقواس عدنان جستنية اسمعوا ترى مااعرفه لا من قريب ولا من بعيد لا احد يبتليني بعد هالموضوع ويقول اتحادي مندس تراني برىء من هالامور

وهذه ضغطة ارسال للسندريلا علشان تنشر الموضوع

فمان الله والله يتقبل منا ومنكم صالح الاعمال

يوميــات رائعة وشاملة ووجهة نظــر سليمة حول حلقة طاش ماطاش لم تغفلها في يومياتك الرائعه

يستمـــر الأبداع ونواصل الأمتاع مع يوميات قادمة وغداً لنا يومياتنا المرتقبه مع رائدة الحــرف

هلالي القرعاء · #2 28/09/2006, 02:03 AM

يا هلا والله بـ أخونا الغالي ..

يوميات أكثر من رائعة ..

بس تصدق كل يوم أقول ياحظهم اللي دوامهم بـ الصبح ..

أحسن من اللي يروح الساعه 8 ويرجع 1:30 آخر الليل يوميًا

لا والعصر يداوم ساعه بعد

بلا يبليهم بلا ..

حلقة طاش فيها ما فيها .. يعني هم كانوا يبون يتكلمون عن الإرهابيين ..

لكن مصخوها وزودوها 3 حبات مب حبتين ..

...

يوميات أكثر من رائعة مع أحد المبدعين في المنتدى ..

بـ إنتظـــار رائدة الحرف .. (بالحب والإشراق) <<<جستنيه على غفله

بـ المناسبة أنا أتمنى يلغون شي أسمه أقواس بـ سبب جستنيه ..

اللي يشوفه يقول أول مرهـ يشوف أقواس ..

يعطيكم العافية ،،

أبو راس · #3 28/09/2006, 02:07 AM

تشكررررررراتي

بما اني سعودي وهم يقولون ان طاش عمل سعودي فانا اعلن براااااااااءتي من طاش

تشكررررراتي لك ولسندريلا

ملاحظة غير طريفة

قعدت دقيقتين ادور اسم كاتب اليوميااااات

بس الظاهر انه "افتخر بالزعيم"

توقعتها جزء من جملة العنوان.. مو اسم العضو ..

ياليت الأسم ينكتب وسط الموضوع

هلاليه سنعه · #4 28/09/2006, 02:15 AM

هلا باخوي افتخر ..

إقتباس


	وقالوا ( يوم الربوع يحلى الطلوع ) >>>> افهموها جالس علشانكم >>> ان لله رجع الرجال يمن علينا

اجل تمن

ابد يمديك تطلع ويوم الاربعاء يحلى فيه السهر ..

إقتباس


	يوم اربعاء الواحد يقوم من النوم وهو مبسوط لاننا دائم نعتبره يوم حلو

بس حسافه مهوب صاير اجازه بعدين لأن الخميس بيصير فيه دوامات ..

إقتباس


	بصراحة من اكثر الاشياء اللي ضايقتني اليوم حلقة طاش يدس لك السم بالعسل

والله صادق شئ يحر حسبي الله عليهم اهدافهم واضحه الله ينتقم منهم

إقتباس


	اتابع هالاسهم ( الله يرزقنا منها )

اميييين عاد اسمع ان السووق نازل الله يعينكم على الخساير ..

إقتباس


	لا احد يبتليني بعد هالموضوع ويقول اتحادي مندس تراني برىء من هالامور

ماش المووضوع فيه ان ذكرت حمزه ادريس وجستنييه ماباقي الا سامي لأنهم حش فيه اربع وعشرين ساعه وتكمل

الف شكر اخوي افتخر على اليوميات الرائعه ..
والشكر موصوول للغاليه سندريلا على الجهد المميز ..

الهنوووف · #5 28/09/2006, 02:22 AM

.......
مو لازم تتابع اهم شي فريقك يفوز

وان شاء الله ان فريقك يفوز لانك ضحيت بوقتكـ في سبيل اسعدانا بيومياتكـ
......
ودي اني شايفه حلقه طاش ماطاش من كثر هالكلام عنها استغفر الله صارت تقهرني وماحب اشوفها خير شر

وياهالاسهم الي ذبحت العالم الا متى صار توقيتها ........؟؟

....
ويعطيك العافيه سندريلا انك جبتي افتخر بالزعيم هنــا ماله حس ولاخبر هاليومين

يعطيك العافيه اخوووي

الهنوووف

كانت

هنا

ورحلت

جراح الهلالي · #6 28/09/2006, 02:33 AM

يعطيكم العافيه على هالموضوع

ومشكور أفتخر بالزعيم على هاليوم ــميات وننتظر جديدك

أحلى شي

إقتباس


	( يوم الربوع تزين الطبوع )

سوسوالهلاليه · #7 28/09/2006, 02:43 AM

إقتباس


	اليوم الاربعاء وقالوا ( يوم الربوع تزين الطبوع ) وقالوا ( يوم الربوع يحلى الطلوع )

خخخخخخخ
اكيد عشان اليوم انا غايبه
,,,,,,

اسعدتنا خيو افتخر بالزعيم
تسلم..

الهلال موتي · #8 28/09/2006, 05:45 AM

يوميات عضـو رائع بكُــل ما تعنيه الكلمه من معنى ..

فيلسوف الغربية · #9 28/09/2006, 06:47 AM

تسلم اخوي

صاحبة المجد الهلالي · #10 28/09/2006, 06:50 AM

الإربعــاء وما أدراك مع الإربعاء

من حبــي لهاليوم ودي اسمي ولدي إربعاء

<< أم إربعاء

لا تشرهــون جوعانه حبتين

<< تكتب الرد الصبح وماتسحرت

طـاش مـاش

الله يقلع مداهم عطينا هالسلنتح عبدالله وناصر وجـه ووصلت فيهم الوقاحه يتطنزون في الاسلام بذاته!!
ويقـدحون بشعائره

هم بهالحـلقه شيشوا النـاس عليهم بدال مايعالجون المشكله

الله لا يعطيهم عافيه ولا يوفقهم

أفتـــــــــــــــخر

يـومك رووعه بس مره ثانيه
ناام بدري عشان تصحى بدري عشان تقعد عند المرايه على راحتك

الهلالي دائماً · #11 28/09/2006, 02:08 PM

السلام عليكم ورحمة الله وبركاته ...

(صبحك )(مساك) الله بالخير اخوي ( افتخر بالزعيم )

== >> انتقلتله عدوى الاقواس

هارد لك هزيمة الانتر وغيابك أثر عليهم كتير

واما طاش (امس ) قمة الوقاحة

اشوا انهم ما نقلوها على السعودية والا كانت علوووم

واما من ناحية الاسهم وش صار على الاسماك

===>>> يسمع بالاسهم

شكر لك اخوي الغالي افتخر بالزعيم والله يوفقنا واياك الى كل خير ....

الهلالي الثقفي · #12 28/09/2006, 02:15 PM

هلا و الغلا

أفتخر بالزعيم

××××

عندنا مثل يقول :

ما رجال ألا رجال الثلاثاء و الربوع

بعني مواليد الثلاثاء و الأربعاء :p :p :p

أزعجت أهلي بهالمثل لأني من مواليد يوم الربوع

××××

منور المنتدى بطلتك البهية أفتخر

و يومك رائع و متميز و عسى الله يهنيك بحياتك ياااااااااااااااااااااااااااارب

و يحفظ لك شبابك و كل عام و أنت بصحة و عافية و شهر مبارك أن شاء الله

×××

مشكورة السندريلا على الفكرة المختلفة

و اللي أجبرت كل الأعضاء على المتابعة و الأهتمام

كما توقعت أنك راح تكوني أضافة قوية للمجلس

و مو غريب عليك سن سن

تمنيت أني لحقت على يوميات الأعضاء الماضية

و أن شاء الله ألحق على الجايات

×××

و شكراً

M e T o O o · #13 28/09/2006, 02:33 PM

هلا ومرحبا افتخر بالزعيم ,
يوميآت رائعه من عضو مبدع , وطآش ما طآش بدت تخوره هـ الايآم :p
سندريلا يعطيك الف عآفيه ع اليوميآت ,

/

@@@نايف@@@

هلالي الظهران · #14 28/09/2006, 03:15 PM

هلا اخوي افتخر بالزعيم .. يوميات مميزه وبسيطه ..

الله يطول باعمار والديك ويرزقك البر فيهم ,,

بانتظار رائدة الحرف بالغد باذن الله ..

مجددا من القلب شكرا سندريلا .. بالتوفيق,,

كنترول الزعيم · #15 28/09/2006, 05:04 PM

يومياااااات جميله اخووووي