ودي انزل موضوع عن حبيب القلب Bleach و Naruto ، وأتكلم عنهم ولا أنسى بلود بس شكل مااابوه فرصه " مهيب فرصة ضايعة " هذي فرصة ماجات ----> ياويلها من خط 06
هـ الموضوع بفضفض فيه عن عمليتي والاحداث اللي صارت قبل وبعد العمليه ..
.. [ قبل عمليتي ] ..
اجتمع الدكتور معي بعد أن التمت جروحي -----> صار للحادث سنه وأكثر توها تتلائم الجروح ..
وقرر إجراء العمليه لي فـ الاسابيع اللي راحت " نصاااابه ابد ماهيب هالاسبوع سوتها " .. المهم اعلنت لخوياتي وقلت لهم بسوي عمليه هـ الاسبوع ومادري وش بيصير فـ حالي ، كلهم تمنوا أني اتنوم بـ المستشفى وقالوا جعلتس تتنومين قلت ليش وش سويت لكم ، قالوا أنتي اول البنات بتسوي عمليه بـ ****** " مشفر " ، وودنا نزور صديقتنا بـ المستشفى ماقد زرنا صديقة لنا بـ المستشفى
قالت لي توفي ، فيو تنومي والله لاجيب لك كنج سوفت كرتون منه انا مدري اوافق والا لا الدعوه فيها كنج سوفت ، والا الثانيه تقولي بجيب لك جواهر جالكسي بس تنومي ......إلخ من العروضات
اتركوا عنكم عروضات خوياتي تعالوا لعرض بنت عمي
قالت فيو تنومي بالمستشفى وابجيب لك باقة ورد كبيرررة مكتوبه من شبكة الزعيم الى فيو بس تنومي
قلت مدري القرار موب بيدي بيد الدكتور ---->> ودها توافق وماودها بسبب هـ العروض
...[يوم العملية ] ...
قبل لا أروح لـ موعد عمليتي قابلت أنموله " انامل ;) " وقلت لها يـ الله انهجي وراي عمليه قالت أفاا ماقلتي لي وش عمليته ، قلت : هذي عمليه تكمله للعمليه اللي سويتها قبل سنه مدري سنتين
قالت : باااااااعااد سويتي ولا علمتني قلت : وربي معلمتس انموله تذكرين الحادث الشنيع اللي سويته مع يزن فـ ********* قالت بس بس تذكرت هي ماتدري تضحك وإلا تبكي تقول حادث مؤلم ماعليه تصبري لتس اجر ، يـ أنا قرفت العالم بهالحادث كل اهلي ع صديقاتي تقرفوا بسببي كل ماقول لهم القصه الحادث وإلا بس اذكرهم قاموا يحلمون فيني والا يضربون عن الاكل كسبت اجر فـ اللي يبون يسوون تخسيس ..
المهم ، نرجع لنمولتي ..
قامت تدعي لي البنيه ، تقول : الله يسر لك امرك وان شاء الله سهله العمليه ، قلت انموله ودي اسال الدكتور سؤال بس مدري تهقين انه بيرد ع وإلا بيفطس ضحك !
قالت وش ودتس تسالينه علميني قبل لا تورطينا وتفشلينا ، قلت بسأله هو بعد ماسوي العمليه اقدر اناقز
تخبرين العيد بيجي ودي اناقز وانطط ، بس إذا كنت ممنوعه من التنطيط بقول لاهلي : مايجيبون نطيطات خوفاً ع مشاعري ----> اشوى انهم بيجيبون علشان يقهرونك
انموله دوروها ماتلقونها انقلبت الشاشه كلها خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ ووجيه ميته ضحك
تقول روحي الله يتكفل بك ----->> " تغريد لا تنسين تضحكين ع هـ الكلمه "
إلا واتصلت ع كيفوه وهـ بس يازينها بعد هـ الثانيه " ..
قالت : كيفيك فيو وش اخبارك هاه سويتي العمليه وإلا بعدك !
قلت : لا توني دعواتك لي يالابله تراني خايفه
قالت : سهالات إن شاء الله
قالت : يـ الله فيو حصتي بدت والله يوفقك ان شاء الله
قلت : وياااك ، سي يا
المهم ، لبست وتجهزت وطسيت مع اختي لـ المستشفى ، رحنا وعطينهم الموعد ودخلنا فـ غرفه --->> لا ياشيخه !!
جتني النيرس وقالت يـ الله فسخي ملابسك قلت : ناااعااام وشوله افسخ ملابسي
انا عمليتي موب فـ كل جسدي اختي فطست ضحك ع ، قالت عادي عادي ، فسخي ملابسك والبسي هـ الاخضر قلت وااااااااا عيباه ، طب اطلعوا برا
قالت : اختي هييييييييه لاتفصخين التيشيرت بس فصخي التنوره ، قلت طب بفصخ وفصخته ولبست هـ الاخضر لا وجت النيرس وقلبته قالت خلي اللي فيه الربطات من قدام اسهل ع الدكتور
وانا البسه قلت ياااااااربيه كنه روب نوم .
قالت اختي يالله بدك شي ! قلت وين بتروحين قالت وراي مشاوير فاضيه لك قلت أفااااااا تروحين وتخليني ماهقيتها منك قالت : اجل اجلس بـ هالغرفه لين تطلعين من العمليه بخلص شغلي وبروح قلت : خيتو بتخليني القي مصرعي لحاااالي
قامت طاحت ع الارض من الضحك قلت اسكتيييييي لا تفضحينا بيقولون وش هـ البنات المجانين اللي بس يفطسون ضحك ..
طلعت اختي وتركتني وحيده ، كني يتيمه لأ أم لأ أب لأ أخوان لأ أخوات
جالسه بـ الغرفه بس لحالي شوي الا وتجي النيرس وتسالني اسئله غبيه وكانت فاتحه الباب
طبعاً انا لابسه لكم هالروب الاخضر " قمة الاغراء "
جاء دكتور موب دكتوري " عارفه دكتورها الشايب " قالي : سلامات اختي وشفيك ! قلت ابد مافيني شي
قام يسالني ويعبي البيانات تشتكين من شي ! فيك مرض .....إلخ من الاسئله الغبيه وانا مطمنه راسي " حيويه وكل اجاباتي لأ ، الحمدلله ... شوي الا وقال تفضلي وقعي قلت : لأ
قال وش لأ ماتبين توقعين ع العمليه ، لازم توقيعك علشان لا نتحمل المسؤوليه
قلت : هاه ، إن شاء الله ورحت وقعت ..
طس الدكتور وجاني دكتوري الشايب قالي ، اهلاً فيو هاه كيفك ان شاء الله تمام مستعده !
قلت ايه ..
قام نادى النيرس تجي تلبسني الجزمه وتحط فوق راسي قرطاسه زرقاء " امحق من وصف " ..
قالت يـ الله امشي معي لـ غرفه العمليات قلت وشوووووووو
وين اروح له ! قالت غرفه العمليات ! قلت طب اطلع كذا !
قالت : يس
قلت وش ايه شوفي لي الطريق فيه رجال وإلا لأ باااعاد يشوفوني ويقولون هذي بـ مستشفى المجانين
قالت مافيه رجال يالله امشي
قلت طااايب ومشيت بسرعه ، شوي وادف النيرس اللي قدامي خايفه ينحاش واحد من هالمستشفى والسبب انا ..
..[ فـ العمليه ]..
طبيت فوق السرير وحطت ع الشرشف وقراطيس كثيره ع موضع العمليه ، شوي الا وجاء دكتوري الشايب ، وقال : السلام عليكم ، كيفك فيو ، قلت فـ نفسي حلى هو كل شوي تسالني عن اخباري ..
حط لي بنج ثم قام جاب دبوس وينغز فـ المكان يقول تحسين بالم قلت اييييييييييه
قام وحط لي ابرتين بنج غير الاولى قام وجاب الدبوس وجرب يقول تحسين قلت لأ !
قام يقول ع بركة الله
ويقولي رددي وراي : اللهم لا سهل الا ماجعلته سهلاً وأنت تجعل الحزن إذا شئت سهلاً ، ويدعي وانا كاتمه الضحكه قلت داخله اختبار وانا مدري ..
يقولي وش حافظه من الادعيه حافظه دعاء الافطار ! سافهته مارديت عليه همي كله مع العمليه ..
شوي الا وينط ويقولي تدرسين باي صف ، يبي يسولف علشان ماتوتر
قلت له : فـ الجامعه قال : ماشاء الله ، قام عاد يبربر ع ويسولف وانا اسولف معه
والنيرس : سااكته
شوي الا وتحركت من مكاني بقوم قالي ارتاحي لاتقومين توني ماخلصت قلت لا بس مليت ابي اشوف وش تسوي " لقاااااااافه " هو ماات ضحك يشتغل وهو يضحك ، عاد قالي يالله تطبقين وش سويت قلت اييه
قامت عاد ورجعت لمكاني قالي ذكريني الحادث كيف صار
انا كتمة الضحكة قال لهالدرجه مضحك ، قلت هو مضحك وغريب ومبكي في نفس الوقت ..
قام يسولف الدكتور وانا ساكته ، مالي خلق ع السوالف ودي اخلص واروح انام " رايحه مواصله " شوي الا ودخل علينا دكتور اللي قام يسالني قبل لاادخل العمليه
ويسوي نفسه فاهم ويشوف وشلون يشتغل هـ الدكتور ثم قال دكتوري : لا بسيطه هالعمليه قال الدكتور المتطفل مابدك مساعده شي قال دكتوري الشايب : لا تسلم ،
وطلع وانا ودي اقول لدكتوري الشايب وشوله يدخل ع حلى هو يدخل وهو موب دكتوري
بس فضلت السكوت ع الكلام لأن الرجال ماينعطون وجه ..
خلص الدكتور من العمليه وجاء بيحط ضماد ع الموضع ، عاد انا نطيت من مكاني وجلست واشوف لمساتهم الاخيرة ، جاب ضماد ثاني وحطه وهو يكلم النيرس بس مافكه قمت انا ملقوفه فكيته وصلحته
هو قال شكراً ساعدتيني ، انا قلت في نفسي والله ماساعدتك لله فـ الله ابي اطلع بسرررعه ..
خلصنا من العمليه انا واقفه عند الباب ، قالت النيرس يـ الله روحي غرفه انتي ، قلت طب شلون اطلع بيشوفوني العالم بروب الاخضر " صايره وطنيه بهاللون " ..
قالت لحظه اشوف طريق قالت يالله بسرعه مافيه رجال واحط رجولي واسرع لغرفتي وميزة غرفتي قدام باب العمليه بس تعرفون الاسياب ..
اخذت شنطتي وطلعت الا ويدق الموبايل ، وطلعت المتصله بنت عمي تقول هاه بشري وش صار قمت اقص لها وش سويت فطست ضحك ع خبالي ، وقالت تنومتي قلت : لأ انقهررري بطس لبيتنا تبون الفكه مني مااااافيه جالسه ع قلوبكم ، قالت لأ حرام عليك بس ابي اشوف اذا تنومتي من بيكون مرافقك ! ودي ارافقك واجي واكون عندك
قلت حسااااافه ماصار اللي تمنيتيه خيرها بغيرها ، إن شاء الله تسوين عمليه واصير مرافقتك ، قامت ميسو ياحبي لها تعطيني نصايح تقول لاتحطين الاب توب ع رجولك ، وخذي راحه من النت
قلت ترى فيه بي سي يعني لا مفر جالسه ع قلوبكم جالسه ع قلوبكم ..
بعدها شفت شاشة الموبايل ولقيت اكثر من مسدكول قلت ايه لو ابتصل عليهم هـ البنات كلن بيقول بشري تنومتي ! قلت اسكر الموبايل واروح للبيت اصرف واخليهم يحتارون ..
رحت لبيتنا واستقبلوني اخواني البثرين ، وهم سلامااات وشفيك ورينا وش صار لك ، جلست ابربر مع اخواني واكتشفت انهم مستانسين يقولون حان موعد الانتقام منك يـ فيو ، نأخذ اغراضك بنضربك ماتقدرين تلاحقينا بسرعه بناقز قدامك نقهرك ماتقدرين تسوين شي
قلت ايه بيعذبوني ، بس مصيري منتقمه منهم ...
طبعاً رحت ونمت وحطيتها نومه ، لا افطرت ولا صليت تراويح ولا شي نوم فـ نوم
لين ماصحتني امي غصباً ع وقالت قومي كلي لك شي لاتموتين علينا ، لازم تتغذين .. اخاف يابنيتي يجيك نزيف داخلي وتموتين
خفت عاد اموت واخليكم رحت واكلت وتصحصحت
وقالت لي ميسو نزلي الحادثه اللي صارت لك هـ الايام بـ المجلس وسعي صدورهم ، ونزلتها لكم مع أن ودي اتكلم عن ناروتو وبيلش بس يـ الله الايااام قادمه بـ إذن الله ....
أولا:: الحمدالله على السلامة يا بنت عموو ,, بس احتسبي الأجر في هالرمضانية ,
مدري صمتي ولا افطرتي ... عادي قولي لا تستحين
إقتباس
قالت فيو تنومي بالمستشفى وابجيب لك باقة ورد كبيرررة مكتوبه من شبكة الزعيم الى فيو بس تنومي
ضاعت عليك باقة الورد إلي من شبكة الزعيم ..تدرين إني قاعده أخطط وش بتصير ألوانها .. و كيف بيكون شكلها ,,
عشان اصورها وانزلها في المنتدى
وضاع علي الموضوع إلي أبي أنزله عنك عشان يتحمدون لك بالسلامة ..أبي اسوي زي العالم والناس ولو مرررة ,,
أقول ماودتس تروحين لمكان الحادث.... كود يصير لتس مثل الأول :p
إقتباس
قامت تدعي لي البنيه ، تقول : الله يسر لك امرك وان شاء الله سهله العمليه
يا حبييييلها أنموولة .. دايماً راعية واجب
إقتباس
قالت وش ودتس تسالينه علميني قبل لا تورطينا وتفشلينا ، قلت بسأله هو بعد ماسوي العمليه اقدر اناقز
تخبرين العيد بيجي ودي اناقز وانطط ، بس إذا كنت ممنوعه من التنطيط بقول لاهلي : مايجيبون نطيطات خوفاً ع مشاعري ----> اشوى انهم بيجيبون علشان يقهرونك
ههههههههههههههههههههههههههههه ,,, اشوا إنك ما تقدرين تناقزين ,, ويا ويلك لو تتهبلين ترى بينفتح جرحك يالخبلة ,, بس احسن شي إني بنطط لحالي من دونك عشان ما تقعدين تستهبلين علي وتدفيني كالعادة بعدين اطيح ويطيحون كلهم علي
وخلي لو مرة وحدة نطتي تصير أعلى من نطتك ,, بس فااااااااااااااتك هالمرة بيجيبون حركاات جديدة .. منيب معلمتك اخاف تصكينا بعين أو تخربين علينا
إقتباس
اختي هييييييييه لاتفصخين التيشيرت بس فصخي التنوره ، قلت طب بفصخ وفصخته ولبست هـ الاخضر لا وجت النيرس وقلبته قالت خلي اللي فيه الربطات من قدام اسهل ع الدكتور
وانا البسه قلت ياااااااربيه كنه روب نوم .
هههههههههههههههههههههههههههه ,, والله إنك خبلة انتي واختك ,,
أرحمك يا بنت عمي أنواع اليتم ,, ذكرتيني بالتشطيب ,,
بس وش رايك بروب النووم .. تهقين أنه أريح من البجايم
إقتباس
قام نادى النيرس تجي تلبسني الجزمه وتحط فوق راسي قرطاسه زرقاء " امحق من وصف "
طيب ما لبسوك اللثمة حقتهم مدري الكمامة .
ولا قاعدت لي كذا قدام الدكتور
إقتباس
يقولي وش حافظه من الادعيه حافظه دعاء الافطار ! سافهته مارديت عليه همي كله مع العمليه ..
إييييييييه هيييييين .... همك كله مع العملية ولا ما حفظتي دعاء الإفطار ههههههههههههههه ,,
إقتباس
قلت له : فـ الجامعه قال : ماشاء الله ، قمت عاد وفليتها معه واسولف
عادي تراه مثل ابوك.. زين إنك اخذتي راحتك .. تراه مثل ابوك القاضي ...
إقتباس
شوي الا وتحركت من مكاني بقوم قالي ارتاحي لاتقومين توني ماخلصت قلت لا بس مليت ابي اشوف وش تسوي " لقاااااااافه " هو ماات ضحك يشتغل وهو يضحك ، عاد قالي يالله تطبقين وش سويت قلت اييه
والله فللللللله عمليتك .. ونااااسة تشوفينهم يشتغلون فيك ,, ما حامت كبدك ؟!
إقتباس
ويسوي نفسه فاهم ويشوف وشلون يشتغل هـ الدكتور ثم قال لا بسيطه هالعمليه قال مابدك مساعده شي قال لا تسلم ، وطلع وانا ودي اقول لدكتوري الشايب وشوله يدخل ع حلى هو يدخل وهو موب دكتوري
يا ماما ما فهمتي ... في علم النفس يقولون الروب الأخضر جذاب
إقتباس
بس فضلت السكوت ع الكلام لأن الرجال ماينعطون وجه ..
ما شاء الله على بنت عمي .. من جد كبرت وعقلت وصارت ثقل
وصارت اكبر منك بيوم أعلم منك بسنة ههههههههه ,
مو لله في الله ابي اصير مرافقتك .. أبي إجازة مثلك بس لا تعلمين احد ..
إقتباس
قامت ميسو ياحبي لها تعطيني نصايح تقول لاتحطين الاب توب ع رجولك ، وخذي راحه من النت
قلت ترى فيه بي سي يعني لا مفر جالسه ع قلوبكم جالسه ع قلوبكم ..
أجل انتبهي لا تصفطين رجولك ,, ينفتح علينا الجرح الحين
إقتباس
طبعاً رحت ونمت وحطيتها نومه ، لا افطرت ولا صليت تراويح ولا شي نوم فـ نوم لين ماصحتني امي غصباً ع وقالت قومي كلي لك شي لاتموتين علينا ، لازم تتغذين .. اخاف يابنيتي يجيك نزيف داخلي وتموتين
الله يخلف علينا .. مافيه جو روحاني , حتى انا رايحه مواصلة للجامعه ونمت بعد العصر وصحيت للفطور اكلت تمرة وشربت موية , ونوم في نوم , فاتتني التراويح ,, إن شاء الله اليوم ما تفوتنا ,,
بنت عمووو .. يسلمووو على توسيعة الصدر .. وعلى احداثك إلي ما تنتهي , من جد يوم كلمتك فطستيني ضحك ,, توقعت بكلم وحده صوتها تعبان يالله تكلمني .. إلا واحده كلها نشاط وأنواع الضحك والفرفشة ما شاء الله
وأنا أقول وين غاطسه البنيه أثاريك مسويه عمليه:sad: ...ماتشوفين شر يالغلا ... و لا بأس طهور أن شاء الله ...
بس الشرهه مب عليك ... على ميسو ...
ماقالت لنا ندعيلك في هالشهر الفضيل
إقتباس
ودي انزل موضوع عن حبيب القلب Bleach و Naruto ، وأتكلم عنهم ولا أنسى بلود
يختي ناريتو وعرفناه ...
بس وشو Bleach وبلود
إقتباس
بس شكل مااابوه فرصه " مهيب فرصة ضايعة " هذي فرصة ماجات ----> ياويلها من خط 06
من يقول أني منيب فيه ...
طيب ماتعرفين تقولين ماعندي وقت ... عشان اصحاب العقول الفاهيه تعرفين الحين صيام والعقول تسكر
صدى تناديك تراها <<< تحب الهواش
إقتباس
كلهم تمنوا أني اتنوم بـ المستشفى وقالوا جعلتس تتنومين قلت ليش وش سويت لكم ، قالوا أنتي اول البنات بتسوي عمليه بـ ****** " مشفر " ، وودنا نزور صديقتنا بـ المستشفى ماقد زرنا صديقة لنا بـ المستشفى
وشذا الطموح ...
حرام عليهم ... أجل يبونك تنومين عشان يزورونك ... عليهم تفكير بعد ...
أنا ماأواطن شي اسمه مستشفى:sad: يضيق صدري لادخلته بزور أحد ....
الله لا يحوجنا لهن ...
إقتباس
فيو تنومي والله لاجيب لك كنج سوفت كرتون منه انا مدري اوافق والا لا الدعوه فيها كنج سوفت ، والا الثانيه تقولي بجيب لك جواهر جالكسي بس تنومي ......إلخ من العروضات
هههههههههههههههه ...
وش ودك بعد عشان أجيبلك ...
ماتبين شوكلت من باتشي ولا من لافندر
إقتباس
قالت فيو تنومي بالمستشفى وابجيب لك باقة ورد كبيرررة مكتوبه من شبكة الزعيم الى فيو بس تنومي
ياحليلك ياميسو ...
أنا أشوفها تقول قطوا معنا بنجيب لنا باقه ورد كبيرة أثرها لك
ياصطيك <<<< مدري تنكتب كذا أو لا
وشوله تشوفينه ... خليه يمطرس الين ينتهي
إقتباس
قلت هو مضحك وغريب ومبكي في نفس الوقت
فيو عطينا السالفه وخلصينا ...
حرام عليك ماندري وش صار
إقتباس
خلصنا من العمليه انا واقفه عند الباب ، قالت النيرس يـ الله روحي غرفه انتي ، قلت طب شلون اطلع بيشوفوني العالم بروب الاخضر " صايره وطنيه بهاللون " ..
فيه سؤالين ...
الحين أنتي مسويه عمليه ولا تستهبلين ...
والثاني الحين أنتي كاشفه عند الدكتور ولا لا
إذا لا وش زوده عن الناس ...وإذا ايه ليش ماتطلعين للسيب عادي <<<<<<<< مافيه إلا تحجير
وضاع علي الموضوع إلي أبي أنزله عنك عشان يتحمدون لك بالسلامة ..أبي اسوي زي العالم والناس ولو مرررة ,,
أقول ماودتس تروحين لمكان الحادث.... كود يصير لتس مثل الأول
لووووووووووووووووووو ووووووووووووووووووووووووووول حلوووووووووووووووه زي العالم والناس ..
تهقين لو بروح بيصير لي ! ابجرب اروح واباخذك معي :p
نركب انا وياك ونسوي حادث مع بعض ، عاد شلون بيدرون الاعضاء !!!
إقتباس
ههههههههههههههههههههههههههههه ,,, اشوا إنك ما تقدرين تناقزين ,, ويا ويلك لو تتهبلين ترى بينفتح جرحك يالخبلة ,, بس احسن شي إني بنطط لحالي من دونك عشان ما تقعدين تستهبلين علي وتدفيني كالعادة بعدين اطيح ويطيحون كلهم علي
وخلي لو مرة وحدة نطتي تصير أعلى من نطتك ,, بس فااااااااااااااتك هالمرة بيجيبون حركاات جديدة .. منيب معلمتك اخاف تصكينا بعين أو تخربين علينا
يـ رببببببببببببببببببببببييييييييييييييييييييييييييييه
حرام عليكم تعذبوني ترى كذا أموت موته بطيئه ، مـ علي منك بلعب معكم وانطط
بخخخخخخخخخخخخخخخ ادري وش بتجيبون ، اختك تخبي ع شي :p ..
إن شاء الله من هنا إلى 30 رمضان اكون تعافيت واصير احسن وحده ، وارجع أخذ المركز اللي دائما محافظه عليه ...
ياخوفي تسوين لي مقلب انتي والاهل وتوهقوني ثم عاد ماتعافى بسرعه وتصير لكم فرصة :p ..
إقتباس
هههههههههههههههههههههههههههه ,, والله إنك خبلة انتي واختك ,,
أرحمك يا بنت عمي أنواع اليتم ,, ذكرتيني بالتشطيب ,,
بس وش رايك بروب النووم .. تهقين أنه أريح من البجايم
ورى ماغبتي وجيتي معي ..
لووووووووووووووووووووووووووووووووووووول
ميسو ذكرتيني بـ ***************** اللي اعجبك من محل الاطفال خخخخخخخخخخخخخخخخخخخخخخخخخخخخخخخخخخخخ
الا الان عندك ! تلبسينه ..
تبين الجد لا والله روب النوم موب زين ، البجايم اريح تقدرين تشوتين اللي تبينه وتاخذين راحتك بالمناقز ..
إقتباس
طيب ما لبسوك اللثمة حقتهم مدري الكمامة .
ولا قاعدت لي كذا قدام الدكتور
إلا كان فيني مرض ...
إقتباس
إييييييييه هيييييين .... همك كله مع العملية ولا ما حفظتي دعاء الإفطار ههههههههههههههه
ياسخيييييييييييييييييييفه إلا تبي تحرجيني
إقتباس
عادي تراه مثل ابوك.. زين إنك اخذتي راحتك .. تراه مثل ابوك القاضي ...
مو لله في الله ابي اصير مرافقتك .. أبي إجازة مثلك بس لا تعلمين احد ..
الله من النذاله تبي تستفيد مني ، اشوى انهم مانوموني :p
إقتباس
أجل انتبهي لا تصفطين رجولك ,, ينفتح علينا الجرح الحين
ياربييييييييه شلون بجلس اجل !
عاد بـ الجامعه ماعرف إلاأحط رجل ع رجل ... والبيت إذا تحمست قمت تربعت
إقتباس
الله يخلف علينا .. مافيه جو روحاني , حتى انا رايحه مواصلة للجامعه ونمت بعد العصر وصحيت للفطور اكلت تمرة وشربت موية , ونوم في نوم , فاتتني التراويح ,, إن شاء الله اليوم ما تفوتنا ,,
الله يتكفل بك ، يـ الله خيتو عدلي نظامك وشدي حيلك ترى رمضان بيروح بسرررعه استغلي الاوقات ---->> انتم شوفوا من اللي ينصح واغسلوا يدينكم :p
إقتباس
بنت عمووو .. يسلمووو على توسيعة الصدر .. وعلى احداثك إلي ما تنتهي , من جد يوم كلمتك فطستيني ضحك ,, توقعت بكلم وحده صوتها تعبان يالله تكلمني .. إلا واحده كلها نشاط وأنواع الضحك والفرفشة ما شاء الله
الله يسلمك وصه بس لاتنظليني ، عاد يجيني مرض واتنوم بـ المستشفى ويتحقق اللي تبينه :p ...
جعله إن شاء الله فـ عذالي بااااااااعاااااااد ناقصه تعب
ترى والله ميسو العمليه اثارها تعور خصوصاً يوم راح مفعول البنج ، تخيلي بس احط يدي عليها عورتني لا والمصيبه فيه دم تحت الضماد تتوقعين جاني نزيف داخلي :p .. بسم الله ع ع قولة انمولتي اجر إن شاء الله ..
شكل عقلتس فعلاً مسكر
وش دخل صدى الدجه ، يعني القصيم كلها مافيها إلا صدى ! الشبكة كل ابوها مافيها واحد قصمنجي إلا صدى !!
تراني كنت اقصد البارق وودي اتمشكل معه ماجاء صدى الامس فـ بالي ..
بعدين لاتجيبين طاريه يجي ويطلع اغلاطي ...
@ صدى ترى احنا فـ شهر الصيام غض البصر وتجاوز ع الاخطاء
إقتباس
حرام عليهم ... أجل يبونك تنومين عشان يزورونك ... عليهم تفكير بعد ...
أنا ماأواطن شي اسمه مستشفى يضيق صدري لادخلته بزور أحد ....
الله لا يحوجنا لهن ...
يـ اختي يبون يكشخون عند اهلهم بيقولون يمه بنطس نزور خويتنا فـ المستشفى ، ترى ولله الحمد مافي ولا بنت من شلتنا دخلت المستشفى وتنومت وهم يبون الاولى أنا
شفتي يكرهوووووني
اصلاً من اللي يحب المستشفى ! تروحين لها وانتي تعبانه تقولين الحمدلله سليمه مافيني شي ..
إقتباس
وش ودك بعد عشان أجيبلك ...
ماتبين شوكلت من باتشي ولا من لافندر
لأ شكراً شبعانه منهم ، باتشي كرهته من عقب مارحنا لستيك هاوس عطونا باتشي اخذته ع بالي باتشي اللي يهبل اللي دائما ناكله ماهقيت ان طعمه كذا حاطين فيه طعمة نعناع علشان ينظف ريحة الفم وهـ الريحه تكتمني من عقبها وانا حاقده ع باتشي وش ذنب الانواع الثانيه مدري ..
إقتباس
أنا أشوفها تقول قطوا معنا بنجيب لنا باقه ورد كبيرة أثرها لك
عساك بس قطيتي ، ايييييييييه تذكرت ميسو قالت لي ان فرصه ضايعه ماقطت تقول وشوله الورود بيذبونها ، احتفظ بقطتي لنفسي اصرف
بخييييييييييله ماتبين تقطين
إقتباس
أنا أحب أم زحليقه ... ياهي فله من جد ...<<<< ماودها تقهرك أبد
انا احب كل شي ملعب صابوني ، زحليقه ، نطيطه بس للاسف شكلي ماراح اتهنى هـ العيد
كيف اعبر عن شعوري وعن فرحتي بـ العيد
حراااااااااااااام عليكم ارحموني
لأاا خايفه ع مشاعر الاخوان والاخوات اللي مالهم ذنب
بيقولون وش هـ المهبوله ! روب اخضر صغير ولابسه قرطاسه فوق راسها وكمامه وقرطاسه برجولها
إقتباس
ياصطيك <<<< مدري تنكتب كذا أو لا
وشوله تشوفينه ... خليه يمطرس الين ينتهي
شلون ياصطيلك ! هيه سبه وإلالأ
يـ اختي ملل طفشت لدرجه كل جسمي نمل ابي اتحرك ماتعودت ع الجلوس فمكان واحد وعدم الحركه
إقتباس
فيو عطينا السالفه وخلصينا ...
حرام عليك ماندري وش صار
لووووووووووو ووووووووووووول
يـ اختي اخاف ع مشاعركم ، ناااقصه يجون اعضاء ويغمى عليهم بسببي !
عز الله وقفوني وخلوني فـ سجن حاير
إقتباس
فيه سؤالين ...
الحين أنتي مسويه عمليه ولا تستهبلين ...
والثاني الحين أنتي كاشفه عند الدكتور ولا لا
إذا لا وش زوده عن الناس ...وإذا ايه ليش ماتطلعين للسيب عادي <<<<<<<< مافيه إلا تحجير
يب مسويتها وبـ ********* فـ الجسم ---->> لا ياشيخه !!
شبه كاشفه
يـ اختي الناس بيشوفون رجولي ! بيقولون ذي وينها فيه طالعه كذا !
انتي مستوعبه شلون لبس العمليه ! قالبته النيرس وملبستني اللي فيه ربطات من قدام
غير كذا صغير ! والاكمام وش طولها طولها ... يعني بـ العربي وحده مجنونة ! هاربه من مستشفى المجانين
إقتباس
هههههههههههههههههههههه
أجل بياخذون ثارهم منك ...
والله ياهم حاقدين بقوة عليك وش مسويتلهم
شفتي شلووون جتهم فرصه
قولي وشو اللي ماسويتي لهم .. منكده عليهم جوهم وهم ينكدون ع جويي ..
بعد رمضان ، اخاف يصير فيك شي ثم تدعي ع امك
خليها بـ المره بعد العيد علشان تستانسين ولاتحوم كبدك ...
ترى الحادث شنيع وفضييييييييع ، كل من قلت له عن الحادث سالني هالسؤال !
ماحسيتي اقولهم فـ قمة الوناسه انا موب فاضيه للاحاسيس والمشاعر ---->> صه ، شوقتي البنيه
اهـ بس لو اروح مصر كان اصير تقل مغنطيس و البنات حديدة .. << تـشبيه مدرس عـلوم ..
إقتباس
مرحباً الساااع ..
مافي سـلام و لا كلام ..
إقتباس
قالت لي توفي ، فيو تنومي والله لاجيب لك كنج سوفت كرتون منه انا مدري اوافق والا لا الدعوه فيها كنج سوفت ، والا الثانيه تقولي بجيب لك جواهر جالكسي بس تنومي ......إلخ من العروضات
" واحـد كريـم " !
انا اجـيب لـتس كل هالاشـياء لكن بـشرط ما تاكلينه الا رمضان الظهر .. ( اقول انتي خبلة اخاف تفطرين و تاكلينها ) .. !
إقتباس
انموله تذكرين الحادث الشنيع اللي سويته مع يزن فـ ********* قالت بس بس تذكرت هي ماتدري تضحك وإلا تبكي تقول حادث مؤلم ماعليه تصبري لتس اجر ، يـ أنا قرفت العالم بهالحادث كل اهلي ع صديقاتي تقرفوا بسببي كل ماقول لهم القصه الحادث وإلا بس اذكرهم قاموا يحلمون فيني والا يضربون عن الاكل كسبت اجر فـ اللي يبون يسوون تخسيس ..
طـيب وش لـون صـار الحادث ابي بالتفصيل الممل .. ؟!
<< نـاوي ما يـفطر الـيوم !
إقتباس
قام عاد يبربر ع ويسولف وانا اسولف معه
وراهـ ما قـلتي للنيرس تـجيب لـتس كراث و بـراد شاهي احسـن .. ؟!
إقتباس
طبعاً انا لابسه لكم هالروب الاخضر " قمة الاغراء "
يا اختي سبحان الله احس هالمستشفى " السفارة الانـودنيسية " !
لان كل اللي يلبسن هاللبس كأنهن شغالات !
إقتباس
قلت طب شلون اطلع بيشوفوني العالم بروب الاخضر " صايره وطنيه بهاللون " ..
قالت لحظه اشوف طريق
كـأنتس رجـال انت و وجهتس ..
بالعادة الرجال يقول شوفوا لي طريق على الحريم ..
لكن انتي اللي تقولين شوفوا لي طريق خايفهـ انهم يشوفون وجهك و يخلون اسم الدور " قـسم حالات الهيستريـا " !
***
و الله سواليفتس من تنمل ما شاء الله عليتس ..
و كان ودي ازيد على هالكلام .. << الحين سيفر الـشبكة بدأ يحتضر يعاني سكرات المووت من موضوع الاخت و انت ناوي تقضي عليه .. ؟!
و سلامن من الله عليكم و رحمتن منهو و بركاتـــــــه ,,
اول شي الحمد لله على سلامتك ,,ماتشوفين شر ..;)
وكل عام وانتي بالف صحه وخير ,,
إقتباس
قالت لي توفي ، فيو تنومي والله لاجيب لك كنج سوفت كرتون منه انا مدري اوافق والا لا الدعوه فيها كنج سوفت ، والا الثانيه تقولي بجيب لك جواهر جالكسي بس تنومي ......إلخ من العروضات
اتركوا عنكم عروضات خوياتي تعالوا لعرض بنت عمي
قالت فيو تنومي بالمستشفى وابجيب لك باقة ورد كبيرررة مكتوبه من شبكة الزعيم الى فيو بس تنومي
العرض مغري بس ما يسوى التنطيط والمناقز ,, ومايسوى مضيعة الوقت في المستشفى
إقتباس
قالت : باااااااعااد سويتي ولا علمتني قلت : وربي معلمتس انموله تذكرين الحادث الشنيع اللي سويته مع يزن فـ ********* قالت بس بس تذكرت هي ماتدري تضحك وإلا تبكي تقول حادث مؤلم ماعليه تصبري لتس اجر ، يـ أنا قرفت العالم بهالحادث كل اهلي ع صديقاتي تقرفوا بسببي كل ماقول لهم القصه الحادث وإلا بس اذكرهم قاموا يحلمون فيني والا يضربون عن الاكل كسبت اجر فـ اللي يبون يسوون تخسيس ..
تصدقين اني ضميان وجايع ,, بس من كلامك انسدت نفسي ,, مع اني مدري وش السالفه
وانتي الظاهر بتتسببين علي .. وبضرب عن الاكل والشرب ,, من زين الوزن الحين :p
إقتباس
قالت وش ودتس تسالينه علميني قبل لا تورطينا وتفشلينا ، قلت بسأله هو بعد ماسوي العمليه اقدر اناقز
تخبرين العيد بيجي ودي اناقز وانطط ، بس إذا كنت ممنوعه من التنطيط بقول لاهلي : مايجيبون نطيطات خوفاً ع مشاعري ----> اشوى انهم بيجيبون علشان يقهرونك
والله لو اني منها لامحطك على خشمك ,, وش هالسؤال اللي يسد النفس .. قال تنطيط
بعد الشرهه مو عليك على اللي يسمع منك :p
إقتباس
قالت : اختي هييييييييه لاتفصخين التيشيرت بس فصخي التنوره ، قلت طب بفصخ وفصخته ولبست هـ الاخضر لا وجت النيرس وقلبته قالت خلي اللي فيه الربطات من قدام اسهل ع الدكتور
وانا البسه قلت ياااااااربيه كنه روب نوم .
انا سامع ان فيه فرع توه فاتح بالرياض .. يقولون انه فرع لشهار
كيد انتي اللي رحتي له :p ذكرتيني بافلام المجانيين المصريين اللي فيه عادل امام <<بينطق اليوم :p
[
إقتباس
قامت طاحت ع الارض من الضحك قلت اسكتيييييي لا تفضحينا بيقولون وش هـ البنات المجانين اللي بس يفطسون ضحك ..
طلعت اختي وتركتني وحيده ، كني يتيمه لأ أم لأ أب لأ أخوان لأ أخوات
ماعليك , قطوه سبعطش روح ,, تعيشين في اي كورنر :p
...
إقتباس
شوي الا وقال تفضلي وقعي قلت : لأ
قال وش لأ ماتبين توقعين ع العمليه ، لازم توقيعك علشان لا نتحمل المسؤوليه
قلت : هاه ، إن شاء الله ورحت وقعت ..
هنا تكسرين الخاطر ,, رضختي للأمر الواقع ,, قصتك تصلح مسلسل بعنوان (عمليّه بلا جديّه ):p
إقتباس
قالت يـ الله امشي معي لـ غرفه العمليات قلت وشوووووووو
وين اروح له ! قالت غرفه العمليات ! قلت طب اطلع كذا !
قالت : يس
قلت وش ايه شوفي لي الطريق فيه رجال وإلا لأ باااعاد يشوفوني ويقولون هذي بـ مستشفى المجانين
قالت مافيه رجال يالله امشي
اشك في هالمستشفى اللي مافيه الا انتي والدكتور والنيرس
اتوقع انه حقل تجارب مو مستشفى
إقتباس
خلص الدكتور من العمليه وجاء بيحط ضماد ع الموضع ، عاد انا نطيت من مكاني وجلست واشوف لمساتهم الاخيرة ، جاب ضماد ثاني وحطه وهو يكلم النيرس بس مافكه قمت انا ملقوفه فكيته وصلحته
هو قال شكراً ساعدتيني ، انا قلت في نفسي والله ماساعدتك لله فـ الله ابي اطلع بسرررعه
هذا وانتي على السرير الابيض .. في عز التعب تمارسين هوايتك " اللقافه "
..: يتيمه ، لأ أم ، لأ أب ، لأ أهل :.. 
..
بس شكل مااابوه فرصه 
" مهيب فرصة ضايعة 
" هذي فرصة ماجات 
----> ياويلها من خط 06 
..
] ..
ومادري وش بيصير فـ حالي 
، كلهم تمنوا أني اتنوم بـ المستشفى 
وقالوا جعلتس تتنومين قلت ليش وش سويت لكم 
، قالوا أنتي اول البنات بتسوي عمليه بـ ****** " مشفر 
الدعوه فيها كنج سوفت 
، قلت : هذي عمليه تكمله للعمليه اللي سويتها قبل سنه مدري سنتين 
كسبت اجر فـ اللي يبون يسوون تخسيس 
..
قلت : ناااعااام وشوله افسخ ملابسي 
... 
وبلود 
تعرفين الحين صيام والعقول تسكر
...<<<< ماودها تقهرك أبد
! 
..
..
مع اني مدري وش السالفه 
الوضع العادي
