بسم الله الرحمن الرحيم
السلام عليكم ورحمه الله وبركاته

وانا اتمشى في عالم النت والتصفح وفجاه يجيني واحد يقول نمر ما دريت ؟؟
قلت وشو وش فيه قال بالله ما دريت قلت اخلص وش السالفه ؟؟
قال حريم داخلين للجامعه حقتنا ومثل ما تعرفون جامعه البترول كلها تماسيح

يقول الشاهد

إقتباس من أمس العصر ونا مستغرب أفواج السيارات اللي طالعه من السكن حق الطلاب وكل سياره فيها مايقل (سيت واحد) مليان حريم ,, من شوي ونا أطالع مع دريشة غرفتي ,, ألا وأشوف حرمتين مدرعمات داخل اللاينات .. الصراحه انصدمت هذولا الحريم وش عندهم ؟؟ مضيعين ؟؟ ولا لايكون الجامعه تفكر تدرس بنات معنا في الجامعه ؟؟ وجايين الحريم هنا اليوم عشان يشوفون وضع السكن .. فأنا أقول لهم من الحين اللاينات ماتنفع ؟؟ العماير عندنا هي اللي تنفع لأنها جو دراااسه

*اللاينات=سكن للطلاب وفي روايه العشش
واللاينات عباره عن دور واحد على شكل مسطره فيه تقريبا 15 غرفه
او على شكل حرفL وفي تقريبا30 غرفه


والحين نترككم مع تعليقات الشباب حينما سمعوا هذا الخبر

إقتباس هذا الانفتاح يا حبيبي تخيل تكون روم ميتك حرمه ......ام الفله

إقتباس ألا وأشوف حرمتين مدرعمات داخل اللاينات إقتباس افتباس من نص شاهد عيان

إقتباس ولية أمر تتفقد ابنها

إقتباس هذولا الحريم اللي شفتهم قرروا انهم يزوروا اقدم مناطق اثرية موجودة عندنا بالسعودية جابوهم اللاينات علشان يبحثوا عن الاثار اللي موجودة تحياتي

إقتباس بالله رقم اللاين ...الله لايهينك

إقتباس لا صراحة، أنا أطالب بروميت وحدة بنوتة، بدال مو كل يوم أصبح بالأشكال السيئة اللي عندنا في اللاينات، وربي تجيب القفلة. لازم التغيير والانفتاح يا شباب.

*الروميت==زميل في الغرفه



[QUOTE]اهم شيء ماقربوا اللاين حقنا
هههههههه[/QUOTE]



[QUOTE]هذا ما يسمى بالشرق الأوسط الجديد [/QUOTE]

إقتباس الله يصيب أبليسك يا مستخدم تصدق من الحين الله يصبرني أخلي دريشة غرفتي مفتوحه ولربما نشوف أحد من اللي قلتهم يلعن أم الفله يا حسام

إقتباس اوريات 2006 انفتاااااح ههههههههه

إقتباس شباب فكروا صح...............؟! يمكن هالحريم اللي تتكلمون عنهن يبغوا يسوون فينا خير كيف......؟! يعني يمكن انها فاضية فجات السكن تبغى تتطوع وتساعد الطلاب في تنظيف وترتيب الغرفة....؟؟ ليش لأ

إقتباس ويمكن يبغوا يطبخوا لنا.. احلى احسان ظن...

إقتباس يمكن حجه تجمع علب بيبسي !! كل الاحتمالات واردة

إقتباس يا الله وش فيهم طلاب الجامعـــــــة ملهــــــوفــــــــين ما صارت شفتوا حريم في اللاينات اللي يقول يبي يرمت مع بنوتة و اللي يقول كم رقم اللاين و الله مشاكـــل ... كأنهم أول مــرة يشوفون جنـــس ناعم يا الله يا الله الله يهدي الجميــع بـــس

إقتباس اس كلام!!

إقتباس الله يهديكم ياشباب الفله وين الفله لافله ولاشي اقعد في غرفتك وراجع الله لايهينك والمره ثانيه قفل الدريشه علشان ماتشوف احلام واجد هههههههههههه

[QUOTE]--------------------------------------------------------------------------------

هيه انت واياه لحد يفكر واجد وشو أحد يفكر يرمت مع بنت اهب روح رج أبوك خله يزوجك جغجغجغجغجغجغجغ[/QUOTE]

إقتباس روح رج أبوك ونقي رميته ترمت معاها بقه عمرك بس انتبه لاتقرب من ادارة الاسكان هنا يابا يوووووووو تكون ياناس لو كانت نفس التخصص وربي عالم

إقتباس ما علمتنا نعزمهم والا اكيد الجواله ضمهم للقروب

إقتباس -------------------------------------------------------------------------------- ياخي والله تعال شوف لايننا كيف، لو إنتة فيك خير، تعال أدخل، وربي تقول Silent Hill ولا حاجة، أنا متأكد إنه شركة Capcom راح تحاكي لعبة Resident Evil الجزء الجديد على اللاين حقنا. سؤال/ طيب ينفع أجيب شغالة في اللاين؟ أما هذي عاد مافيها شي، لاحد يقولي خلي أبوك يزوجك ومدري إش شكلوا.

هذا وقد نقلت لكم بعض من تصاريحم وآرائهم وعقلياتهم
والاقتباسات الموجوده منقوله حرفيا يعني مافيه تزوير

تشـــــــــــــاو

وش طلعــو هالحريم

ودي اشوف جامعه البتروول >>>تلمح
بنجي انا وبنات المنتدى بنسووي خير باخواننا الي هم انتم ونظف غرفكــم ونسووي لكم غداء لاسبووع

الله يوفقـــكم يارب ويرجع كل مغترب او مبتعث الى الى اهله

سقى الله تلك الايام بالخير و الرحمة.

عند كل زاوية في أنحاء الجامعة لي فيه ذكريات ، بل تركت جزءاً من نفسي هناك. تركته أو تركني لا أدري ، بل لا فرق ، لكنني أعلم يقيناً أنني كلما ساقتني مركبتي إلى جوار تلك الهضاب الشاحبة لا أكاد أبتلع ما تبقى لي من ريق.

سكنت اللاينات ولي فيها ذكريات ٌ جميلة رائعة و أذكر والدي عليه رحمة الله و جمعني به في مستقر رحمته حين زارني فيها و بات ليلته في مرقدي. ثم ذهبنا سوياً إلى صلاة الجمعة من اليوم التالي. اللهم ارحم والدي و تغمده بواسعك رحمتك يا كريم و ألحقني به يا رب يا الله غير خازي و لا نادم ، آمين.

أذكر أيامنا الأولى في السنة التحضيرية و نحن كنا نمني أنفسنا بــ "محاظرات " قليلة متناثرة في ثنايا الإسبوع مثل أقراننا في الجامعات الأخرى فلم نجد إلا ساعات طويلة من الصباح حتى أذان المغرب.

أذكر ، فيما أذكر ، كيف أن زميلي في الغرفة يقوم متسللاً في منتصف الليل ليصلي ركعات يخلو بها مع ربه في وسط ظلام الغرفة الدامس و لا أكاد أسمع نشيجه المتواصل. أواه يا قلبي و روحي ما ذا حل بك.

أذكر تلك اللحظات التي نقضيها في المكتبة نقلب فيها الكتب لنستعد لإختبار نصفي أو نهائي ، ثم يأتي شابٌ حسن المظهر فيقول لي لا تنس أن المسئلة الفلانية حلها هكذا . قالها لي قبل أن ألج صالة الإمتحان ثم تأتي المسئلة كما شرحها فأدعو له في سري.

جامعة البترول ليتني كنت شاعراً لبكيت أطلالك كما يفعل الشعراء.

الله يوفقـــكم يارب ويرجع كل مغترب او مبتعث الى الى اهله

شكلهم ذولا مضيعين أجل حريم

الله يذكر الاينات بخير لما رحت أزور أخوي هناك تقول أكواخ << حتى الكوخ أطلق منها

تقول سكن الهنود أرحم من سكن الطلاب الي ما ادري كيف الطلاب متحمليه و كل ما شفت أخوي

أقول الله يصبرك على السكن لو أسكن فيها يوم كان طلعت من اليوم الثاني

بس يقولون و العهده على الراوي أنهم بيشولون الاينات كلها و يبنون بداله سكن زي الناس

حريـــم
وش السالفه:p
عاد انا امنيتي ادرس بجامعة البترول
لو يصير قسم خاص للبنات ام الفله

ماعليكم ترى امزح

إقتباس بنجي انا وبنات المنتدى بنسووي خير باخواننا الي هم انتم ونظف غرفكــم ونسووي لكم غداء لاسبووع

هنيف نظفي لحالك انا ماعرف انظف الا غرفتي

والله جد خربوها هالحريم
الله يهدي الجميع ..:sad:

^^
فله .. أيه هين

كل الي أعرفهم يدرسون بالبترول شوي و ينتحرون

من صعوبه المناهج و الواحد إذا دخل الجامعه يخيس ما يطلع

إقتباس الرسالة الأصلية كتبت بواسطة الهنوووف وش طلعــو هالحريم ودي اشوف جامعه البتروول >>>تلمح بنجي انا وبنات المنتدى بنسووي خير باخواننا الي هم انتم ونظف غرفكــم ونسووي لكم غداء لاسبووع الله يوفقـــكم يارب ويرجع كل مغترب او مبتعث الى الى اهله

هلا بالهنوووف
اخبار جامعه سعود وياك انشاء الله تمام
ايه تكفين تعالي ترى والله حلتنا تكسر الخاطر وخاصه برمضان
تصدقين نفطر على تمره بس ولا بعدها نرجع نكملها نومه علشان ما نحس ان متغربين ولا عندنا فطور
فانا من هذا المنبر ادعوا جميع الفتيات في المنطقه الشرقيه بالطبخ لنا في رمضان ولكم الاجر والتوصيل ما عليكم
اجي انا ولا احد الشباب وياخذ الاكل بس نبي شوربه كويكر
وعلى طاري التنظيف في احد الايام قررو اخوياي انهم يستقدمون شغالتين لي لتنظيف غرفتي
لكنهم سحبو علي ولا شفت شيء
اللهم امين على الدعوه الحلوه

إقتباس الرسالة الأصلية كتبت بواسطة القاضي سقى الله تلك الايام بالخير و الرحمة. عند كل زاوية في أنحاء الجامعة لي فيه ذكريات ، بل تركت جزءاً من نفسي هناك. تركته أو تركني لا أدري ، بل لا فرق ، لكنني أعلم يقيناً أنني كلما ساقتني مركبتي إلى جوار تلك الهضاب الشاحبة لا أكاد أبتلع ما تبقى لي من ريق. سكنت اللاينات ولي فيها ذكريات ٌ جميلة رائعة و أذكر والدي عليه رحمة الله و جمعني به في مستقر رحمته حين زارني فيها و بات ليلته في مرقدي. ثم ذهبنا سوياً إلى صلاة الجمعة من اليوم التالي. اللهم ارحم والدي و تغمده بواسعك رحمتك يا كريم و ألحقني به يا رب يا الله غير خازي و لا نادم ، آمين. أذكر أيامنا الأولى في السنة التحضيرية و نحن كنا نمني أنفسنا بــ "محاظرات " قليلة متناثرة في ثنايا الإسبوع مثل أقراننا في الجامعات الأخرى فلم نجد إلا ساعات طويلة من الصباح حتى أذان المغرب. أذكر ، فيما أذكر ، كيف أن زميلي في الغرفة يقوم متسللاً في منتصف الليل ليصلي ركعات يخلو بها مع ربه في وسط ظلام الغرفة الدامس و لا أكاد أسمع نشيجه المتواصل. أواه يا قلبي و روحي ما ذا حل بك. أذكر تلك اللحظات التي نقضيها في المكتبة نقلب فيها الكتب لنستعد لإختبار نصفي أو نهائي ، ثم يأتي شابٌ حسن المظهر فيقول لي لا تنس أن المسئلة الفلانية حلها هكذا . قالها لي قبل أن ألج صالة الإمتحان ثم تأتي المسئلة كما شرحها فأدعو له في سري. جامعة البترول ليتني كنت شاعراً لبكيت أطلالك كما يفعل الشعراء.

القاضي لا اعلف كيف انقل لك شعوري بالفرحه لتواجدك في متصفحي فاطلاتك البهيه لها الاثر الكبير في نفسي
وقد علمت حاليا انك احد طلاب البترول المتخرجين فبار الله لك في اعمالك
ورحمه الله والدك وغمد روحه في جنه الخلد
لربما هذا الموضوع جلب لك الذكريات الجميله وكل الشكر لك على كتابتك لها هنا فقد تخيلت نفسي بعد عده اعوام
وانا في نفس موقفك واقوم بتذكر الايام الجميله
شكر لك ايها القاضي لتواجد

تشــــــــــاو

هههههههههههههههههههههههههههههههههههههههه

عادي .. عادي ...

احنا واعوذ بالله من كلمة انا ... صديقاتي .. كل يوووووووم يحومون ...
اللي طالعه للمستشفى واللي جايه منه .. واللي بالنظاره .. واللي بالبالطو ..
وجنز ازرق .. وجنز اسود .. وتنوره ترم ترم ...<<<<كذاب مافيه تنورات ..

عاااااااااادي وش فيهم كذا ملهوفين ....

هذا هم يااااااااااااااااااااااااااااااااكثرهم عندنا بالجامعه ... لكن احنا طلاب نحب الدراسة مانطالع فهالاشكال ... يادوب من محاضره للثانية ومانشوفهم الا فالصرفة او بدايت الدوام .. او اذا راجعنا عمادة القبول والتسجيل <<< زي الاسبوع الماضي ..



اقول الظاهر ان هذرتي زادت ....

سي يوووووووو .... سهرااااااااان من الساعه 9.49 صباحا ... <<< كذا النظام والا فلا ..

إقتباس الرسالة الأصلية كتبت بواسطة هلالي مكة الله يوفقـــكم يارب ويرجع كل مغترب او مبتعث الى الى اهله

اللهم آآآآآآآآآآآمييييييييييييييييييين
شكرا لمرورك

إقتباس الرسالة الأصلية كتبت بواسطة الكناري الأزرق السلام عليكم و رحمة الله و بركاتــــه ,, و الله ردود الافـعال تسـليلة ادب .. " الله يهدييهـم ! " وش يـبن الـحريم .. ؟! حرام عليهم العيال جايين يدرسون لا يشوشون افكارهـم ! " اضحك الله سنك يا نمـر ! "

وعليكم السلام ورحمه الله وبركاته
ردود الافعال تقل ناس مقطوعين بجزيره ما فيها الا تماسيح
يمكن وجود الحريم لتعيرف الطلاب ان هناك جنس آخر في هذه الحياه كل شيء جايز

الكناري خل نشوفك

إقتباس الرسالة الأصلية كتبت بواسطة juve1897 شكلهم ذولا مضيعين أجل حريم الله يذكر الاينات بخير لما رحت أزور أخوي هناك تقول أكواخ << حتى الكوخ أطلق منها تقول سكن الهنود أرحم من سكن الطلاب الي ما ادري كيف الطلاب متحمليه و كل ما شفت أخوي أقول الله يصبرك على السكن لو أسكن فيها يوم كان طلعت من اليوم الثاني بس يقولون و العهده على الراوي أنهم بيشولون الاينات كلها و يبنون بداله سكن زي الناس

اقول بلى فضايح لازم تفضحنا

الحبس طلع رجال
اوجد العلاقه بين الجملتين السابقتين
وعلى اللاينات ايه بيهدونها ولا بيخلون واحد للذكرى ويكون احد الآثار في هذه الجامعه

تشـــــــــاو

امووووووت وادري وش جابهم<<<<<<<لقافة حريم....

إقتباس الرسالة الأصلية كتبت بواسطة رعبوبة الزعيم حريـــم وش السالفه:p عاد انا امنيتي ادرس بجامعة البترول لو يصير قسم خاص للبنات ام الفله ماعليكم ترى امزح هنيف نظفي لحالك انا ماعرف انظف الا غرفتي والله جد خربوها هالحريم الله يهدي الجميع ..:sad:

هلا رعبوبه خلاص انتي تخرجي وما عليك
وانا اكلملك السلطان

والحين بدال ما تساعدين الهنوف تقولين نظفي لحالك
ولا هذا انتي في الشرقيه اجل لو انك في الغربيه وش بتقولين
جيل فاسد

كيف مهايطي صح

إقتباس الرسالة الأصلية كتبت بواسطة juve1897 ^^ فله .. أيه هين كل الي أعرفهم يدرسون بالبترول شوي و ينتحرون من صعوبه المناهج و الواحد إذا دخل الجامعه يخيس ما يطلع

ارفع يدك وتوجه للقبله وادع لنا يرحم والديك
ولا ازيدك من الشعر بيت
تدري الحين يوم الملك الله يحفظه امر باجازه في اليوم وطني تدري وش سوو؟؟
عطونا يوم خميس بداله

صرنا ما ودنا تجينا اجازان خوفا من يوم الخميس
ان لله وان اليه لراجعون


تشـــــــــــــــاو

شكرا على الموضوع,,
والله انك وسعت صدري بموضوعك وردود الاخوان,,
صراحه ضحكت والصدر ضايق,,
الله يوسع صدوركم,,