15/09/2006, 08:01 PM
|
| زعيــم فعــال | | تاريخ التسجيل: 17/02/2004 المكان: مُـقيّدة بـأمل
مشاركات: 406
| |
|
::فــ ضــــ فــضة::
السلام عليكم
فصفصة فضفضة..من زمان فيه مواقف أبغى أناقشها,بس أنا كسولة بقوة فقررت قبل التخرج و مشروعه. و الحوسة اللي بتصير و بما أننا في ثاني أسبوع و ما بدت الاختبارات لهالحين,قلت خلوني أطلع اللي في قلبي,عاد بعد اليوم الظاهر إن ما حكيت بيطق في عرق
ظواهر أو مواقف مرت علي شخصياً,و كثير يعاني منها باختلاف المواقف,
1-
ظـــاهــ,,ـــــــــرة
أحياناً تحس إنك داخل تحقيق و قسم شرطة  و لا اختبار قبول..
فيه حريم أطلق من 10 محققين,كأنك مسوي جريمة و أنت الآن في استجواب!!
.
.
طلعت من الجامعة على المستشفى جلست في غرفة الانتظار,كنت أصغر الموجودات..
و انهمرت الأسئلة ..
ليه جاية؟؟مين معاك؟؟وش فيك؟؟
وش اسمك؟؟مين أنت بنته؟؟
من أي قبيلة؟؟أنت من المدينة؟؟
من متى و أنت تراجعين؟؟وش قالوا لك؟؟
تدرسين؟؟طيب وين؟؟
كم مرة قدّوك*؟؟وش يبون فيك؟؟
يا حيل الله لعبوا فيك وراك ما تشكينهم؟؟
علام وجهك بارد؟؟العلاج تآخذينه؟؟
الجوال يضرك ليه تستخدمينه؟؟
كم عمرك؟؟وش اللي سبب لك المرض؟؟
.
.
أجمل ما في الموضوع
( اللهم يا كافي وليدي كان زيّك و مات و هو بنفس عمرك يقولون أصحاب
هالمرض عند هالعمر يموتون!! )
.
.
العجب أنها في الخمسينات أو الستينات و لم تمت!!!
ظاهرة كانت حصرياً لكبار السن فقط,بينما الآن بدأت
تتفشى حتى بين الشباب؟؟!!
2-
صورة مع التحية لـــ.....
تعبت و كنت على يقين بانتكاس الحالة..
رحت المستشفى و أنا أتحرك بصعوبة,
حتى الكلام إن قلت كلمتين كني ماترة جبل أحد..
دخلت غرفتي-غرفة في الطوارئ كل ما رحت لازم أدخلها-
عاد كان عندي إحساس إني من هالغرفة على طول ع العناية المركزة كالعادة,
شرحت للدكتور المناوب-الساعة8 الصباح- حالتي باختصار..
طلب فحوصات و خلصتها..
سألته بخوف و رهبة و دموع
هاه دكتور كيف؟؟
قال إنت كويس,قلت و التعب قال ما فيه مشكلا..
إنت خذ هذا دوا بعدين إنت فيه كويس
سألته عن عمل الـ.....
قال أنا أقول لك مزبوط إنت ما يفهم؟؟
سألته عن العلاج قال هذا.........
ياخذ كل يوم واحد شهر بس
قلت له و ليه تزيد لي الجرعة؟؟
قال إنت لازم ياخذ هذا علاج
مع علاج أول؟؟!!
ما كان في حيل أناقشه أو أرادده..
و انفكت العقدة و طلعت منها على بيتنا,
و كالعادة خانني إحساسي زي كل أبو دايم;)
س/
إذا ما في شيء على قوله كيف يصرف لي نفس العلاج ثلاث مرات باليوم لمدة شهر؟؟.
اكتشفت بعدها بشهر إن الحالة انتكست..!!
مين المسئول..يا سعادة الدكتور؟؟
3-
مكتبات الملاهي..
المكتبة مكان للعلم و التثقيف,لكن للأسف صارت مكان لـ لعب البزارين
محمد يا......,أحمد اترك عن اللعب بالكتب..
إزعاج و صراخ و كأنك جالس بحراج أو في البيت..
واحد حاط أخوه الصغير بعربة التسوق و يدفه و يخمّس فيه دون أي اعتبار للي في المكتبة..
الثاني يبكي و أمه تلعن فيه,و الثالث و الرابع.....
مشاهد صراحةً تفشّل أنت جاي لمكتبة وش هو له تجيبهم؟؟
آخر المواقف كان اليوم و كادت المدينة أن تفقد إحدى فتياتها-و الله ما أحد داري عنك -
و كادت المملكة أن تفقد إحدى طاقاتها البشرية- وين يا مجد نيوتن -
و كدت أن أصبح شهيدة في سبيل العلم..
واحد من البزارين هو و أخوه يتطاردون,كنت أبروح لواحد من الأقسام
إلا هالبزر بوجهي,عاد أنا ما أدري وين رحت- سبحان الله
بقدرة قادر انتقلت للقسم اللي جنبه..الكتب ما أدري وين طارت؟؟
العباية صارت على الكتف,الناس تقول سلامات و أنا لهالحين
ما استوعبت اللي صار؟؟
و الله إن هالبزر- ما شاء الله- نطحته أقوى من نطحة زيدان
عاد فيه خلق لا طاحوا يالله يقومون-ترى ما تقصد نفسها-
4-
كل عام و أنتم بخير قبل الزحمة..
و الله يبلغنا رمضان و يرزقنا بطاعته و غفرانه
* قدّوه = مصطلح شائع عندنا بمعنى شقوه,قطعوه,افتحوه
فضفضة
مجـــــــــــــد
|
الوضع الشجري
