نادي الهلال السعودي - شبكة الزعيم - الموقع الرسمي - جمعية الهلال الأزرق لرعاية المصابين ..^*^* خذ لاعب ورجع لنا ثنين مصابين مجانا *^*^

بسم الله الرحمن الرحيم

أصدقائي الهلاليين .. والهلاليات ... السلام عليكم ورحمة الله وبركاته :d

أصبحنا وأصبح الملك لله ... ياااااااااااالله براد الجنة :d

اخباركون شو عاملين .. إن شاء الله كلياتكون منيحين وتزئحون :d

أول شي مبارك عليكم قدوم شهر العبادة والمسرة شهر الرحمة ...

يالله بلغنا اياه هالسنة والسنة اللي بعدها .. وتقبل منا أعمالنا :)

ثاني شي ألف مبروك أول ثلاث نقاط ... بالإضافة لوصول دينيلسون :d

واضح إنكم مبسوطين مرة من الإي آر تي :d .. ومثل ماقال المقدم شكل الاي آر تي أحلوّت بعيون العالم وصاروا مايجون الملعب :d

ماعلينا من الإي آر تي .. ولا من تغطية وصول دينيلسون .. ولا من الاخراج اللي يذكرك بالدوري الإماراتي :d

خلونا بالمهم ... :)

^*^*^*^*^*^*^*^*^*^

الهلال بدأ يتبع سياسة إنسانية قليل من ينهجها في هالزمن الغدار :d

بكل حنان قام زعيمنا بوضع خبرة وطاقة كوادره في سبيل العناية بالمصابين اللي مرجعهم منتخبنا العالمي أبو 68 :d

من زود الحنان .. يرجع اللاعب من المنتخب مصاب يعالجونه على حسابهم وأول ما يطيب ويتعافى يرسلونه للمنتخب ... :d

وعلى بال مايتعالج مايصير يخلون المنتخب !!! ... لازم يرسلون له لاعب يغطي مكان اللاعب المصاب ... واعيباه يعني :d

وهاللاعب مايرجع سليم أبدا ... لأن لو رجع سليم ماستفادوا شي :d ..

طبعا كل هذا مجانا .. على حساب الهلال .. والله ماحد يدفع .. هه هذاني حلفت :d :d

^*^*^*^*^*^*^*^*^*^

خلال التحضير للمونديال ... كان لاعب مرشح ضمن أفضل 10 لاعبين متوقع لهم البروز في المونديال ...

وهوبّا .. وخذ عكّاز ياولد ... 40 مليون ميزانية المونديال .. خذ عكازلا تستحي ماراح يضر الميزانية شي :d

واركب السيارة .. وعليها ماشفناه يلعب بالهلال للحين ...

طبعا هذا لاعب هلالي يتعالج على حساب الهلال ... لأن المنتخب ماله دخل أبد :d

^*^*^*^*^*^*^*^*^*^

لاعب يلعب المونديال ... والمباراة الأخيرة ضد أسبانيا .. 10 دقايق بس ويطلع مصاب ..

لاعب محارب .. لياقته عالية ... يصاب عشان كعّب الكورة ..!! :d

طبعا رجعوه للهلال .. يقولون لاعبكم موب أصلي هاتوا غيره :d :d

^*^*^*^*^*^*^*^*^*^

ضمن استعداد منتخبنا لملاقاة المنتخب العالمي .... فرقة الرعب .... المنتخب الهندي المطرز بنجوم كرة القدم :d

تخرج لنا إصابة للاعب المنتخب السعودي الأول .. وتحرج ناديه والمنتخب .. طبعا ماعندهم وقت :d

بسرعة خوذوا لاعبكم ... اللاعب مصاب مانحتاجه .. بس لو ماعليكم كلافة يعني ... عندكم لاعب سلف ؟ :d

ايه عندنا .... وينك يا بو صويلح ... رح للمنتخب ولا توذيهم ... خلك شاطر :d .. والا ترا بيرجعونك مصاب :d

^*^*^*^*^*^*^*^*^*^

تعاقدنا مع النجم العربي الأوحد ... وتصوير وتشك تشك .. وش توقعاتك لنادي الهلال .. بتجيب لنا كاس العالم ؟

ممكن تقول لنا شعورك وانت في نادي الهلال ؟ .. بتلعب المباراة الجاية ؟ .. ممكن تسجل هدف لو سمحت :d

إن شاء الله .. معليكم ... الموضوع منتهي .. بطولة الخليج بالمخباة .. مسألة وقت بس ... :d

تأخرت بطاقة اللاعب .. ياناس دقوا على النادي التركي .. كلموهم .. حبوا راسهم .. قولوا نبي بطاقة اللاعب ... :d

طيب مدام البطاقة ماوصلت .. خلوه يلعب مباراة مع المنتخب حقه .. يحول فاقد الكورة .. مبطي مالعب :d

وخذ لك لفتين بالصومال ... وارجع يالاعب مصاب ... :d

^*^*^*^*^*^*^*^*^*^

المفرج مصاب ... الموري مصاب ... الدعيع الشلهوب توهم راجعين من أصابة ...

حتى تركي الصويلح مصاب ... :d :d

باقي أنا وأبو سلطان :d

سامي هين آخذ إجازة موب مصاب :d

طيب إلى متى نبي نبقى على هالحال ..!؟ :)

إلى متى نتشحذهم نلعب بلاعبيننا بشكل طبيعي وسليم .. !؟

بالنسبة لي أضمن لكم .. بتغيرون المدرب واللي بعده ... وبتجيبون لاعبين وتجربون ... وكله من هالوضع

دايم الهلال موقفه ضعيف ... بالنسبة لي أشوف الهلال في حالة مكابرةعلى نفسه .. وليس على غيره ...

مكابرة الهلال تمدره... وأقصد بالمكابرة على نفسه بحيث ينسى جماهيره ومطالباتهم وينسى إلتزامات الفريق وحقوقه ... عشان شي عارفين وش نتيجته مسبقا :d .. مركز 68 :d

الهلال ماراح يصحى من هالوضع الا بصدمة ... صدمة راح تزعجنا وتصحينا بوقت يمكن مانتدارك زعيمنا فيه ... :)

مانقول إلا حسبي الله عليهم ... ضيعوك يازعيم :)

^*^*^*^*^*^*^*^*^*^ قـــــفـــــــلــــــــــــة ^*^*^*^*^*^*^*^*^*^

كلمة أتمنى ماتكون بنفس أحد ... ولا يحتسب كلامي كلام إنسان يبي كل شي على كيفه وهواه ...

أبو سلطان هو السبب ... هو من خلى الهلال مهزلة لاتحاد الكرة ورؤساء الأندية ...

على بلاطة نتذكر سالفة البلوي ... وسالفة البطولة العربية يوم كان الهلال له حق الاحتجاج والتأهل للنهائي

سالفة التزوير ... حرمان الهلال من لاعبيه في البطولة الآسيوية ..

رحيل الدوخي واللي بسببه ضاعت الجهة اليمنى .. لأن رحيله فجأة ماخلى الهلال يجهز شي لهالمركز ...

علما بأن الدوخي طلب مبلغ مليونين فقط ... وغيره أخذوا الملايين ومالعبوا الا كم مباراة بالموسم :)

رحيل كماتشو .. رغم انه تراجع عن مليون وثمان مية ألف .. وخلاها مليون فقط لعيون الجماهير اللي تحبه ..

رحيل باكيتا ... الجهاز الطبي واللياقي كله راح ... ومستوى الهلال بعده راح والدوري راح :d

صدقوني ماراح يجي رئيس للهلال مثل بندر بن محمد ... صدقوني ماراح ياخذون حق للهلال الا بوجود أمير الذهب بندر بن محمد ..

وراح تشوفون نكسة هلالية عنيفة لو استمر الوضع على ماهو عليه ... :)

تحياتي لكم .... صديقكم ... آبو ساري :)

أتمنى ماحد يزعل من كلامي ... وترفقوا علي شوي ... تراي بشر معرض للخطأ :d :d

أتقبل النقد والإعتراض على أي فكرة ... بس وسعوا صدوركم :d

والسلام ختام s13s