#1  
قديم 15/09/2006, 08:32 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
Talking جمعية الهلال الأزرق لرعاية المصابين ..^*^* خذ لاعب ورجع لنا ثنين مصابين مجانا *^*^

بسم الله الرحمن الرحيم

أصدقائي الهلاليين .. والهلاليات ... السلام عليكم ورحمة الله وبركاته

أصبحنا وأصبح الملك لله ... ياااااااااااالله براد الجنة

اخباركون شو عاملين .. إن شاء الله كلياتكون منيحين وتزئحون


أول شي مبارك عليكم قدوم شهر العبادة والمسرة شهر الرحمة ...

يالله بلغنا اياه هالسنة والسنة اللي بعدها .. وتقبل منا أعمالنا


ثاني شي ألف مبروك أول ثلاث نقاط ... بالإضافة لوصول دينيلسون


واضح إنكم مبسوطين مرة من الإي آر تي .. ومثل ماقال المقدم شكل الاي آر تي أحلوّت بعيون العالم وصاروا مايجون الملعب


ماعلينا من الإي آر تي .. ولا من تغطية وصول دينيلسون .. ولا من الاخراج اللي يذكرك بالدوري الإماراتي


خلونا بالمهم ...


^*^*^*^*^*^*^*^*^*^


الهلال بدأ يتبع سياسة إنسانية قليل من ينهجها في هالزمن الغدار

بكل حنان قام زعيمنا بوضع خبرة وطاقة كوادره في سبيل العناية بالمصابين اللي مرجعهم منتخبنا العالمي أبو 68


من زود الحنان .. يرجع اللاعب من المنتخب مصاب يعالجونه على حسابهم وأول ما يطيب ويتعافى يرسلونه للمنتخب ...

وعلى بال مايتعالج مايصير يخلون المنتخب !!! ... لازم يرسلون له لاعب يغطي مكان اللاعب المصاب ... واعيباه يعني

وهاللاعب مايرجع سليم أبدا ... لأن لو رجع سليم ماستفادوا شي ..


طبعا كل هذا مجانا .. على حساب الهلال .. والله ماحد يدفع .. هه هذاني حلفت



^*^*^*^*^*^*^*^*^*^



خلال التحضير للمونديال ... كان لاعب مرشح ضمن أفضل 10 لاعبين متوقع لهم البروز في المونديال ...

وهوبّا .. وخذ عكّاز ياولد ... 40 مليون ميزانية المونديال .. خذ عكازلا تستحي ماراح يضر الميزانية شي

واركب السيارة .. وعليها ماشفناه يلعب بالهلال للحين ...

طبعا هذا لاعب هلالي يتعالج على حساب الهلال ... لأن المنتخب ماله دخل أبد



^*^*^*^*^*^*^*^*^*^



لاعب يلعب المونديال ... والمباراة الأخيرة ضد أسبانيا .. 10 دقايق بس ويطلع مصاب ..

لاعب محارب .. لياقته عالية ... يصاب عشان كعّب الكورة ..!!

طبعا رجعوه للهلال .. يقولون لاعبكم موب أصلي هاتوا غيره



^*^*^*^*^*^*^*^*^*^



ضمن استعداد منتخبنا لملاقاة المنتخب العالمي .... فرقة الرعب .... المنتخب الهندي المطرز بنجوم كرة القدم

تخرج لنا إصابة للاعب المنتخب السعودي الأول .. وتحرج ناديه والمنتخب .. طبعا ماعندهم وقت

بسرعة خوذوا لاعبكم ... اللاعب مصاب مانحتاجه .. بس لو ماعليكم كلافة يعني ... عندكم لاعب سلف ؟

ايه عندنا .... وينك يا بو صويلح ... رح للمنتخب ولا توذيهم ... خلك شاطر .. والا ترا بيرجعونك مصاب



^*^*^*^*^*^*^*^*^*^


تعاقدنا مع النجم العربي الأوحد ... وتصوير وتشك تشك .. وش توقعاتك لنادي الهلال .. بتجيب لنا كاس العالم ؟

ممكن تقول لنا شعورك وانت في نادي الهلال ؟ .. بتلعب المباراة الجاية ؟ .. ممكن تسجل هدف لو سمحت

إن شاء الله .. معليكم ... الموضوع منتهي .. بطولة الخليج بالمخباة .. مسألة وقت بس ...

تأخرت بطاقة اللاعب .. ياناس دقوا على النادي التركي .. كلموهم .. حبوا راسهم .. قولوا نبي بطاقة اللاعب ...

طيب مدام البطاقة ماوصلت .. خلوه يلعب مباراة مع المنتخب حقه .. يحول فاقد الكورة .. مبطي مالعب

وخذ لك لفتين بالصومال ... وارجع يالاعب مصاب ...



^*^*^*^*^*^*^*^*^*^


المفرج مصاب ... الموري مصاب ... الدعيع الشلهوب توهم راجعين من أصابة ...

حتى تركي الصويلح مصاب ...

باقي أنا وأبو سلطان

سامي هين آخذ إجازة موب مصاب

طيب إلى متى نبي نبقى على هالحال ..!؟

إلى متى نتشحذهم نلعب بلاعبيننا بشكل طبيعي وسليم .. !؟

بالنسبة لي أضمن لكم .. بتغيرون المدرب واللي بعده ... وبتجيبون لاعبين وتجربون ... وكله من هالوضع

دايم الهلال موقفه ضعيف ... بالنسبة لي أشوف الهلال في حالة مكابرةعلى نفسه .. وليس على غيره ...

مكابرة الهلال تمدره... وأقصد بالمكابرة على نفسه بحيث ينسى جماهيره ومطالباتهم وينسى إلتزامات الفريق وحقوقه ... عشان شي عارفين وش نتيجته مسبقا .. مركز 68

الهلال ماراح يصحى من هالوضع الا بصدمة ... صدمة راح تزعجنا وتصحينا بوقت يمكن مانتدارك زعيمنا فيه ...


مانقول إلا حسبي الله عليهم ... ضيعوك يازعيم





^*^*^*^*^*^*^*^*^*^ قـــــفـــــــلــــــــــــة ^*^*^*^*^*^*^*^*^*^




كلمة أتمنى ماتكون بنفس أحد ... ولا يحتسب كلامي كلام إنسان يبي كل شي على كيفه وهواه ...

أبو سلطان هو السبب ... هو من خلى الهلال مهزلة لاتحاد الكرة ورؤساء الأندية ...

على بلاطة نتذكر سالفة البلوي ... وسالفة البطولة العربية يوم كان الهلال له حق الاحتجاج والتأهل للنهائي

سالفة التزوير ... حرمان الهلال من لاعبيه في البطولة الآسيوية ..


رحيل الدوخي واللي بسببه ضاعت الجهة اليمنى .. لأن رحيله فجأة ماخلى الهلال يجهز شي لهالمركز ...

علما بأن الدوخي طلب مبلغ مليونين فقط ... وغيره أخذوا الملايين ومالعبوا الا كم مباراة بالموسم


رحيل كماتشو .. رغم انه تراجع عن مليون وثمان مية ألف .. وخلاها مليون فقط لعيون الجماهير اللي تحبه ..

رحيل باكيتا ... الجهاز الطبي واللياقي كله راح ... ومستوى الهلال بعده راح والدوري راح

صدقوني ماراح يجي رئيس للهلال مثل بندر بن محمد ... صدقوني ماراح ياخذون حق للهلال الا بوجود أمير الذهب بندر بن محمد ..

وراح تشوفون نكسة هلالية عنيفة لو استمر الوضع على ماهو عليه ...



تحياتي لكم .... صديقكم ... آبو ساري


أتمنى ماحد يزعل من كلامي ... وترفقوا علي شوي ... تراي بشر معرض للخطأ

أتقبل النقد والإعتراض على أي فكرة ... بس وسعوا صدوركم



والسلام ختام

اخر تعديل كان بواسطة » ابوساري في يوم » 15/09/2006 عند الساعة » 08:51 AM
اضافة رد مع اقتباس
  #2  
قديم 15/09/2006, 08:55 AM
الصورة الرمزية الخاصة بـ الرايق الازرق
زعيــم مميــز
تاريخ التسجيل: 25/02/2005
المكان: تدري وش اكبر خطاي الله يسامحني )()()( إقفايتي عنك وانت اللي تمـنيته
مشاركات: 12,526
انا معك باللي قلته كله من ناحية المنتخب وعمايله فينا

ومن ناحية الامير محمد بن فيصل انا ماني معك

لانه اعطى احمد ابو دخدخ ثلاثة ملايين كاش

وهو اللي رفض مع اغرائات البلوي وقالها ابو دخدخ بنفسه

انه انعرض عليه خمس ملايين من غير المميزات الاخرى

يعني هو اللي مايبي النادي على بلاطه
اضافة رد مع اقتباس
  #3  
قديم 15/09/2006, 09:15 AM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
وش هالجرأه يابو ساري

والله كلامك صواب وبالنسبه لابو سلطان المفروض ما يستحي من ناس ماتستحي

ويرفع الصوووت وياخذ حق الزعيم
اضافة رد مع اقتباس
  #4  
قديم 15/09/2006, 03:42 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
الرايق الأزرق

الدوخي طلب الإستمرار في الهلال ... لكن الهلال ماكان يرغب باستمرار اللاعب

ولكن اللي راح راح .. الشكوى لله

تشكر الرايق على المرور ...



هلالي ... حتى الموت

تسلم أخوي ... وهالكلام ذكرته بمواضيع سابقة .. لكن ماحد يسمع

يظل نادي الهلال الفريق الوحيد اللي يتعرض لمضايقات من اتحاده .. وساكت

تشكر هلالي على مرورك ... ماقصرت
اضافة رد مع اقتباس
  #5  
قديم 15/09/2006, 03:57 PM
زعيــم مميــز
تاريخ التسجيل: 21/02/2005
المكان: الخــــرج
مشاركات: 4,727
إقتباس
الرسالة الأصلية كتبت بواسطة ابوساري
بسم الله الرحمن الرحيم

صدقوني ماراح يجي رئيس للهلال مثل بندر بن محمد ... صدقوني ماراح ياخذون حق للهلال الا بوجود أمير الذهب بندر بن محمد ..
وراح تشوفون نكسة هلالية عنيفة لو استمر الوضع على ماهو عليه ...
والسلام ختام

والله أنـــا مـعـك في كــل كـلـمــة الأمير بندر بن محمد هـو من سيقـف في وجـة لجنـة التخـبـطـاااااات .."

أمــا بالنكســة الهـــلالية فى أنـــا متوقعهــا في ظـل وجـوود لاعبين عـطــووهـمـ .فـرصـة

كالياس والمرشدي والعبدالسلام والهليــل
اضافة رد مع اقتباس
  #6  
قديم 15/09/2006, 04:08 PM
الصورة الرمزية الخاصة بـ بيكاتشو911
زعيــم مميــز
تاريخ التسجيل: 06/08/2005
مشاركات: 2,177
لا تعليـــــــــــــــــــــــق

مع احترام جميع الأراء
اضافة رد مع اقتباس
  #7  
قديم 15/09/2006, 08:36 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
صدوق الود

تسلم أخوي على مرورك



بيكاتشو

ماقصرت أخوي
اضافة رد مع اقتباس
  #8  
قديم 15/09/2006, 09:01 PM
الصورة الرمزية الخاصة بـ زعيم زعيم زعيم
زعيــم مميــز
تاريخ التسجيل: 01/05/2005
المكان: الرياض
مشاركات: 2,411
كلامك سليم في قضية كماتشو ... وهي غلطة كبيرة.

القضية مكشوفة للجميع ولكن الإدارة عتمت على القضية بكلام لا يقبله العقل .. قالوا عصابة تحيط باللاعب؟؟ اي عصابه ياخوي؟؟ خلوكم واقعيين ياإدارة وعلمونا بالسبب الصحيح ... اذا كان لعيون نواف ترى ماراح نقول شي اما انكم تقولون عصابة تحيط باللاعب وتلاعب بالعقود ؟؟ اللاعب صار له سنتين معنا ماشفنا شر لا من عصابات ولا من سواليف ماتتصدق.

المشكلة في قضية كماتشو ان الإدارة لم تصارح الجماهير.

أما الدوخي مقدمين له شنطة فيها 3 ملايين كاااش بس طويل العمر موقع قبلها مع ربعه التكرن.
اضافة رد مع اقتباس
  #9  
قديم 15/09/2006, 09:46 PM
زعيــم مميــز
تاريخ التسجيل: 11/10/2004
المكان: الريــ ( حيث الزحمة ) ـــاض
مشاركات: 7,051
والله اوافقك



خصوصا بمسألة اللاعبين الدوليين في الاسيوية



يعني كان من الممكن ان ابو سلطان يطلبهم باسلوب هادئ



مو يقول عندنا لاعبين شباب


كذا يفتح للجنة التخبطات المجال
اضافة رد مع اقتباس
  #10  
قديم 16/09/2006, 12:14 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
زعيم ثلاث مرات

فعلا وفي تصريح لكماتشو قال فيه ان رجوعه لأجل جمهور الأزرق .. وتنازل عن شي كثير في عقده

مشكور أخوي على المرور



مجنون الزعيم

وهذا الشي اللي المفروض يصير .. المشكلة أبو سلطان قال وطنية والوطن ماعطى الهلال حقه ...

والمشكلة تحضير للمونديال .. مافيه مشاركات قريبة ومع ذلك حرم الهلال منهم
اضافة رد مع اقتباس
  #11  
قديم 16/09/2006, 02:20 AM
الصورة الرمزية الخاصة بـ هلالي للدفنة
زعيــم مميــز
تاريخ التسجيل: 07/07/2005
مشاركات: 1,653
حبيب قلبي ابو ساري موضوع اسعدني واضحكني في ان واحد مشكور وما قصرت كتبت فابدعت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube