¯°•.¸¸.•°¯°•.¸¸.•°¯ - خـــــربشـــــات - ¯°•.¸¸.•°¯°•.¸¸.•°¯ - نادي الهلال السعودي - شبكة الزعيم

رعبوبة الزعيم · #1 15/09/2006, 02:21 AM

الســــلام عليكم ورحمة الله وبركــــــــاته..

(( تـحـيـة بـعـبـق الـحـب أهـديـهـا لـكـم عـلـى مـشـارف هذا الصباح))

صـبـــاح الخير للجميع

صبــاح الخير للغــــالين الهلااليين والهلاليااات..

شخباركم ان شاءلله بخير وشخبار الدراسه ان شاء الله مجتهديين مثلي

وشخــبار أول أسبووع

عسى مارحتوا يوم الثلاثاء بس مثل بعض الناس

او السبت مثل بعض الناس الثانيين

ولا سحبتوا على باقي الايام مثل اللي يقولون الجامعه ماعندهم سالفه اول اسبوووع
طبعا هالناس يعرفوون نفسهم خخخ

أول أسبوع دراسي حلوو لكنه متعب شوي

تخيلوا من أول يوم تفتيش وهذا ممنوع وهذا مو ممنوع والله أحس أن حنا جالسين بالعسكريه
حتى العسكريه يمكن أحسن منا
المفروض يحسون ان حنا بالثانويه يعني ماعدنا صغار يتحكمون فينا
طيب الخطأ حنا بنعرفه من نفسنا
لكن إذا كنا واثقين أن اللي نسويه مافيه شي ...؟؟
وتمنع المديره شي مع انه عااادي لكن كل شي له حكمـــه..من يدري الله أعلم..

أول يوم كنا متواعدين انا والهنوووف ننام بدري
4 ساعات لما الساعه 4 وانا احاول انام
ولا جاني نوم وانا اللي أقوم وأفتح النت وكنت حــاطه أون لاين بالمسنجر
إلا وتدخل هنوووفه
وفررحت لأني شفتها قبل لاتروح الكليه وهي فرررحت لأنها شافتني

وكــان ودي أشوف سحر الشرق بعد
واقولها مانمتي قالت مدري انا جــالسه على السرير مدري نمت ولا مانمت

وقلتلها والله نفس الشي أنا
وكانت مسكيينه خايفه من الكليه وأنا اقولها لاتخافين خلي كل شي إيزي
وجلسنا نسووولف
وتجي الساعه 5 وقمت علشان اتجهز للمدرسه
وجهزت وخلصت وكنت يومها ناويه أروح المدرسه مع صديقتي فطرت وخلصت
إلا وصلت صديقتي ودخلت وسلمت عليها وجلسنا نسولف لما وصلنا المدرسه
دخلنا المدرسه ولا ندري وين فصلنا مارتبوا الفصول والله من الإهماااال
اللحين مداومين قبلنا ولا رتبوو شي هالمدرسااات الكسوولات
المهم بعد فتره وجيزه

عرفنا وين الفصل
ورحنا ودخلنا الفصل
ويوم دخلنا إلا مافيه طاولات وكراسي وقالولنا روحوا الدور الثالث
جيبوا طاولات وكراسي
وحنا فصلنا بالدور الأول
وين نروح الدور الثالث والطاولات ثقيله وتعب مرره وأنا أول مره أشوف مدرسه وفصول مافيها طاولات
وكراسي ..
واكيد بتكون مغبره وملابسنا اول مره نلبسها يعني كشختنا راحت على الفاااااااضي
ورحنا الدور الثالث تخيلوا بنات رقيقات مثلنا يشيلون كراسي وطاولات
وصديقتي الله يهديها كانت غاااايبه(من أول يوم غياب)

والله من الشطاااره

يعني لازم اجيب كرسيين وطاولتيين
ورحت وجبت الدفعه الاولى شايله كرسيين وانا نازله الا وتشوفني المديره
رحمتني وقالت لي ناويه تتكسرين ونادت بنت وشالت معي
وبعدين جا دور الطاولات وشلتهم وخلصت
لكن والله رجلي اللحين وارمه ضربتني الطاوله برجلي وعورتني
امشي خطوه وادعي على الوزاره والمديره وكل اللي قدامي شي يضحك

بس من القهر والله ..
وبعدين سوت لنا المديره محاضره للمدرسه كلها وعادت الكلام اللي حافظينه من سنتين
وهي تعيد وتزيد فيه وحنا نسمعها وطبعا كان فيني نووم رايحه المدرسه ومواصلــه
والحمد لله خلصت محاضرتها وأروح على الطول ويصير على البيت
وطلعت الا السواق جاني ورحت البيت ونمت من بعد هالتعــب نوم أهل الكهف

واليوم الثاني عطونا كتب طبعا البنات اللي مخالفات على قولت المديره ماعطوهم

<<تحب الشماته
ماأقووولكم حنا بالعسكريه ..

ويوووم صلحوا المخالفات عطتهم

بس بيني وبينكم يستاهلووون

وعدا اليوم الثاني وحنا مادرسنا شي وكل مدرسه تدخل تجلس تخوفنا انتوا بثالث وانتبهوا على الدرجات
وتراني ألعب بالدرجاات لعب وانتبهووا ومن هالكلام اللي مامنه سنع
أمحق مدرسات من بدال مايشجعونا يخوفوونا
بس أنا ذييبه مثل سامي مــا أخاف
مافي الا مدرسه وحده اللي حاسه فينا وجلست تسولف معنا ونشكييلها وتسمعنا
وبعدين قمنا نسولف انا والصبايا وش سوينا بالإجازه طبعا من 3 شهور ماشفنا بعض
وكل وحده تقول وين راحت اللي راحت تركيا واللي راحت النمسا واللي راحت ماليزيا واللي راحت ايطاليا
واللي سوت سياحه داخليه وأنــا رايحه الإمارات

وأنتهى اليوم الثــاني بسرعه ..

يوم الاثنين بدينا ناخذ مقدماات للدروس بس مادرسنا اصلا المدرسات نفسهم ما لهم خلق وماودهم
يدرسوون ..
بس هاليووم كان حلوو وفللللله بالمره يعني فيه شوي مغامرات
ينبغي التحفظ عليييها وعدم ذكــرها

وجبنا ورق عنب وببسي وبرينقلز وحلوياات وأنبسطنا
وجبنا ورقه وجلسنا نلعب بس جد هاليوم مميز وحلوو

وجا يوم الثلالثاء وكناا فرحانين تدرون ليش لأن بكره الأربعــــاء

يوم الثلاثاء كان بداية الدراسه درسنا والحمد لله كااان كل شي تمام يعني البدايه حلوة
من جميع النواحي من ناحية المدرسات والدروس ووضع الدرااسه

وكان هاليووم عاادي مره يعني مافيه شي مميز الا المواقف اللي تصير بين البنات

منها الحلوة وبهذااليوم صارت هوووشه بين بنتين عاد مدري ليش وجلسنا نتفرج عليهم

كأنا جالسين نشوف مسلسل

لما جات السلطات العليا وفرقووهم

وجا يوم الأربعاااء وكنا مبسووطين لأنه الأربعااء وعلشان بشوف بنات عماتي
من زمان ماشفتهم ويوم الأربعاء والخميس داايم تكون أيام حلوة بالنسبه لي
يووم الأربعـــاء هو اليوم الوحيد اللي ماشفت فيه خشت فصلنا إلا أول ماجيت حطيت اغراضي وطلعت مع صديقاتي ويوم جيت أباخذ أغراضي
ولعبنا ورجعت ذاكرتنا لما يوم كنا بأول إبتدائي واليوم حنا بثالث ثانوي والله الأيام مرت بسرعه
وأذكر أولى إبتدائي مثل ما أذكر ذاك الأسبوع
بأول إبتدائي كنا صغار والحين كبرنــا وكبر همنا والله أياام وذكريات مستحيل ننساها ..
الحمد لله عدا هالأسبوع بسرعـــه وماكان ثقيل علينا الا اللهم أول يوووم كان تعب مرره .

.

وأكييد هالشي يخلد ذكريات علشان إذا كبرنا نذكرها ونذكر أيام الثانوي الفللله ..

مثل مانذكر ألحين أيـــام أول إبتدائي ..

الله يـــوفق كل اللي بثالث ثانوي وينجحون ويجيبون إللي يتمنونه ..
ويدخلـــون التخصص اللي يبونــــه ..ويوفـــق كل اللي يدرسون
والله يــوفق كل اللي باديين خطوه جديده بحياتهم ..
ويسعدهم دنـــيا وآخره..ويـــرجع المبتعثين لأهلهم ســــالمين ورافعين راس
وطنهم وأهلهـــم..

][:][ خربشـــــــــاتي ][:][

أربع وعشـــرين ساعه..
نحن نعيش..يوما بيوم..هم وهم..ساعه بساعه..قلق وقلق..دقيقه بدقيقه..كبريــــاء فيأس
ثانيه بثانــــيه..ترقب وإنتظــار..نعيش ونعيش..لحظات توتر ولحظات قد تــأتي ببصيص أمل
ونحن مرتـــبطون برقــــاص الساعه اللذي يأسرنــــا..
فهل هذه حيــــاة...؟؟

لماذا الإنسان ينكسر مابداخــله ويتحطم قلبه سريعــاَ..وإذا أراد ترمــيم وإصلاح ماتهدم بداخــله
يحــتاج وقــتاً طويلاً ..وإذا أصلح مابداخله لاتكون نفــسه ونفسيته مثلما كانت عليه
ســابقا..؟؟

أشياء كثيره تحــدث بحياتنا ..تنخيل أنها ليست حقيقه ونوهم أنفسنا بذلك..ولكن نفــاجئ حين
نصتدم بالواقع المألم لنعي أنها ليست حلم..نصتدم بالواقع اللذي يجعل من الكبريـــاء اللذي كان
بنا إلى خضــوع لما حولنا..

ماذا نسمـــي الحب في هذا الزمان؟سلة مهملات أم ماذا؟

حيــاتنا أهي حياة في ضل الظروف المسيطره علينــا!!أم نسميها جحيم قلب حيــاتنا رأساً على عقب
أحياناً أتمنى لو تعــود بي أيامي إلى مرحــلة الطفوله ..حيثُ البرائه والإبتسامه اللتي لاتشوبها بقايا
جروووح..

معنى الصديق ..منهج الوفــاء والإخلاص..كاتم الأسرار ..وصادق الكلمه ..ولكن نرى أن في هذا
الزمان أنعدم المعنى الحقيقي للصديــــق فمتى يعود إلى معناه الحقيقي المأخوذ من الصدق..

لعبة القدر يلعبها معنا دائما لايكاد يمل أو ييأس بس كلما زاد بأوجاعنا
زادت قوته وخبروته على قلوبنا ..

نبكي وتجف دموعنا بحثاً عن الراحه .. ولكن أين الراحه .. ما أراه هو زياده الهمووم اللتي
تغرق أحلامنا ..في بحر آلامنا

لغة الصمت//الصمت أحــيانا يعبر عن الكثير مما تعجز الحروف والكــلمات عن توضيحه..

][:][ علــمتني الحــــياة ][:][

][:][ إهداااء للأعضــــــاء ][:][

][:][ وبالنـــــــهايه ][:][

((ســـبحانك اللهم وبحمدك ..أشــــهد أن لا إلاه إلا أنت ..أستغــــفرك وأتوب إليــك))

أخــــتكـم//رعبـــوبة الزعيم..