#1  
قديم 10/09/2006, 11:54 AM
زعيــم فعــال
تاريخ التسجيل: 21/09/2005
المكان: الرياض
مشاركات: 324
Cool بربسه عن الهلال (( الاسبوع الثاني ))

الــــــــــــــــــــســـــــــــــــــــــــــلام

كيف الحال لجميع اعضاء الزعيم

بربسة ذا الاسبوع مالها هدف يعني سواليف عن الرياضه السعوديه بشكل عام
بسم الله

*
في البدايه نجي للوطنيه
وشعار الوطنيه
ونادي الوطن

عضو شرف نادي الاتشاد والمحلحل الرياضي في قناة الارتي ضايق صدره من شعار المنتخب

ويقول ان ذا اللوم ماش موب معجبني وودي تغيرونه!!!!!!

وراك ياعزيزي المتجنس ضايق صدرك من اللون الاخضر ؟؟

يقول ان ذا اللون يجيب الاكتئاب ويدعوا للتشاؤم

الدختور مدني رحيمي ماعرف يفرق بين شعار الاهلي وشعار المنتخب

اي وطنيه واي خرابيط يا مدني

يبي شعر المنتخب يصير لونه اسود وابيض عشان يفوز

ما اقول الا ليتهم رقدوا ذيك الليله

*
عبدالعزيز البكر يرجع لتقديم برنامج مداد في الرياضه !!

ليه ياعبدالعزيز ماكان ودنا انك ترجع كنا مستانسن مع عادل

والله انه فله من جد

يعني تحس ان له مستقبل في طاش ما طاش

ولا حتى في اخواني واخواتي ينفع يصير مرمر زماني

بس يالله هذي الدنيا وش نسوي ولا كان عنده حس كوميدي غير طبيعي

على العموم رجعت الحياديه والموضوعيه للبرنامج وهذا هو المهم.



* نجي للطامه الكبرى

الارتي وتشفير الدوري

اللي سمع شعارات الارتي يوم وقعوا العقد والوعود اللي قالوها

دوري ال 100 مليون
الدوري الاقوى
الدوري اللي مافيه امل تقوم من عنده

في النهايه وش صار

تصوير زي وجيههم

اخراج زي اللي منيب قايل

تقطيع في البث
ويقولون كما وردت من المصدر

طيب اذا صرتوا نتم المصدر ليه تكتبونها !!!!!!!!!؟؟؟؟؟؟

والله شي يقهر يعني هدف الاتفاق الاول كان فيه تقطيع مادريت الا والكوره عند رجل يسري الباشا وشوي في المرمى

وين الهجمه وش السالفه ما ادري؟؟!!

بس يالله اسمع فرخ الشايب محيي الدين صالح كامل (( والله يا اسمه طويل بعد )) يقول سيتم تطوير وسائل البث الخارجي

وحنا نقول وش ورانا دامنا دفعنا لكم دراهم وطاح الفاس في الراس بننتظر



*
القناة الرياضيه السعوديه

اي رياضيه واي سعوديه واي كلام فاضي

قناة حتى الدوري المحلي معد يمديها تعرضه

ليه
عشان مايزعل عليهم الشيخ (( طالح))
ماتعرض مباريات المنتخب حتى اللي في السعوديه
ليه
نفس الكلام اللي فوق
<<< (( عجاز ))

السنتين اللي راحت ينقلون الدوري الارجنتيني والتعليق انواع المزاعق ووجع الراس

الحين ينقلون الدوري الفرنسي وبرضوا التعليق هو هو

برامج :sad:
البرامج المحليه كلها

ليه؟؟ ووراه؟؟ ووشهوله؟؟

يعني نقاش في نقاش
لا ونقاش عقيم بعد يعني ماتستفيد منهم باي شي

البرامج الخارجيه
يعني اللي شارينها بدراهم
كل شوي يعيدونها:sad:

الا بيحللون اللي دفعوه على حسابنا

يالله كودهم يتغيرون

هذا اللي نقدر نقوله



*
محمد نور هوساوي & ميتارازي

ياوسع وجيهكم بعد

الاول عاقبوه واستأنف

ورفضوا الاستئناف

ورجع واستئنف

بالله وش يسوون به ذا

الا يبي يلعب باللهي به


والثاني

يقول (( تراي مادريت ان عند زيدان اخت ))

يا ثور سبيت اخته سبيت امه سبيت بنت اجيرانهم كلها زي بعض

يعني لو ان ماعنده اخت وانت قاعد تسفل فيه في المبارة بيجي يقولك

يامسيكين ترا ماعندي اخت
ولا تراي اعرف اسم اختك

بطل شغل البزور واظبط نفسك

ياكرهي لكم يالازوري

بس ماقصر فيكم قوفو والديوك

ردوها لكم

يابعدي يافرنسا هذا الفريق اللي يمتعك موب فريق صك دفاعك:sad:


بين السطور

* التايب راح ......التايب رجع ........ التايب اصيب ........
ياربيه وش ذا الحاله متى نشوفه يلعب لا ومتطاق مع برنابوك امس يقول انك زلابه ولاتعرف تعالج !!!!!!

* دفاع الهلال بلاوي زرقا منيله بستين نيله ..... تفاريس بلحاله واليد الوحده ماتصفق الهليل (( ياكثرك ياذا الاعب)) ماهوب لم الكوره ابد المفرج يبدع طول الدوري بس في النهائي (( يجيب الطعه))

*الشيخ فيصل الشهيل اثبت انه من افضل اعضاء شرف الهلال قولو لي ليش



اقول لكم ليش

(( بياخذ الهليل والحارس الغامدي اعاره لمدة سنه لنادي النهضه )) يعني بنفتك من الهليل

ترا الغامدي رضاوه ولا هم مايبون الهليل من اول


* فيه هرج واجد بس ماش النفسيه ما تخارج
واعذرونا على الاطاله




يالله فتكوا بعافيه
اضافة رد مع اقتباس
  #2  
قديم 10/09/2006, 11:57 AM
زعيــم نشيــط
تاريخ التسجيل: 11/07/2006
المكان: معسكر نادي الهلال
مشاركات: 838
يعطيك العافيه
ولا تحرمنا من البربسه هاذي كل اسبوع ....
اضافة رد مع اقتباس
  #3  
قديم 10/09/2006, 12:03 PM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
تعجبني بربستك يامبربس
اضافة رد مع اقتباس
  #4  
قديم 10/09/2006, 12:03 PM
الصورة الرمزية الخاصة بـ الـزعـ(حسن الطبايع)ــيــم
زعيــم مميــز
تاريخ التسجيل: 23/12/2004
مشاركات: 1,935
يعطيك الف مليون عافيه


إقتباس
يامسيكين ترا ماعندي اخت


ههههههههههههههههههههه
اضافة رد مع اقتباس
  #5  
قديم 10/09/2006, 12:08 PM
زعيــم مميــز
تاريخ التسجيل: 22/09/2005
المكان: مملكة الهلال
مشاركات: 2,849
بربسه شيقه بصراحه وبانتظار البربسات القادمه


يعطيك العافيه
اضافة رد مع اقتباس
  #6  
قديم 10/09/2006, 12:12 PM
موقوف
تاريخ التسجيل: 15/02/2006
المكان: kingdom of my life
مشاركات: 3,411
إقتباس
الرسالة الأصلية كتبت بواسطة maanmaan
الدختور مدني رحيمي ماعرف يفرق بين شعار الاهلي وشعار المنتخب

اي وطنيه واي خرابيط يا مدني

هههههههههههه اي والله انك صادق
اضافة رد مع اقتباس
  #7  
قديم 10/09/2006, 12:40 PM
زعيــم مميــز
تاريخ التسجيل: 26/07/2005
مشاركات: 1,765
يا زين بربستك

بانتظار البربسه الجايه
سلملم
اضافة رد مع اقتباس
  #8  
قديم 10/09/2006, 12:40 PM
زعيــم مميــز
تاريخ التسجيل: 26/07/2005
مشاركات: 1,765
يا زين بربستك

بانتظار البربسه الجايه
سلملم
اضافة رد مع اقتباس
  #9  
قديم 10/09/2006, 12:54 PM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
يعطيك العافيه
شكل بربستك اروع من اللي فاتت ودائما في تقدم
ما ودك ترطرط في الشتاء اذا جت الامطار
اضافة رد مع اقتباس
  #10  
قديم 10/09/2006, 01:22 PM
زعيــم مميــز
تاريخ التسجيل: 07/09/2005
المكان: المملكه المتحده uk
مشاركات: 2,125
مشكور وبانتظار البربسه القادمه
اضافة رد مع اقتباس
  #11  
قديم 10/09/2006, 01:25 PM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
يعطيك العافية
لاتحرمنا بربستك
اضافة رد مع اقتباس
  #12  
قديم 10/09/2006, 01:31 PM
زعيــم متألــق
تاريخ التسجيل: 05/12/2005
المكان: الأحساء
مشاركات: 1,178
أحسن بربسه


من أحسن مبربس
اضافة رد مع اقتباس
  #13  
قديم 10/09/2006, 01:42 PM
الصورة الرمزية الخاصة بـ هلالي توب
مشرف منتدى الجمهور الهلالي
تاريخ التسجيل: 03/05/2005
المكان: Cـنيـزَة ً
مشاركات: 14,626
يعطيك العافيه علىى البربسه الرايقه

بأنتظار باقي بربساتك


يعطيك العافيه
اضافة رد مع اقتباس
  #14  
قديم 10/09/2006, 02:03 PM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
ماشاء الله تبارك الله

والله مب بربسه هذي

هذا الكلام ولا بلاش
اضافة رد مع اقتباس
  #15  
قديم 10/09/2006, 02:20 PM
الصورة الرمزية الخاصة بـ هلالي رغم ابتعادي
زعيــم مميــز
تاريخ التسجيل: 14/04/2006
مشاركات: 16,611
مشكووووور
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:46 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube