المفرج وربي شايل الدفاع - نادي الهلال السعودي - شبكة الزعيم

aloosh2005 · #1 06/09/2006, 02:36 PM

السلام عليكم ورحمة الله وبركاته

الحمدلله على التعادل امس اللذي جاء بشق الانفس وبصراحة امس دفاع الهلال مع احترامي للاعبين الموجودين

من البطوله الخليجيه وهو أسوى خطوط الفريق نشوف الخصم كيف يهدد مرمى الهلال في كثير من الكورات

الخطره لاتنظيم مع الفريق يلعب بثلاث سناتر عكس الموسم الماضي أقوى خط دفاع في الدوري السعودي دفاع

الهلال بقيادة المخلص الكابتن الخلوق والمبدع والقتالي فهد المفرج وأتضح الخلل بابتعاده عن تمثيل الهلال بسبب

الاصابه اللعينه الله يرجعك بالسلامة يابو عبدالله والله احنا محتاجينك في خط الدفاع انت وتفاريس لكن اناس تتصيد

الاخطاء من فهد وتترك النجوم الثانيه فهد مظلوم والرجاء مساندته

والى الامام يافهد المخلص

Carlton · #2 06/09/2006, 02:40 PM

شكل فهد المفرج خويك عشان تتكلم عنه

على العموم انا بدون مجامله اشوف فهد المفرج ممتاز ويعجبني مستواه واتمنى لو كان موجود

بس المفرج خلاص كبببير عمره 31 اتوقع ويبيله يعتزل او يكون هالموسم آخر موسم مع الهلال
ويشوف نفسه مع الخليج او الرياض او النصر مثل ماصار للشريده مع ان الشريده كان مبدع وفنان

تحياتي

ابوعبدالله

أبوياسر · #3 06/09/2006, 02:41 PM

الصراحه فقدنا فهد المفرج

انا ودي الي كانو يسبون فهد ويطالبون بغيره وينهم الحين؟؟؟؟

الصراحه الحين عرفنا مكانة فهد

i L a L i }{ · #4 06/09/2006, 02:44 PM

فقدما تنفاريس والمفرج

aloosh2005 · #5 06/09/2006, 06:04 PM

شكرا لكم على الردود بعدين ياللي تقول المفرج خويي يعني اي واحد يتكلم عن لاعب لازم يكون بينهم قرابه ياسبحان الله

أبو ميار · #6 06/09/2006, 06:41 PM

فهد لدينا القناعة التامة أنه ممتاز

ولكن بعض الجمهور يريدون من اللاعب أن لا يخطئ وعندما يخطئ يجهزون حبل المشنقة له

يا إخوان فهد أخطأ بالنهائي ولا زلتوا تشنون الحملات ضده

فداك الدوري يافهد

ومشكور لصاحب الموضوع

G o L d E s T · #7 06/09/2006, 06:41 PM

والله اتضحت مكانة المفرج

مع اني كنت اقدره من زمان

نجداوي نجد · #8 06/09/2006, 06:45 PM

فهد المفرج اللاعب المخلص

والله انه صمام امان صح انه بعض الاحيان يجيب فيك العيد لكن والله مدافع صلب

وباذن الله يرجع

نجداوي نجد

تلومني فيك · #9 06/09/2006, 06:45 PM

الله المستعان

صدوق الود · #10 06/09/2006, 07:59 PM

والله مشتــاقين لي نبكــات فـهــد :sad:

صح انــه يبـدع مبــارة او مبـارتين ويجيب الطعـة في مبــاريات

بس يبقى أفـضل من هـاالمرشدي الي مـايدري وش معنــا التغطـية الدفـااااعية

صفر واحد · #11 06/09/2006, 08:14 PM

ايه والله يا حليله عند بعض النكبات !!!

كنت من اشد المطالبين بتنسيقه !!!

بس الحين لا لا تنسقونه لين نجيب لاعب !!!

وش رايكم في العمري الي انطرد امس !!!

اذكر الهلال فاوضه ؟ وش صار على موضوعه !!!

الهـADRIANOـلال · #12 06/09/2006, 08:16 PM

فهدالمفرج وتفاريس دائما هما الافضل ,,,,,,,

الكناري الأزرق · #13 06/09/2006, 08:16 PM

إقتباس


	شكل فهد المفرج خويك عشان تتكلم عنه

طيب معقولة يكون خويي انا و كثير من الجماهير ;) .. ؟!

فهد لاعب مــُــخلص و مظلوم من الجماهير الهلاليـة ..

و اذا بدع سكتوا و اذا نكب تكلمتوا .. !

هلالي ديار حاتم · #14 06/09/2006, 10:22 PM

معكم انا في ان فهد مخلص في تمارينه لاكن المرشدي افضل من فهد بمراحل
( السرعه - القوه - الكرات الطويله )
( وباي باي فهد نكبات الله يستر عليه ).

صدوق الود · #15 07/09/2006, 12:14 AM

إقتباس

الرسالة الأصلية كتبت بواسطة هلالي ديار حاتم


	معكم انا في ان فهد مخلص في تمارينه لاكن المرشدي افضل من فهد بمراحل ( السرعه - القوه - الكرات الطويله ) ( وباي باي فهد نكبات الله يستر عليه ).

كــل هـالموصـفــات في المرشـــدي

لايكوون تقصــد تـفــاريس