๑۩۞۩๑ الأسهـــم ، ( أول مـوضـوع من تأليـفي ) !! ๑۩۞۩๑ - نادي الهلال السعودي - شبكة الزعيم

خفايا الهلال · #1 04/09/2006, 04:20 AM

السلامـ عليكمـ ورحمة اللهـ وبركاتهـ

هلا وسهلا بكـم

يـانا مبطي ما ضغطـت على ايقـونـة ( موضوع جديد ) !! صرت ما اشوف الايقونه من الغبار اللي عليه

ولـكن اليوم ضغطتها وانا متردد لفعل ذلك الأمر :p << اقول لا يكثر

لأنني في يوم من ايـام العطلة -رحمها الله- كنت فاضي تماماً ، وخطرت في بالي فكره !! ،،

ففكرت اني اسوي لي قصه ع الماشي ،، وهي قد تكون اول تجربه بحياتي

وقد تتسألون عن عنوان القصه

<< ايه هين

وكنت افكر وش اختار عنوان ؟

وبعد تفكير دام طويلاً ..

كان عنوان قصتي ( الأسهـــم ) ، لـمواكبةً ضاحيا الاسهم ، وما ادراك ما الاسهم .. وانشغال الناس بالاسهم ..

وقد يكون موضوعي خيالي نوعاً ما

!

ولكنه قد يسعد بعض عاشقي الاسهم

ما اطول عليـكم

ندخل بالموضوع دغري ،،

[ الموضوع مقسم على ( 5 اجزاء ) ]

إذا شفت منكم تفاعل انزل الاقسام الباقيـه

{ الحلقة الأولـى }

7
7

-----------------

الأسهم

في يوم من الايـام

كان هناك واحد من المساكين

وحالته حاله .. !

وكان عطشان

ومر اقرب بقاله

وشرا له ببسي ويوم فتح غطا الببسي لقا شي ما كان يتخيلـه

لقا مكتوب

( مبروك فزت بـ 2 مليون ريال )

انطلق على طول لببسسي واخذ الـ2 مليون

صارت عنده ثروه

فحب يستغلها صح

راح سأل ولد جيرانه وقال

تعرف لي واحد يعرف يدبر الفلوس
قال ايه

وعطاه الرقم

لعل خوينا ما اخذ الرقم صح

ودق عليّ بالغلط

دق

رديت قائلاً : انا دحيم من يتكلم

قال : معك صعفق << حتى اسمه ما يأهل

قلت له : وش تبي بالضبط ؟

قال : ابيك تساعدن انا عندي ثروه

قلت : ثوره ؟ طيب اشر لهم بقر وخلهم يتزاوجون ويتكاثرون ويجيبون من امثالك !

قال : ( دحيم فهمت غلط !! )

انا اقولك ثروه

يعني قروش كثير

قلت : قروش ؟!؟ من وين لك ؟!؟ المهم احلتهن بالبحر قبل ما يموتن

قال : ايضاً فاهم غلط

يا هوه قرنقش يعني فلوس تفهم ولا لا ؟

قلت : اللحين في يفهم كلام نفر انتا ؟

قال : والله من يوم شفت فهمك السريع وانا غاسلن ايدي

قلت : اقول لا تغلط واخلص .. وش تبي ؟

قال : طيب ،، انا عندي فلوس وابيك تصرف لي اياهن

قلت : ولا يهمك قلهن بروح للحمام وادخل الحمام واطلع مع الدريشه !!

وكذا تصير صرفتهن

قالي : يا غبي مب اصرفهن يعني اهج عنهن

لا يعني ابيك تتدبر لي اياهن بشي زين

قلت له : لا تقول غبي .. علشان ما يكبر راسي

قال : طيب لا تصرف .. بس دبر لي اياهن انا سمعت ان لك خبره في الاقتصاد بحكم ان ولد جيرانكم داخل اقتصاد !!

قلت : فعلاً .. كلامك صحيح عندي خبره

واللحين بديت افكر وش اقوله ؟ انا ما اعرف بالاقتصاد شي !! يعني تورطت

طلعت لي فكره جهنميه

قلت له : عطن القروش وادخل بهن الاسهم

قالي : والله انك جبته .. انت ذكي يا شيخ

قلت : شكراً شكراً

-----------------

وتوته توته خلصت الحتوته الأولى ( الحلقه الاولى )

اتمنى تعجبون بالبدايه

وياليت اشوف ارائكم ع القصه بكل صراحه

انتظروا الحلقات القادمه

الحلقه الثانيه(( .. ،، الأسهم ومصايبه ،، .. )) >> انزله بعد التفاعل

وشكـراً ..

دمتم بـود

خفايا الهلال

حبيبي توتي · #2 04/09/2006, 04:22 AM

موضوعك طويل وان شاء الله اذا رجعت قريته

تحياتي

عاشق ادريانو · #3 04/09/2006, 04:44 AM

مشكووووور والقصه طويله احس ان ايدك انقطعت

مغرور حدي · #4 04/09/2006, 04:47 AM

^^
^^
اما طويله خخخخخخخخخ

الله يسامحك ياكاتب الموضوع الحين تعطينا نص القصه وتقول الباقي بعدين ..

بس لك مستقبل ياعيني عليك .. لاتتأخر علينا ..

تحياتي

هلالي القرعاء · #5 04/09/2006, 04:47 AM

هـلا وغـلا عبدالرحمن ..

إقتباس


	وهي قد تكون اول تجربه بحياتي

وإن شاء الله ماتكون الأخيرة .. وتكون بداية بلا نهاية ..

أحتويت الموضوع الذي أشغل الكثير والكثير من الناس ..

بإنتظـــــار الأجزاء الأخرى ..

يعطيك العافيه

رعبوبة الزعيم · #6 04/09/2006, 04:49 AM

حلوة المقدمـــه للقصه وأكيد الاجزاء الثانيه مثلها حلوة ,,
ننتظر الجزء الثـــــاني

وتسلم يمناااك

الزعيم الكاتلوني · #7 04/09/2006, 04:57 AM

أقول ثاني مره خل الايقونه مغبره اصرف لك

الهنوووف · #8 04/09/2006, 05:07 AM

هلا اخوووي

اخيرا نزلت مووضوووع من زمان ماشفت لك موضووووع

والحين مالك عذر وخرت الغبار خلاااص نبي كل اسبوع موووضووع

والله القصــة باين عليها حلوة وتحمست والله

>>>>والله ماهي مجامله

بداية رائعه وموفقــــــة انتظر الجزء الثاني

ماشاء الله عندكم خيال واسع وموهبة كتابة القصص اتمنى ان تستثمر

اتمنى لك مستقبل واعد لاجيال مدري ووشووو

لاتتاخر بالجزء الثاني كل يوم جزء قبل الدراسه

الهنوووف

هنا

كانت

ورحلت

الهنوووف · #9 04/09/2006, 05:09 AM

إقتباس

الرسالة الأصلية كتبت بواسطة الزعيم الكاتلوني


	أقول ثاني مره خل الايقونه مغبره اصرف لك

اذا ماعجبك الموووضوووع اتمنى تحترم صاحب المووضوووع والاعضااء الي هنا

جزاك الله خير

الذئـــ الأزرق ــــب · #10 04/09/2006, 05:11 AM

إقتباس

الرسالة الأصلية كتبت بواسطة الزعيم الكاتلوني


	أقول ثاني مره خل الايقونه مغبره اصرف لك

^^^ وراك علــى الرجــــال ؟؟ ^^^ هذا بدال ماتقول مشـــكوور على الاقل ..

يعطيك العــــافيه اخوي خفــــايا ننتظـــر الاجـــزاء الباقية واللي قارينه ..

سندريلا الهلال · #11 04/09/2006, 05:17 AM

إقتباس

أقول ثاني مره خل الايقونه مغبره اصرف لك

الزعيم الكتالوني

ماقال هالعبارة قاصداً ايذاء موهبة خفايا الهلال لابد نفترض الشي الحسن يمكن بحسن نية ومداعبة له ولا أكيد هو أول من ينتظر أكمال باقي الأجزاء لأنها بحق رائعه
اختيارك لهالقصه وعنواها يدل دلاله كبيره على حبك لمجمتعك وعندك القدرة على المشاركه بأي شي ممكن يفيد حتى لو من خلال القصص اللي تكتبها

الأسهم بداية رائعه لظهور لامع في عالم القصة ولن تكون خفايا ياخفايا الهلال!

الله يعطيك ألف عافية يارب بانتظار الأجزاء حتى تستمتع بالأصداء

موفق يارب

الزعيم الكاتلوني · #12 04/09/2006, 05:43 AM

إقتباس


	اذا ماعجبك الموووضوووع اتمنى تحترم صاحب المووضوووع والاعضااء الي هنا

أختي أذا فاضيه وودك بمشكله روحي نامي اصرفلك بس لاتنسين تصلين الفجر

إقتباس


	^^^ وراك علــى الرجــــال ؟؟ ^^^ هذا بدال ماتقول مشـــكوور على الاقل

ياخوي أنا آسف بس أقصد أن القصه مافهمت منها شي وقصيره وبالتكمله ان شالله تصير أحسن

الزعيم الكتالوني

إقتباس


	ماقال هالعبارة قاصداً ايذاء موهبة خفايا الهلال لابد نفترض الشي الحسن يمكن بحسن نية ومداعبة له ولا أكيد هو أول من ينتظر أكمال باقي الأجزاء

مشكوووره وهذا الكلام الصحيح

الهنوووف · #13 04/09/2006, 05:57 AM

إقتباس


	أختي أذا فاضيه وودك بمشكله روحي نامي اصرفلك بس لاتنسين تصلين الفجر

اعتذر اخووي اذا فهمت كلامي خطا
وربي يشهد اني مابي الا الخير لك وللجميـــع
بس حط نفسك مكان كاتب الموووضووع وبتعرف ليش انا كتبت كذااا

على العموم اعتذر اذا غلطت عليك او على احد

الزعيم الكاتلوني · #14 04/09/2006, 06:10 AM

إقتباس


	اعتذر اخووي اذا فهمت كلامي خطا وربي يشهد اني مابي الا الخير لك وللجميـــع بس حط نفسك مكان كاتب الموووضووع وبتعرف ليش انا كتبت كذااا على العموم اعتذر اذا غلطت عليك او على احد

على العموم انا كنت اداعب صاحب الموضوع ومشكوره وصافي يالبن؟

الماسه الزرقاء · #15 04/09/2006, 10:15 AM

ما شاء الله عليك يا خفايا الهلال

بدااية موفقة جداً ....
وبصراحة تحمست استعجل نزل باقي القصة بشوف وش تسوي لما تدخل عالم الأسهم بقروش الرجال