#1  
قديم 03/09/2006, 04:55 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
موكـــــــــــب ممــــــــــيز ولكـــــــــن ليـــس لأمـــــــــير!!!

بسم الله الرحمن الرحيم

لفت انتباهي وانا في الطريق في مدينتي الغالية ريــاض الخير والعــز والورد يالله عشان ما اصير عاد مبالغه رياض الغبار

ترى والله ماودي اني قلتها فيها بس احقاقاً للحق هي مغبره لها كم يوم

نجي للي في الطريق طبعاً لما نكون في الطريق ونشوف زحمه دائماً نقول جملتين اما حادث لا سمح الله :sad: أو موكب لأمير

لكن هالمرة غير

اللي شفته سيارة فيها سائق ومعه مجموعة بنات

هالسياره تستحق يكون معها موكب!!

من اللي وضع لهذي السياره موكب!! هم قلة باءذن الله من الشباب

بصراحه منظــر أقل مايقال عنه متخلف وقبيح ووضع مزري للغاية اللي وصلوا له !!

طيب سيارة فيها سائق ومعه بنات بغض النظر عن هيئة البنات انا ما اناقش قضية البنات وطريقة حجابهم لان هالمسأله تتعلق بينهم وبين ربهم وبيحاسبون عليه!!

ليه الشباب يسوي الضجه هذي وهالازعاج ويقوم بملاحقة السياره وابتكار طرق جديده في عملية الترقيم

لدرجة انها يبي لها ميزانيه ارقام بالتغليف الحراري تغلف وارقام بالاب توب تعرض يعني منــاظر جدا جدا جدا

الواحد يشمئز منها ويحس ان فيها من التخلف ومايخالف الفطره الشي الكثير

دعوا الخلق للخالق سياره فيها بنات مهب شي خارق للعاده حتى تتم ملاحقته !!!!!

يعني الى متى والكل ينظر الى شعبنا بأنه شعب متخلف :sad:

رسائل الجوال اللي نتناقلها ونضحك عند سماعها هي ما تتناقله الشعوب الاخرى عن الرجل السعودي فهي ترى انه رجل لا يعرف معنى لغض البصر:sad:

لماذا هذه الفكره ومن المسؤل عن هذا التشويه !!:sad:

الاصدقاء لايمكن ان يتفقون على عدم الصلاح لابد ان في كل مجموعه شاب صالح ويملك خلقاً رفيعا لماذا لا نفعّل دور الصديق الصدوق!!

مانراه الان يعد بحد ذاته مشكله لابد لها من حل وحل سريع كي نكون بحق أروع بشر على أطهر أرض


حواري مع أخي:

أنا: ليش زحمه!!

هو: أكيد سياره فيها بنات وراكبين مع سواق!!

أنا : الحمد لله والشكر لهدرجه يعني المسأله فيها غرابه بنت في سياره ليه كل هالتجمع كأنهم موكب!!

هو: من قالها تركب مع سواق لو انها مع اخوها او ابوها ما احد لحقها!!

أنا: سكت وقلت في نفسي المسأله أكبر من أخذ ورد لابد للمشكله أن تنتهي بأيجاد حل أمني من جهه رسميه!!

المفروض يكون هناك جهه أمنية مسؤله عن هذه التصرفات أي سياره تتعرض لأي عائلة يتم الاتصال بهذي الجهه وتعطيها معلومات عن السياره وهي من تتصرف معه ويكون عبرة لغيره

والله يهدي جميع الشباب والبنات لما فيه الخير وان نكون يداً وحده في رقي مجتمعنا بمحافظتنا على أخلاقنا وعاداتنا وتقاليدنا وان تكون الشهامه حاضره في كل وقت فهي الرجولة كلها



اضافة رد مع اقتباس
  #2  
قديم 03/09/2006, 05:10 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
هلا والله سندريــلا,,
اسفرت وانورت يالغـــــاليه..
والله قضيه يبي لها نقاش مع ناس متخلفين
ماعندهم لاتطور ولا رقي ..
بس لو كانت البنت ساتره محد تجرأ يقط عليها كلمه ..او يكلمها..
لكن البنات بهالوقت هم اللي يجبرون الشباب انهم يرقمونهــم ويعاكسونهم,,
في ضل هالفتن اللي طالعه بهالوقت والستلايت
اكيد الشباب كل يوم بيتعلمون اشياء جديده منها مع الاسف..
هذا للي ماعندهم رقيب او حسيب بالبيت..
يعني يستخدمون التطور بأشياء ماتنفعهم تضرهم..
والضحيه هنا البنت والولد ,,,

الله يكفينا الشر..
اضافة رد مع اقتباس
  #3  
قديم 03/09/2006, 05:20 AM
زعيــم فعــال
تاريخ التسجيل: 26/12/2001
المكان: البيت الازرق
مشاركات: 326
إقتباس
بس لو كانت البنت ساتره محد تجرأ يقط عليها كلمه ..او يكلمها..
لكن البنات بهالوقت هم اللي يجبرون الشباب انهم يرقمونهــم ويعاكسونهم .

الله يفتح علي قلبك إختصرت المفيد في جملتين
اضافة رد مع اقتباس
  #4  
قديم 03/09/2006, 05:21 AM
موقوف
تاريخ التسجيل: 26/10/2005
المكان: في قلبه..
مشاركات: 1,475
الولد فاااااااااااااااضي
ماعنده شي فيقوم يلعب على خلق الله
يا اما يرقم او يرسل ايميله
اويفحط اوينشر<<لاتسألوني ايش ينشر؟؟
او يقعد على التلفزيون ويشاهد هذا الفليم والاغنيه<<وهذي ملو منها الشباب
بس ما ملو من *تشاو* وشات القنوات!!
الله يعينا عليهم ويستر علينا وعلى بنات المسلمين


مشكوووووووورررررررةةة خيتو
وعجبتيني بطرحك لهذا الموضوع من امس وهم ينزلون مواضيع عننا وحنا نعديها!!
اضافة رد مع اقتباس
  #5  
قديم 03/09/2006, 05:39 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
[




اه ياسندريلا جبيتها على الجرح
من جد بعض الشباب عندنا وصل مرحلــة اسمحوو لي اقول تخلف

مــدري هو شبابنا غير عيال الدول الثانية من جد حالتهم مستعصيه مع زول عباية

وقسم بالله صرت اخــاف منــهم حتى ماحب نروح حريم مع سوواق ياختي مع ان السياره مظللة بس احسن انهم يناظرون

الحين الشباب نفسهم مايحبون الشباب ....افهمومها عاد

وعاد شي يقهرني بعد بقووولة الدخااااااااااااااااااااااااان
ماعاد فيــة الا نادر مايدخن
للاسف شبابنا مابقي حرمتن مايعرفونها ولافنانتن ماينهبلون عليها ولابنت مايلاحقونهاااااااا

بس فيه شباب والنعم فيــة


سندريلاااا يعطيك العافيه خليتيني افضفض


تسلمين خيتووو ياليتك صايرة اسشاري من زمان






الهنوووف







كانت
















هنا












ورحلت
اضافة رد مع اقتباس
  #6  
قديم 03/09/2006, 05:41 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
رعبوبة الزعيم

المنتدى منوّر بوجود الجميع يالغالية

إقتباس
لكن البنات بهالوقت هم اللي يجبرون الشباب انهم يرقمونهــم ويعاكسونهم,,

أنا أختلف معك ياعزيزتي بهالنقطه اللي تقولينها البنت متستره او غير متستره هذا شي يرجع لها هي نفسها لأن هالشيء بينها وبين رب العالمين لكن مافيه شي اسمه أجبار لان اللي يسوونه الشباب منكر الي هو التعرض للعوائل سواء بالنظر او الكلام لازم نغيّر مفهوم هالمصطلح البنت هي اللي تخلينا نعاكس اي منطق هذا !!!!! وش الفرق بين الرجل اللي يغض بصره والرجل اللي يطلق العنان لبصره !! اختلاق الأعذار أقوى مسببات الانهيار لتفكيرنا ورقينا!!

المطفوق

الله يعطيك العافية على مرورك

من غير المنطق أن تجبّر على معصيه مالم تكن مقتنعاً بها!!

سوسو الهلالية

الله يعطيك العافيه يالغاليه

الهنوووف

هلا وغلا بالهنوف

يازين فضفضتك بس كلها خوف

ان شاء الله ان اغلب الشباب والنعم فيه واللي ذكرناهم ان شاء الله انهم قلة
اضافة رد مع اقتباس
  #7  
قديم 03/09/2006, 05:57 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
إقتباس
الرسالة الأصلية كتبت بواسطة رعبوبة الزعيم
هلا والله سندريــلا,,
اسفرت وانورت يالغـــــاليه..
والله قضيه يبي لها نقاش مع ناس متخلفين
ماعندهم لاتطور ولا رقي ..
بس لو كانت البنت ساتره محد تجرأ يقط عليها كلمه ..او يكلمها..
لكن البنات بهالوقت هم اللي يجبرون الشباب انهم يرقمونهــم ويعاكسونهم,,


في ضل هالفتن اللي طالعه بهالوقت والستلايت
اكيد الشباب كل يوم بيتعلمون اشياء جديده منها مع الاسف..
هذا للي ماعندهم رقيب او حسيب بالبيت..
يعني يستخدمون التطور بأشياء ماتنفعهم تضرهم..
والضحيه هنا البنت والولد ,,,

الله يكفينا الشر..


مو شرط يالغاليــة الي فية شر مايعرف من قدامـــة
ومايمنـع ان البنات هم من الاسباب بعــد لتدهوور حال الشباب

الحين صارووو يدورون عاقلاااات لانــهم لعبو برجليهم ويديهم
ويقهرني الي دج كل عمره وبالاخير يبي يتزوووج عاقلــة

بس الي عقلــة براسه يعرف خلاصه
اضافة رد مع اقتباس
  #8  
قديم 03/09/2006, 06:26 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
إقتباس
أنا أختلف معك ياعزيزتي بهالنقطه اللي تقولينها البنت متستره او غير متستره هذا شي يرجع لها هي نفسها لأن هالشيء بينها وبين رب العالمين لكن مافيه شي اسمه أجبار لان اللي يسوونه الشباب منكر الي هو التعرض للعوائل سواء بالنظر او الكلام لازم نغيّر مفهوم هالمصطلح البنت هي اللي تخلينا نعاكس اي منطق هذا !!!!! وش الفرق بين الرجل اللي يغض بصره والرجل اللي يطلق العنان لبصره !! اختلاق الأعذار أقوى مسببات الانهيار لتفكيرنا ورقينا!!

هلا والله أختـــي سندريلا,,
شوفي انا مااقصد ان الشباب مالهم دخــل بالموضوع او كذا لكن
اللي ابي اقصده ان الولد لما يشوف وحده متبرجه غصبن عليه بيجلس
يناظرها,,
وحتى فيه شباب بعد يتحرشون بالوحده من مجرد نظره
تكون مهيب قاصدتها,,
وبعدين تعبوا معهم هالشباب الهيئه مافاد معهم ولا راح بيفيد معهم شي
الواحد اللي براسه شي يسويه
يعني الخطأ على البنت والولد..
اضافة رد مع اقتباس
  #9  
قديم 03/09/2006, 06:47 AM
موسوعة المجلس العام
تاريخ التسجيل: 25/12/2005
المكان: حيث اجتمع الحب والوفاء ..!
مشاركات: 2,584
مع عدم الانحياز لكن غالبية البنات هم اللي يسوون حركات تغري بها شبابنا الساهي
واول شي ليه البنات يركبون مع سواق لحالهم طبعا اغلبيتهم وأركز على كلمة أغلبيتهم يبون كذا عشان يلاحقونهم الشباب
واللي مو مصدق يروح التحلية ويشوف كيف يعني هذه المنطقة معروفة بالترقيم ياخي والله فضيحة هالعالم مررة
تجيك شلة بنات طالعين مع سواق اهلهم مايدرون عنهم يشغلون الاغاني ويفقعون الصوت بعد يعني بالمختصر لو انك غني وكيووت(يعني جذاب) وعندك سيارة حلوة ولا كلب كيوت هههههه رقمني
وتجي تروح لصديقاتها وتتفاخر بمعاصيها كأنها جولييت واللي يضحك تلقى البنت باااااايخة ماتنعطى وجه بس شنسوي شفت في قناة العربية تقرير عن الترقيم ف التحلية ههههه اتخيل في التلفزيون يشوفه كل الناس أكيد هذا تشويه لسمعة السعودي
والمشكلة الليمسوي التقرير مراسل سعودي ما اذكحر اسمه



وأرجع واقول البنت بحركاتها تغوي الشاب الضال
والبنت لو محترمةومتحجبة وماتقلدلي نانسيوهذولي الشاب يستحي يوجهلها ولو نظرة وربها حاميها



الحمدلله والشكر طبعا ذا رأيي الشخصي
اضافة رد مع اقتباس
  #10  
قديم 03/09/2006, 07:30 AM
زعيــم مميــز
تاريخ التسجيل: 05/05/2005
المكان: R ! y a d h
مشاركات: 2,831
إقتباس
المفروض يكون هناك جهه أمنية مسؤله عن هذه التصرفات أي سياره تتعرض لأي عائلة يتم الاتصال بهذي الجهه وتعطيها معلومات عن السياره وهي من تتصرف معه ويكون عبرة لغيره

الشرطه او امن الطرق هي المكلفه
المشكله مو في الطرق السريعه وبس
انا طالع يوم الاثنين الماضي الساعه 5 الصباح
واشوف السيارات متجمعه مسطرين الخط انا قلت حادث
لكن للاسف كانت بنت مع لموزين وموقفينها شباب ويتحرشون فيه
يعني المشكله منتشره
اضافة رد مع اقتباس
  #11  
قديم 03/09/2006, 08:04 AM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
السلام عليكم ورحمه الله وبراكاته

الحمد لله لست من النوع الي يرقم
ولا اكبر همي اني ادور سيارات في بنات
لكن وقفه نفسيه
وش تتوقعون من شباب فاضي ما عندهم شيء يسونه
الشاب مكبوت
ما فيه يسويه
بصراحه
وش تبون يسون الشباب اذا كان كل شيء مسكر عليهم
البر حر ما ينطلع والاسواق عوايل
ما لهم الا السيرات والدوران
شر البليه ما يضحه
تصدقون ان فيه ناس اعمارهم35 ويمكن اكثر
ويدخولن مع هالمواكب
لكن كلمه حق تقال
ان البنت المحترمه الي لابسه زي الناس والي مقفله
البلووووتوووووووووووووووووووووووووووث
محد يجيها
اما اذا كانت تلعب في البدايه وبعد يوم شافت التجمع
خافت فهي تستاهل
اعذريني كلامي غير مرتب
ولكن احببت ان اشارك براي
تشــــــــــــــــــــاو
اضافة رد مع اقتباس
  #12  
قديم 03/09/2006, 08:15 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
الله يعطيكم العافية جمبعاً
تكاد أغلب الردود تتفق على أن البنت اللي تركـب مع سواق مخطئه طيب لو جينا للصح والخطاء هو خطاء ولالا!!

طبعا مو خطاء شي طبيعي وعادي البنت تركب مع سواق في وسط البلد ومعها امها او اختها او قريبتها بشرط ماتكون لحالها حتى يتحقق شرط الجواز بوجود اكثر من شخص..!

احنا هنا نتكلم عن قضية الشباب بشكل عام عند رؤيتهم لفتاة تركب مع سائق ليه المضايقه !!

بصراحه فيه بعض الكلمات غريبه (البت ما تسترت ,, البنت هي اللي تلفت الانتباه ,, البنت عطرها مدري وش فيه,,!!

هالكلمات ليه نحطها اول ما احد يناقشنا في الخطاء اللي ارتكبناه!!

الشي اللي انت تسويه منهي عنه وحرام ولالا هنا المغزى!! البنت ذنبها عليها أنت ليه تعطيها مساحه أنها تتجراء أكثر!!

لو كل شاب أدار كل حواسه ولم يتلفت لمثل هذا الأشكال لما انتشر مانراه من أمور يشيب لها رأس الطفل الصغير!!

حكمة قيلت وستظل تقال الى أن يرث الله الأرض ومن عليها (( من دق باب الناس دقوا الناس بيته)

وأشكر الجميع على نقاشه الرائع وابداء الأسباب وطرحها بكل شفافيه نحن نحاول أن نبداء بمجتمع صغير لينقله الى الفضاء الأوسع خارج هذا النطاق!!

بالتوفيق للجميع



اضافة رد مع اقتباس
  #13  
قديم 03/09/2006, 09:49 AM
موسوعة المجلس العام
تاريخ التسجيل: 25/12/2005
المكان: حيث اجتمع الحب والوفاء ..!
مشاركات: 2,584
والله كلام جميل ياسندريلا


والله كلام نمر 15 صح مية مية
انا اقولكم تجربتي بصراحة بدون كذب انا ولد عمره15 اوكي وانا من بداية الاجازة مافي مكان اروحله طفش
البر حر والاسواق عوايل مافي الا دوران بالسيارة مع الشلة من العصر لين الليل او نتجمع عند بيت واحد وبس
لكن هذا مو عذر عشان اتعرض لبنات الناس خل الواحد قوي ايمانه
اضافة رد مع اقتباس
  #14  
قديم 03/09/2006, 11:14 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
هلا وغلا خيتوو سندريلا ..
جبتيها على الجرح سندريلا .. الله يهدي شبابنا وبناتنا..
انا ودي ادري وشووله الدوران وملاحق بنات الناس ..
وزي ماقلتي حتى لو كان حجابها مو ساتر ذنبها على جنبها ..والله اللي بيحاسبها ..
يعني ماسوويت سووي بك .. فهل ترضى ان اهلك يلحقهم احد ويرقمهم ..؟؟
ان شاء الله انهم اقلييه .. وهذولا فئه مراهقه يحتاجون للنصح والتوجيه ..
ومسألة السواق اتوقع مافيها شئ اذا كان فيه محرم ..
شكرا لك غاليتي سندريلا على موووضوعك المهم والحساااااااس
وبصراحه ابدعتي في طرح الموضوع كعادتك ..
يعطيتس الف عافيــــــه ..
اضافة رد مع اقتباس
  #15  
قديم 03/09/2006, 11:22 AM
موقوف
تاريخ التسجيل: 24/09/2005
مشاركات: 511
إقتباس
الرسالة الأصلية كتبت بواسطة سوسوالهلاليه
الولد فاااااااااااااااضي
ماعنده شي فيقوم يلعب على خلق الله
يا اما يرقم او يرسل ايميله
اويفحط اوينشر<<لاتسألوني ايش ينشر؟؟
او يقعد على التلفزيون ويشاهد هذا الفليم والاغنيه<<وهذي ملو منها الشباب
بس ما ملو من *تشاو* وشات القنوات!!
الله يعينا عليهم ويستر علينا وعلى بنات المسلمين


مشكوووووووورررررررةةة خيتو
وعجبتيني بطرحك لهذا الموضوع من امس وهم ينزلون مواضيع عننا وحنا نعديها!!


سوري لي تعلق على كلام الانسه سوسوصدقني لو بنت ما تبغى تترقم ما تاخذ رقم

والنساء خلقنا من ضلع أعواج والله يعين الشباب بسبنت تطلع بعبائه مخصره كل شي باين وبرقع يا ويلي حالي بس وما تبغى أحد يعاكسها
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:19 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube