لم نعتد ان نودع نجومنا بهذة الطريقة.. ولا نحب ان نذكر الا (محاسن) نجومنا .. ولكن فيصل ابو ثنين بممارساته الاستفزازية .. اخرجنا عن طورنا ..

فيصل ابو ثنين اذا صدقت الانباء سيتصدر قائمة الاسماء المنسقة من كشوفات الزعيم هذا الموسم .. وهي خطوة رائعة اذا ما تمت فهي اشارة رائعة وقوية الى حنكة وقدرة سمو الامير سعود بن تركي ..

ففيصل ابو ثنين الذي لم يعجبه ((كبار)) الهلال وظن نفسه اكبر الهلاليين .. راح يتخبط من اول الصيف الى اخره ..

فيصل ظن ان شرفيي الهلال سيتسابقون لكي يعود للزعيم ونسى ان الهلال يعيش اشد الموسم قحطاً .. واصبح مرور عضو الشرف على نادي الهلال لا يختلف عن مرور البطولات على نادي الفقر المجاور ..

فيصل ابو ثنين .. بسيناريو ملئ بـ(ـالصراحة) والجهل اضاع رسم نهاية رائع لنجم هلالي صفقنا له طويلاً وكثيراً ..

كنا نعرف كل صغيرة عن مسيرة فيصل داخل نادي الهلال .. صمتنا عنه ليس لاننا لا نملك الحجة .. ولكن لاننا كنا ننظر مصلحة الهلال فقط .. وكنا ندرك ان تواجد فيصل مهم وضروري ..

ارتكب فيصل حماقة واضحة وصريحة ضد الامير بندر بن محمد وقرر الامير بندر وضعه على لائحة الانتقال .. ودخلت الواسطة لتفتح الطريق لفيصل لرسم نهاية رائع .. فرحنا بعودة فيصل ونحن نعرف خطأه .. وقلنا ان موقف نجم من رئيس النادي يجب ان لا يكون كل شئ .. ويجب ا لا نكون كغيرنا خلاف النجم مع الرئيس يعني راح النجم (وطي) ..

قلنا هلا وغلا بفيصل ..

وعاد فيصل وتقلد شارة القيادة .. وساهم ببطولة الصداقة وبطولة العرب .. وبدل من ان يحب فيصل يده مقلوبة ويشكر ربه على نعمة الهلال .. ظن انه باستلامه لشارة القيادة يستطيع ان يلعب دور (الوصي) .. يريد ان يدرس جهاز الكرة وادارة النادي ((اصول الادارة)) .. يريد ان يحدد متى يبدأ التمرين ومتى ينتهي .. !! يريد ان يحدد الايام التي يجب ان يتخللها تمارين والايام التي يجب ان تمنح اجازة للاعبين !!!

بإختصار .. فيصل اعطى نفسه اكثر مما يستحق ..

حاول فيصل داخل النادي ان يفعل كل ما بوسعه لفرض قناعاته ووصايته .. وصدم بالفشل الذريع .. ولم يجد فيصل بد من الارتماء في حضن الصحافة التي فتح لها قلبه فحفرت له قبره !

راح فيصل يتهكم برجال الهلال وشباب الهلال وبجماهير الهلال .. منطلقاً من قناعته بان جماهير الهلال (( يصدقون كل شئ )) !!

زجد فيصل ارض خصبة .. و(ملحق) مفتوح ليقول ما يريد .. و (يسرب) ما يريد .. و ( يكذب) كما يريد .. والنتيجة الخصم على من صدق فيصل وكتب التصاريح من لسان فيصل تحت اسم غيره !!!!

@@@@

كتبت عن لقاء فيصل ابو ثنين في وقته .. تحت عنوان :

فيصل + الجزيرة = الاتجاة المعاكس !!

كنت اظن انها ستكون اخر ما اكتب عن فيصل ابو ثنين .. ولكن الواقع خيب ظننا .. وشاهدنا ممارسات استفزازية من ابو ثنين .. فهو والفريق بحاجته يطلب اجازة لمدة شهرين ليسرح ويمرح في اوروبا .. ثم يعود رافضاً ان تطبق بحقه اي عقوبة .. فهو يحق له ان يتحدث كيف يشاء ويشتم من يشاء .. ولا احد يملك حق معاقبته !؟!؟

جاءوا بكذبه عرض الاهلي لفيصل ابو ثنين .. لكي تطالب الجماهير الهلالية بالتمسك ابو ثنين ... فكان صدى خبر المفاوضات لا يختلف عن خبر تحقيق ميدالية برونزية لمنتخب السعودية في بطولة ودية في كمال الاجسام ..

فجماهير الهلال لم تعر الخبر اي انتباه .. ولم يتحرك الا ( ...... ) ..!!! والذي اثبت انه داج هاج ولا احد جاب خبره ..

جاء بعد ذلك .. تهديد فيصل بالاعتزال .. وكانت رده الفعل اقل من عادية .. وعندما ادرك فيصل انه (توهق) وانه لا يوجد ما نسبة 5% من جماهير الهلال متحمسة لعودته .. جن جنونه .. وبحث عن ادارة الهلال ليتحدث معها وهو الذي كان ينتظر منهم ان يبحثوا عنه !!

وأحيراً جاءت البشرى ان شاء الله بعدم تجديد عقده الاحترافي .. خصوصاً في ظل تعنت فيصل ابو ثنين ورفضه الاعتراف بانه اخطأ بحق الهلال خلال فترة الصيف ..

@@@@

@@ نقاط @@

@ اعلان الامير سعود بن تركي رغبة الهلال بتجديد عقد ابو يعقوب يثبت ان ( السن ) ليس سبب في عدم تجديد عقدك يا فيصل .. ليتك تفهمها وتصير شجاع .. وتوكل على الله !

@ لفيصل ابو ثنين مكان اكبر في قلبي من خالد التيماوي .. ومع هذا كتبت (( شكراً خالد )) عندما اعلن اعتزاله .. اما فيصل فقد اجبرني ان اكتب ( زراع الشللية .. وداعاً) ..
والسبب ان خالد اعتزل دون ان يسئ للهلال ورموز وجماهيره .. اما فيصل فللاسف حدث منه العكس ..

@ عندما يذهب للامير هذلول صحفي يريد منه (حش) الادارة يجد ما يريد !! .. وعندما يذهب للامير هذلول صحفي يريد منه دعم الادارة ومؤازرتها يجد ما يريد .. طيبة الامير هذلول هي السبب !!

اتوقع عذاً أو بعد غد اعتذار من الامير هذلول عن تصريحه الجديد ..

@ الامير هذلول .. حدث له موقف مع احمد خليل وفهد المصيبيح .. والوسيط كان فيصل ابو ثيين !! .. قد نفرد له موضوع متكامل ..

@ في برنامج كل الرياضة قال فيصل ابو ثنين ( من الصعب تطبيق الاحتراف .. خصوصاً في مجتمعنا .. وضرب مثال بالصلاة وزيارة الاقارب ) !! .. طيب ليش تهدد بالاعتزال علشان رفضوا تجديد عقد احترافك ؟؟؟؟؟؟

@ وفي نفس البرنامج .. قال الهدلق عبدالعزيز عن التمارين الصباحية ( صعب يصير فية تمارين صباحية .. والا نحتاج مدير كرة متفرغ علشان الحضور ولغياب !!! ..) وشلون صار الحضور والانصراف مهم الحين ؟؟ .. واول يعتبر من عيوب فهد المصيبيح !!!!!!

@ اذا صدقت الاخبار وفتح ابو ثنين قلبه مرة اخرى للجزيرة فاللقاء سيكون قنبلة الموسم خصوصاً انه الحرارة تبي تصير H .. هههههه .. الله يستر لا يتهم المصيبيح بحوادث نيويورك

@ يقولون ان التيماوي .. سيتحدث في رمضان !!!! .. ونقول لكل حادث حديث .. وسنعود للتيماوي اذا اراد ذلك !

@ حتى لو ترك المصيبيح النادي .. فيكفيه ما حققه الان من مكاسب .. ويكفيه ما قدمه للزعيم من خدمات من تنظيف النادي من الاوصياء ..

@@@@@@@@@

تحياتي ..

لن اذهب بعيداً بافكاري واقول ان ابو ثنين هو هريفي الهلال
لكن ساقول يافيصل ( يديك أوكتا وفاك نفخ )
@@@@@@@@@@@@

دللك الجميع فاعتقدت ان هذا ضعفاً
حسبت ان التسامح في البيت الهلالي يعني خضوعاً

سامحك الله يا بندر بن محمد
فانت بتصرفك مع هذا اللاعب جعلته يتوهم ان من يقل ادبه ويطيل
لسانه هو من ياخذ حقوقه ويكون له الحضوه عند كبار الهلالين!!!!!!!!

شكراً سمو الامير سعود بن تركي
( * )
@@@@@@@@@@@@

اما انت يا فيصل فاقول لك ..........
اذهب غير ماسوف عليك



(( تم حذف سطرا واحدا )) ,,,

أخوي ياقاهرهم:

أتفق معك في كل ما قلته عندما يكون من تتحدث عنه لاعب عادي

ولكن عندما يكون حديثك عن لاعب بنجومية وحجم أبو أثنين فأنا أختلف

معك لسبب بسيط جدا ، وهو أن النجوم أمثال الثنيان والقهوجي وروماريو

والخبل مارادونا وأبوأثنين يحتاجون لمعاملة خاصة تختلف عن بقية اللاعبين.

وهذه المعاملة الخاصة لا يجيدها كل من هب ودب بل تحتاج لاداري محنك

يعرف كيف يكسب هؤلاء النجوم ، والذي لا يفيد معهم الشدة والصرامة.


****** تسنك مستانس على قرار تنسيق أبوأثنين لدرجة التشقق

ابو دلامة : يا سلاااااااااام عليك ..

وتسلم على كلام العقل .


@@

فتى الدلم : هههههههههههه اجل ماردونا وا ابو ثنين .. صح كلهم يلبسون رقم (10) ههههههههه

نسيت رونالدو وريفالدو .. وباجيو

والنسبة لي متستانس جدا والله .. واي ثرثار المفروض مايلقى مكان بالزعيم

تحياتي ..

معليش طلعت اوت .

الرئيس مساء امس اعتمد الأسماء وليس من بينها توم هوك (فيصل ابو ثنين ) .

وعلى فكره المسعري + النزهان + القحطاني + الشايع + ( * )
ما هم مع القائمه .

:p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p

@@ بصراحة نهاية لم نكن نودها لفيصل !!

@@ لكن هو من اختارها وكان من المفروض ان تكون من اعوام وليست هذا العام ....

@@ لكن نظل نذكره بالخير ان ذهب لأنه مهما فعل كان يرتدي الشعار الازرق ويدافع عن الوانه ....

ردي على فتى الدلم

الله يسامحك

المصيبيح كل من هب ودب!!!!!!!

تسلم ياقاهرهم

مؤيد مؤيد لا يجب ان تقال لكل زراع التفرقه!!!!

ما قلتلك يضل الكبير كبير ويحتاج لمعامله خاصه امثال فيصل ابو اثتين وماردونا.

لذلك لم يتم تنسيقه والله كبير .

والله جبتها يا هلالي حتى الثماله فعلاً توم هوك .

شروكي فهد يوم كان لاعب ما كان من هب ودب .

بس اليوم اداري كل من هب ودب والاداره فن وليس كونك لاعب مبدع يعني نجاحك كاداري الا اذا كانت الادارة لكل من هب ودب

اختلاف الرأي لا يفسد للهلاليين قضية

بسم الله

اول شيء ,, احب اوضح مسأله وهي,, انا من عشاق لعب (فيصل) و كنت اتفائل اذا لعب و خاصه امام الجار ..

و لكن عندما تصل المسأله الى الكيان الهلالي ,, فأقول لقلبي و عشقي و اي لاعب كان قف ,, من انت حتى تقول ما تقول و تفعل ما تفعل بالكيان الهلالي ,,

لا فيصل ولا عشره منه راح نسامحه في حاله انه اخطأ على الكيان و الكيان هو نحن الجماهير و الإداره و اللاعبين و الصحافه و كل ماهو ازرق !!!!!

علشان كذا انا اضم صوتي لصوت كل من صوت لركل فيصل خارج اسوار النادي غير مأسوف عليه ,, فهو الذي جاب لنفسه هالمشكله (قال وش قاطعك يا راس .. قال لساني)

و لسانه من تطاول عليه ,, على الكيان .. و رفع خشمه على الكيان .. و هذي مشكلته .. اتمنى ان تكون القائمة التي سوف يعتمدها الأمير سعود تتزبرق بإسمه في القمه ,, انشاء الله

سلامي للجميع




ملاحظة للأخ يا قاهرهم ياسامي
ارجو منك مراجعه اللينك هذا اذا سمحت
http://www.alzaeem.com/vb/showthread.php?threadid=32644

هلالي حتى الثمالة : مسااااااااااء الخير

انا قلت (( اذا صدقت الانباء سيتصدر قائمة الاسماء المنسقة من كشوفات الزعيم هذا الموسم ))

ولك اقل تم تنسيقه .. هذا اولاً

ثانياً .. الاكيد والذي صرح به الامير هو (( عدم تجديد العقد الاحترافي )) .. وفيصل اعلن لطارق العبودي بجريدة الجزيرة انه سيعتزل .. .. يعني الامير سعود كان محترم جداً وهو يخلي فيصل يفهمها من نفسه .. ويعتزل

بالنسبة لــ((المسعري + النزهان + القحطاني + الشايع + مجنون الجيزاني )) هذولاء كلهم ينامون بدري يعني حرام يتم تنسيقهم ,,, التنسيق للي شجاااااااع ويعرف يتكلم وجرئ .. بس الحين توهق ووده الحين ينام بدري بس يجددون عقد احترافه بخخخخخخخخخخخخخخخخ

@@

حبي التيماوي : والله ودنا ان نجومنا يحترمون انفسهم ويتركون النادي وحنا نحبهم .. بس فيصل رفض هالشئ وهو حر

@@

شيروكي : هههههههههه .. ايه المصيبيح رااااافع ضغط نجوم ( VIP) .. اللي يبون النادي يمشي بهواهم وعلى كيفهم .. واللي اجازاتهم ما تبدأ الا اذا بدأ كاس الاتحاد لان مستواهم فوق هالبطولات ..

جعل ابو محمد يسلم .. بس

@@

فتى الدلم : اها .. تصدق توني افهمها .. يعني فيصل كبير مثل ماردونا ... علشان كذا ما نسقوه .. بس قالوا اقلب وجهك ماعاد فيه احتراف و 20 الف ريال شهرياً .. لك (8) الالاف بس .. والباقي يسدده لك ملحق الجزيرة

سلام لي على توم هوك .. وهو يعتزل غصب من وراء خشمه

هذا وقت الموضوع ب=يابو هيا اختيار صحيح للوقت

لان اغلب جماهير الهلال لاتعرف مايدار خلف الكواليس ولا تعرف اخطاء فيصل وتظنه على حق(الواسطة اللي خلته عل حق)

فيصل وضعه محير الفريق محتاجه وهو يقعد يتمخطر ويتشرط وانا ارا تنسيقه افضل حل(واعتقد ان الواسطة ماراح تمشي معه ذي المره لان مو كل مره تسلم الجره)


ويعطيك العافيه يابوهيا

ياشينك يافيصل ليه تزعل المصيبيح

يا شينك ليه تطلع الفضايح وتنور محبي الزعيم

ياشينك ليه تعتزل وتعلمنا انك بتعتزل عشان الضغوط اللي مارسوها عليك

يا شينك ليه ما سويت زي التيماوي واعتزلت وخليت الطابق مستور

يا شينك ليه ماخليتهم يخصمون منك 40% من راتبك عشانك صرحت في الجزيره

يا شينك ليه ماخليتهم يقلبونك هاوي بدل محترف

يا شينك عشانك ماراعيت نفسيات محبين المصيبيح واقرباءه

ياشينك عشانك تكلم اعضاء الشرف عن اوضاع النادي من الداخل

والله حرام اللي لاعب مثل فيصل ابوثنين تكون نهايته كذا مع الهلال لكن ما نقول الا القلب وما يهوى

اخوي يا قاهرهم يا سامي

اسألك بالله هل انت مقتنع بالمسعري والنزهان والقحطاني والعتيبي

ارجوا الرد سريعا