تحياتي ,,,

ياابو هيا وش فيك على فيصل ؟؟ ليه تبيهم ينسقونه ؟؟ ليه ودك تخسِر الزعيم؟؟؟

انا ضد انهم ينسقونه , الحل الصحيح انهم ( يبيعون عقده ) وإذا ماجاهم شرّاي يحطونه ( رجاحه ) فوق عقد احد اللاعبين اللي يتعاقد معهم الفريق;) ;)

فيصل تعدى الحدود وخرج عن المألوف ,,,

الهلال ومن اجل ان يطبق النظام بشكل صحيح وعلى الجميع يجب عليه ان يُضحي ببعض اللاعبين وخصوصا من كان له اليد الطولى في ( تجاوز ) النظام ,,

الاحتراف لا يمكن ان يضم بين جنباته لاعب كفيصل ,,,,,,,,,,

يجب ان يصمد الامير سعود وان يُنفذ هذا القرار,,,,,,,

تحياتي ,,,
العوّاااام ,,,

اللورد سامي9 : هلا وغلا .. شاكر اعجابك بالموضوع ..

وعدم تجديد العقد يعني التنسيق بس باسلوب مهذب :D

@@

الانيق : صدقت ..

ويازينك يابوثنين وانت تدور واسطة علشان تجدد عقدك يالصريح :rolleyes: :eek:
..

واهم شئ تحرص لي يالانيق على اقارب فهد المصيبيح :rolleyes: :p

@@

9smsm9 : الشكوى لله فيصل هو اللي اختار :)

@@

هلالي حتى الثمالة : سؤالك غير واضح صراحة .. اذا انت تقصد اني مقتنع بامكانياتهم ومستواياتهم ؟؟

اقول لك ..(( لا والله نطمع بافضل منهم ... ))

بس اذا تقول هل انا مقتنع انهم يبقون بالهلال .. اقول لك (( اي والله مقتنع ونص .. وحنا نحتاجهم علشان بطولات الصداقة وكاس الاتحاد .. تخيل لو كل لاعبين الهلال مثل فيصل ؟؟

معناه لازم ننقل مباريات كاس الاتحاد لباريس علشان الظروف العائلية !!!!!!! او اننا مانلقى فريق نلعب فية البطولات اللي ماهي بمستوى فيصل !!!!!!!!

ما قلت لي وش صار على التوم هوك :confused: :eek:

تحياتي ..

لاتفهم غلط
 

الاخ الغالي يا قاهرهم يا سامي

لا تفهم غلط وتختلط عليك الامور او على غيرك

انا اقصد رئيس القسم الرياضي :D

بعدين لا تصير زعووووووول تراك غالي رغم الاختلاف

في بعض وجهات النظر وكلك نظر:D

الأخ الغالي يا قاهرهم يا اسمي
 

حبيب قلبي يا قاهرهم يا سامي :)

انتظر ردك على تعقيبي ,, في الصفحة الأولى ,,:)

مشكور و ما قصرت ,,:)

فيصل يطبق لعبوني غصب والا بخرب ياعمي طير ابركها من ساعة الي نسقوك

شف ابوها لا هيا

فرنسا خلها لهلها ويا كثر اللي ودهم ويكونون هناك

اما المسعري والنزهان والقحطاني والعتيبي والله انهم نقص وحرام ها الاشكال تصير في نادي مثل الزعيم .

اما توم هوم فدوره فوق راس الافغان الحين

وبيني وبينك اللي ما يحترم الهلال ما يستحق ان الهلال يحترمه .

فيصل اخطأ ويستحق اللي جاه بس تبي الصحيح الرجال قعدوا له مزبوط .

ويالله الجمعان والعويران والشريده للمنتخب وراح فيها ارثر هم اللي باقي ينشد فيهم الظهر وراحوا (المنتخب اهم )

سلم لي على هيا وقلها لا تنسى صباح:p :p :p

مسكين يا فيصل كل هذا علشان زعلت المصيبيح معليش منت الأول ولا راح تكون الأخير وصلت أنهم صاروا متحملينك من زمان ونسوا وش سويت عشان الهلال:mad: :mad:

مشفر : هلا ياغالي .. صح لسانك .. كلنا نحب فيصل بس صراحة مصخها واجد الله يهديك ..

وشاكر لك شعورك لو ما قدرن اشوف شئ :(

@@

العوام : هلا بالطش والرش والله ..

والله فاتتني هالفكرة صراحة .. بس كم تتوقع يجيب ؟؟؟ :)

@@

الانيق : لا تخاف ما فهمتك غلط ابد .. بس انت اللي خلطت هباس مع دباس !!

ما اعتقد احد سحب لسان فيصل وخلاه يثرثر بكل مكان :)

@@

منصور .: ان شاء الله تندثر اسطوانة المبزرة ونرتاح :)

أخوي ياقاهرهم ياسامي أعتقد أن فيصل أبو اثنين هو الذي أراد لنفسه هذه النهاية هداه الله، ولو أن فيصل لم يتسرع (وما طار في عجة دباس ) لكان له شأن آخر أما الآن فحتى حفل الإعتزال قد تتكاثره جماهير الزعيم عليه .

الأخ يا قاهرهم يا سامي
لا شك ان فيصل ابو اثنين اخطأ وتعدى الحدود ويستحق العقاب

و ايضا صالح السلومي اخطأوتعدى الحدود ويستحق العقاب

فلماذا تهاجم ابو اثنين وحده ولماذا لم يشمل هجومك صالح السلومي الذي ارتكب نفس خطأ فيصل ابو ثنين بالضبط وكل الأثنين ضروفهما متشابهه .

لماذا التركيز على فيصل ابو ثنين فقط وماذا يشفع للسلومي مما قاله بحق المصيبيح وبالجزيره نفسها وبكلام قد يكون اشد قسوه مما قاله فيصل ابو ثنين

واخيرااتمنى ان تتقبل مداخلتي بصدر رحب

abu_riman : فيصل طار بالعجة وخلاص :) .. والله يعينه يلف على (..... ) يدور احد راجع من اجازة الصيف ويتوسط علشان يجددون عقده ..

بس ما اعتقد الامير سعود يقبل اي وساطة ..

@@@

عاشق الثمامة : هلا وغلا .. كتبت موضوع عن السلومي بعنوان (( الجزيرة + السلومي = مهزلة كلاكيت خامس مرة))

وتحدثت عن خطأ السلومي ..

ولكن الفرق بين صالح وفيصل ان صالح سجله نظيف مع جميع الروساء والاداريين .. اضافة الى ان صالح كان هناك سوء فهم بينه وبين ارثر والمصيبيح وقد يتحمل فهد بعض الخطأ .. وكتبت انا هذا الكلام .. ولم اكن اريد ان اتعرض للسلومي الا بعد ان نهج نفس طريق فيصل وذهب للجزيرة واخذ يثرثر ويتوعد !!!

وضع السلومي يختلف عن فيصل ..

والدليل على ادب السلومي انه رغم (خطاه) باحراء الحوار الغبي الا انه صمت الان .. وسينسق وينهي امره ..


اما فيصل فستأخذه العزة بالاثم .. وانتظر القادم من الايام .. وتذكر كلامي ..

تحياتي لك ..

فيصل وداعا بلا رجعة
 

أخوي ياقاهرهم ياسامي .
أشكرك على هاالموضوع وبصراحة ملينا من فيصل ومن مشاكلة ، وللأسف أنه كل مازاد عمره ، كثرت مشاكلة ومهاتراته .
وبصراحة زي ماقلت حاس نفسه إنه الكل بالكل ، ويبغى يعامل زي معاملة أبو يعقوب مع أنه لم يقدم نصف ماقدمه أبو يعقوب .
لاأريد أن أجحد ماحققه فيصل مع الهلال وكم كان مميزا في لعبه ، وأعجبنا بكراته الطويلة ، ولكن وللأسف نسي أن الكرة أخلاق قبل شئ ، وللأسف أن شهادة الماجستير لم تسعفه كيف يتعامل مع الأحداث وكيف يسير الأمور لصالحه ، واستغل عفو الأمير بندر ليعتقد أن لاأحد سيقف في وجهه ولكن ليعلم فيصل أنه هو الذي خسر أما الهلال فلم ولن يخسر ذهب النعيمة وسعد مبارك ومبارك عبدالكريم وفهد المصيبيح وعبدالرحمن التخيفي والكثير من النجوم وبقي الهلال هو الهلال لم يتغير فريقا بطلا لايمل صعود المنصات .
وأخيرا نقول أسفا يافيصل فقد أجبرتنا أن نقول لك ارحل غير مأسوف عليك .
وأتمنى أن لانرى منك تصرفات تسئ لك قبل أن تسئ للهلال واعلم أن الهلال لن يضره شئ من كل ماتفعل .
أخيرا عذرا على الإطالة .
تحياتي / شبل هلالـــــــــــــــــــــي

الأخ العزيز و الكاتب الكبير ( ابو هيا )

تسلم والله على هالموضوع الأكثر من رائع

ما فيه أحد ينكر نجومية ابو ثنين كلاعب كرة قدم ولكن كشخص بالفريق والله إن لي وجهة نظر فيه من زمان ؟؟؟؟

يعني هو له فوائد وله مصائب وطبعا المصائب أكثر من الفوائد ...

ابو ثنين اختار هالنهاية المؤلمة لنا قبله هو

لأنها بصراحة لاترضي أي واحد من عشاق هالنادي العريق والكبير

لكن أقول الخيره فيما اختاره الله .... والله المستعان


اخوكم / البارق2000 ;)

فيصل بك او بدونك سيبقا الزعيم زعيما ليس لشيء الا لان من انجبك نجم يستطيع انجاب غيرك نجوم واسال فيصل الصالح