السلام عليكم ورحمة الله وبركاته
شوي بالله خل آخذ حبوب الضغط
والله العظيم إنه شي يرفع الضغط
حرام نشارك بهالبطولات الفاشلة مرة ثانية
فريق ماله أمل إلا بالفوز وخسران المباراة الماضية خمسة / صفر
ويلعب دفاع
أكبر همه أنه يكسب نقطة من الهلال
هذا بحد ذاته بطوله عندهم
هذي هي الفرق الخليجية
تلقاهم بالدوري يلعبون 4-4-2 وألا 4-3-3
وقدام الهلالل يلعبون 11-0
كلهم دفاع
والله أن هالبطولة حرام يلعب فيها الهلال
قولولي بالله وش فيها ....
ما يحتاج
أنا أقولكم
فرق خليجية تلعب بدفاع مستميت وكأنها بالتعادل مع الهلال راح تحرر فلسطين
وفوق على هذا خشونة عجيبة
كأنه فيه عداوة بينهم وبين لاعبي الهلال
الله لا يبلانا على هالعقول
يا أخوان والله ملّـينا من هالمشاركات اللي ما كسبنا من وراها ألا خسارة اللعيبة من الإصابات بسبب هالفرق الخليجية الفاشلة
ما نبغى نلعب بهالبطولة مرة ثااااااااااااااااااااااااانية أبد
تكفون يا إدارة الهلال
إذا ترشح الهلال للعب بهالبطولة تنازلوا
ما نبي والله ما نبي
إلين هالفرق الخليجية الفاشلة تعلّـم معنا الإحتراف
اعذروني يا شباب بس والله أحترق دمي من هالمباريات مع فرق الصف الثاني
والأزين من كذا التحكيم الخليجي
أخلّي الكلام لكم عن هالتحكيم لأني أخاف أكسب ذنوب بسببهم
الله يعين
تكفون طالبوا الإدراة أننا ما نشارك بالبطولة الخليجية
دفاع - تكسير - تحكيم يخترع قوانين جديدة ويلغي أهداف بسبب إن اللي سجلها هو الهلال
يعني إذا سجل الهلال يعتبر فاول
هذا قانون جديد أضافه التحكيم الخليجي لقوانين الفيفا
اتمنى أنهم ما يعتمدونه ( واحد يعطيني إيميل بلاتر عشان أراسله )
على العموم انتهينا من هالبطولة والحمد لله
خلونا نركز شوي بالجاي
ولاله عادة نشارك بمثل هالبطولات
والسلام عليكم ورحمة الله وبركاته
الوضع العادي
