اطالب الاتحاد السعودي بتغير مكان اقامة هذه المبارة - نادي الهلال السعودي - شبكة الزعيم

الرهـــيـــب · #1 06/10/2001, 06:56 PM

لماذ جميع المباريات في الرياض وجدة هاه ؟
اتمنى من الاتحاد السعودي ان يجعل مباراة الاخضر مع المنتخب التايلندي لدور الثاني في الدمام بدلا من الرياض الي الصراحة جمهورهم وجوده زي عدمه مبارة المنتخب مع البحرين
البحرينين لا يتعدون ثلاثمئة واحد تشجيعهم اعلى من السعودين الي اكثر من خمسة وعشرين الف وين صارت؟
بعدين استاد الامير محمد بن فهد افضل استاد على مستوى المملكة بعد استاد الملك فهد من جميع النواحي خاصة الاستيعاب الجماهيري هذا الملعب يتسع لاكثر من خمسة وثلاثين الف متفرج وجمهور الدمام شفناه اثناء المبارة الودية التي جمعت المنتخبين السعودي والاماراتي جمهور يجي عشان يشجع مو عشان يقولن انه حضر المبارة هذا وهي ودية اجل لو مبارة دولية؟
علما ان الجو سيكون باذن الله في يوم المبارة جو لطيف جدا ولا يوجد رطوبة
حتى جمهور الرياض اصابهم تشبع من كثر المباريات عندهم اربع فرق في الممتاز بينما الشرقية فريق واحد وتعبان وجمهوره قرف منه
لو ان استاد الملك فهد ما كان يجرى عليه زراعة للعشب كان قلنا معليه
يجب ان تقام في الدمام كفايه ظلم اين العدل؟
يا شباب اذا في احد يوافقني الرأي او يخالفني يا ليت يقولي وجهة نظره؟

وبدون زعل يا جمهور الرياض وتراني ومن اهل الرياض لكن مقيم في الدمام

سهيل · #2 06/10/2001, 07:07 PM

لا يستطيع الاتحاد السعودي تغيير مكان اقامه المباريات الا بموافقه الاتحاد الدولي

لا تظن اخي ان المسأله سهله الى الدرجه هذي .. المنتخبات رتبت رحلاتها وحجوزاتها منذ صدور جدول التصفيات

الرهـــيـــب · #3 06/10/2001, 09:50 PM

يا اخي الرحلات كلها بطائرات خاصة
اما الحجوزات في الفنادق اسهل شيء
بعدين الاتحاد السعودي يقدر يقول لتايلند قبل المبارة 10 ايام وش المشكلة

الياسـر · #4 07/10/2001, 12:51 AM

بالعكس في الرياض افضل من الدمام ..

الجوء في مدينة الرياض معتدل الى درجه ماتصدق انك في الرياض وهذا الجوء سيكون

الدافع بعد الله ..

نواف العماري · #5 07/10/2001, 01:01 AM

انا أويد ان تلعب المبارة بالمنطقة الشرقية لارتفاع الرطوبة
ولاكن اظن الامور محسومة

ديوان · #6 07/10/2001, 01:22 AM

اذا على الجمهور انا من رايي تصالحون

استاد الأمير عبدالله ببريده يشيل 35 الف
وجمهور يخوف ماشاء الله مااضن ان فيه جمهور يشجع اكثر منهم

سهيل · #7 07/10/2001, 08:24 AM

جاء الر واضحا من فيصل عبدالهادي .. لا صحة لنقل المباراة خارج الرياض

تيماوي · #8 07/10/2001, 10:33 AM

@ التايلانديون متعودين على الأجواء الرطبه في بلدهم وياليت تنقل المبارة للجنوب في منطقة عسير او للقصيم ,,,,,

الرهـــيـــب · #9 07/10/2001, 11:20 AM

يا اخوان اذا على الرطوبة الرطوبة انتهت من زمان والجو رائع
بعدين وين العدل مباراتين في الرياض ووحدة في جدة والدمام مطب؟
بعدين جمهور الشرقية بيض وجيهنا يوم راح للبحرين وصار لهم اعتداءات وتكسير لسليارات لكن ما همهم ومازالوا يريدون الذهاب لاي مبارة للاخضر جمهور مخلص

الذيب الازرق · #10 07/10/2001, 01:47 PM

هلاااا بك اخوي الرهيب

اقتراااح جيد لكن جمهور الرياض راح يرد عليك يوم الجمعة بعد القادم باذن الله ويزف الاخضر الى كاس العالم

غصب عن بعض الناس