مرحبا بالغاليين ،،،،


انتهت مباراة ايران وتايلند وانا في احباط لاني كنت متوقع ان أيران بتتعثر في هالمباراه بالذات لكن كابتن منتخب تايلند شكله يبي يعاندني ،،،


وجلست انتظر مباراة منتخبنا وانا افكر كيف بيدخل منتخبنا المباراه هل بتكون نفسيته تعبانه بعد نتيجة ايران مهزوزه ام بتكون ثابته وماهي الطريقه اللي بيلعبها المنتخب قدام العراق واغلب المنتخب العراقي لاعبين شباب ولا زال عندهم فرصه في التأهل كأول المجموعه (ترى السنغال تأهلت كذا لا تستغربون)،،،


جلست على الماسنجر دخل علي واحد من زملائي قالي سامي مهوب لاعب ؟


قلت نععععععععععععم

قال ايه تو الاوربت مأكدين انه برى التشكيله نهائيا ،،،


قلت له تأكد يا رجال يمكن انك سمعت محمد نور

قال لا والله سامي قلت في نفسي رحناااا فيهااا كل الامور صايره ضدنااا ..الله يستر بس ،،،




بدت المباراه بهجمه ولا اروع استغلها المنتخب خير استغلال هدف مرسوم ...

الحمدالله قدرنا نبعد الظقط النفسي اللي علينااا ...انشاءالله بنسبح العراق


لكن دقايق معدوده بعدهاا انقلب المنتخب السعودي وكائنه يفقد ركن رئيسي فيه ،،


بالفعل يا شباب منتخبنا والله بدون سامي ولا يسوى بيزه (سمعتها في قناة الكويت )

الشلهوب مركزه الرئيسي وسط ايسر ولعب اليوم صانع لعب مكان سامي محمد ما قصر لكن والله ياشباب ما تحس ان في لاعب تنتظر منه شيء في نص الملعب كل الهجمات كرات طويله


لكن الحمد جات سليمه لمنتخبناااا وقدرنا نفوز واسمحولي يا شباب اقولهاااا
فزنا بالحظ اليوم المنتخب العراقي قدم مستوى احسن من مستوانا بكثير لكن في هالمباريات ما ينفع المستوى اهم شيء الثلاث نقط بس مثل ما قال محمد السقا المستوى يخوف



@@مقتطفات@@


الدعيع : ماكنت اتوقع منك هالمستوى والله ،،،

سليمان : كنت بتنكبنا والله يا بو عابد بس ما قصرت طول المباراه صاير اسد

خليل : الله يكفيك شر الاصابه وتكفى ارجع ،،،

حسين : ما قصرت اليوم انطلاقاتك حلوه

الدوخي : هذا احمد اللي نعرفه استمر على كذا

سعد : نبي جهد اكثر ،،

الغامدي : همسه في اذنك يا عمر : ترى في الهلال انسى تطقها ما دام الصالح موجود ((يعني صرف نفسك من الحين))

مرزوق : خذت في نفسك مقلب في القارات والله وياليتك تنام مع سامي زي الشيحان


الشيحان : ما شاءالله عليك يا عبدالله بلا عبيد لا هم



تلاحظون يا شباب اني قسيت على اللاعبين كثير من المستوى اللي شفته والله ،،،




اتمنى المباراه القادمه نصحح هالاخطاء ونفوز على تايلند ونخلي كل شيء بيد البحرينيين


في النهايه ابارك لكم هالفوز ،،،،


وسلامتكم

الحمد لله أخيراً تم تفعيلي
لكن اقول صدقت المنتخب بدون سامي سلمني عليه سامي هو المحرك حق الفريق

هلا وغلا هاجس ,,,

الف مبروك لك ياغالي هالفوز , صحيح ان المستوى اقل مما نتوقع ولكن في مثل هذه الظروف النقاط اهم من المستوى , فصعوبه الموقف تجعل المنتخب يلعب على اعصابه ممايؤثر على مستواه ,,,,

وبإذن الله هذه الفوز يضغط على المنتخب الايراني مما يجعله لايقدم مستوى جيد وبالتالي يهزم او يتعادل على اقل تقدير , ولو لعب المنتخب العراقي بنفس مستواه مع منتخبنا امام المنتخب الايراني فلن يستطيع الفوز على المنتخب العراقي رغم ان المباراه في طهران ,,,

اما بالنسبه لسامي وتأثيره فلاتعليق احداث المباراه كفيله للرد على كل من يشكك باهميه سامي في الملعب , ومباراه اليوم هي الدليل ,,,

بإذن الله نشوف موضوع تعثر المنتخب الايراني , حتى نستطيع ان نلعب مباراه تايلند بنفس مرتاحه وبمعنويات اكبر ,,,

والف مبروك مره ثانيه الفوز ياغالي ,,,

وتقبل خالص تحياتي لك ,,,

السلاااااام

موضوعك حلو انا بلخص اللي قلته كالتالي :

الذئب - المنتخب = خساااااااااااااره

وسلامتكم .........

اي والله آآآآآآآآآآه يا سامي فين المستويات الرائعة للأخضر مع سامي بالفعل سامي هو المنشط و الفعال للمنتخب شفنا مباراة البحرين اول التصفيات نزل سامي قلب المنتخب قلب اما في هذه المباراة ربنا ست قولوا الحمدلله و ما زال النصراويين يقولون المنتخب من غير سامي احسن على كده خليهم يفرحوا بمنتخبهم ( من غير سامي )
و مستوياته الرائعة و ما اقول الا اصحاب العقول براحة والله .
و في الختام ما عندي غير السلام .

شي غريب كل ذا و الغامدي ما سوا شي. لا وتبي ماطر بعد.

راجع المباراة و تابع عمر زين

الدوخي اخذ راحته لأنه يعرف انه في احد يغطيه.

عمر يا ناس لاعب تكتيكي من الدرجة الاولى وما يحس فيه الا اللي فاهم كورة.

لاعب يلعب السهل الممتنع ما يتفلسف يستلم صح ويسلم صح.

عمر افضل لاعب من الناحية الجماعية . لياقة عالية . تمركز سليم و يفك

خانات لزملاؤه يضغط على المنافس . لعبه فيه توازن بين الدفاع و الهجوم.

مشكلتنا مانعترف الا باللي يستعرض وانتم تعرفون وش نهاية الاستعراض و الا اذكركم
بهدف ايران الاول اللي جا بسبب فلسفة ماطر و ارتدت علينا مرتدة وهدف.
ونور و ما ادراك ما نور.

يا جماعة انظروا الى انتاج اللاعب في الملعب وليس الى الفردية و الاستعراض ال
الفاضي.
وانا اجزم انك طالبت بماطر لمجرد مشاركته في الهدف.
صدق اننا جمهور اهداف فقط. ودي اعرف وش بيكون رايك لو مرزوق جاب هدف
كان مدحته. ياجمهور الاهداف.

الحمد الله على الفوز هذا اول شي
الموجودين فيهم الخير والبركه
سامي نعم له ناثره اليوم زي ما قال فارس الروضان رنالدو اثر علىالبرازيل سامي غايبه اليوم له تأثيره الواضح
اهم شي فزنا وحصلنا 3 نقاط
=========
اخوي نايف الهلال مع احترامي الشد يد لك عن قاااتل الوسط عمر الغامدي
===
لاعب تكتكي ما يعرف يسلم كوره صح لاعب تكتيكي يقتل الهجمه المرتده
لاعب تكتيكي لا يعرف ابجديات الكوره
اذا كانت على اللياقه
المسعري عبده صبياني لو تخليهم 24 ساهع ركض ما تعبو
اخوي نايف انا لاابيه يستعرض ولا غيره ابيه يسلم كوره صح يغلط غلطه 2 ثلاث
عمر الغامدي للاسف لا يعرف الكوره وين حاطها فيه
======================================
لاعب سهل ممتنع يسلم ويستلم صح اخوي نايف الظاهر انك تشاهد مباراه اخرى الله يصلحك
تحيااتي لك

كلامك ياخوي صح 100/100


وبقول شي يمكن ما تصدق اني جالس كالعادة اتفرج على المباراة وشوف شي ناقص

مدري المنتخب يلعب بثمان لاعبين واحياناً اقول الملعب ذا كبير ماهو قانوني وفجئة قالي صاحبي سامي ما لعب قلت له ياخوي تكلم من بدري . انا اشوف الوضع ماهو طبيعي

وقلت يارب تعدي المباراة على خير.

وربك ستر ....................................وشكراً لك

خلهم ياهجس يعرفون قيمة سامي المنتخب اليوم كان ضايع بدونه
كالطفل الي فقد والدينه

شبـــــــــــــــاب ..... افرحوا بفوز (((((((((( المنتخب السعودي ))))))))))))

و انسوا الـ ........................................... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

والله ياهاجس كون المنتخب بدون سامي ولا شي فهذي مايختلف عليها اثنين


بس مانقول الا الحمدلله على النقاط الثلاث وهذا المهم وانشاء الله يرجع الذيب للمنتخب في المباراة الجاية بتكون اروع ويرجع سامي لنا نتائج الثلاثة والاربعه اللي معودنا عليها


لاكن اهم شي يليت الجوهر يرسل نور وعبيد الدوسري على سياكل لنواديهم بالله هذي اشكال تلعب لمنتخب لعب في كاس العالم مرتين متتاليتين والله يافي الانديه غيرهم عالم تستاهل المنتخب وراح يفيدون المنتخب كثير بدال هالزلايب :

ليه مايختارون قهوجي والا المحمدي للمنتخب والله انهم بينفعون المنتخب وخصوصاً قهوجي تمريراته نااااااااااار !!!


آآآآه أجل يعالم عـــبـــيـــد هذا لاعب منتخب الله يرحم ابو يعقوب اللي رزه وخلاهم يصدقون انه لاعب

لاكن آآه من يسمع،،،،،،،،،، ويا قلب لا تحزن

أنا ماقطع قلبي ألا الجوهر ،، بو خالد شوي ويدخل الملعب ............ ولسان حاله يقووووول الله يستر علي

شكل جانا فيالي ((( لاعب أيطالي كان مهاجم فريق تشيلسي ومدربه في نفس الوقت ))) ثاني بيدرب وبيلعب أكيد أنتم تدروووون من؟؟؟ أقصد ((( 9 ))) عرفتوووه أكيد

آآآآآآآآآآه يااااااااااااسااااااااااامي

والله المباراة من دونك ماتسوى شي ،،،،،،،

كنت متأكد أنها بتكون مباراة عاديه

تدرون ليه لأن سامي غير موجود

مع سامي تحس أنك بتشوف شي جديد في مجال كرة القدم

وأنتم أعرف وأبخص



-------------------------


عمر العامدي لاعب جيد ولا بتسوون فيه زي المسعري والله غريبه


--------------------------

مقطع أخير :: صديقي فيصل نصراوي موووووت وأكره مايشوف سامي ،، على العموم شفنا المباراة مع بعظ أقصد مباراة العراق ........... وفي وصط المباره نط ،، أنا أرتعت ،، وشفيك؟؟ قال توي أدري وش معنى ســــــــــــامي الجــــــــــابر ،، والله المنتخب من غيره ولا شيء ............. أبتسمت ولم أضحك ،، تدرون ليه لأن هذا حال جميع من يكره سامي لأنه المثالي والأفضل على الأطلاق سواء برظاهم أو بنــــــــــــــياتهم وما في داخلهم ،،،،،، هم في قرارة أنفسهم يعرفون من هو سامي ولاكن خوفهم على أطلال مابقى من محنطهم جعلهم يخفون الحقيقه ؟؟؟
مع أنها كالشمس






تحياااااااااااااااااااااااااااااااتي


ســــــــــــــراب الـــــــــــــدمع