هلا بالغالي والحبيب نمــــر15 ...
اولا اشكرك على اثارة هاالموضوع الحساس ...
وبالفعل الاهمال يوجد في بعض العائلات ...
وبيني وبينك في بزارين ما تقدر تضبطهم عندهم حب تجول بشكل فظيع
ما يركد ابد وهذولا ينخاف عليهم من الضياع ...
واذكر مرة سويت تجربة على بنت اختي وعمرها 4 سنوات
غفلت عنها في الحرم ولقيتها تمشي وانا ارقبها من بعيد
وهي تمشي مسافة بعيدة مدة ربع ساعة ولا على بالها شي !!!
واذكر برضوا بنت اخوي وعمرها 5 سنوات كانوا في الملاهي
وغفلت عنها امها شوي الا والبنية مختفية وبعد ساعة لقوها تصيح
عند البوابة ... وبعد يومين لاحظت امها ان غوايشها (( ذهب يوضع في اليدين ))
مش موجودة ولما سالتها قالت البنت ان واحده اخذتها منها في الملاهي ؟؟؟؟
وعلى طاري الخبر ياراعي الخبر J
كنت انا وصديق لي رايحين الخبر ونتمشى في الكورنيش الا تجي عندنا وحدة لا
يعلم حالها الا الله وتسألنا عن ولد عمره 5 سنين لابس مدري وش انا قلت ما شفناه
وبدينا ندور معها وكان معها واحد يهديها وهي تصارخ وتهاوشه يابرد دمك
ياصالح .. الوالد ضايع وأحر ماعندي ابرد ماعندك وبصوت عالي
وفي هذه الاثناء شافت ولدها يمشي على بعد 30 متر
وتركض ركض ماشاء الله ولا سعد شداد
وتضمه وحنا نسمع صياحها من بعيد وننظر اليها باستغراب ......
مدري بديت افلت واخرج عن الموضوع
وبدت القصص تطلع لي من كل مكان حتى اني فكرت اخرب عليك ونزل موضوع بنفس العنوان J;)
تسلم اخوي الغالي متعب والله يعطيك العافية ,,,
الوضع العادي
