05/10/2001, 01:53 AM
|
| موقوف | | تاريخ التسجيل: 23/07/2001 المكان: $..الهوى..&&..ثنياني..$
مشاركات: 788
| |
يوميات ولد مدلع...ياي (الحلقة الاولى)
السلام عليكم كيف حالكم.. هالقصة قبل اربع سنين الا شوي
مرة واحد كان بثالث ثانوي ودلوووووع مرة
كل شي يجيه لعنده لا والنكبة ثالث ثانوي كل البيت تحت امره
بس ينادي وش ينادي
يأشر بس بعد مو باصبعه كله باظفره الا كل اللي يبيه تحت امرة
المهم كأن هالدلال نفع به وجاب معدل زين ماشاء الله
قالوا له وين تبي قال ابي ادرس بجدة ابي طب ابي بالجامعه
وكل مايجيه واحد غثه ترا ابي اروح الجامعه توصي على شي
المهم راح الولد سجل ومستانس انقبل بكلية الطب ورجع لديرته يكمل العطلة
بعد كم يوم الا قالوا ترى باقي على الدراسة اسبوع لازم تسافر لا والنكبة
لحالك
هم قالوا سافر ولا اخوكم بدا يحس ان فيه شي غريب
بس مايدري وشو
جاء يوم السفر يتكشخ وكنه استانس شوي
الا يطلعون له اخوانه اللي يبكي واللي مدري شيسوي
المهم فهم انهم زعلانين انه بيسافر ويخليهم
المهم وصل جدة وهو مستانس
دور له شقة بدا يترك الدلع شوي
الا اليوم مر عليه والاخ مااكل المهم ذبحه الجوع
والساعة ثلاثة الفجر وين يروح وين مافي امل توه مايدل شي
الا ويقز ابريق الشاي ماراح سوى فيه شاي
جلس يتفرج على وجهه بالابريق ويشوف شوي يكبر وشوي يصغر
المهم ذبحه الجوع ... الا يفتح الثلاجه ويلقى......
بيض ومعلبات
طقت براسه يسوي له عشاء مدري فطور....
لا ويتشرط بعد
مايبي بيض لحاله يبي شكشوكة..يحسب انه الشيف ابو مازن اللبناني
المهم .. وياخذ صحن مدور وله ايد ينادونه قلاية
واذا جو يدلعونه قالوا ابو ايد ..
باللحظة هذي جلس يتذكر يوم كان بالمطبخ مرة وشافهم يسوون بيض
وشلون حطوا معه البندورة يعني طماط باللاتيني
المهم قال الطماط اول لانه اكبر والكبير له احترامه
المهم تهزئت البندورة بيدينه قطعها غير شكل صغير كبير متوازي اضلاع
المهم انها تقطعت وصارت في القلاية وقام شغل النار عليها
طبعاناسي انه يحط شي اسمه زيت ولا حتى ملح
المهم تحمس شوي واخذ وضعه بالملعب ويكسر لك البيضة
ونص قشورها معها بالقلاية جلس ينقي زي اللي ينقون حب مدري رز
وجاء دور الثانية ويزيد الحماس ويحط ثالثة ويقول شوي مايكفي
ويحط رابعه...سادسة المهم كسر اللي عنده
جلس يحرك بالملعقة وكانه حريف يميل القلاية على جنب ويمدح نفسه
ياولد ياحريف من فين لك الحركات هذي
المهم
خلصت الطبخة اللي اذكره انها خلصت لونها المفروض انه احمر على اصفر
المهم مدري وشلونها ماينوصف
راح مستانس يفرش السفرة ويحط الطبخة (سماها طبخة)
اكل اول لقمة قال يمكن متغير الطعم علشاني مااكلت من الظهر
ياكل الثانية الثالثة
ردة فعله مااذكرها بالزبط بس اللي اعرفه انه اصر انه ياكلها
وياكل وياكل الا مو راضية تخلص (الاخ مسوي نص اللي بالثلاجه يحسبه شوي)
المهم انه جلس سنه ماياكل الا برا فطور وغدا وعشاء
وحكاية السنين الثلاثة المرة الجاية ان شاء الله
والله ياسواله كبسة يحبها البك..لاتفوتك ..انطح فالك
لاتفوتك....بااااااااااااااااااااااااااااااي
اخر تعديل كان بواسطة » عاشق الثنيان 15 في يوم » 05/10/2001 عند الساعة » 02:04 AM |
ابشر وانا اخوك الكبسة بالطريق الحلقة الجاية 
.
الوضع العادي
