سكسوكة + سيارة + عطر = بـنـدر - نادي الهلال السعودي - شبكة الزعيم

بوجاسم الهلالي · #1 04/08/2006, 12:41 AM

الــزمـان : يوم الأربعـاء التـاسـعه مسـاءا ً ،،،
المكــان : مـدينـه الريـاض ,,,

تعريـف لمن تـدور حـوله القضـيه

الأســم : بنـدر

عمر بنـدر : 23

مهنة بندر : طـالب جامعي

كامري بنـدر :

اللـون اســود
الموديـل 2004
رقم اللوحه ( ص ر ف 100 )
طريقة الدفـع :اقسـاط على (ظهـر) ابو بنـدر
عـداد البنزين: تحت الـ E والجـيب مافـيه الا الرخصـه وريـاليـن
مـوقع السيـاره وصـاحبها: امـام صـراف بنك سـامبـا (الأمريكي سابقـا ً ) ينتـظر وصـول دوره لـكي (يشـفط ) مكـافـأته الجــامعيـة التي تقـدر بـ 834 و 60 هلله .

بندر وكامري بندر وبطاقة صراف بندر امام الصـرافه اللي بتنـشفط منـها 800 ريـال (كـاش منـي)

انشفطـت مكـافأة بندر من بطاقة صراف بنـدر بيـد بنـدر .

كامري بندر :

(غمـض فتـح) واذا بـ بندر امـام محطـه الوقود

بندر : صديق عبي بنزين فـُــل .
صديق : اوكى (مع هزة رأس تقلـيــديـه).

وبعـد مرور دقيقـه و37 ثانيه امتلء خـزان الوقـود والمـقابل 36 ريـال

800 - 36 = 764 ريال

بعـد محـطة الـوقود (فتح غمض) واذا بـ بندر وكامري بندر امـام (التلمـيع السـاطـع)

45 دقيـقه بعد التلمـيع السـاطع

كامري تلمـع بنـدر يدفـع

764 - 150 = 614 ريال

انتهـينـا من كامري بنـدر

سكسوكـة بنـدر :

الزمـان : الساعه العاشـره والنصـف مساءا .
المكان : تقـاطع شـارع التحليـه مـع شارع التخصصـي بالتحـديد حلاق (هوليـوود)

بندر للــ حلاق : حبيب ألبي ابيك تـدلعنـي عندي موعد مهم الليله .
الحلاق لـ بنـدر : تكرم عينك مدام انتا بتـدفع احنا نـلمـع .

غمض عين سكر عين

150 ريـال لـ حبيب ألب بنـدر .. يعني

614 - 150 = 464 ريال

سكسوكه عجــــــيبه

الدمـعه جهاز بندر ( دمعة بندر ) :

الزمـان : الساعه الحاديه عشر مساءا ً

المكان : محـل همســات للأتصـالات - المرسـلات

بنـدر يبي يستـبدل دمـعة بنـدر بجهاز ثاني

دمـعه بنـدر سعـره بـ 1100 ريال

والجـهاز اللي يبـي يستـبدل فيه .. سـعره 1440ريـال

يعني بنـدر لازم يـدفع 340 ريـال فرق السعـر .... ودفـــع

يعنـي

464 - 340 = 124 ريال

غريــب هـ البنــدر ...

عـطر بنــدر :

الزمــان : الساعه الحاديه عشر وخمسه واربعون دقيقه مساءا ً
المكـان : الرواد للمستـلزمـات الرجـاليه - طريق العروبــه

وبعـد محـاولات لشراء العطـر المفضـل تم اختيـار عـطر بـ مبلـغ 120 ريـال .

نرجـع للحـاسبه ونقـول

124 - 120 = 4 ريـال فقط

عجــب عجــــــاب

عشــاء بنـدر :

الزمــان : السـاعه الثانيه عشــر منتـصف الليــل .
المكـان : بوفـيـه بجــانـب البيـــت

باقـي المكـافـأة 4 ريـال و ريـالين في جيب بنـدر هذي 6 ريـال

وعشاء بنـدر ثنـين شـاورمـا و واحـد بيبـسي بـ 5 ريال
وريــال حطـه في جيبــه للـيوم الأسـود .

بالعـافـيه يابنــدر ولاتنســى تسمــي

- هذه الشخـصـيه الـدرامـيه هـل هـي فـعـلا ً تـوجـد فـي مجتمــعـنـا ؟؟

-هـل تصــرفـه بـهذه الطــريقــه السبــب فيــــه الأتكـــــاليــه وعـدم تحمــل المســؤوليــة ؟؟ ام هــي قــاعــدة ((حـلال عمــك لا يهــمك ))؟؟ ام لأن المـال المصــروف ليــس من مجهـــوده ؟؟

- اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟

- ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟

## مـلاحـظه ##

(.. لايقصـد من هذا المـوضوع التحريـض على البخــل ولكـن يقصـد فيـه تنـظـيم الصـرف بشكــل سلــيــم وعـقـلانــي ..)

( الموضوع منقول مع التعديل)

مقدر الهلال · #2 04/08/2006, 01:51 AM

ههههههههههههههههههههههههههههههههههاي

والله صدقت مو بندر وبس الا معظمهم

مهووسة الزعيم · #3 04/08/2006, 01:58 AM

صــراحة انا ما اشوف انــه مسرررف ...
هو شــاب ولازمـ ... يلبس ويشتري ويتمتع ...

اللــي ينقال ان المكــافئة قليلة ..واذا ماكان عندهـ غيرررها ...
والمفروض يزيدووونهاااااااااااااا ...

M e T o O o · #4 04/08/2006, 03:09 AM

والله الشخصيه موجوده وبكثرهـ في مجتمعنا وللإسف ,,

اعتقد ان قلهـ من الشباب السعودي ما عندهـ ((نظره)) للمستقبل يعني يمشي على نظام .. (فلها وربك يحلها)

لكن الايام ذي راح يتعلم حتى لو مو برضاهـ .. الاوضاع الايام هذي صعبه للانسان اللي ما يفكر لبعدين !!

يعطيك العافيهـ يالغلا ع الموضوع المهم

مـوادع · #5 04/08/2006, 09:09 AM

خخخخخخخخخخخخخخخخخخخخخخخخخخخخـ

ياخي خله يتهنا والله ان ذا العمر لذة الطفره

بس بجد الواحد ليش يلعب على نفسه ويورح لم حلاق ماهوقده

ولا يشتري له جهااز وهو يدري انه بعد اسبووع يبي يبيعه لأنه طفراان

بس برضو اعيد و اكرر ان احل شي في عمر بندر التطفيره المبكره

على العموم

الله يرزق الجميع

مشكوور يالغالي على الموضوع

أبو راس · #6 04/08/2006, 09:35 AM

بندر احد نتايج مجتمعنا الي صار يهتم بالقشووووووووووووووووووور

يعني كلش صار مظاااااهر وفشخرة

كل الجوااااالات تتصل وتتكلم.. اذا ماعندك ليه لازم تشتري N90

حتى اسم بندر يمكن مظااااااهر .. ولا هو اصلا اسمه سعيداااااان

هــــلاV X Rلــــي · #7 04/08/2006, 12:15 PM

الواحد شهريا يغير جواله؟؟؟
كلام مهووسة الزعيم صحيح بالنسبه لي الا أن البطر مو زين...
مشكور أخوي ولا هنت وتحياتي

الذئـــ الأزرق ــــب · #8 04/08/2006, 02:38 PM

واللـــه هذا شايــف عيشتــه ..

الهلالي الثقفي · #9 04/08/2006, 03:56 PM

هـــــــــلا و الغــــــــــلا

بوجاسم الهلالي

××××

قبل ما أبدأ في الكلام

أنت تشوف أن 800 ريال تغطي مصاريف شهر كامل

أذا موظفين و رواتبهم عالية ما يقدروا يصبروا لين آخر الشهر

و مو عارفين يوفرون و لا يقدروا يوفروا كل أحتياجات البيت

تبي بندر يوزع الـ 800 على 30 يوم

أنا لازم أروح للحلاق في الشهر 10 مرات و كل مرة 15 ريال

يعني 150 ريال بتروح بتروح

السيارة تصرف بنزين ألين الليل لأنها أمريكي

و لازم أهتم بمظهرها و أغسلها

أجار بيت

و أحذف هذي النقطة لأنه مو كل الشباب بيتحمل أجار بيته
أو أن بيتهم ملك

200 ريال كحد أدنى أتصالات

أبويه و أمي لازم أعطيهم حاجة و لو قليل

لازم تراعي مشاعر أخوانك و خواتك و تعطيهم شئ لأن اللي ما فيه خير لأهله
ما فيه خير للناس

اذا جينا لجهاز الجوال فأتحدى كل اللي يتفلسفوا و يقولوا كل الأجهزة تتصل

بأقول لك شئ

أنا ما أرضى آخذ جهاز العنيد 7

أو النورس أو أي جهاز من هالنوعية

مو لأني متكبر و لكن الناس راح ينظرون لك نظرة شفقة و أستهبال

و يدقون بالكلام و يجرحون المشاعر و الواحد لازم يكون عنده عزة نفس

ما أقول لك خذ أن90 لكن الدمعه حلو

بعدين لا تنسى أن الجوالات مثل السيارات

يعني أحنا في عام 2006 و محد راضي تكون سيارته موديل 86

خراباتها تكثر و شكلها غير مقبول

و الجوال كذلك أحنا وصلنا n90 و محد راضي يكون جواله سيمنز

نجي للبس

لازم الواحد يرتب نفسه و يلبس زي الناس و ألا تبيني أمشي من غير هدوم

و من حق الشاب يفصل و يأخذ شماغ و جزمة (( الله يكرمكم ))

و لا تنسى مصاريف الأكل و الشرب

عندك ثلاث وجبات باليوم

و غير كذه في فلوس بتنصرف و أنت ما تعرف

خمسة ريال عطيتها وحدة عند أشارة

عشرة ريال قطة مع الفريق

خمسين ريال قطة أستراحة

عشرة ريال شاحن

خمسة ريال شراريب

عشرة ريال منشفة

7 ريال شامبو بانتين

>>>>>>>>> مسوي دعاية للبانتين

أشياء خاصة

مشكلتنا أننا ننتقد يعضنا بس و ننسى المؤسسات المسؤولة

ليش ما نقول أن المكافأة قليلة جداً جداً

و لا تنسى أنه في ناس عايشين ع المكافأة و ما عندهم دخل ثاني

و لا عندهم كامري 2004 و لا شئ

و يداوموا الجامعه بالباص

ليش نقوم أنفسنا على الـ 800 ريال و الواقع يفرض علينا نصرف أكثر بكثير

ليش ما نصرخ و نقول أرفعوا المكافأة

أحنا نعيش في أغنى دول العالم و نصف الشعب يعاني

و ألا اللي عنده فلوس و ما يدري كيف جات جالس ينتقد البسطاء

أنا ضد البذخ و الترف الزايد و الكبر

و لكن كل شئ من حولك يتطور و يجب أن تساير هذا التطور

و شكراً

البالون · #10 04/08/2006, 05:56 PM

ترا مو بس بـندر كل شـباب هـالـزمـن !!!

هلالية حرة · #11 04/08/2006, 07:03 PM

لازم الواحد يكشخ
اجل تبونه يصير حوسه

بو عهود · #12 04/08/2006, 08:22 PM

يالب قلبي

اخيرا عرفت انه به احد يعاني مثلي

واذا على السكسوكه

الحمدلله

اانا امشي على القاعده

( الرجال مو بلحيته وشنبه )

يعني (مسوي خواجه بوجهي )
يحق لي عاش مع اجانب ارامكو

يســــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـلمووووووو

الكلاسيكي · #13 04/08/2006, 11:13 PM

موضوع في غاية الروعه والأهميه ..

بالفعل ليس بندر هو الوحيد .. فاغلبية الشباب على هذا الحال ..
وايضاً يجب ان نقول ان بندر مظلوووم بالمكافئه لا تكفي .. ولكن ليس لهذا الحد من الاسراف يابندر ..

فلو حاول كل شهر ان يعمل شغله بغض النظر عن الحلاق .. لتيسر حاله ولبقي معه الكثير ..

يعني شهر لمع السياره ... والشهر الثاني غير الجوال .. واللي بعده سو شغله ومثل كذات ..

راح يشعر انه وفر على اقل تقدير نصف المكافئه .. انا لا اقصد البخل .. فالفلوس بداله اخرى ..

ولكن التوفير على اقل تقدير بالمعقول .. واحب ان اكرر ان المكافئه لاتكفي الشاب في وقتنا الحاضر ..

واتمنى ان ابو متعب الله يطول في عمره ينظر لهذا الجانب .. ويمدد تخفيض البنزين طول العمر ..

لكن في ملاحضه .. ( وش خلاه يروح لحلاق بـ 150 .. يااخواني مانقول روحوا لهندي بخمسه ..

بس اقل شي فيه اتراك شغلهم كويس ببـ 20 وحولها ..

عموماً موضوع يستحق الاشاده .. واشكرك اخي بو جاسم ع الموضوع المتميز ..

دمت بخير .. ننتظر جديدك ..

بوجاسم الهلالي · #14 05/08/2006, 01:59 AM

شـــــكـــــــــــرا لـــــــــــــكـــــــــــــــــــم عـــــــلــــــــــــــــــى
الــــــــــــــــــــــــــردود

مهووسة الزعيم · #15 05/08/2006, 02:01 AM

بيني وبينكم .. خله يصرفهاااا ..
لانه بيتعب وهو يفكر كيف يصرف هالفلووووووووس بدون مايبذر ويسرف ..
كل شي غالي .. مشان هيك يصرفها احسن ويرتاااح ..

انــا ابي اعرف اذا نص الشعب السعوديةاو ثلاث ارباعه ..
طلاب ومن فئة الشباب ..
زيادة الرواتب وش نبي فيها .... لانها تشمل فئة قليلة وقليلة جدا جدا ...

وجهــة نظرررري ...