#1  
قديم 31/07/2006, 12:44 PM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
جيت قبل العطر يقضي !!

هلا ،،


السلام عليكم،،


مسيّكم بالخير،،



أول شي أعتذر من الشاعر الكبير منصور البلوي لان حرّفت شوي بقصيدته
قال ايش قال البلوي هو اللي كاتب " الاماكن " !!
والله لو ينحف 150 كيلوجرام ما يكتب ولا شطر من هالقصيده


المهم ما علينا منه ان بغى يشتري ألفيّات ترى عندي واااجد وحادهن الوحده على # تسع طعش ألف وتسع ميه وتسع وتسعين ريال# فط لاغير
ــــــــــــ>> على كيفي ألفيّاتي واحط السعر زي ما ابي..



موضوعي عبارة عن قصه قصيره للتسليه فقط لاغير،،



أبتكلم شوي عن ( التسوّق shopping ) ــــــــ>> أمس جاي من امريكا


كثير من الناس يكون مفتون بأشياء وسلع معيّنه يعني اذا دخل السوق وشافها ، يخق ويدوخ ويبدا يتقضى ويشتري من غير شعور ..


أغلب الحريم مثلاً اذا راحوا للسوق لازم يدخلون محلات الاكسسوارات ، وتقضي فلوسهم على شبّاصات وبكلات وخماخم وربطات شعر ، وتلقى أرخص بكله بهالمحل بخمسين ريال وهي قطعة بلاستك ومغأط ، و الصراحه ما ألومهم اذا شروا ربطة شعر 85 ريال لانهم مفتوووونين بهالخرابيط


والذي يجعلني لا ألومهم اطلاقا البتّه اني طلعت أردى منهم اذا شفت محل يبيع عطورااات
بيني وبين محلات العطورات ألفه ومحبه وعشق وبطاطس ماكدونالدز ــــــ>> مشتهي بطاطس


ورغم أنني لا أبخص كثيرا في العطوارت الا انه ما لعب بفلوسي واستنزف مواردي الا هالمحلات ، لكن مادام اني أحب العطور ما عندي مشكله


المشكله اني اشتري العطر ولا يطوّل عندي ويقضي بسرعه وانا رجال ما أكثّر بخبخه يعني تكفيني بالكثير 4 رشّات (طلع فليت مهوب عطر )..


وبما اني حبيب وعلى نياتي صرت كل ما قضت العطور اللي عندي رحت شريت جدد وطوال السنين اللي مضت وان على هالحال ..


الى أن جاء اليوم الذي اشتريت فيه عطر غالي الثمن ، وكنت وما زلت أحب هذا العطر أكثر من خالتي لولوه
وابخ منه بخاً خفيفاً كي لا يقضي بسرعه ، واستطيع ان أشم رائحته حتى لو وضع داخل قدر كاتم أو مضغوط


كنت جالس أتبطح في اللوبي حق بيتنا ، وما هي الا لحظات ومر اخي الاصغر (19 خريفاً) وهو على عجل من أمره ( دايم على هو ووجهه على عجل من أمره ) ، وخرج من الفلّه ..


في هذه اللحظات بديت أشم رائحه ليست غريبه علي؟!! أبعدت فنجال القهوه كي لا تختلط الروائح ، وبدأت أنشِق ( والله ما ادري وشلون اشرح لكم معنى أنشِق لكن أقرب مالها أتشمم ) ..


وبعد أول نشقه عرفت ان هذه را ئحة العطر حقي اللي شاريه بقروشي

أخذت الجوال واتصلت على اخوي

قلت له: وين ذهبت؟؟

قال: قال شوي وابجي ، هل تريد شيئأ يا أحسن أخ في العالم

قلت: لأ، بس وش هالعطر الحلو اللي أنت حاطه؟؟

قال: هذا شاريه من زماااان!!! له سنه عندي!!!

قلت: طيب ، وايقنت تمام اليقين انه يكذب ، خصوصا وانه مشهود له بالتسذب


بعد ايام ، دخلت بيتنا واتجهت الى غرفتي ، وشفت الانوار مولعه؟!! ، اقتربت وسمعت صوت أوجع قلبي وذبحني من الوريد الى الوريد وما زلت أسمع تش تش تشششتش تش تش حتى كدت أن أسقط أرضاً ولكن الله سلّم..


طلع اخي من غرفتي وهو فااااق خشته ورائحه العطر تفوح في الارجاء

لم أستطع الكلام من هول الفاجعه :sad:

ولكني قلت له : أقل شي يالخبيث اذا بغيت تبخ بخ شوي ولا تكثّر

فاستجاب لامري ولكنه قال : حلو عطرك بس تراه يبي يقضي



اذا على اخوي ما عندي مشكله لكن يا شين اللي ما يمون ويبدا يلعب باغراضك قصدي بعطوراتك



بس خلاص،،




تحياتي لكم،،
اضافة رد مع اقتباس
  #2  
قديم 31/07/2006, 12:50 PM
في انتظار تفعيل البريد من قبل العضو
تاريخ التسجيل: 23/04/2005
المكان: جـدة غيير ..!
مشاركات: 5,001



اثاري اخووك مهووب سهل
اضافة رد مع اقتباس
  #3  
قديم 31/07/2006, 01:00 PM
زعيــم مميــز
تاريخ التسجيل: 02/01/2006
المكان: خارج المملكـة
مشاركات: 5,143
سلملي على اخوك

يذكرني بنفسي ايام زمان>>>> اخس يالشايب

موضوع فلة من جد

يسلمووووووووووو
اضافة رد مع اقتباس
  #4  
قديم 31/07/2006, 02:30 PM
الصورة الرمزية الخاصة بـ هلااالي الماااسي
زعيــم مميــز
تاريخ التسجيل: 07/08/2005
المكان: jeddah - london
مشاركات: 3,276
يسلمـــــو على الموضوع الشيق


أما أنت أنشق لين تمــــوت يعني " ما عندكـ أحـــد "


وأخـــوكـ هذا أبو 19 خريفاً شكلهـ مب هين أحس أنه كان مواعد " كوندليزا رايس "
اضافة رد مع اقتباس
  #5  
قديم 31/07/2006, 03:19 PM
زعيــم فعــال
تاريخ التسجيل: 17/07/2002
المكان: حيث تسكن الحروف
مشاركات: 205
بصراحة ممتع جدا لحد أنني ابتعدت كثيرا عن المألوف ..

وهذا يجعلني أحمد الله كوني الأصغر لا الأكبر ..

دامت لك هذه الروح الممتعة

أخوك الأصغر : الهارف
اضافة رد مع اقتباس
  #6  
قديم 31/07/2006, 05:02 PM
زعيــم نشيــط
تاريخ التسجيل: 07/07/2006
المكان: الريــــــــــاض
مشاركات: 684
أخس يالأمريكي .. أجل أمس جاي من أمريكا..
ألا وش جايب لنا من أمريكا.. أو جاي ويدينك
تطوطح..


تبي الحل مع أخوك ..الحل عندي؟؟؟
عطه فلكه ..شرط أنه ماراح (يعتّب)السيب اللي فيه
غرفتك..
وبيحرم يحط عطر مره ثانيه..
<<<<<< طلع غبار يوم قلت فلكة..


أو تدري بس الأمر سهل ضعيف أخيّك يبي الزين
خله يحط من عطرك
( واذا خلص أشتر ثاني)<<<تقدرون على الذكاء..


والله أنك صادق ..ياشين اللي يطيح الميانه..ويأخذ من أشغالك
ومعرفتك فيه سطحية ..هذا والله ودك تفقع وجهه..

<<<< الى الان مدري وش أبي كل شوي لي رأي..

..عطرتنا بموضوعك..
اضافة رد مع اقتباس
  #7  
قديم 31/07/2006, 07:01 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
خلينا نطلع من الموضوع على الأقل بشي مفـــــــــــــــــــــيد

ما قلتلنا وش اسم العـــــــــــــطرررررررررررر
اضافة رد مع اقتباس
  #8  
قديم 31/07/2006, 07:03 PM
موقوف
تاريخ التسجيل: 13/08/2005
المكان: الدمـــــام
مشاركات: 2,833
تصدقون انا افتكرت في عطر
اضافة رد مع اقتباس
  #9  
قديم 01/08/2006, 08:36 AM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
هلا صباح الخير،،

_____________________________________

J @ M @ L


إقتباس
اثاري اخووك مهووب سهل

لا مهوب سهل ، اخوي محمد >>>>> ياشين خفة الدم الساعه 8 الصبح


_____________________________________

ابويارا المغترب

إقتباس
سلملي على اخوك

يذكرني بنفسي ايام زمان

يبلغ انشاء الله ، بس أيام زماااان ما فيه الا ورد أو دهن عود، يالشايب

الله يسلمك ،، تشكراات

_____________________________________

هلااالي الماااسي


إقتباس
وأخـــوكـ هذا أبو 19 خريفاً شكلهـ مب هين أحس أنه كان مواعد " كوندليزا رايس "

يمكن بس يقولون كوندليزا رايس تحب البخور أكثر;)

الله يسلمك ،، تشكراات

_____________________________________

الهارف


إقتباس
بصراحة ممتع جدا لحد أنني ابتعدت كثيرا عن المألوف ..

ما يضر يابعدي اطلع عن المألوف ، غيّر الجو شوي;)

إقتباس
أخوك الأصغر : الهارف

ما يهمني ان كنت الاصغر أو الاكبر ، المهم انك الهارف اللي له عندي كل تقدير ..


مشكور ،، و عساك دوم مبسوط ..

_____________________________________

متلثمة بشال الهلال

إقتباس
ألا وش جايب لنا من أمريكا.. أو جاي ويدينك
تطوطح..

ما تطوطح ولا شي جايب لكم معي " ِبـس باس " >>>> تعرفين البسباس؟؟

إقتباس
تبي الحل مع أخوك ..الحل عندي؟؟؟

الله يرحم والديك، لا عمرك تحاولين تجيبين حلول

ما عرفنا لك مرّه كفّخ اخوك ومرّه اتركه ضعيّف !!


تشكرااتي لك ولردك الخفيف الوسيع الصدر ..


_____________________________________



آآآي وِل كوم بااااك أقين ،،
اضافة رد مع اقتباس
  #10  
قديم 01/08/2006, 01:11 PM
زعيــم نشيــط
تاريخ التسجيل: 07/07/2006
المكان: الريــــــــــاض
مشاركات: 684
ما تطوطح ولا شي جايب لكم معي " ِبـس باس " >>>> تعرفين البسباس؟؟


*********************************

بس :sad: .. ماجبتى الا بسباس..على الاقل كان
جبتى معها بقرا ،،وحميضا..

البسباس،،بقرا،،حميضا : نباتات خضراء تؤكل..
( واللي ماوده يأكلها لايأكلها)..

اضافة رد مع اقتباس
  #11  
قديم 01/08/2006, 02:03 PM
زعيــم فعــال
تاريخ التسجيل: 18/07/2006
المكان: الريــــــــــــــــــاض
مشاركات: 451
ههههههههههههه

أما أنت وأخووك

بدعه بصراااحه
بس أحسن تستاهل ماغير توزي عطوورك
يا أخي خل الناس تستفيييد
اضافة رد مع اقتباس
  #12  
قديم 01/08/2006, 04:20 PM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
زانت علومك يالهاوي ..!!

أجل أمريكا وبسباس ..

المشكلة إن الوقت ماهوب وقت بسباس ..ماعندك إلا قوايل تشوي الطير ..

على العموم ما لك إلا إنك تفتل الشنب وتشتري لك خيزرانة بثلاثة ريال وتحطها فوق الدولاب .. وكل ما دخل أخوك تمحطه بالخيزرانة وتقول له .. كم مرة قايل لك لا تاخذ أغراضي .

بس المشكلة إنه 19 صيفاً .. يعني المفروض إن الطريقة ذي تنزرع به من يومه صغير ..

إلا وش اسم العطر ...<---- ماله داعي الحماس مع السالفة


تحياتي لك يالغالي ،،،
اضافة رد مع اقتباس
  #13  
قديم 01/08/2006, 06:54 PM
زعيــم مميــز
تاريخ التسجيل: 17/01/2006
المكان: ممـــلكـة الهــــلال
مشاركات: 1,567


ههههههههههههههههههههههههه

طيب كان غبيت عطرك عشان أخوك ما يشوفه ,,

عالعموم مشكور ,,
اضافة رد مع اقتباس
  #14  
قديم 01/08/2006, 10:38 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
أقول إمش تعشى معي في بوفية ام ( ما كد ونال ودز )

والله إن موضوعك مصرقع

وأحس إن العطر سعره 40 ريال
اضافة رد مع اقتباس
  #15  
قديم 02/08/2006, 02:53 AM
زعيــم مميــز
تاريخ التسجيل: 29/10/2005
المكان: أحلام نهايتها سراب
مشاركات: 11,207
يعطيك العافية

تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:39 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube