بما أننا هنا اعضاء لهذه الشبكة العزيزة , ونحن اخوان في الحقيقة ..
قلت خلونا نتعرف على بعض اكثر , ميولنا و نشأتنا ووضعنا في البيت و المجتمع و حالتنا الاجتماعيه ومغامراتنا و هوايتنا ووو الخ .......
يعني زي ما انا بسوي اللحين .. (( ببدأ في نفسي ))
********
اختكم بالله فيلسوفة او اسمها الحقيقي ( سارة ) >>>عادي ما فيها شيء .. ما صارت جريمه ..
طبعاً ادرس في واحدة من مراحل الدراسة وبالتحديد ( الثانوية ) >>> يا ويلهم منها لو انصدموا ...
انا الثالثة من اخواني , وفوقي بنت وولد ... اختي الكبيره تحبني الا تعشقني بجنوووون ومشكلتي اني
مطنشتها ..خخخخخـ بس اخوي الكبير نقره بنقري الله يستر منه بس , أنا ما تعلمت المهاوشات وطوالة اللسان الا منه (( الله يسامحه)) خخخخـ بس انه حبوووب وقلبه طيب .. ;)
وفي اربعة اصغر مني ثلاثة اولاد و بنت .. ويا انا متسلطة عليهم تسلللللط ماصار ولا حصل خخخخـ
صراحة احنا الثلاثة الكبار مهددين الامن القومي في البيت خخخخـ مطلعين قروونهم ..
مسووين شلة لا يعلى عليها في المهاوشات و المضاربات والمطارحات , وابشروووا في الافلام الاميركية بالبيت خخخـ كل يوم والثاني مسووين مواااااااال و مسوين خناقه على اتفه سبب ..
وللأسف اني حاولت اصلاح المجتمع اللي في البيت ولكني فشلت والسبب اني (( رأس الافعى )) خخخخخخخـ
يقالي بسوي خييير اللحين , عاد قالت لي امي ( انتي فكينا من شرك اول )
هع هع هع هع
لكن بيتنا صراحة تقدرون تسمونه بيت نظااااامي , يعني لا يغركم الكلام اللي قلته >>> ترى نصه نصب في نصب ..
خخخخخـ
يعني احنا نصحى الصباح بدري حتى في ايام الاجازات , وننام بدري يعني ما تجي الساعة 1 بالليل الا البيت نااااااااايم في سابع نووومه ..
وذاك الوقت اجيكم انا عاد اسرح وامرح في البيت على كيفي بالطول والعرض خخخخـ وامسك الريموت واقلب بالقنوات ,و لا افتح النت واشتغل وبيني وبينكم ادخل المطبخ وآآآآآآآكل .. هههههه
بس للأسف الشديد القوانين الصارمة في البيت تمنعنا من بعض الاشياء .. مثلا اهلي يحددون وقت للقعده على النت , ووقت للطلعة برا البيت ووقت للنوم ووقت للتيلفزيون ووقت للعب ووقت للدراسه و قت لمدري ايش و و و و .......
يعني تحسون بيتنا يمشي بالدقايق والثواني , اما ساعة بيق بين حقت بيتنا فضيييييعة صراحة , عاد يا ليتها مثل بيغ بين الاصليه ( يعني مثلا كل ما جت الساعة 12 تدق ) ,, بس ساعتنا اللي في البيت لاااا ( كل ساعة تدق )
وآآآخ بس من وجع الراس منها .. :sad:
أنا عن نفسي احب القرأه كثيييير ( الروايات , الكتب التاريخيه , الجغرافيه , الرياضيه , العلميه , السياسيه ) هههه ما خليت شيء ... ;)
احب الكتابه الادبية ( قصص , خواطر , شعر , نثر , خطابات , رسائل )
وعندي هواية جمع ظروف الرسايل , بس مو الظروف العاديه ,, ننننو انا احب اني اجمع الظروف اللي يكون فيها صورة بنت او ولد او صورة طبيعيه ( اظنكم فهمتوا وش اقصد ) ..
احب ركوب الخيل , والسباحه , احب اسوي مقالب في خلق الله ... خخخـ
احب اروح السوق ولكننننن ( من دووون فلوس ) خخخخخـ عاد شلون جت هالهواية مدررررررري ..
احب اتفلسف على الناس خخخـ ( هذي الصراحه )
احب احل مشاكل خلق الله ( هذي الحقيقه ) >>> خلها تحل مشاكلها اول ..
وتبوون الصراحه ( احب اهبل بالعياااااال ) يعني احب اجننهم و اهبل فيهم , واخليهم ما يعرفون رأسهم من بنكرياسهم .. خخخخخخـ
احب الاناقه و الموووضة , والمكيااااااج >>> ما عليكم منها لا اناقه ولا موضع ولا مكياج كله تخبيييييص ... خخخخخـ
مشاء الله عليك فيلسوفة الكرة 100% مفصلة في كل شي مابقي الا تقولين كم مره تشربين بيبسي في اليوم
اما بالنسبة لي انا (طال عمري) <<<< ذابحة الغرور
انا اسمي لؤي (سعودي لا تفهمون غلط ) بس ابوي الله يهديه سماني بدون ما يشاورني
أدرس في المرحلة الثانية الجامعية (مراقب صحي) <<<<<<شغلته مكافحة الامراض
انا اكبر اخواني ومتسلط عليهم مافيه احد يقدر يسوي شي الا بإذني <<<<< مسوي عليهم فتوة في البيت
احب الدردشة والسواليف مع الناس المحترمه
ما ازعل من انسان مهما فعل خصوصا اذا كان صديق
احب القراءة وخصوصا الروايات <<<<<< الانترنت ماخلى فيه وقت للقراءة والروايات
اعزب وغير متزوج وليس لي ابناء <<< اهنيك على الذكاء الخارق
اتمنى الزواج قريباً
من امرءه تكون جميلة ومحترمه
وتعرف تطبخ (مافيه امل تلقى )
وتقدس الحياة الزوجية <<<< دايم يسمعها بس مايدري وش معناها
وبس
اتمنى تفيدكم سيرتي الذاتيه في امور الحياة المختلفة <<<<< قايلكم مغرووووووووووور
اعزب وغير متزوج وليس لي ابناء <<< اهنيك على الذكاء الخارق
اتمنى الزواج قريباً
من امرءه تكون جميلة ومحترمه
وتعرف تطبخ (مافيه امل تلقى )
وتقدس الحياة الزوجية <<<< دايم يسمعها بس مايدري وش معناها
وبس
اتمنى تفيدكم سيرتي الذاتيه في امور الحياة المختلفة <<<<< قايلكم مغرووووووووووور
هلا والله فيييييييييك ساميوووووه ..
على فكره اسمك حلووو مافيه شيء
بس عاد عندك خطأ في كلمه ( امرأه ) انت كتبتها ( امرءه )
خخخخ قلت ابتصيد لي احد . .
والله عجبتني صرااحه
احلى شيء انك اكبرررر واحد يا ما تمنيت اني اكووون كذا ..
الله يوفقك بدراستك , وبحياتك , ويجيب لك الزوجه الصالحه ..
أنا عريب أحب النووم كسوله لأبعد الحدود وشايله يدي من كل شي وما اتحمل مسؤليه
بارده غبيه دايم نكبه وما علي من شي فاهيه تركيزي صفر دايم افشل اهلي بغبائي
يعني ماطلع لحالي لازم معي وحده من خواتي ترقع علي لأني دايم أخور
ترتيبي السادسه من اخواني والخامسه من خواتي وفيه اثنين قلق أصغر مني
أقول قلق لأني مسيطره على الوضع ست سنوات الى وقت تشريفهم بعدين صار ترتيبي غير مهم
الحين أنا الكبيره بس ما احد معطيني وجه وأنا خاله وعمه وايضاً غير معترف فيني
أحب أقراء كثير وادرس في الكليه بس ماعندي سالفه لأني ما احب الدراسه
ما احب الإلتزام بقوانين معينه واحس الدراسه تقييد مافيه دراسه عقب العشا
طبعاً ما احب الطبخ ولا المطبخ ولا شغل البيت يعني أكل ومرعى
بيتنا كل شخص ونظامه يعني أمي وابوي يقومون بدري وينومون بدري
أنا نايمه اربعه وعشرين ساعه عماد الشيء نفسه حمودي لين الحين فيد أمي ما خربناه
طبعاً هو مدلع شوي الا كثير ما خذاها الا حمودي وعصام وعزيزه
أما أنا ياعمري يا أنا مااحد دلعني على قولة عهود مدلعه عمرتس;)
وإن كان ما اظلم أمي وابوي يعاملونا مثل بعض ومعطيني وجه بزياده
يعني أحياناً يرحموني لأني دايم جالسه مع نفسي على قولتهم ماتملين
صح أحياناً أمل مني بس يالله مالنا الا بعض أنا وأنا لو ماتحملتني من بيتحملني
الله لايحرمني مني ويخليني لي آآآمين
طبعاً ما اجلس مع خواتي هم دايم مع بعض وسوالفهم كئيبه وممله ودايم يتريقون علي
ما يبقى موقف غبي الا ويذكروني فيه وكأن مافيه أحد غبي غيري
حياتي مافيها شي كثير يا نايمه يانايمه وإذا مليت نمت عشان اكسر الروتين
حكمتي في الحياة <<<كل مايعجبك والبس مايعجبك ولاتسمع كلام الناس
تعارف بين اعضاء المنتدى ,, 
هههههه 
على قولة عهود مدلعه عمرتس;) 
آآآمين
الوضع العادي
