رجعنا من جديد ياسعودي نت :: الاتصال بطئ جدا :: - نادي الهلال السعودي - شبكة الزعيم

Mr.GoaL · #1 24/07/2006, 07:48 PM

السلام عليكم

قبل ايام صارت مشكله في النت وصار بطئ

ومن ثم اختفت

واليوم رجعت المشكله من جديد وصار اسواء من السئ

والله اني استخدم الديل اب احسن منه الف مره

والمشكله الثانيه يقولون دعم فني 24 ساعه وتتصل عليهم ماتحصل سنع

الله لايوفقكم ولايجزاكم خير ياسعودي نت

من ياخذ اشتراكي 512 3 شهور لو مايعطيني الانصف المبلغ بس

وماراح منه الا تقريبا اسبوعين

شئ يرفع الضغط من جد

M O U R I N H O · #2 24/07/2006, 07:58 PM

شكلي نكبتك معهم ..

والله يالغلا أكثر من 40% من الإتصالات رايحتن وطي ( على كلام واحد من الشباب )

وأنا الحمد لله من أول ماشتركت إلى الأن مانفصل ولا مرة وسريع على طول .. :p

الـرايـــق · #3 24/07/2006, 09:58 PM

البارح سعودي نت زفت بالحيل
تصور ان سرعتي 128 والتحميل مايتعدا 2 كيلو بايت
على العموم كلمتهم وقالوا كالعاده ان المشكله ماهي من عندنا
لكن هالمره يقولون انها من مدينة الملك عبدالعزيز
انا الان اخذت نسما وشغال كويس لحد الان مع انه ما كمل 24 ساعه ما نقول الا الله يستر

عاشـــــــ سامي ـــق · #4 24/07/2006, 10:34 PM

أمس زفت أنا معكم ..

اليوم تماااام معي ! ..

الله يعينك أخوي ..

الهلالي النايم · #5 24/07/2006, 10:44 PM

اقوول ترااكم غثيتوونا بذ الدي اس ال << منفهر لان ما عنده

خخخخخخخخخخخخخخخخخخخخخخخخخخخخخخخ

الفرحان · #6 25/07/2006, 02:13 AM

الاتصالات السعودية: بطء الانترنت بسبب عطل في الكيبل البحري !!

وسعوا صدوركم

كلنا نعاني ويمكن حنا اشد

يوفي VIP · #7 25/07/2006, 06:52 AM

الا أنا عايش مرتاح في حياتي مع الدي اس ال ..

من 3 ايام الدي اس ال ماعاد يشتغل عندي ماادري وش المشكلة ..
ومن يومين الى يومك هذا جربت اشتراك اول نت سرعه 64 ..

والله سرعه التحميل 8 مع التصفح ..

شغال على ما يرام ..
اما السعودي نت الله اعلم بحالة ..

مصفق إبليس · #8 25/07/2006, 03:11 PM

شباااب انا عندي دايل اب خط تلفون عادي والنت بطيء لا يكون الدي اش ال عادانا

وش المشكلة شباب ؟؟؟؟ حتى الدايل اب صار بطيء

عاشـــــــ سامي ـــق · #9 25/07/2006, 04:47 PM

888
ما أظن له دخل

هلالي و مانشستراوي · #10 25/07/2006, 11:59 PM

انا بعد مرات يشتغل ومرات لا واذا اشتغل يصير بطئ ومرات سريع يعني يوجع الراس .. بس دقيت عليهم قالوا المشكله مو من عندنا ..

اقتراحي لك اخوي Mr.GoaL دق عليهم وخلهم يوفقون اشتراكك .. واشتر بطاقه ثانيه لمدة شهر .. وبعد شهر باذن الله بترجع السرعه طبيعيه .. واذا رجعت رجع الاشتراك ...

تحياتـي ؛؛