مساء معطـر برائحة الجـوري والـورد .. مساء كله تفائل لِـلبنــان أن تُـرد ..

حياكمـ الله اخواني .. اخواتي .. يـــاهــلا ومسهلا فيكم..
0000
000
00
0

اسمحوا لــي أن اتحدث هذه المره باللهجه العاميّه .. الأكثر تداول في المنتدى ..
الا عــلى طـاري التداول .. بشروا ساهمتوا ... والا لسه ..

المهم خلونا في موضوعنا .. أمس القريب كنا مجتمعين حنا والأقارب جمعه معتادين
اننا نجتمع كل اسبوع.. من باب التواصل .. والسلام .. .. وكثرة الكلام .. وحنا مجتمعين في المجلس .. تطرقنا
لجميع السوالف ..مافيه سالفه خطرت بالبال الا وطرحناها .. حتى قضية الملف النووي .. والاسهم .. وسوء الادارات
الحكوميه <<اعتبروا نفسكم ما قريتوا الكلمه الاخيره ..

وتشعبنا في السوالف الى وصلت للزواج .. قال واحد من الشباب على طاري الزواج اليوم اكمل السنه الثالثه
مــن زواجي .. والثاني قال مالي الا ثلاثة أشهر .. يعني لسه عسل وبسمة الزواج ماراحت ..

من هذا الباب .. تكلموا عن الرجال بشكل عام .. انهم اول الزواج مبسوطين مع زوجاتهم .. ولاينافخون
ولايخالفون قوانيين البيت .. يعني من الساعه 11 حكم مرتز عندها بالبيت .. وبعد مرور أربـع سنوات تقريباً ..
ما يجي الا مع صلاة الفجر.. << هذا كانه ما طنش وأمسى في الاستراحه ..

من كلامهم تذكرت الرجال اللي لما خمعت زوجته في عبايتها<< يعني طاحت .. او (سقطت بالفصحى يا ابو ريمان) زوجته بالمطار فترة شهر العسل .. قال لها : بسم عليك ياقلبي .. ولما طاحت بعد فتره طويله من زواجهم ..قالها وجع .. ماتشوفين يالتسفيفه .. يعني فرق بين أول الزواج وآخرها .. طبعاً مو كل الرجال كذا

<< انا مابعد تزوجت ومالها داعي انطرد لما اتقدم لأحد ..
علشان مانهظم حق بعض الرجال .. فيه كثير منهم من تزوجوا إلى الحين وهم حياتهم عسل على عسل ..وهذي مو مجامله .. بالفعل في رجال ماشاء الله هو وزوجته مثل بباي وزيتونه مايتفارقون.. والبسمه دايم على محياهم..

طبعاً .. واصلنا الحديث .. وناقشوا عن كيف تنادي زوجتك ..

واحد قال أنا الى الحين ماأقول الا حبيبتي .. وقلبي .. وعمري ..<<ياسلام ع الرومانسيه .. والاناقه مـع انه ساكن مع أهله .. لكنه صادق.. واستدل لنا بواحد من عيال أخوه..وقال ولد أخوه (صح) .. يناديها حبيبتي

أم الثاني .. قال أنا مستحيل أقول حبيبتي.. .. أنا ما أقول الا ياهييي .. او أنتي .. او ياهوووه .. ياولد .. طبعاً هذا الشخص ماعنده ذوووق ابد .. وين احترامك لأم عيالك .. ياهووه .. تنادي واحد من الشباب
أقل شي يا أم فـــلان ..

ولما تسائلنا ليه تقول .. كذا قال خلاص الحين عندي عيال .. وماله داعي هالكلام الحلو .. <مسوي ابو أربعين سنه .. وهو ماعنده الاولدين .. يعني هذا عن جد هاظم حق زوجته حتى في مناداته لها .. والمشكله أنها تقول سم ولبيه .. وآمر .. وهو مطنش .. .. المفروض تدلعها ..مثلاً إذا كان اسمها سمرتقول ياسموره <<تذكرت بابافرحان
او مثل كذا .. وصدقوني بالكلمه الحلوه.. الزوجه تحطك بعيونها .. بس لازم تقدر مشاعرها ..

تبغون الصدق .. الزوجه مهضوم حقها من كثير من الأزواج .. وهي صايره لهم كل شي .. هي اللي تطبخ ..واللي تغسل .. واللي تشيل عنك هموم الدوام .. وتستقبلك وتوعدك لما تطلع .. *على قولة القاضي* .. وتصير المسشتار الاول لك بعد والديك.. وهي اللي تسهر عليك لما تتعب .. وتصير في مقام الأم .. ولو ان مكانة ومنزلة الام أعلى .. وتمدك بشجونها .. وحنانها وهي أم العيال قبل كل شي .
ومع هذا يُهظم حقها ..

المهم آسف على الاطاله .. ونصيحه لكل متزوج ..
( لاتهضموا حق زوجاتكم .. فهي من تدعوا لكم وترعاكم)..

هذه النصيحه برعاية .. هذي المره مو صب واي <<برعاية الفخّار

ولكم من أرق وأعذب التحايا ..
ودمتم أحبتي بكل الود وعبير الورد ..

لا يخجل من أسم إمرأته إلا أحد رجلين ، إما أنه رأى القوم هكذا فأصبح مثلهم أو أنه فيه جاهلية.

السلام عليكم


هلا بالكلاسيكي امتعتنا بمواضيعك وطرحك الجميل

بالنسبه لي خل تجي الزوجه وتشوف الدلع كله
الله بس متى يجي هاليوم
بالنسبه للشخص المفروض انه يدلع زوجته ويلبيلها طلباتها ويراعي مشاعرها
علشان زوجته تراعيه وتخدمه
يعني
عامل الناس كما تحب ان يعاملوك


تشـــــــــــــــــــــــــــــــــــــــــــــــــــــــــاو

يسلمووو على الكلاام الحلوووو

بعدين ذا اللي يقوول انه ينااادي زووجته هيي ويااهووه ترااه نصااب

مستحي يقوول انه ينااديهاا ياحبيبتي عندك << الاخوو معه وحناا ما ندري

أسيرة الزعيم ما أجمل حضورك و تواجدك الذي نتمنى استمراره ليس لأنك أسيرة و لكن لأن حضورك مختلف ..

الراقي بكلماته .. الكلاسيكي ..
لي عودة بإذن المولى ..

دم .. تك ..

سلامن عليم ...

اي ده . اي الجمال.. اي الحلاوه دي..

كل ذا فمخك يكلاسيكو .. وحنا تو مادرينا...

تبي الحق.... الرومانسيه ماحلى منها ...
شيء حلو لما أقولها .... ياعمري..وترد هلا حياتي .. امر يابعدهم .. تمنى ياقلبي..

وااااااااااااااااااااااااو <<<<<<< صار شوكلت..-بكسر اللام-
بس احيان لما افكر.. اقول هذا احنا البشر طبعنا كذا ....

العزوبي... بيموت على مايلقاله وحده تفهمه ..
والعريس... وده يفدي بعيونه لعيون عروسه...
وابو البزران .وده مايرجع للبيت الا بعد ماترقد هي وعيالها ...

كذا بني ادم .. يزهدون فاللي يملكون ...

بالضبط زي السياره ... بتموت على سياره .. واول ماتشريها كل يوم تغسلها وتوقفها فالظل... وبعدين تركنها بالشمس ولاتفكر...وتغبر وتوسخ ولاترحمهات... وتحرق مكينتها على ماتغير نمره ....




تحياتي...

.. ][ السلام عليكم و رحمة الله و بركاتــــــــــــــه ][ ..

مُبدع يالكلاسيكـــــي ..

و أشكرك على طرح مثل هذه القضية ..

الزوجـات لهن حقوق مهظومـة ..

و الـرجـال كذلـك !

لا أود التعمق حول هذا الموضوع ,, لأني الى الان . (( بـزر )) .. لذلك اترك الموضوع لأهل الخبره .. !

جزاك الله خير على النصيحه
والف شكر لك

هلا بالكــلاسيكي

موضوع خفيف وحلو..

لكن الظاهر الشباب من الجيل التالي تطورا شوي يعني أنتي وهيه وياهيش ، مهيب موجوده بقاموسهم ..

والله من واحد وواحد ما يقول لزوجته الا ياحبيبتي وهو موريها نجوم الظهر ..

الله يوفق الجميع والزواج زين


تحياتي لك،،