مبروك قدوم هنري مع انه ماتأكد .. بس انا اختلف مع كل اللي يبونه واتفق مع اللي عارضو مجيئه
اول شي .. هنري عمره 30 سنه يعني يعتبر كبير الى حد ما واصاباته كثيره يعني ممكن يجلس نص الموسم مايلعب
ثاني شي .. هنري يجي لازم يطلع لاعب من الرباعي ( ديكو, ميسي, ايتو , روني) طبعا
اذا كان ديكو فهو خساره كبيره .. ديكو صانع لعب من الطراز الاول وله مهام دفاعيه
وهو احسن لاعب ينقل الكور الطويله في الفريق .. صحيح مستواه نزل الفتره الماضيه
لكن كل الفريق كان تعبان واولهم روني فالعام الماضي ماهو مقياس.
اذا كان مو ديكو فأتوقع انه ايتو .. بالنسبه لي حاليا وهو رأي شخصي ايتو افضل من
هنري (حاليا) .. ايتو عمره 26 يعني في عز عطاءاته كلاعب وسريع مره واصاباته قليله
باستثناء الرباط اللي جاه.. واذا حصل لاسمح الله وانتقل ايتو من الفريق راح نندم وحنا
نشوف ابداعاته مع الفريق اللي بيروح له
24 مليون على لاعب عمره 30 واصاباته كثيره يعتبر مبلغ عالي .. صحيح انه هنري
بس هنري الموسم الماضي لم يخدم ارسنال في شي.. يعني 24 مليون تجيب لنا ابيدال
ومعه لاعب ثاني .. لان الفريق يحتاج قلب دفاع ومحورين دفاعيين (واحد اساسي وواحد
احتياطي ) ومهاجم وبالنسبه لي اشوف مليتو او فورلان هم الانسب
في الاخير .. ياخوفي يصير فينا زي ماصار في مدريد قبل كم موسم .. تجميع نجوم في
الهجوم واخرتها انهيار.. سياسة تجميع النجوم اثبتت فشلها .. الفريق يكفي يكون فيه نجم او نجمين سوبر ستار يعني وكفااااااايه
بالتوفيق للبارسا