بعض المتصلين يتفنن بعدة طرق من اجل ان ( لا يخسر ) حتى أن احدهم يتصل وبعد ان يفتح الخط يغلق ويتعذر بالشبكة.

عموما كلامي اليوم عن الاشخاص الذين هوايتهم يدق ويسكر والمشكلة حتى لو كانت الخدمة او الموضوع يتعلق به فيصر على هالطريقة الدنيئة.

بعضهم قد يكون لضيق ذات اليد او بدون رصيد فهذا معذور ولكن ان يفعلها من حاله جيدة وقد تكون جدا جيدة وممتازة فهذا لا يليق.

شخصيا اكره هذا التصرف بل انني لشدة الغضب لا ارد عليه نهائيا لكن فضولي يجبرني على معرفة من هذا الشخص ويكون الاتصال معه بغلظه.

اعرف احد المنتمين لهذه الفئة البخيلة كان يتصل بسرعة هائلة لاجل ان لا يخسر ودائما ما ينهي مكالمته ( خلاص انتظر اتصالك ) المشكلة المصلحة له وينتظر اتصالي .. حلوها !!!

وش رايكم شويه عيييييييييييييييييييييييييييييييييب

الحل مع هالأشخاص دق عليه واذا رفعها سكرها في وجهه..
أو أرسل له رساله وقوله يالبخيل وش يقرب لك أشعب؟؟؟
كود يستحي على وجهه ويترك هالحركه.. مع أني أظن ان هالنوعيه
مايأثر عليهم هالكلام..
أحسن شيء اذا قال أنتظر اتصالك ما أتصل عليه أخليه ينطق الين يتصل
هو الحاجه له بعد.. والله يقهر..

إقتباس بعضهم قد يكون لضيق ذات اليد او بدون رصيد فهذا معذور ولكن ان يفعلها من حاله جيدة وقد تكون جدا جيدة وممتازة فهذا لا يليق.

انا من ناحيتي اللي لضيق ذات اليد ارد عليه

اما اللي عنده ويسويها والله ما ارد عليه لو يخمس 5 ساعات

اخووي المئوي ... لهاا حالات :

يعني اذا كاان سوااق هذا لازم تدق عليه وخااصة اذا كاان هندي ... اذا ما دقيت عليه وشلوون اطلب الاكل


او اذا كاان ما عنده رصيد ... وغيرهاااااااااااااااااا لا تعطيه وجه

والله هالحركه ماادانيها


والله ان فيه ناس ودك تطب في بطنه وخصوصا اذا دق عليك واذا جيت ترد سكر في وجهك>>>> اطرطع

ولا فيه امل ادق عليه

ثم اذا مادقيت عليه >>> من قوة الوجه يدق ويقول... (الو عبدالله دق علي بسرعه ...طوط طوطو طوط ) سكر الرجال ماكمل ثانيه ولا حتى سلم

هذا اخليه يفحط الين يدق ويكلم زي الناس

اكثرهم حقين السوا >>> يبقي فيها 3 ريال عشان يدق على العالم ويسكر >>> ياخوي اشحن

تلقى جواله فيه 3 ريال لها شهر ولا شهرين هشان يدق ويسكر ويقول مافيه رصيد

ولا بعضهم مايدق الااخر الليل دقه ويسكر ثم اذا دقيت عليه يبدا الفقش ( والله دقيت عليك دقه وسكرت احسبك نايم ماودي ازعجك )>>> اقول بلانصب


والله قهر
اما اذا كانت لي الحاجه ودقيت على واحد ولا رد ثم دق علي اخليه الين ينقطع وادق عليه


بس مانقول الا الله يعين

وفيه بعض الناس مثلا تعرفه زين مو راعي ذا الحركات
بس تجيه احيانا وينقطع جواله ولا مايكون فيه رصيد ويدق دقه ويسكر هذا معذور لانه اما يكون طفران ولا >>> دورو له عذر


مع العلم ان هذي الحركه مكتوبه باسم بعض البنات لانهم اكثر من يسويها>>>> تلميح ودي تشحن لي

والله على حسب الشخص

في ناس تعرفهم زين مثل اخوانك الصغار او خواتك الصغار ..

هذول بالنسبة لي عادي , لكن اللي يقهرني هالسواقييين

يدقون دقة ويقفلون !!!!!!!!!!!!11

اففف يلعن ام القهر

بس طبعاً اضطر ارجع اتصل لأنها ضرورة ,


أما الناس الثانين ما ادق ولا اعطي وجه ابد ابد ,,

اما صديقاتي احنا نتفق على الرسايل دايماً , وبعض الأحيان اقول لهم

اذا تبون تكلموني على الثابت عطوني دقة وحدة بس .

.
.
.
.
شكراً اخوي المئوي على الموضوع

ياخي سهله لاسوى معك هالحركة خلك احسن منه

ارسل له رسالة كول مي مدري كلني اللي تعني كلمني

مع السلامه

فـي نـاس هـوايتـهم .. (( كــول مــي )) .. <++ زيي ..!!..

اووووووووووووووووووووووووووه ياكثر هالنوعيه ..
انا بيني وبينك اللي عارف لهم مايشحنون اللي بشق الانفس ارحمهم واتصل عليهم ..
بس المشكله بعض الناس اللي توه شاحن ومع ذلك رنه ويقفل .. هذا يقفلها معي ..
ولا فيه امل اتصل فيه .. حتى ولو ازعجني ..

طبعاً هذا الكلام عن اخوياي .. بي اخوي الصغير دايم رنه ويقفل وارد .. اقول اخاف يبغى شي ضروري ..

عموماً لك الف شكر ع الموضوع .. دمت بخير

متلثمة بشال الهلال :
كلامك حلو لكن لايؤثر فيهم التلميح ولا التصريح .. شكرا لتواصلك

هلالي الدمام :
شكرا لتواصلك ..

سهل :
صادق لا عادها الله من نومه وارى ان الشخص صاحب الحاجة عليه ان يتحمل تكلفة المكالمة... شكرا لتواصلك

الهلالي النائم .. ( ارجو ان تكون صاحي ):
بالنسبة للاجانب فبعضهم يكون بحكم المسكين والضعيف وذلك لقلة دخله الشهري ومن ان الافضل ان لا يتحمل المكالمة... شكرا لتواصلك

حبيبي توتي:0
اذا دق عليك احد وقال دق علي اسحب عليه وقل انا مشغول خله يفهمها ويتمنى لو تعطيه وجه ولو ربع دقيقة وهناك ناس ما يعرفون حركات ( البخلاءءءءءءءءءءءءءءءء ) .. يا حبي لهم.... شكرا لتواصلك

فيلسوفة الكرة 100%:
اتفق معك وارى ان الافضل التواصل بالرسائل اما السواليف ( اللي ما لها داعي ويا كثرها ) تكون على الثابت... شكرا لتواصلك.

فتى المدينة :
فكرة حلوه ... شكرا لتواصلك

الكناري الازرق :
الله يقويك ... شكرا لتواصلك

الكلاسيكي :
اتفق معك لكن من اين جاءت هالحركات .؟ البعض تلقاه يصرف في اشياء بغير محلها ويبخل في الاتصالات بالرغم من الحاجة له في المقام الاول... شكرا لتواصلك

اخيرا .. قبل ثلاثة ايام تقريبا كنت في قصر احد الاقارب وبعد ان انتهيت من القهوة خرجت واذا باحد الابناء ( رصيده فوق 3 مليون .. الله يزيده ) يدق علي ويسكر ..!! ( سلامات ) طبعا هذا الشخص لم اراه اثناء الزيارة وبمجرد هذه الحركة ضاق صدري فاتصلت به وبالرغم من إلحاحه على عودتي إلا انني كرهت العودة لمجرد هذه الحركة ورددت : اجييييييييييييييييكم مرررررررررررة ثانييييييييييييية

تصيـــــــر معي كثير..



أنا تجين إتصــــــــالات من أرقام ماأعرفه وإذا رديت قفـــل..



ولا أسوي شي ..



وإذا دق نفس الرقم مرهـ ثانيه أقفله بوجهـه..


وأن دق أخليه إلين مايمـــل..



أما اللي يـــــدق وبفصــــل وأكون أعرفه وأعرف أن هالشخـــص بخيل ..



ماأدق عليه..


إذا دق قال أتصل وقفل ماأدق وإذا دق مرهـ ثانيه أقول جوالي مفصـــول...



الحيــن اللي جواله منفصل يطيح لي بـ (كول مي)....


وإذا جتن عرفت أن الجــــــوال مفصــــول...



اللــــي يدق ويفصــل ماأعطيه وجــه..



لذلكـ أنـــــا مريحهم ومريـــــح نفسي..


ولا عندي أي فضول عشان أعرف من صاحب هالرقم والحمد لله ..




يعطيكـ العافيه موضوع روعـــه

هلالي القرعاء :
اعجبني تعاملك مع مثل هذه الاشكال .. شكرا لتواصلك


الذئب الازرق :
الله يكون بعونك .. وشخص واحد تقدر تسيطر عليه لكن المصيبة اذا كان اكثر من شخص يمارس هذا الاسلوب .. اتذكر واحد دق نصف رنه وعلى طول اغلق ..!! استغربت انا لا اذكر ان هناك موعد او شغل معه .. وبعد تفكير تذكرت انه يبي خدمة ويقالك هذا تذكير .. طبعا انا قلت شكله يبي يذكرني .. شكرا لتواصلك.