رابطة عُـشّـاق الـــريدز .. ][ ليفربـــــول ][ .. 2006 - 2007 - صفحة رقم 149 - نادي الهلال السعودي - شبكة الزعيم

YNWA · #2221 04/10/2006, 02:21 AM

إقتباس


	يابعدي والله يبو ابراهيم وانا ماقصدت اخذ موضوع فاولر لاني ادري ان محد يصلح يكتبه الا انت بس انا قلت اخاف احد يكون سابقني بجيرارد ( والجميع فيهم الخير والبركه ) الا ماسمعت بليدل من قبل يبو ابراهيم

أبوتركي وش دعوه أنا وأنت واحد وتراي أتكلم من جد فاولر صحيح ماأبيع ولا أشتري فيه
وحاقد على هوليه الى الان بسبب بيعته ولكن خلاص الموضوع لك وأدري أنك بتعطيه حقه

T W I N S O U L · #2222 04/10/2006, 02:40 AM

مساء الخير شباب كيفكون إن شاء الله منيحين
بصراحة ما شاء الله على رابطتنا الحمراء بوجودكم دايم في العالي بمواضيع النقاشات اللي تجي ع الجرح

واليوم مبدعنا x14alonso جاي لنا بموضوع مهم يمس الحمر بالذات
رافا من بداية الدوري وهو ما خلانا نشوف اللاعب في مباراتين في مركز واحد

اولا / موضوع التدوير رايكم فيه ؟؟؟

والله موضوع التدوير المفروض يكون بحدود المعقول لكن لازم يكون لك تشكيلة ثابتة ويتم التدوير في المباريات السهلة اللي ع الانفيلد

ثانيا /هل هو مناسب لليفربول ؟؟

إلى الآن اللي نشوفه أنه ما يناسب لأنه أعدم الانسجام بين اللاعبين

ثالثا / هل هو من اسباب ما يحدث للفريق من تذبذب النتائج؟؟

أكيد لأن الانسجام معدوم بين اللاعبين
رابعا/ رافا قاعد يتكلم عن التدوير ولكن كراوش ما شفناه لحد الان في هذا المبدا
غير في مباراة وحده فقط اللي هي مباراة الاتراك رغم ان كراوش في افضل حالاته الان
...السبب؟؟

اعتقد أن رافا يرى أن كاوت وبيلامي مشروع ثنائي قوي ويريدهم أن ينسجموا مع بعضهم ولذلك لا نرى كراوتش
أنا مع توقعه لأنهم لاعبين سريعين لكن إلى الآن لم يحدث الانسجام
والمفروض أنه يستفيد من مستوى كراوتش الرائع هذه الأيام

T W I N S O U L · #2223 04/10/2006, 02:46 AM

إقتباس

الرسالة الأصلية كتبت بواسطة ابو حنفي


	اشوف موضه ( حرق المواضيع النقاشيه مدهره هالايام ) من بعد ماحرقتوا موضوعي حق كيويل ابو محمد حرق موضوع ابو اريام .. ;) طيب انا عندي اقتراح الواحد يحدد موضوعه الي بيطرحه مستقبلا اذا كان الدور عليه منها ان محد يحرق الموضوع ومنها ان الاعضاء يتجهزون له .. @@ تحياتي لكم يامبدعين ..

هههههههههههههههههههههههه

G E R R A R D · #2224 04/10/2006, 02:47 AM

^^^^

ابو ابراهيم يابعدي

الظاهر انك مالك حيل تكتب موضوع فاولر ولصقته بابو تركي

<< كافشك

الا تعال ماقلت لي رايك بالتوقيع تراه لعيون عشاق فاولر

وانا من ضمنهم

Madridi · #2225 04/10/2006, 02:47 AM

حصيلة الاسبوع من اقوى البطولات (الانجليزي-الايطالي-الاسباني)

شاركوني

G E R R A R D · #2226 04/10/2006, 02:58 AM

نرجع لنقاش ابو اريام

إقتباس


	اولا / موضوع التدوير رايكم فيه ؟؟؟

والله من ناحيه المبدأ هو رائع جدا ... لكن بعقل

وراح اقول لك وشلون بعقل ... يعني انه يكون لنا تشكيل ثابت نمشي عليه عده مباريات

وفي ظروف معينه اصابات او ارهاق نغير في مركز او مركزين او 3 كحد اقصى

يعني مثلا يكون بين ريزا ووارنوك او بين كروتش وبيلامي او بينانت ولويس جارسيا

ويكون فيه لاعبين لاغنى عنهم بالتشكيل مثل رينا وكارا وفينان وجيرارد والونسو وكويت

إقتباس


	ثانيا /هل هو مناسب لليفربول ؟؟

ارجع واقول مناسب ... ولكن بالعقل

لانه ليفربول لديه الزاد البشري الكافي لمثل هالعمليه

ويكفي ان نقول ان لاعبين مثل دوديك وهيبيا واوريليو ووارنوك ولويس جارسيا ومارك جونزاليس وكروتش وزيندن يتواجدون على الدكه ...وهم يكونون اساسيين لو بفرق اخرى

إقتباس


	هل هو من اسباب ما يحدث للفريق من تذبذب النتائج؟؟

مع الحظ السيء والتحكيم الفاشل هو اهم الاسباب في تذبذب النتائج

إقتباس


	رافا قاعد يتكلم عن التدوير ولكن كراوش ما شفناه لحد الان في هذا المبدا غير في مباراة وحده فقط اللي هي مباراة الاتراك رغم ان كراوش في افضل حالاته الان ...السبب؟؟

غريب امر رافا مع كروتش ... الموسم الماضي عندما كان يعاني من عدم التهديف كان يشركه وباستمرار

اما الان وفي فورمته لانراه الا في مناسبات قليله

غريب هذا التجاهل من رافا

ومشكور ابو اريام على الموضوع الجميل واللي في محله

الف تحيه

ابو حنفي · #2227 04/10/2006, 03:23 AM

إقتباس

الرسالة الأصلية كتبت بواسطة YNWA


	أبوتركي وش دعوه أنا وأنت واحد وتراي أتكلم من جد فاولر صحيح ماأبيع ولا أشتري فيه وحاقد على هوليه الى الان بسبب بيعته ولكن خلاص الموضوع لك وأدري أنك بتعطيه حقه

ابو ابراهيم تعوذ من ابليس وترا محد كاتبه الا انت ..

وانا راح اساعدك فيه ( كاتب كلام واجد عن فاولر بس كنت اتحرى الموضوع المناسب له وراح يكون هذا الموضوع

)

بعدين وينك انت تقول محد يدخل الفجر هذاي داخل ..

<< -- مسوي ذيب داخل قبل الاذان بساعه

G E R R A R D · #2228 04/10/2006, 03:27 AM

Liverpool Reserves: Dudek, Peltier (Smith 4), Warnock (Darby 35), Roque, Paletta, Guthrie, Pennant (Flynn 60), Zenden, Fowler, El Zhar, Threlfall. Subs unused: Hobbs, Roberts

هذي تشكيله ربعنا اللي اكلوها اربعه من نيوكاسل

وجاب لنا هدف الشرف هالذيب

^^

YNWA · #2229 04/10/2006, 03:51 AM

أبوصالح أنا وأبوتركي نصلح أطلع منها
وتوقيعك كذا

أبوتركي ترى الموضوع فيه شيء من ماقال أبوصالح
ولكن لاجيت تكتبه لا أوصيك تحط فرحته على ايفرتون
وقل وش السبب في ذلك

وش أخبار سحوركم:p

شباب أبشركم بديت بموضوع كاراقار

فيه صوره لعلم ليفربولي كاتبين عليه كلام عن كارقار
وهو أنك أفضل ليفربولي "سكاوسي" بالعالم
ياشباب تكفون حاولوا تدورونها لأني مالقيتها

YNWA · #2230 04/10/2006, 03:56 AM

^
^^

أسيــ الزعيم ــر · #2231 04/10/2006, 03:57 AM

][ حصريا ً ][.. شبكة الزعيم تستضيف المعلق المتميز عامر عبدالله ..][ إطرح أسئلتك ][

YNWA · #2232 04/10/2006, 07:07 AM

وينكم هالوقت ياحقين الفطور

يازين وقت الكبســـة اللحين

G E R R A R D · #2233 04/10/2006, 12:25 PM

إقتباس


	أبوصالح أنا وأبوتركي نصلح أطلع منها

إقتباس


	أبوتركي ترى الموضوع فيه شيء من ماقال أبوصالح

قايل لكم مايعرفه الا انا

إقتباس


	شباب أبشركم بديت بموضوع كاراقار فيه صوره لعلم ليفربولي كاتبين عليه كلام عن كارقار وهو أنك أفضل ليفربولي "سكاوسي" بالعالم ياشباب تكفون حاولوا تدورونها لأني مالقيتها

الله يبشرك بالخير

وننتظره ان شاء الله يوم الجمعه

والصوره روووعه

إقتباس


	وينكم هالوقت ياحقين الفطور يازين وقت الكبســـة اللحين

يالله لك الحمد صلينا الظهر

ومابقى شي على الفطور

الا ماقلتو لي وش رايكم برباعيه نيوكاسل :p

انا اشوف السبب الاكبر في النتائج المترديه للاحتياطي وفريق الشباب استقاله باكو استريبان اللي راح لاسبانيا

وكان هو مدربهم

F O W L E R · #2234 04/10/2006, 02:24 PM

إقتباس

الرسالة الأصلية كتبت بواسطة YNWA


	أبوأريام لاتقنعني أنك تحب بس لعب الرجال ياولد جون بارنز خال وحنا عارفين موقفك منهم يعني قولتك لعبه يعجبني ماراح تخش مزاج أي واحد بالرابطه لأننا عارفينك أما بالنسبه لموضوعك أبرجع له

ابوابراهيم قسم بالله وانا صايم

ان ايان رش وجون بارنز واحد من ثلاثه اسباب خلتني احب ليفربول في نهاية الثمانينات
وبداية التسعينات وانا توي لسا ما وصلت 15 سنه

وداري وين كنت اتابعهم ؟؟؟
كنت اتابعهم في برنامج ملخص الدوري الانجليزي انت يمكن تذكره لانك اكبرنا سنا
كان يجي على القناة الثانيه السعوديه كل يوم اربعاء الساعه اربعه العصر
وكنت بعض الاحيان اضيع لعب الكوره لما اكون عارف ان هالاسبوع مباراة قويه لليفربول بالذات
لذلك انا يوم اني اقول تمنيت جون او ايان انا صادق
وجون بارنز هو الخال الوحيد اللي حبيت وجوده في الحمر وتمنيت استمراره
الى يوم يعتزل

على كل ابوابراهيم لو تلاحظ انه طوال تاريخ الحمر العظيم
يمكن من العشرين الاوئل في تاريخ ما فيه خال غير جون وهذا دليل انه كان الخال المميز الوحيد مع الحمر

F O W L E R · #2235 04/10/2006, 02:40 PM

إقتباس


	نرجع لنقاش ابو اريام

مع احترامي لك يابوصالح هذا مو نقاشي

نقاشي انت تعرفه زيييييين بس المشكله اني لوحطيته حررته على طول

عشان كذا جبنا هالموضوع كا بديل مؤقت

إقتباس


	الا ماقلتو لي وش رايكم برباعيه نيوكاسل

هذي استمرار لحال الفريق المترديه
والله اعلم وين الخلل
وكيف راح سيتم اصلاحه

إقتباس


	اشوف موضه ( حرق المواضيع النقاشيه مدهره هالايام ) من بعد ماحرقتوا موضوعي حق كيويل ابو محمد حرق موضوع ابو اريام

كله بسبب ابومحمد يابوتركي

وانا اقول لو نصكه بعقوبه عشان مره ثانيه يتادب

@ النقاش عندي فيه اعتراضات مع بعض الشباب
ولكن خلوه بعد الفطور

<<<<<خويكم جوعان