بصراحة خال مها يقهر ..لو كان خالي كان طاردني
من بيته من زمان ..كان أنواع الهواش أنا وياه..

لو سمحت ياالكناري نزل أجزاء كثيره مع بعض<<< طراره وأتشرط


مشكووووووووووووووووووووورررررررررررررررررر..

يسلمووووووووووووووو على القصه الحلووه

كملهاا بسرررعه

بانتظاركـ يادب

ما لقيت توقف الا هنا انت ووجهك



عليك موقف زي وجهك <<<<<<<<< اعذره متحمس

منتب صاحي...

^^

شـف ان نزلـتهـا تـرى لـي علاقـات اخـلـيهم يعطونـك بـانـد .. بتُهمـة تـزعـيـل كنـاريـو .. !

و بالنسبة للجزاء تــرى الماوس خـربـان و قاعد استخدم المُربـع اللي بوسط اللوب توب .. !

و رافع ضغطي و صعب النسخ و اللصق .. !

يعني انتظروا .. !

و اللي ينزل اجـزاء ثانية يا ويـله .. !

اخخخخخخخخخخلص علينا انت ولاب توبك

نظراً لانتقال ماوس الكناري الى رحمة الله

ساتولى هذه المهمه <===وش عنده لغه


تفضلو الجزء الثامن :-


الجزء الثامن:
ام فيصل:ههههههههههههه
فيصل: تضحكين على ايش يمه ؟ اكيد فرحانه عشاني
ام فيصل: يحليلك يافيصل....تعرف تمزح
فيصل وهو واقف: انا ماامزح يمه انا اتكلم جد ...
ام فيصل: وشتقول انت؟
فيصل: يمه انا رجال كبير عمري 24سنه ومن حقي اتخذ قراري بإيدي
ام فيصل منصدمه: تزوج وماتقولي يا....
فيصل: يمه انا عارف البنت وعارف اخلاقها و....
ام فيصل بعصبيه: انت تخبلت ومن ذي الا وحده من بنات الشارع اللي يقطن نفسهم على الرجال
فيصل: لاتقولي عنها كذا يمه ..
ام فيصل تصارخ: وتدافع عنها بعد؟؟؟؟؟؟
فيصل بقلبه"لوعرفت انها موسعوديه وشتسوي فيني"
ام فيصل: إتطلقها...
فيصل: وشقاعد تقولين انتي.....خلاص اناملكت عليها
ام فيصل: تطلقها يعني تطلقها
فيصل: لا
ام فيصل: ومن هذي اللي تعصي امك عشانها .....بنت من؟؟؟
فيصل وهو يقط قنبله ثانيه: مو سعوديه
ام فيصل: وبعد مو سعوديه اجل اكييييييد سوريه....فصول ووجع انت وين مسافر؟
فيصل: ولاسوريه.......يمه انا تزوجت كويتيه
ام فيصل: هيه انت وشقاعد تقول حسبي الله عليك من ولد رفعت ضغطي لعنبو دارك احن عليك من اربع سنين تزوج موزه ويوم طارت البنت من ايدك وتزوجت .....اه ياراسي ياويلي على حالي .
فيصل: يمه ارجوك افهميني ....كل ام تدور على راحة ولدها وانا راحتي معاها...
ام فيصل: وانت و شعرفك فيها؟؟؟
فيصل: مو مهم وشلون عرفتها المهم اني عرفتها وخلاص وجايك ابيك تساعديني .....خالها طالب مهر كبير وابيك تساعديني...يمه انا مالي غيرك
ام فيصل: اطلع بره منت بولدي ان ماطلقتها
فيصل بتوسل: لايمه ارجوك انا بحاجتك ....لاتخلين عني والله اني احب البنت واشوف ان راحتي معها لاتحرميني من فرحه انا بحاجتها ....
ام فيصل تصرخ: اقولك اطلع بره ولنت بولدي ان ماطلقتها
يطلع فيصل من البيت وهو حاس ان هموم الدنيا على راسه ويرجع بيت اخته:
فيصل: فاطمه وين ابو عبدالعزيز؟
فاطمه: اللحين يرجع تبغى غدى والا تغديت عند امي ....؟
فيصل: ايه تغديت....تغديت هم وكدر من امك.....اذا جا زوجك ناديني ابغاه بسالفه وانتي بعد معاه
عرفت فاطمه ان السالفه فيها إن واتصلت على امها اللي خبرتها بكل السالفه ....
طقطق ممكن ادخل...
فيصل: تفضلي يافاطمه.... وتدخل فاطمه ...وتقعد على السرير مقابله اخوها
فيصل: وينه سعد؟
فاطمه تطالع فيصل ومانطقت بكلمه..
فيصل: اكيد اتصلتي على امك وقالتلك بكل القصه
فاطمه: يعني سويتها يافيصل وتزوجت مها؟؟؟
فيصل ماهو قادر يحط عينه بعينها:احبها يافاطمه واحس ان حياتي جحيم بلياها...
فاطمه: انت قد اللي سويته؟
فيصل: ماسويت شي غلط ....فاطمه انا بغيتها بالحلال
فاطمه بهدوء وبدون أي انفعالات: وليه ماقلتلنا؟
فيصل: كنت عارف انكم بتمنعوني...
فاطمه: مانمنعك الا اذا كنت عامل حاجه غلط
فيصل وصوته مخنوق: احبها والله احبها ...
فاطمه: حبك لها شي وانك تغضب امك شي ثاني..
فيصل وهو يصرخ: امي وامي وامي ترى ذبحتنا امك هذي محد عافس حياتي غيرها هي سبب حزني وقهري ..اول مره اشوف ام ماتبغى راحة ولدها..ترى انا مليت من هالعيشه سكت سنين وماني قادر اسكت اكثر ..حرام عليكم ياناس مستكثرين سعادتي ..انا ماضريت احد لما قررت اتزوج اللي حبها قلبي ليه تعاملوني كذا؟؟
انهار فيصل من كل اعماقه حبه لمها كان كبييييييير حيل قعد يبكي بصمت وهو منزل راسه
فاطمه: فيصل انت تبكي؟
مارد عليها فيصل ....
فاطمه آلمها هالموقف وصارت تبكي معه...لانها اول مره تشوف اخوها الوحيد مقهور
فيصل بأسى: بذمتك اذكريلي شي واحد سوته امي عشاني ؟ امي قاسيه يافاطمه حاولت اني اكبر بعينها بس كانت دايما تنتقدني... عمري ماحسيت انها امي عمري ماحسيت انها تحبني من قلبها ...قهرتني يافاطمه وشمتت الناس فيني ...مع اني ولدها الوحيد ...بخلت علي بمشاعرها وحنانها....ومها بعد عمري مها لمست فيها الام اللي ممكن تعوضني عن امي حسيت بحنانها وطيبة قلبها ...تحبني يافاطمه تحبني من قلبها اول مره احس ان احد يحبني ويدللني عشت معها اجمل لحظات عمري......
فاطمه ترفع راس اخوها وتمسح دموعه: مبروك يافيصل تستاهل ياخوي والله يهنيك
فيصل يضم اخته : الله لا يحرمني منك الله يخليكي لي انتي امي وابوي وكل هلي محد غيرك فتحتله قلبي ومحد غيرك فتحلي بيته ....
فاطمه: تستاهل ياخوي بس هذي امك غصبن عني وعنك وانك تراضيها حق ...والله سبحانه وتعالى وصانا فيها بكتابه العظيم "وبالولدين احسانا" لاتنكر فضلها ...
فيصل: ....................
فاطمه: حاول فيها ...كلمها اكثر من مره يمكن تقتنع...
فيصل: طردتني وقالت ماتكلمني الا لما اطلق مها
فاطمه: مايضر لو حاولت وانا بحاول بعد قد مااقدر ....
فيصل: اكيد بحاول ...
فاطمه: ماقلتلي شلون تزوجتها؟
قالها فيصل السالفه كلها ....
فاطمه: طيب والمهر كثير شلون تجيبه؟90الف ريال
فيصل: علشان كذا انا ابغى سعد زوجك يساعدني
فاطمه بعد تفكير: طيب انت تقول انك قدرت على12الف ريال وعامر المسكين بيعطيك 10الاف وانا بعطيك 24الف....وببيع كرسي الذهب اللي عندي
فيصل: لايافاطمه تكفين لاتبيعين شي من ذهبك
فاطمه: اصلا انا مااحتاجه اللحين ومن زمان كنت ببيعه...ويجيب تقريبا14الف ....يعني باقي 30الف
فيصل: ابيع سيارتي وتجيب اكثر من ثلاثين..
فاطمه: خل سيارتك لك لاتبيعها ولاشي....انابكلم سعد وانشالله مايقصر
فيصل: والله اني مستحي منه..
فاطمه: هذا ولد عمك وان مانفعك بوقت ضيقتك متى ينفعك..
فيصل: عسى الله يقدرني واردهم
فاطمه:ماقلتلي سلفتك اللي بالبنك ماخلصت ؟
فيصل: لا بقى كثير وماتخلص مني لي 5سنين
فاطمه: لا كثير خمس....
فيصل: الله يعيني..
فاطمه: طيب انا بطلع تبغى غدى؟
فيصل: لالالا تعبان وابغى ارتاح شوي...
فاطمه:طيب على راحتك ....
فاطمه وهي طالعه:"فيصل ترى بقول لسعد القصه كامله ها؟"
فيصل: قوليله يافطوم خلاص مابقى احد اغبي عليه
وتطلع فاطمه وتقول لسعد زوجها القصه كامله ..
بعد صلاة العصر وعند باب المسجد:
سعد: اقول فيصل...تعال بغيتك بسالفه
فيصل مستحي: هلا بولد العم..
سعد: هلافيك...تركب معي والا اركب معك؟
فيصل: اركب معك انا جاي مشي مو بسياره
سعد: طيب حياك..
وفي السياره:
سعد: مبروك يالنسيب
فيصل: الله يبارك فيك...اكيد فاطمه قالتلك السالفه كامله
سعد: أي نعم ...بس انا زعلان عليك ...كيف تروح لاتقول ولاتكلم ..تصدق ماعمري شفت الكويت
فيصل: سامحني ياخوي والله كنت بدون تفكير ..
سعد: المهم لاتحاتي الثلاثين الف جاهزه متى ماتبغاها تعال اخذها....واثاث الشقه علي انا هديه مني ومن فاطمه لك..
فيصل: لا تكلف على عمرك وانا انشالله بردلك كل ريال اخذته منك بس اصبر علي
سعد: لاتحاتي...متى ماالله فتحها عليك رد الفلوس ترى ماني محتاجهم اللحين
فيصل: تسلم ياسعد انا لولاك مدري وشسوي؟
::::::::::::::::::::::::::::::::::::::::
علاقة سالم بساره تطورت وصار بينهم اتصالات ومكالمات لأنصاف الليالي ..مها ماكانت تدري بعلاقتهم ونوره حست ان زوجها تغير عليها حيل ....فيصل دبر المبلغ كامل وصرفهم بالكويتي ....كان بينه وبين مها اتصالات وامه لازالت رافضه انها تشوفه او تكلمه ......
:::::::::::::::::::::::::::::
بعد صلاة العصر:
سعد: ها يافيصل ليه مارحت تجيب عروستك؟
فيصل: والله ياابوعبدالعزيز هذا انا صارلي ثلاث اسابيع وانا كل يوم اقول الاسبوع الجاي ..
سعد: طيب تجهز الاربعا هذي واروح انا معك
فاطمه: وانت ليه تروح بعد وشعندك؟
سعد: حرام اغير جو يعني؟
فاطمه: ماتروح الا رجلي على رجلك
سعد: يابنت الحلال كلها ثلاث ايام ونرد
فيصل: سعد معه حق يافاطمه ماابغى اتعبك معي
فاطمه: تعبك راحه ياخوي....
سعد: ترانا بنروح بطياره واليوم بروح احجز
فيصل: انتظر لين مااسحب فلوس
سعد: تذكرتك علي
فيصل: لا تذكرتي انا علي ......تراني مو فقير للهدرجه
سعد: كيفك...
ويطلع سعد من البيت
فيصل: زين اللي طلع سعد بغيتك بسالفه.
فاطمه: خير يافيصل ؟
فيصل: امي !!!
فاطمه تتنهد: كلمتها بس...
فيصل: كملي بس ايش...ترى متوقع أي شي
فاطمه: امي رافضه تكلم نهائيا بالموضوع ..
فيصل: الله يسامحها...خلاص انا سويت كل اللي علي ...والايام كفيله بهالشي
فاطمه: ولو..... انت مفروض ماتيأس كل يوم روحلها ...ماقلتلي وشخبار العروسه؟
فيصل وهو يبتسم: بخير وتسلم عليك
فاطمه: فيصل ليه انت رافض تسوي عرس
فيصل: انتي عارفه بالظروف ..ومش حلوه اسوي عرس وامي ماتحضره
فاطمه: ومها شتقول؟
فيصل: مها رايها من رايي
تسكت فاطمه لما عرفت وجهة نظره .........
وفي المغرب يتصل فيصل على مها:
مها: تأخرت يافيصل قلت اسبوع او اسبوعين بالكثير ...اشوف صارلك ثلاث اسابيع
فيصل: ميخالف ياقلبي اصبري علي شهر بعد..
مها وهو منصدمه: شهر!!!! ليش ؟ شصاير؟
فيصل: علي منع سفر
مها: بذمتك ...تكلم من صجك
فيصل وهو يقلد اللهجه الكويتيه: من صجي يابعد جبدي
مها: .........
فيصل: انتي صدقتي؟
مها استانست: وتعرف تمثل بعد؟
فيصل:اعرف ليه مااعرف؟
مها: فيصل ممكن سؤال؟
فيصل: ايه تفضلي
مها: قولي بصراحه شنو ردة فعل امك ؟
فيصل: ...........
مها: ادري عصبت صح؟
فيصل: احنا لازم نوقف بوجه الظروف
مها: اخاف يافيصل تدعي عليك ....هذي امك ترى ماتلحق جزاها
فيصل: انا عارف....بس وشطالع في يدي
مها: متى راح تجي؟
فيصل: عقب بكره انشالله ...
مها: فيصل ترى انا عندي كورس صيفي لاني تأخرت كورس كامل ...ومايخلص الا شهر ثمانيه
فيصل: الله عليك استنى اربع شهور بعد؟؟لالالا مستحيل
مها: فيصل الله يخليك ماابيهم يفصلوني
فيصل: وانتي وشلك بالدراسه ...خلاص مادمتي تعرفين تكتبين وتقرين ...وشتبين اكثر؟
مها: لازم ياعمري ادرس واشتغل واعينك وتعاوني...
يقاطعها فيصل: خلاص خلاص
مها: شنو اللي خلاص
فيصل: كملي دراستك على كيفك مادام قلتي كلمه حلوه
ضحكت مها وعرفت ان فيصل سهل وماهو من الرجاجيل اللي بدون تفكير ....
:::::::::::::::::::::::::::
بالنسبه لساره تمادت علاقتها بسالم وتطورت ...لدرجة انها صارت تطلع معاه بس اماكن عامه ...كل هذا ومها ماتدري بشي بالسالفه..............
فيصل وصل الكويت مع ولد عمه ودفع المهر واتفقواانه يجي ياخذها بعطلة الصيف ....شاف مها وسلم عليها ...ورجع السعوديه بسرعه لان وراه دوام .....
مر اسبوعين والاتصالات بينهم قليله نظرا للحاله الماديه لكليهما .....
سالم عطى مها ثلاثةالاف وخمسميه واخذ الباقي .....حاولت مها انها تقتصد قد ماتقدر ...وكانت تقريبا كل يوم تروح السوق وتجهز لعرسها....وبعض المرات كانت ساره توديها ....
سالم كان كل يوم يبعد عن زوجته الف يوم ....ونصيبه من مهر مها كان يصرفه هدايا على ساره عشان يكبر بعينها ....مها ماقدرت تكلمه على سالفة المهر لانها تدري انه بيده الف شي وممكن يوقف زواجها
ام فيصل الى الان مو راضيه على فيصل ....وهو مثل عادته كل يومين يروحله بس مايسمع منها الا الكلام الجارح والطرد بالاخير ........
فيصل: يمه انا خلاص متزوجها متزوجها وبجيبها اخر ثمانيه انشالله ومحد يقدر يوقف هالزواج انشالله غير موتي او موتها الله لايقوله
ام فيصل: موتها انشالله ونفتك منها ....يالعاصي تفضل الغريبه على بنت خالتك؟
فيصل: بنت خالتي تزوجت والله يهنيها
ام فيصل: قم اطلع عن بيتي انت الهرج معاك مايفيد......
فيصل: يمه الله يخليكي لي افهميني ترى انا مالي غيرك وانتي مالك غيري
ام فيصل: تخسي الا انت احتاجك ...احتاجك انت يالعاصي...اقولك قم اطلع عن بيتي
:::::::::::::::::::::
وتجي عطلة الصيف وتسافر نوره مع عيالها واخوها للامارات ....سالم كان رافض انه يسافر بحجة ان وراه شغل....ومها عليها كورس صيفي وصار السواق هو اللي يوديها ويجيبها.....
سالم: ياساره ياحياتي طيعيني هالمره بس
ساره: لالالالالا مااقدر امي ماراح ترضى
سالم: تعالي خلينا نعيش حياتنا بعيد عن عيون الحساد
ساره: سالم مااقدر امي شقولها؟
سالم: قولي انج بتزورين مها
ساره: ماراح تقتنع توني رايحه معاها السوق امس
سالم: الفرصه ماتنتطوف تكفين لاتحرميني من شوفتج
ساره: احاول....
سالم: ارجوج ياساره حاولي قد ماتقدرين
ساره: خلاص قلتلك احاول
تحايلت ساره على امها ....ووافقت...راحت لبيت سالم ولكن.....الشيطان كان شاطر.وخصوصا النفوس الضعيفه اللي ماتخاف من الله........"لايخلو رجل بإمرأه الا كان الشيطان ثالثهما".

[quote=المركب الأزرق]نظراً لانتقال ماوس الكناري الى رحمة الله

ساتولى هذه المهمه <===وش عنده لغه

************************************************************************

تهي تهي تهي.. أبموت من الصياح.
متى مات الماوس وليش ماعلمتوني وين العزاء فيه.. عشان نقوم
بالواجب الله يتغمد الفقيد بواسع رحمته ويسكنه فسيح جناته
ويلهم أهله وذويه الصبر والسلوان.. يالكناري ترى الدنيا ماتسوى
لايضيق صدرك

^^
!

ابـشرك كـان مُغمى علـيه و صحـا و انا احسبـه ميـت !

تفضلوا كم جُزء !

مُـلاحظة ..

بـعد اشـوي ابـي اسافـر .. !

يعني اللي ينزل اجزاء يا ويلـه .. !

ان اضاف المركب اجزاء مافي مانع .. !

خلص الكورس الصيفي على خير ونجحت مها وتقديرها امتياز....
فيصل جا الكويت مع فاطمه وزوجها...علشان ياخذ عروووووووووووووووووووسته.
وفي الكويت ....خلص فيصل اوراق مها علشان يحولها للجامعه في السعوديه ...
فاطمه سلمت على مها وسولفت معاها ....وتعرفون حرمتين عند بعض شنو بيسولفون غير سوالف العرس
كان كرسي مها عند فيصل بالطياره............
:::::::::::::::::
في الطياره :
فيصل يتأمل مها....
فيصل: يحليلك ...هذا النقاب ماتلبسينه اذا وصلنا انشالله ..خلي فاطمه تدورلك غشوه ..
مها:انزين خلينا نوصل الاول بعدين قول اللي تبيه..
فيصل: احس اني بحلم....مها عندي وانا قاعد كذا مابيدي شي
مها تضحك: يعني شنو بتسوي...
فيصل: اشيا كثيره في بالي...
مها: فيصل...امك تدري ان..
فيصل يتنهد: ايه تدري....ارجوكي يامها لاتحملين ذنب ولاتفكرين كثير ترى انا علاقتي مع امي من زمان ماكانت طيبه ...وانتي شي مو جديد في سوء علاقتنا ...
مها: ياليت اكون شي يصلح بينكم
فيصل: خليني كذا مرتاح
مها: ترى اللي مافيه خير لوالديه مافيه خير لأحد
فيصل معصب: وشقصدك ...؟ انا مافيني خير لأمي ...وشهالاسلوب الجديد ..انا خابر البنت تستحي ماتكلم في اول ايام زواجها وانتي من البدايه تهاوشين ...
انصدمت مها من كلامه وخافت منه نزلت راسها تحت...وقامت من مكانها..
فيصل بنبره حاده: وين رايحه؟
مها ماردت عليه وكملت طريقها للحمام الله يعزكم ....وبجت لين ماقالت بس وردت ...
فيصل لاحظ انها باكيه وعيونها الحمر تدل على ذلك ندم على كلامه وتم يقول في نفسه: بنت يتيمه ومسكينه ...ليه ازيد عليها...بس هي بعد غلطانه مفروض تسكت ...........لازم اراضيها ..
فيصل: مها حبيبتي سامحيني ....ترى ماكان قصدي ...والله زلة لسان
سكتت مها وماردت عليه...
فيصل: مها تكلمي قولي أي شي ...
مها: الله يسامحك
فيصل: وانتي....سامحتيني
مها:.....انت ماغلطت
فيصل: طيب ليه تبكي؟
مها: جذي ...تذكرت اهلي ....تذكرت امي وابوي
فيصل: الله يرحمهم
حط فيصل ايده على ايدها ...بس مها سحبت ايدها منه..
فيصل: انتي لسه زعلانه
مها: قلتلك مو زعلانه ...
فيصل: الا زعلانه ....قوليلي وشلون اراضيكي
مها: فيصل خلاص والله مو زعلان
سكت فيصل وصد صوب اخته اللي كانت لاهيه بالسوالف مع زوجها ......
:::::::::::::::::::::::::::::
السعوديه في بيت فاطمه وفي شقة فيصل بالتحديد :
فيصل: مااكلتي شي..
مها: شبعانه
فيصل: أي ادري شبعانه صياح على غير معنى
مها: فيصل انت شفيك ؟ بيوم وليله احس انك تغيرت
فيصل يضحك: والله ماتغيرت بالعكس حبي لك زاد بس والله الاكل حرام ينقط بالزباله غامضني
مها: والله مو مشتهيه
فيصل: طيب وشفيكي متوتره .؟
مها: مافيني شي
ويقوم فيصل يغسل ايدينه ولما شافته راح مسكت العصير وقعدت تشرب وخذت فطيره ولما بغت تاكلها شافته يطالعها ويبتسم ...حذفتها من ايدها وعدلت قعدتها..
فيصل: مو جوعانه ها ....انتي الجوع بيذبحك ...اكلي يابنت الحلال اكلي.. ورانا شغل ...هذي ليلة العمر
مها حست برعب خبرتها بهالمجال قليله: خلاص انا شبعت صدقني ...
يقرب فيصل صوبها ويقعد بجنبها: اقول مها ليه لابسه شيلتك ترى مامن غريب ...


*********************************

مها بتوتر: انا بصلي...ماصليت العشا ..
فيصل: صلي... صلي بس ترى مردك لي ..
مها كانت مصليه العشا ....بس ردت وصلتها مره ثانيه من الخرعه....اي بنت مكانها راح تعرف هالشعور
عقب الصلاه ...لبست مها قميص ابيض محتشم وفلت شعرها ...مكياجها كان ناعم ...وحطت عطر"شانيل شانس".........لاتقاوم
فيصل كان يشوف التلفزيون ولما شافها قام من مكانه وتم يطالعها...كانت غير....غير عن كل مره يشوفها فيها هلمره هي له خلاص صارت زوجها...تم يتأمل في وجهها اللي ماينمل منه اللي يشوفها ..
فيصل: ياسلام يامها ...ماشالله عليكي
قعدت مها على طرف الكنبه ...كانت هاديه وحلوووووووووه بشكل مو طبيعي ...
قعد فيصل عندها : مها ...احبك ....اكثر من نفسي
مها بقلبها"وانا بعد"
فيصل قرب منها اكثر ومسك ايدها رفعها وباسها ...وحب راسها
هالمره ماسحبت مها ايدها ....وهي تحس بداخلها بانتصار ....
قرب منها اكثر واكثر واكثر واكثر واكثر...................
::::::::::::::::::
فاطمه تتصل على جوال فيصل وتلاقيه مغلق....
كانت الساعه 12الظهر والمعاريس بفراش الهنا للحين ماصحوا....
فيصل: مــــــــــــــــــــــــــــــــــــن ؟
فاطمه: انا يافيصل صارلي ساعه اتصل فيك مغلق
فيصل يضحك: مانمنا من البارح والله...حياك تفضلي
فاطمه: شعليك بعد عريس....مها صاحيه ؟
فيصل: أي وراحت للحمام...
وطلعت مها من الحمام..تسلم عليها فاطمه..
فاطمه: صباحيه مباركه ياعروس
مها تبتسم: الله يبارك فيج ..
فاطمه: الله يعينك بتاخذين سنه ماتنامين الا وجه الصبح بس انصحك لاتعطينه وجه...
ويضحكون جميعا ويتفطرون مع بعض...
ولما دخلت مها غرفتها....انتهزت فاطمه هالفرصه....كلمت فيصل بهمس..
فاطمه: ماقلتلي كيف اصبحت؟
فيصل: بخير
فاطمه: ادري انك بخير...انا قصدي وشلون العروس ...
فيصل: يحليلك يافاطمه وشرايك اقولك شصار بالتفصيل ؟
فاطمه: أي وشفيها لو سألت ..
بهاللحظه تدخل مها ....
فيصل يطالعها ويقول: عروسي من احلى العرايس يافاطمه ولايمكن القى مثلها ..
فاطمه: فيصل اشرايك لو تاخذ مها وتزور امي يمكن لو شافت مها تغير رايها
فيصل: بكره انشالله بروحلها وباخذ مها معي ...واللحين ممكن تقلبين وجهك
فاطمه: افــــــــــــــــــا والله مشتاقه اسولف معكم ..
فيصل: لاحقه على السوالف ....خلي الرجال مع حرمته
فاطمه: ماتقولين شي يامها والا عاجبك كلام زوجك؟
مها: خلها يافيصل ....ترى فاطمه غاليه عندي
فاطمه وهي تضحك : وبس هذا اللي قدرتي عليه...الشرهه علي اللي ماخذه اجازه عشان اقابل وجوهكم
فيصل: يالله يافاطمه ماوراكي عيال؟
فاطمه وهي واقفه: الله يعينك عليه يامها ....ترى اخوي هذا ماشاف خير...خبل ....شعرفك بالحريم انت؟
وتطلع فاطمه قبل يلحقها ...
مها بقلبها"الظاهر الحبيب ماخلص"
فيصل: اقول مها ...ترى انا مااحب اشوف حرمتي تلبس دراعه ومافي الغرفه غيري..
مهابقلبها"نغزه قويه": يعني شتبيني البس؟فيصل ارجوك اذا مثل امس والله مافيني ...
فيصل: مها حبيبتي انتي ...مثل امس ومثل كل يوم انشالله ...
مها"الله يعين": .............\
فيصل: ليه ساكته؟
مها: شتبيني اقول؟
فيصل: اقول مها داشه هوشه انتي شتبين البس وشتبين اقول ....وشفيكي؟
مها تبتسم: مافيني شي
فيصل على ضحك: ليه مغروره انتي
مها: كيفي
فيصل: ردينا
مها: ..........
فيصل : طيب تعالي...
مها: وين اجي؟
فيصل: تعالي بجنبي..
مها: وليش؟
فيصل: تعالي بحكيلك ...
تقعد مها بجنبه ...ويقعد فيصل يسولف معاها ...حط ايده ورى ظهرها وقرب راسها من صدره ...وقعد يغنيلها....والتم شمل العشااااااااااااااق
الجزء العاشر:
وبعد مرور شهر من الزواج السعيد ...حست مها بطعم الايام مع فيصل ..
وعلاقة فيصل مع امه في تدهور ...وفي كل يوم تأزم زياده...مها اخذت منها موقف لما زارتها اول مره صرخت بوجهها وطردتها عن البيت....وكان هذا هو الشي الوحيد اللي يعكر مزاجها...ومن يومها قررت انها ماتدخل بين فيصل وامه ولاتكلمه عنها
فيصل: يالله يامها تراكي اخرتيني ...
مها: انزيييين ...بلبس عبايتي ..
فيصل: اوووووووووه ساعه الوحده تلبس عباتها
مها: بسك عاد كاني خلصت..
فيصل: يالله يابنت ورانا طريق
مها: انا كم مره قلتلك مايحتاج بس انت الظاهر مسرف
فيصل: يعني وشفيها لو سافرنا ...اللي سافروا احسن منا...وبعدين انا بوديكي ابها مو لندن ولا باريس ..
وانا قلت استغل الاجازه اللي ماخذها...
مها: خلاص بس ياكثر اعذارك..
فيصل: هي كلها اسبوع ونرجع انشالله ..وانا صراحه بجرب السفر معاكي بسياره
مها: فيصل انت لو فتحت حلقك مستحيل نسكره...صارلك ساعه تحن على راسي خلصي وخلصي واللحين قاعد يالله قوم..
فيصل: طيب طيب ....
:::::::::::::::::::::::::::


ساره: مااعرف اطبخ
سالم: زين جذي تفشليني مع ربعي
استغربت ساره من هدوئه: انا اسفه والله مو قصدي..
سالم: متى تسنعين؟...متى تصيرين ربة بيت محترمه
ساره: انشالله راح اتسنع ..
سالم: زين حبيبتي....حصل خير... تعرفين تسوين شاي
ساره بقلبها"حبيبتي... معقوله سالم تغير؟": أي...اي... اعرف تبيني اسويلك؟
سالم: أي والله مشتهي شاي من ايدينج الحلوه..
ساره: شعجب؟
سالم: لاعجب ولاشي ...مستغربه من شنو ؟
ساره: مو من شي بروح اسويلك الشاي
في المطبخ استغربت ساره معاملة سالم لها ..
سالم: لالالالالا...لا تعبين عمرج انا اللي بصب وبعطيج
فرحت ساره من قلبها : سالم ...انت تغيرت
سالم: كل انسان يتغير ياقلبي ......اتفضلي يااحلى ساره
ولما مدت ساره ايدها بتاخذ الكوب منه...سكب الشاي كله على ايدها وهو يضحك من كل قلبه ....ويقول:" تعلمي الطبخ مره ثانيه"
ساره: اااااااااييييييييييي ليش تسوي جذي حرام عليك ..........اااي ياايدي عسى الله لايوقفك
وقامت ساره منه وهو يضحك عليها ........بس الجرح اللي كان بقلبها كان اكبر من أي حروق اوجروح
:::::::::::::::::::::::
بعد اسبوع في ابها....في الشقه بالتحديد...
مها: فيصل شفيك كله نايم ...وصوتك متغير لايكون مريض؟
فيصل: والله مدري وشفيني احس ان راسي ثقيل ..
وتحط مها ايدها على راسه: فيصل .....انت حار ...فيك حراره
فيصل: عادي.... عادي يومين وتزول انشالله
مها: شنو عادي ؟......انت لازم تروح للطبيب,,,
فيصل: مالي خلق للطبيب....
مها: بروح اجيبلك كمادات ...
وكانت مها طول الليل وهي تكمد راسه ....
مسك فيصل ايدها وحط عينه في عينها وهو يقول : الله لايحرمني منك ....ويخليكي لي
مها: فيصل حبيبي ..عيونك حمر وصوتك مخنوق ...علشان خاطري روح الطبيب
فيصل: مافيني حيل ياقلبي والله مافيني حيل ..
مها: انزين اطلب تاكسي!
فيصل: قصدك ليموزين! طيب جيبلي التلفون بتصل فيهم تحت يطلبولي ...تاكسي..
ابتسمت مها لما سمعته يقول" تاكسي" وتقول بقلبها:"ياحبيبي يافيصل حتى وانت مريض ماتخلي طبايعك
وراحت تجيبله التلفون ....
فيصل بصوت تعبان: ادري تعبتك معي بس ولاعليكي امر ممكن تجيبي ملابسي داخل
مها وهي واقفه: افا عليك يافيصل انت تامر امر ....
وساندته مها على تبديل ملابسه....كان تعبان حيل بس ماحب يبينلها ....
فيصل وهو يحاول يوقف: يالله ..اقول مها صكي الباب زين ولاتفتحين لاحد مااوصيكي..
مها: ليش؟ انا بروح معاك ...ماراح اخليك بروحك
فيصل: وين تروحين معاي لاياشيخه انتي استنيني هنا... انا بخير صدقيني..
ولما وصل لباب الشقه اللي مأجرين فيها وقع عند الباب كان يحس بدوخه ورجوله موشايلته
مها: فيــــــــــــــصل ....فيصل رد علي انت تسمعني ..
كان فيصل طايح على الارض مايرد عليها ولاهو يمها ...ركضت تحت ونادت اول رجال صادفته..
في المستشفى:
مها: دكتور طمني عليه تكفى ...اذا فيه شي قولي... ترى مالي غيره هني
الدكتور: اطمني ....هذا فيروس بالجو وتجي حالات كثيره هنا ...واحنا انشالله بنقوم في واجبنا واكثر
مها: وكم بيقعد عندكم بالمستشفى؟
الدكتور: تقريبا اسبوع..
مها: اسبوع؟.....مو واجد؟
الدكتور: لازم يااختي يقعد اسبوع هنا علشان يسترد كامل عافيته
وترجع مها لغرفة فيصل.....كان نايم....الوقت فجر ...وكانوا ناوين يردون الرياض في الصبح
شافته نايم واثر المرض باين على وجهه اللي كان شاحب ...تحبه ...تحبه من كل قلبها ...معاه تحس بالراحه والامان ...كان كل حياتها ومستعده تخسر أي شي عشانه ..
راحت توضت وصلت صلاة الفجر ودعت الله من كل قبلها انه يشفي زوجها ..وعقب الصلاة حطت ايدها على راسه وقعدت تقرى قران عليه ....
فتح عيونه وشافها تقرى وتبكي من كل قلبها. حتى انا احبك يامها والله احبك...غمض عيونه وتذكر امه لما يمرض ....حتى امه يحبها بس تصرفاتها تثير اعصابه... اخذ غفوه ورجع وفتح عيونه مره ثانيه بعد ساعه ولقاها للحين تقرى ودمعتها بعينها ماوقفت وايدها على راسه..
فيصل: مها..
مها متفاجئه: لبـــــيه ...ازعجتك؟
فيصل: لا ماازعجتيني......بس بغيتك تناوليني سطل فيه ماي ابغى اتوضا
مها: من عيوني يالغالي ثواني بس ..
وبعد الصلاة....
مها: فيصل انت مااكلت شي من امس خاطرك في شي؟
فيصل: لالالا ماني مشتهي...احس نفسي شبعان
مها: أي شبعان وانت مااكلت شي ....
فيصل: كافي اني اشوفك بجنبي.....ليه ماتنامين؟
مها: انام وانت بهالحاله افرض انك بغيت شي؟
فيصل: صدقيني اني صرت احسن من اول... نامي وارتاحي انتي من امس الصبح قاعده
مها: خلاص بنام مدام انك زهقت من وجهي
يضحك فيصل: وأحد يقدر؟...والله يامها اني ماامل من شوفتك ...بس ابيكي ترتاحي وهذا الشي يريحني
فعلا... كانت مها بحاجه للنوم لأن هالليله مرت عليها صعبه..
::::::::::::::::::::::
ام سعود"جارة ام فيصل": صدق اللي سمعته ياام فيصل؟
ام فيصل: وشسمعتي بعد؟
ام سعود: فيصل ولدك عصى امرك ..وماتزوج بنت خالته...وعرس على كويتيه؟
ام فيصل:...........
ام سعود: لاتزعلين ياام فيصل بس انا سمعت انه عاشقها
ام فيصل معصبه: ومنهو اللي يقول الهرج هذا...
ام سعود: انا قلتلك من الاول لاتزعلين وبعدين اللي قالي هو ابو سعود
ام فيصل: وابو سعود ذا وشله بهرج الحريم؟ متى بيعقل رجلك ويكف كلامه عن الناس؟
ام سعود: وانتي ليه معصبه وتصرخين؟...احنا نتكلم مش نتضارب
ام فيصل: ولدي مايعرف خرابيط العشق
ام سعود: الا يعرف.. وازيدك من الشعر بيت...هالبنت هذي اللي تزوجها اهلها كلهم متوفين بحادث هنا بالسعوديه وفيصل هو اللي ساعدها ...ياام فيصل اذا ماتدرين بعد ماخذ سلفه قيمتها ماتقل عن 100الف ريال ...ومدخلها مستشفى خاص .....معقوله ماتدرين يا درعا "ام فيصل"
ام فيصل انقهرت من قلبها لما سمعت كلام ام سعود وقامت من مجلس الحريم ...وبدون أي كلمه..
فاطمه: يمه هدي اعصابك ...ترى السالفه ماتستاهل وبعدين انا مثلك توني ادري منك
ام فيصل: ليه يافاطمه تسوين فيني كذا وشفيها لو علمتيني عن فعايل فيصل عشان اربيه من جديد ...انتم عدويني منتم بعيالي ...
فاطمه: يمه لاتسوين في روحك كذا...انا ماكنت ادري صدقيني... وبعدين اللي صار صار مايحتاج تردين وتزيدين في الموضوع ترى فيصل ناقصه رضاكي عليه....والله هو مرتاح مع زوجته وسعيد معاها ومحتاجك توقفي معه وتباركين له ...ترى الام تدور على راحة ولدها
درعا: اباركله وجع فيكي وفيه ...روح يافصول جعلك ماتهنى معاها ....
فاطمه تقاطعها: يمه حرام عليكي لاتدعين عليه هذا ولدك ...ضناكي
بس درعا ماعطتها فرصه تكمل كلامها لانها سكرت السماعه في وجهها ...
في هاللحظه تذكرت فاطمه ..فيصل كان المفروض انه يرجع اليوم في أي حزه....اتصلت عليه..
فاطمه: هلا فيصل ..
فيصل: هلابك يافاطمه.. وشلونك
فاطمه:انا الحمدلله بخير.....فيصل انت تونس شي؟ صوتك مو عاجبني
فيصل: تعبان شوي والله ...اقول سعد عندك؟
فاطمه: لا والله مو عندي اتصل على جواله...اقول فيصل متى بترجعون؟
فيصل:الاسبوع الجاي انشالله
فاطمه متفاجئه: ولــــــــــــــــــــــــــيه ؟
فيصل: ودنا نستانس شوي
فاطمه: الله يهنيكم انشالله....والدوام؟
فيصل: بمدد اجازتي
فاطمه: طيب مها عندك ؟
فيصل: مها مشغوله شوي بعدين تتصل فيك
فاطمه: طيب سلملي عليها
فيصل: الله يسلمك
ويسكر فيصل من فاطمه ويتصل بمسئوله بالدوام ويشرحله ظروفه ...المسئول كان متساهل معاه وطلب منه تقرير من الطبيب اذا رجع .
::::::::::::::::::::::::::
اليوم سهره ثانيه ......بس اليوم غير ماطلب منها عشى ....وعدد السهرانين واحد بس
كانت ساره مرتاحه لانه ماطلب منها تسوي عشا....ومرتاحه بعد لان اللي جاي مع سالم واحد بس ...
مسكينه ساره ماكانت تدري ان هاليوم هو بداية نهايتها ....
سالم وصديقه كانوا بالصاله مع بعض ....سالم كان غرقان لاخره ومو حاس بالدنيا حواليه ...اما صديقه اللي معاه كان صاحي ......
ساره كانت على سريرها تفكر كانت الدنيا هدوء ظلمه حست بالنوم يتسلل لعيونها ...حطت راسها على المخده وهي تستعد للنوم....انفتح الباب بهدوء...
ساره على عيونها النوم وبتوسل: سالم ارجوك تكفى لاتطقني اليوم اجلها لبكره....
الشخص اللي دخل على ساره ماكان سالم والصدمه كانت كبيره بالنسبه لها...هذا اخر شي توقعته


]