ياهلا فيكم،، ،، واعتذر عن التأخير الناتج من المصدر;)

ــــــــــــــــــــــــــــــــــــــــــــــــــــــــــــــــــ

هلالي القرعاء

إقتباس ليتي أشوفــه الحين والله لا أعطيه ريال على اللي سواهـ <<<< كثـــرت

أما تعطيه ريال هذا وانا اخوك كبر راسه وما يتعامل الا بالدولار ــــــــــــــــــــ>> يحق له

إقتباس مشكله أن كانت الواسطـــــه عنــد الهنــدي..

اي والله مشكله ، ويا ما لنا من المشاكل اللي توجع الراس..

إقتباس لكنـ وش نقدر نسوي ؟؟..

مادام الشكاوي عندنا مكانها معروف ، ما نقدر نقول الا الشكوى لله والله يرحم الحال

ــــــــــــــــــــــــــــــــــــــــــــــــــــــــــــــــــ

هلالي و مانشستراوي

إقتباس والله واسطات ارشد ؛؛

شفت وشولون ، وحنا حاقرين هالهنود

ــــــــــــــــــــــــــــــــــــــــــــــــــــــــــــــــــ

الكــلاسيكي

إقتباس اقــــول كم رقم ارشد .. الدنيا غير مأمونه .. !

قل آآمين يابعدي عساك ما تحتاجه..

إقتباس بعدين لاتستغرب من املواعيد .. انا واحد كانت مقرره له عمليه في عينه بعد شهرين وهو معاد يشوف .. وبغى يجيه العمى لولا روحته لمستشفى اهلي ..

المشكله في مستشفياتنا ان المواعيد لا تكون حسب الاولوية ، يعني يجي واحد حالته حرجه وواحد عنده مجرد آلام بسيطه وكلهم ياخذون موعد بعد شهر أوشهرين!! ولو راح لقسم الطوارئ كان قالوا له ضف وجهك ولا تجينا الا وانت تنزف الدماء
صحيح ان المرضى واجد لكن وش المانع انه يكون هناك طبيب عام متواجد عند قسم المواعيد وتكون مهمته تحديد الحالات ذات الاولويه..

إقتباس ثاني شي.. دوله كبيره عدد سكانها اكثر من 20 مليون .. وعدد المقيمين ضعفها .. ولا فيه الاشعه اللي تبغى .. اقول .. اشكر الله وادع بسلامة ارشد .. الله يخليه لأميمته ..

ووزير الصحة بدولتنا كل يوم يطلع ويقول لدينا أفضل المعدات الطبية!!

قبل سنتين أخذت أشعة في واحد من أفضل المستشفيات الحكومية عندنا ان لم يكن الافضل ، وعرضتها على طبيب في الخارج ، والله ياجماعه انه قام يستهتر وقال لي انها أشعة سيئة!!

ــــــــــــــــــــــــــــــــــــــــــــــــــــــــــــــــــ

عـز الهلال

إقتباس أجانب وجاين ,,, بس هم المستفيدين ومو بس في المستشفيات , في كل مكان هم نافعين انفسهم

صدقت اخوي، الاجانب نافعين بعض في كل مكان ، وكمثال شف الشركات الخاصة واللي يملكها سعوديين تلقى الاجانب كل واحد موظف قريبه وصديقه والمشكله انها وظائف عاديه ويمكن يشغلها اي سعودي..

إقتباس بس أحمد ربكـ أن أرشد توصطلك ,,, ولا كان رحت فيها

اي والله الحمد لله، ولاّ كان تلقاني الى يومك متورط وبالي مشغول..


ــــــــــــــــــــــــــــــــــــــــــــــــــــــــــــــــــ


تحياتي للجميع،،

وابرجع باذن الله لردود الغالين،،

كني أشوف واحد دَخيل على المنتدى العام تكفون تفاهموا معه يامشرفي العام

هلا،، صباح الخير

ـــــــــــــــــــــــــــــــــــــــــــــــــــــــــــــــــــ

كايدهم

الله يحييك يابعدي ، وسلمت يالغالي

إقتباس لكن لماذا لا يتم تقدير الحالات الخاصه ؟

دائما أسأل الدكاتره والمسؤولين بقسم المواعيد نفس السؤال؟ ، وما عندهم الا اجابة وحده : عندنا زحمة وعلينا ضغط!!

مثل ما قلت قبل صحيح ان المرضى واجد لكن وش المانع انه يكون هناك طبيب عام متواجد عند قسم المواعيد وتكون مهمته تحديد الحالات ذات الاولويه ، بدال شغل الواسطات..

إقتباس التـسيب وعدم متابعة ومحاسبة مدراء تلك المستشفيات جعلهم يتمادون في تعاملهم بحجة النظام لا يقبل !!

بالضبط هذا هو اللي حاصل ، انعدام الرقابة عندنا ظاهره في كل الجهات وبالذات في المستشفيات الحكوميه و اللي دايم نشوف فيها مهازل..


الله يعافيك ،، اسعدتني شوفة يوزرك

ـــــــــــــــــــــــــــــــــــــــــــــــــــــــــــــــــــ

abu_riman

إقتباس بين مستشفيات و أطباء يلهثون خلف ( فلاشات ) الكاميرات عندما تصورهم و هم ينقذون أطفال الأجانب و بين مستشفيات لتلقي العلاج فيها عليك معرفة أجانب الصيانة بتنا نقول لا نريد العلاج المجاني !

صدقت يابوريمان ، كثير من المواطنين احسوا بألم وقهر من الاهتمام الغير عادي بأطفال أجانب بينما أطفالهم لم يجدوا لهم حتى مجرد سرير في المستشفى!!


العفو ياغالي

ـــــــــــــــــــــــــــــــــــــــــــــــــــــــــــــــــــ

الهلالي النايم

إقتباس والله رهييب ارشد ذاا

كنك تلمح تبي رقمه الله لا يحيجك لأشكاله..

ـــــــــــــــــــــــــــــــــــــــــــــــــــــــــــــــــــ

الغريب

حقيقة انك فاجأتنا بالزيارة وكان ودي اجيب لك ملك الوضعيات يصب لك قهوه بس الظاهر انه مرتبط..

إقتباس بس تستاهل !!! ليش ماعطيتني خبر ؟!! أضبط أمورك من زمان !! قال أرشد .. قال !!!!

لاني متعود آخذ منك الاخبار;)

والله انت يابعدي ما يجي منك قصور لكن ولا يهمك المره الجايه وترى مشاكلي مع المستشفيات ما تقضي يعني شغّل واسطاتك من الحين وعطهم خارج دوام..

إقتباس ياشيخ روح أنت وحظك اللي آخر ثانية تقلبها !!!! حقيقة .. قهر !!

ياليتها مره وحده صارت مرتين واقدر أقول حقيقه!! يكاد الملك يسقط من عرشه

ـــــــــــــــــــــــــــــــــــــــــــــــــــــــــــــــــــ

زعـيـمـهــم كـلــهـم

العفو ياغالي وشكرا لمشاركتك

ـــــــــــــــــــــــــــــــــــــــــــــــــــــــــــــــــــ

FLa7

أرشد مهوب بسيط وحركاته صارت تنفع..


ـــــــــــــــــــــــــــــــــــــــــــــــــــــــــــــــــــ


تحياتي للجيع،،

ههههه واسطات ارشد

J @ M @ L


هلا ،،

أرشد وااسطات بس ما ودك تشوف وجهه

ـــــــــــــــــــــــــــــــــــــــــــــــــــــــــــــــــ

البارق2000

هلا بك يابعدي ،،

إقتباس تصدق لي أربعة أيام ودي أرد عليك وما قدرت ما أدري ليه

يمكن اسم ارشد محوّم تسبدك عاد لو تدري يالبارق اني كل ما كتبت موضوع أتشّوف وأتشوّق لردك كان لو اكتب على جدار مدرسه رديت علي ــــــ>> لاتصدق بس تراي احب ازبّط نفسي مع المشرفين

إقتباس أقول أبو نورة هذا شكله ماهو غريب علي .. لا ومعرفة الهنود ماهي غريبة عليه ..

هههه ما تشوف الرجال جاك طاير يحسبنا بطاريه ، خلاص راحت ايام نوره..

إقتباس كيف أبناء هالبلد ما يقدرون يضبطون أمورهم واللي يضبطها هو الأجنبي ..!!

الشكوى لله مادام 90% من المسؤلين و اللي ماسكين المناصب مشغولين بأنفسهم وانتداباتهم وسفرياتهم ،ولا عندهم لا أمانة ولا حرص على العمل..

إقتباس لكن السؤال : لو ما لقيت أرشد وش بتسوي ..

والله اني ما اخيفك بعد ما مر اسبوعين وما لقيت الاشعة فكرت أروح أسويهن بأي دولة خارج المملكة ، لكن الحمد لله تسهّلت..


ولك تحياتي

ياهلا بالفيروسه ــــــــــــ>> سرقت الوجه حقك ابو نظارات

إقتباس متاكد أنه بوموسى موب الفيروسه مبروك غيرت المدخل .

بوموسى معناها بالياباني الفيروسه وان كانك ماصدقتي قولي بوموسى ثلاث مرات ورى بعض ..

والله اني احب ذاك المدخل حق القراطيس ، بس الشكوى لله عشان افتك من شر بوموسى قلت أغيّره احسن

إقتباس الهاوي تراني مـ أعرف أشرح إذا مافهمت عندك البارق .

عفارم عليك بالعكس الشرح واضح ومن زود مافهمت ودي اروح أنزل موضوع واحط فيه كل مواضيعي القديمه..

وش رايك بعفارم؟؟ يصلح يكون اسم بنت؟؟ عفارم حمود الهاوي

إقتباس قلت إرهاق ! هذا كله إرهاق أجل لو هي بين الحياة والموت وش بيصلحون

لوهي بين الحياة والموت كان تلقين الوزير جاي يزورها و معه ورد برتقالي

إقتباس alhawey 11 وش صار ع العرض !

وش صار!! اتركِ عنك اللف والدوران الوثائق موجوده والعرض كان في الاساس من عندي وانت حاولتي استغلالي بطريقه غير انسانيه و سبق وقلت لك مانصه الآتي:

" أنتِ تقدرين تروحين لأمك وتسألينها وشو القرنبيط.. ووشو اللي يحط مع الكشنه ..
لكن انا لو اجيب امي وجماعتنا كلهم واسألهم عن ع ع ق أو أهومغيمس ذي ، والله مايدرون هن كلمات أو شي يوكل "

إقتباس ترى أنا الخسرانه لو علمتك كل الكلمات الجديدة

طيب يالفيروسه ، بما أني رجال نشمي واجودي ولا أرضى لك الخساره راح أتنازل واقبل بنظرية النفط مقابل الغذاء..

إقتباس أسمها الزهرة صح .

القرنبيط هو الزهره صحيح ـــــــــــــــــ>> يقالي ما انغثيت:sad:

إقتباس يـ الله قلي وش حط خالك مقابل أعلمك كلمتين [ سيسيه - أوهايو غوزايماس ] وفك تشفيرت ع . ع . ق . أنت الفايز 3 مقابل واحد ! يـ بلااااش .

أقول ليش ما تخلين عنك حركات النص كم؟!

أنت الفايز!! ..ويابلاش!! ..ومدري وشو يقالك لعبتي علي كذا

اسمعي يابنت الاجواد :

سيسه + أوهايو غوزايماس + ع.ع.ق .... مقابل .....وش حط خالي

موافق لكن البدايه تكون من عندك أنا تنازلت بما فيه الكفايه وجا دورك

وعلى فكره ترى ع ع ق اقدر آخذها من حبيبي البارق..

إقتباس وفك تشفيرت

الفيروسه وشي " تشفيرت" يمكن قصد تيشيرت اسمها " تشفيرة"


مرسي أوي على ردك الجميل الوسيع الصدر وأجمل مافيه انه لايحتوي على كلمات جديده لا يُدرى وشهن

محمد ابولما

ياهلا والله ومرحبا حيا الله ابو لما ،،

إقتباس الحقيقة جميل جداً ان يتعامل بعضنا مع المواقف العصيبة بمثل هذا الشكل والأجمل أن أيضاً أن نظهر المشكلة حتى نوجد لها حلاً ...

سلمت ياغالي ، وبالنسبة لي فان الاجمل هو مشاركة الجميع وتفاعلهم في منتدى المجلس العام بالذات في المواضيع التي تخص مجتمعنا والظروف المحيطه به ، وغالبا ما نجد بين الردود حلول وآراء وتعليقات فيه فايده وتسليه بنفس الوقت..

إقتباس هل المشكلة في الأجانب الذين يعملون في هذا المستشفى او غيره ام المشكلة في النظام ؟!

د

واحده من اكبر المشاكل اللي نواجهها في جميع الجهات الحكوميه هو غياب النظام وعدم وجود المرجع والدستور..

في المستشفيات بالذات لا تسأل عن الانظمة يشعر المواطن بأنه مهمل الى أبعد الحدود عندما يذهب لمستشفى حكومي، فبداية من مركزية المستشفيات(اعني انها في الرياض) و سوء الاستقبال ومن ثم العشوائية في تحديد المواعيد وعدم مراعاة الحالات والظروف المتباينه للمرضى ( وأخص المرضى اللي يجون من خارج الرياض ) ، وانتهاءً بالطبيب المعالج والممرضة المساعده (واللي غالباً ما يكونون اجانب) وتعاملهم السيئ والمليئ بالكبر والتعالي على المريض..

إقتباس لو كان هناك نظام لما أحتجت أنت لأرشد ولما بحثت أصلاً عن واسطة ... النظام وتطبيقه يكفل للجميع الحق خاصة في هذا الحقل الحيوي وهو الصحة

و لو كان هناك نظام لما شعرت بالخزي والعار على نفسي وعلى الكثير من الذين اضطرتهم ظروفهم للجوء الى الاجنبي من أجل الحصول على حقوقهم داخل وطنهم!!

لكن الحمد الله على كل حال



العفو يابولما ،، وشاكر لك على المشاركة واثراء الموضوع

ــــــــــــــــــــــــــــــــــــــــــــــــــــــــــــــــــــــــــــــــ

أسيرة الزعيم


ياهلا فيك ،،

إقتباس مشكلتنا أن أولئك الذين يتولون المناصب يدعون المثالية ! .. خشية على شيء لاأدري ما هو فليس هناك أحسن من مستشفياتنا .. مدارسنا .. وحتى إشارات شوارعنا !! ..

الحاصل عندنا انه كلما ادعى المسؤول ان مؤسسته تسير على مايرام بل و انها في أفضل حال كلما ضمن البقاء على الكرسي لمدة أطول... والكرسي تراه فتنه ومغري

إقتباس كان يقول : هازا سعودي كتير فلوس ..لكن شويه تفكير !!

اخس هالباكستاني طلع حكيم من عقب تصليح الدولايب وتحميل خياش الرز لو هو عندي كان قلت له انثبر ولا يكثر

السعوديين اللي يفكرون واااجد لكنهم من النوع اللي دايم يستخدم عبارة " ما باليد حيله " و ما يلامون..

إقتباس لا يصحح الأخطاء إلا من يعترف بها .. والقضية أن المسؤول عن تصحيح هذه " المصائب " .. لم يجرب طعمها .. فكل الامور له ميسره ..

اي والله صدقتِ ، وعلى العموم لو فرضنا ان هالمسؤول لم يعترف بأخطاءه وأخطاء من يعملون معه ، وين الرقابه؟!! وين الجهه اللي تقيّم عمله وتحاسبه على التقصير؟!!

بدون هذه الرقابه على المؤسسات الحكوميه التي تعنى بشؤون واحتياجات المواطنين لن تصلح الامور وسيبقى المواطن مهمل حتى اشعار آخر



الله يعافيك اختي، وشاكر لمشاركتك واضافتك

ـــــــــــــــــــــــــــــــــــــــــــــــــــــــــــــــــــــــــــــــــ


تحياتي للجميع،،