السلام عليكم
يعطيكم الف عافيه شباب .. اشكركم من كل قلبي ;)
والله اللي صار توقعته اقسم بالله .. تصدقون على كثر ما فرحت بهالوجيه الشابه اليوم .. و النتيجه الحلوه .. وعوده سكولز .. و تألق فوستر ولي مارتن و ريتشادرسون
إلا أنني كنت متوقع ان فيرغي يطلع بتصريح يقول فيه ان الفريق كذا كويس وما يحتاج لاعبين
بصراحه انا لا أريد لاعب كبير .. لا أريد مهاجم .. أريد أن أرى لاعب محور .. كاريك والله يكفي و يوفي
محاورنا الله بالخير .. فليتشر و اوشي ما نضمنهم أبداً بكل صراحه .
عموما نترك الكلام و نرجع للمتش .. اليوم بصراحه ابدع الفريق ككل ..
فوستر حارس متميز .. اتمنى انك شفته يا عبدالله .. اعتقد بوجوده لسنا بحاجه لـ روبنسون أو كوزتشاك .. حراسه المان أستطيع أن أقول انها بخير .
بيجيني واحد يقول استعجلت الحكم .. بقوله فيه نوعيه لاعبين لما تشاهدهم أول مره تعرف انهم موهوبين .. شفتوا الإنقضاض ؟؟ شفتوا رده فعله السريعه ؟؟ شفتوا هدوءه و تمكنه من صد كرات صعبه وفي زوايا خطيره ؟؟
انا بصراحه ما حبيت استعجل .. وانتظرت بعد ما شاهدته بالجوله الافريقيه وقلت يمكن مجرد حماس .. لكن بعد اليوم .. متأكد أن فوستر له مستقبل باهر بحول الله
ايبانز لاعب جيد في الحقيقه .. والدفاع لا خوف عليه بوجود لاعبين كبار .. يعني راح يكون مكسب للفريق مستقبلاً .. واتمنى إعارته
باردسلي .. دفاعياً جيد جداً .. لكن هجومياً متوسط .. خصوصاً من ناحية العرضيات
.. ننتظر منه الكثير .. خصوصاً انه بيكون خليفه غاري :p
سكولز .. قلت سابقاً و أكررها .. بــول متى ما يسجل .. يبدع .. فقط يحتاج للتسجيل ويظهر على حقيقته .. اتمنى ان تكون عوده سكولز لمستواه بدئاً من هذا اللقاء .. عندها فقط ستعود نصف روح اليونايتد ;)
لي مارتن .. هاللاعب شفته قليل جداً .. واذكر رد للغالي رامي امتدحه وال انه ينتظره مستقبل كبير .. وبالفعل .. اليوم شاهدنا تحركات ملك في خط الوسط ماشاء الله عليه .. رامي .. ماشاء الله عليك .. عندك نظره ثاقبه
.. بالنسبه لمارتن .. يبدو اننا سنشاهد لاعباً متميزاً في السنوات القادمه
.
ريتشادرسون اليوم قدم مباراه غايه في الروعه .. ويكفي انه كان خلف هدفين من الأهداف الثلاثه .. ان شاء الله يواصل على هالمنوال .. وتكون له بصمه هالموسم
.
ما انسى ايغلز اللي اليوم قدم مباراه ممتازه نوعاً ما .. لكن ما يعيبه الارتباك في بعض الأحيان .. وهذي بحول الله تزول مع المباريات
الفريق يملك شبان رائعين .. وبحول الله خلال ثلاث اربع مواسم راح نسيطر على البطولات .. لكن هالموسم .. الله يعيننا بصراحه .. وهذا توقع خاص
.. عموما .. يبقى لـ تشجيع ليونايتد مذاق خاص ;)
ابو حنفي .. والله يسلمون عليك .. وصدقني بينشبون لكم :p حتى وهم في أسوأ أحوالهم المان يبقى صدااع مزمن خصوصاً للردز
شاكر لك هالمرور اللي اسعدني يبو تركي
كاريك يبدو انه اقرب بشكل كبير للمان من أي وقت مضى .. وان شاء الله يجي للفريق .. وبصراحه كاريك اتوقع هو اللاعب الوحيد اللي من الممكن ان يأتي لليونايتد .
شكراً شباب .. ماجد محمد .. محمد .. عزوز اتمنى اني جاوبت على استفسارك .. اللاعب من فريق الشباب .. و الغالي رامي امتدحه كثيراً في وقت سابق .. واليوم ابدع بصراحه .
الغالي رامــي .. ننتظرك يا بعدي .. تبقى الرابطه بحاجه للدرر اللي تنطقها
فـ مان الله ,.,.,