الضـــــــــــــب السعـــــــــودي. ,,,,,,, - نادي الهلال السعودي - شبكة الزعيم

اليزابيث هيرلي · #1 17/07/2006, 07:44 AM

مرحبا خبيباتي كيفكون .. بنجور ...

صباح الفل للأعضاء المزايين وعلى رأسهم الغثا >>>>>> رشدي أباظه هعهعهع .

...

الصراحه أنا ضايق صدري حييل >>>> انقهر يالغثا ... لما شفت رشدي أباظه ضايق صدره فاقد سعاد حسني فديت خشته

...
ورعبوبه طفشاانه ...
عشان كذا قلت بنتسلى شوي ونا خذ أجر اللي ضايقه صدورهم

...
وأنا وأعوذ بالله من كلمة أنا قمة وناستي أهزئ بالجنس الخشن .. (( أعوذ بالله من أبليس)) والمعروفين باللغه القصيميه بالضبان

...

وأنا أشجب وأستنكر وأشذب وأقطع بشده مقولة التماسيح وذلك لـ السبايب التاليه ..

التمساح رزه وهيبه والرجل السعودي لا هذا ولا ذاك

.. هو أقرب إلى الضب ... بالله يابنات تأملن شكل الضب يمين كله أياهم سبحان الله يخلق من الشبه ستطعش مليون نسمه

>>> كثيرين على قل سنع

...

والضب منذ نشأت حياته كريه

..
بالطفوله ما غير يرفس ذا ويلكم ذا>>> ليست ويلكم المقصود بها بالإنجليزيه مرااحبوأنما ويلكم المأخوذه من اللكم))

ويقطع شوشت ذي

... لا ومن شين الطبايع لا جا يصيح يقولن له الأمهات : عيب يابابا أنت رجال !!!! يامل الهم
اعنتوكن خلهن يصيح خلنه يلعي

خلن تسبده تفرك من الصياح

عشان يشب وفيه مقدار من الرقه شبتبه حريقه

>>>> وحده منقهره

أما في مرحلة الشباشب إكس كواز مي قصدي الشباب .

.. حدث وأخطب ولا حرج ... أعوذ بالله غثه مسترجل يبي يثبت مقولة الماما ..
حتى لو أظطر يقتلك بالشوزر >>>> ما مداي اكتشفت أنه شوزن مو شوزر هاذي أختي عاد ما أدري تهك ولا صازه

..
أما لا جوا يخطبون له أستغفر الله يقعد يتشرط من إلى وش عليه ما أدري هو حاسب نفسه عمر الشريف

ولا

رشدي أباظه

ولا مصطفى فهمي

ولا وائل رمضان

ولا ملحم زين

...

وبالملكه ((اكسروا الكا بس بشويش يالناعمين))

هاتي أنواع النصب ... أنا بتوتي >>>> و يذن الفجر وهو مع شلته بالإستراحه .

..

ياعمري بعطيك كل شهر نص راتبي >>>>> ويمين ما تشوف فلس منه .

..

أنا أكتب خواطر وأحب الشعر >>>>> مره سألته وش أصل المتنبي

... ويجاوبه مو حق قوات حفظ السلام بأفريقيا اللي طلع أمس بالجزيره

...!!!!

ويا قلبي وياعمري وسمي وابشري والخ ...

وبعد الزواج يكشف الضب عن عكرته وأصله

...

ياقلبي بروح للسوق >>>> أووف أعوذ بالله دايم دوجه ما تقرين لا منب موديك انلقعي

...

وش رايك ياقلبي تمر الكوفي شوب وتشتري لنا قهوه فرنسيه؟!>>>> يامل المكسر وراتس ما تملين هالترامز هيل وتقعبين مر

.....

وتدق عليه ياخذه من اللي هي عندهم >>>>>> بعيد أنا مافيه أحد يضفتس أقول تعالي مع أهلتس منيب فاضي عندي رجال

..

هذا بالكلام ناهيكم عن المواقف شوف عين اللي بينخره الدود

...

أي ضب لا جا ياخذ زوجته وربي أنه يفحط قبل ما تصك الباب .. وبعد هنيه >>> يمديكم على اللغه ..

يلقى اللي يكبس له ويلتفت تقل راكبه جني >>> الله ياختس فشلتينا عابتس طالعه دخليه قطعتي وجهي

...

بعيدن عن السوري والمصري .. وربي أنه ينزل ويفتح له الباب >>>>> أه يالغبن وش أسوي بعمري وتلومينن يمه لا

قلتس أحب ملحم زين

لا وهو يغبنن زياده ((بحبك شوئلتي ئبلتي ولا مائبلتي ))>>>> ويبيله كلام إلا موافقه هات

الأهل وتعال والله لو أعيش بالجنوب عندكم والصواريخ من فوقي

.. فديت غمازتك سبحان الله مثل رجالنا

...

يلعن أبو الطياطه >>>> هذا أخوي الماخوذ يلعب بلاي ستيشن وطخ السلك وضاعت لعبته
((طياطه)) !!! أموووت أعرف منين يجبون هالكلماات ضبااااان ياناس ..

نرجع لموضوعنا ...
وحده تقولي لي والله ياليز مزينه العشاء ولا كأني بمطعم ومطفيه اللايت >>>> أموت على الإنقليز

ومير يجي ضبي وبكل إستهزاء يقولي >>>> وراه طافي الكهرب غريبه عاد لمبات الشارع مولعات

...!!!

الصراحه لو أقول من المواقف واحتسي غلى الألفيه المليون ما أخلص

...

وفي مرتن من المرارير ... كنت بالرياض ورحنا لماريز نفنك >>>> فديت ذاك المطعم وصاحبه

...

المهم ركونا إنتظار كالعاده .. والله أجلسلكم واتكي وأقز اللي رايح واللي جاي

.. عاد أغلبهم معاريس .. يازين

الطفه يا ناس نازله من اللفت وهو حاط ايده ورى ظهره وبشويش ينزله من الدرج

... عاد أنا دخت ما وقظني >> قومني

إلا ريحة الأكل عاد أقول لأختي >>> ناظري حزش وشلون متشعمطن به

.. عاد ترد علي : اصبري ليتس شوي تلقينه أول مره وآخر مره يجيبه لماريز

...

ومره من الحلاحيل كنت بمطعم خمس نجوم بعنيزه وبرضو صافطيننا إنتظار

..

المهم وأنا جالسه أقز بخلق الله إلا اللي واقف عند الباب الشماغ على ورى والعقال باليد تكل عليمي

وربي أنه ماواق مير يقول لمرته >>>> زمحه بس خلينا نمشي

عاد أنا قبست قلت الله ياخذك من ضب يامل الوجع اعنتوه تسيف يهك عليه

..

وأمي بس تخانق وش دخلتس بالناس .. المهم سكت وقمت اتمشى بالمطعم >>>> بعد يبونن أقعد وأنا ميته من الجوع وريحة الأكل ما غير تهفهف لا ابد مايصير

..

وأنا واقفه قبالي غرفه شكله كشخه غير الباقي شموع و ورود وحركات

..

المهم جلست أنتظر اللي به يطلعون ببلغ .. واثره سوري ومرته >>>>> والله أني متوقعه هاللحين الضبان يتعشون بمثل هالأماكن!! ...

المهم دخلت ونفكت لمين شبعت >>>> قصيده ..

لحظه لحظه >>>>> الرسائل الوارده : 1
مرحبا ليز وشخبارتس الله يجبر مصيبتس باليوفي ما عليش هذا النصب والرشاوي

....)) وين مسح بس ...

أعوذ بالله يالناس ماغير يتشمتون بي وياعلك للطاعون يالقضا الإيطالي صز من سماكم مافيا

..

ليز ليز >>>>> اصبرو خل نشوف الماخوذ وش يبا ..

أنت وش تبا ياخوك ..

ياحولي أشرطة السوني الجايه مابه يوفنتوس ياحول >>>> أف ياشين المبزره أقول أحترم نفسك يالخايس اصلا لولا

اليوفي كان ما أخذت إيطاليا الكأس الفقه لا أقوم اتوطا بحوض بطنك

..

نرجع لموضوعنا بعد هالفاصل البزوري ..

عاد للأمانه الضبان يدلعون أحيان مثلا يلسب بالشماغ ... يلوي اليد >>> لا يامل الكسر

...

يضرب على قولتهم كف حلاقه ... ومن هالغنج الرقيق ..

ما أقول إلا يسفاب المزايين اللبنانين

ولا حريمهم >>>> ضريبة الفهاره

..
ماعلينا منهم ..

ليت والله الضبان العزابيه لامسهم صاروخ عالطاير >>>> ولا وشوله رايحين للبنان ماغير زلة حياء

...

طنطن .. الرسائل الوارده:1
((هلا ليز .. وينتس ورى ثابتكم مشغول

.. ياخيه دقي علي إذا منتب نايمه))
المرسل : ريري ..

أوف أوف الساعه سبع ونص الصبح وربي ما حسيت بالوقت ..

يالله عاد بروح أشوف سحيله ((الشغاله)) وراه ما قامت وجع أقع الواحد يامرهن ولا ينبزهن قطع ..
وسلامي لكم أولف يو وخاصه رشدي أباظه

...

ابويارا المغترب · #2 17/07/2006, 09:17 AM

فيه فاكهة يمدحـونها اسمها << المشمش >>

نـــــــ15ــــــمر · #3 17/07/2006, 10:39 AM

إقتباس


	حتى لو أظطر يقتلك بالشوزر >>>> ما مداي اكتشفت أنه شوزن مو شوزر هاذي أختي عاد ما أدري تهك ولا صازه .. أما لا جوا يخطبون له أستغفر الله يقعد يتشرط من إلى وش عليه ما أدري هو حاسب نفسه عمر الشريف ولا رشدي أباظه ولا مصطفى فهمي ولا وائل رمضان ولا ملحم زين ...

وين نـــــــ15ــــــمر؟؟؟

إقتباس


	أنا أكتب خواطر وأحب الشعر >>>>> مره سألته وش أصل المتنبي ... ويجاوبه مو حق قوات حفظ السلام بأفريقيا اللي طلع أمس بالجزيره ...!!!!

لا طلع بالعربيه انا متاكد

إقتباس


	بعيدن عن السوري والمصري .. وربي أنه ينزل ويفتح له الباب

تبين اخطبلك مدرسنا الاردني بس الحق يننقال ما ادري يفتح الباب ولا لاع

إقتباس


	.. فديت غمازتك سبحان الله مثل رجالنا ...

هيه عيب بنات آخر زمن

إقتباس


	ومره من الحلاحيل كنت بمطعم خمس نجوم بعنيزه وبرضو صافطيننا إنتظار

اشكر الملك عبدالله على تطوير المطاعم بعنيزه (مضيع شوي)

إقتباس


	رشدي أباظه ...

اجل مدرسنا ما ينفع

تشـــــــــــــــــــــــــــــــــــــــــــــــــــــــــــــــــــــــــــــــــــــــــاو

عـز الهلال · #4 17/07/2006, 10:50 AM

آآآخ ياليز

مالقيتي الا حنا , توسعين صدرتس فينا

لا وضبان بعد

أقول خليتس في خويتس الي اعرست ابركـ لنا

:P

^^^^^
امزح ترا

____________________

إقتباس


	هاتي أنواع النصب ... أنا بتوتي >>>> و يذن الفجر وهو مع شلته بالإستراحه . .. ياعمري بعطيك كل شهر نص راتبي >>>>> ويمين ما تشوف فلس منه . .. أنا أكتب خواطر وأحب الشعر >>>>> مره سألته وش أصل المتنبي ... ويجاوبه مو حق قوات حفظ السلام بأفريقيا اللي طلع أمس بالجزيره ...!!!!

ما شاء الله عليكم يالصادقين
في الخطوبـة ما عندكم كذب ابد

إقتباس


	وأمي بس تخانق وش دخلتس بالناس .. المهم سكت وقمت اتمشى بالمطعم >>>> بعد يبونن أقعد وأنا ميته من الجوع وريحة الأكل ما غير تهفهف لا ابد مايصير ..

يا زين امتس لين سكتتكـ

______________

المهم سلميني

على اخوووووووتس سلام كثييييير

العنـا · #5 17/07/2006, 10:53 AM

غثيتنا الغثا الغثا افتحي منتدى للاصدقاء ;)

اقول ياشاعره المنتدى ياراعيه الديوان اللي عليه صورتي :p يااسيره الحرف

فيك خير اجلي موضوعك حتى اخلص من موضوعي ولا خايفه منزلته ف الوقت هذا عشاني مشغول بموضوعي

راجع لك يا بطاطس بالثوم

هلالي الظهران · #6 17/07/2006, 01:22 PM

ليز تسمعين ببراقش ولا توك ماعرفتيها وبنات عمها حبحر ومطازيز وكراث يا القصمنجيه

.. بالله ان شفتي براقش سلمي عليها وقوليلها ضفي عفوشك(عفشتس

) .. من هالحزه جنت على نفسها ليز تس تس << لزوم السجع

..

الله ابوكم لابو ابوكم يا بنات القص قص

.. الظاهر انتي اخت خويي القصمنجي .. كل مادقيت عليهم ردت ..اقولها سليمان موجود..

تقول .. سليمان بووه مير نيم

عاد ومالك علي يمين اني انسان ضايقن صدري بالحيل ولي ثلاثة ايام وحالتي شينه واشوف هالمواضيع ومالي خلق ارد حتى لا اجيب العيد

بس الظاهر انك شبكتي معي في الموجه واستفزيتيني بصراحه وخرجتي الضبان من جحورها

,,

واللي قاهرني وباط تسبدي(اويلاه

) ان هي اللي جابت البلا لعمرها

..

عمرها سبعة وثلاثين وامه تحبه وابوه يطقه راح تلعب مع البزارين غزته الشوكة وماتت قالت ريري ليه ليه قالت شيشي زيدوا عليها

..

ويعيرونها الجيران بالعانس

.. واذا راحت لبيت عمها قامت زوجة عمها تصرفها .. بنات عمها سالوا امهم ليش؟ قالت ما اماشي اللي اكبر مني

..

وبدت عليها امراض الشيخوخه وتعاني الحين من مرض الزهايمر اللي يخلي المخ يفصل اوقات

..

وبعد هذا كله حنا ياللي نضفكم مو عاجبينكم

..

يعني الحين باسئل العاقلين في المنتدى .. بالله عليكم ياحضرات القاضي والمستشارين ..

انا كشاب سعودي اشعث اغبر ياللي ماشفت بحياتي الا وجه شغالتنا الحبشيه الله يذكرها بالخير

.. وامشي في الشارع وتشطفني ذيك البنت اللي عباتها اضيق من ثوبي

وش بيكون موقفي .. ولا فرضا جدتي وصتني اشتري لها دراعه حمراء وعلبة فيكس خضراء ورحت الفيصليه اتقضى والقى ثلاث بنات عليهم اسم طرحه والاكمام كانها كرسيدا حق الباكستاني من كثر الزخارف

.. وش يصير فيني ..

لا والمشكله ,, تلقى البنت شينه وشيفه وكأن وجهها قوطي داعسه وايت بس بالعبايه قسم بالله ماتقوم معها حلا شيحه وسلافه فواخرجي

..

شغالتنا مثلا .. ماغيرها الحبشيه خديجه

.. وجهها كانه مفك ببسي مكسور .. وفي الليل اتحاشى اكلمها خوفن من ان تطقها حق ام العبيد

.. مره لبست النقاب حق جدتي ماعرفتها .. قمت الاحقها بالسطح وابذب الرقم عليها

..
يوم استانست شالت البرقع ومابان بوجهها الا الضروس

ومع هذا كله مو عاجبينهم

.. اخ اخ بس .. الا ليت شعري هل ابيتن (احد يفزع توهقت:p )..

اخ بس ليتني وزير الطاقه يوم واحد بس علشان اشب فيكم

..

ولا ليتني وزير المواصلات علشان ادعس على وجيهكم

..

زبدة الهرج انكم قراوى وما تنعطون وجه

.. قالت ايه مطعم خمس نجوم ..حدكم سماط عليه رز بخاري ودجاج شوايه وسلطه حاره .. ومعه كاس اللبن ذاك اللي تشفطينه سحبه وحده وخذ يعدها انواع الاصوات ( ييييييع قرف

) ..

اذكر مره شفت سعوديه بلبنان .. قلتلها يا حلوه شرايك ندخل السينما سوا .. قالت ايييييه طيب بشرط انا بجلس جنب الدريشه..

هههههههههههههههههههههههههههههههه ياشينكم يا القراوى .. اجل دريشه بسينما ..مشكله هالبنات قمة التطور انهم يركبون جنب الدريشه بالطياره

..

بس خلاص احس اني اكتفيت الحين

,,

abu_riman · #7 17/07/2006, 01:34 PM

ليز أعتقد أنه أمر جيد أن يعيد المرء التفكير في بعض الأمور خاصة و أن التحرير يتاح لفترة يمكن للمرء فيها مراجعة نفسه تمهيداً لاتخاذ القرار الأنسب ..

" و ليالي العيد تبان من عصاريها " هذا هلالي و الغثا جاي ..

عموماً أنا متابع سأتدخل في الوقت المناسب .

الكلاسيكي · #8 17/07/2006, 03:42 PM

هلا بليز ..

بقول لك شي .. بكل عيوبنا تحبونا << وش يبغى الواثق

مهما حشحشتوا فينا ... وتكلمتوا .. واتهمتوا .. وقذفتوا .. نظل كبار في نظركم ..
بس الحقران يقطع المصران

اكيد انتي شايفتن ميزه في الشباب من الميزات
عشان تسذا طلعتي وتهجمتي علينا ..

والله مسكين الضب مهضوم حقوووه << مايقلد

كني صدقت اني ضب .. الا انا غزال اطامر في الغابات والواحات

الحين البنت لو راقبتها تحصل كلها من فوق لتحت عيووووووب
هي آخر وحده تصحى في البيت .. كل شي على اميمتها المسكينه .. حتى السلطه ماتعرف تزينها ..
وتبغى تتزوج .. وهي ماتعرف تصلح بيض

وتقول ابغى الشاب الفلاني ابو عيون زرقاء وشعر أشقر .. وطول مثل طول وائل كفوري
وصوت مثل صوت عباس ابراهيم..وخشم مثل خشم طلال الرشيد الله يرحمه.. <<ناقصن ملحن ويكمل اوبريت

وفي الاخير يوصل عمرها الثلاثين وتنطق ماغير تطلطل مع نافذة بيتهم تتامل ان احد
يقزها وتعجبه ..

ودايم تحب تدلع على ابوها .. ومع هذا دايم البنات مآخذين حقهم وزود .. اما الاولاد مساكين ..
البنت من تبغى شي الابو يقول حضر وتامرين .. اما الولد لما يطلب يقول ابوه انطق وانثبر بس ..

المشكله انكم دايم يالبنات تعتازون لنا <<يعني تحتاجون ..

.. واحيانا تآخذون رأئينا في اشيا كثيره . <<يدل على ذوقنا الرفيع..
ورغم كل عيوبنا الا انكم مالكم غناة عنـــــا

واذا كنا حنا ضبان .. انتم سحالي .. ماغير تهطهطن بهالاسواق والمطاعم .. صارت الوحده
كرشتها سابقتها ثلاث امتار قدام

ومع هذا تقولون محافظين ع الرشاقه <<الله يرحمتس بس ..

اقول على الطاري .. ابغى دوره مكثفه في تعلم اللهجه القمنجيه ..

عن جد كلام القصمان يوسع الصدر <<شايفه نكته انت ويا وجهك

مع ان نصف كلامك مافهمته محتاج لمترجم << بس لما اتعلم راح ارجع ثانيه ..
ياحُبني لكم < بضم الحاء

بعد كل هذا الهرج .. مالنا عنكم ومالكم عنا ..

دمتي بالف صحه وخير
وثانكس ع السوالف الحلوه

العنـا · #9 17/07/2006, 04:12 PM

^
^
^

غزل صريح بضم الدال

ليزوه

راجع لك انت وشتك >>> وجهك بس قلت افضح هالمغزلجي اللي قبلي الحين

مملوحة نجد · #10 17/07/2006, 07:41 PM

مشكوره ياليزا ,,

وما الومتس يوم سميتيهم ضبان ,,

واللي يضحك اذا جاتس واحد يقول انا ما فيه مثلي << مصدق عمره هالضب ,,

رعبوبة الزعيم · #11 17/07/2006, 09:56 PM

اهلين ليز
ايه والله ليز صدقتي يوم قلتي(( ضباان ))وفي رواية أخرى

((التمــاسيح))
تعجبيني ليز انتي كذااا

فضحتيهم على حقيقتهم

الا اقول وش اخبار رووبي

الله ياخذ بليسك صرت اتابعها

ومندمجه لآخر درجه معها ذي الخاينه

<<مضيعه

وبعدين أخيرا لقيت احد معجب معي بغمازت ملحم زين

ترى انا وصديقتي
نتهاوش عليه وانتي دخلتي طرف ثالث معنا <<بايعتها

بعدين ترى هذي نبذه مووجزه عن الضبان لما الحينم ماشافوا شي
ولا طلعنا عنهم شي
هذا شي بسيط وماخفي كان أعظم
استري عليهم وانا اختك

محنا فاضيين يطلعون فضايحنا

بعدين يالكلاسيكي حنا سحالي

الله يسامحك بس
حنااااا ملكات

بل أميرات

ولا اقول لك كلهم سوا حنا

ياحبي لنا والله
وبيني وبينك ليز احس هالضبان ماعندهم رومنسيه ابد ابد

بس في ايام الخطوبه تشوفين الرومنسيه طاقه تووب
والا لما يتزوجون تعالي شوفيهم بالسوق تلاقين الحرمه قدام تمشي
وزوجها يمشي وراها بمترين

وشفت ذاك اليوم بالسوق وحده تمشي جنب زوجها ومسكة يده

تصدقين كنه لامس سلك كهربا بعد يده على طوول

وما خفي كان اعضم

الله يستر عليكم بس مابي اتكلم زوود اخاف اخربها

الخفاق الأزرق · #12 18/07/2006, 04:23 AM

يقولون ما يهينك إلا اللي يحبك ,, شكلكم أول مرة تسمعونها

,,

بس حبيت أوضح أن الشاب الذرب أو المرتب هو غالبا مرتب في كل شي فأكيد ان أخته مرتبة مثله,, أما اللي ما تعرف لا ذرابة ولا ترتيب فطبيعي أن أخوها راح يكون أسوأ منها ,, فرجاءاً يالغاليات لا تعممون,, ترانا نهتم بنفسنا ولا يرضينا بعض هالكلام

,, بس ما نلوم بعضكم

,, ما يطولون العنب , حامض عنه قالوا

,, لا تفهموني غلط! انظبطوا :p ,,

أما بالنسبة لغمازات أبوملحم

,, فأنا أقول ان كل وحدة تتكلم عن نفسها ومحيطها

,, فيه من عيال ديرتي اللي يسوون ملحم وعشيرة ملحم بوسامتهم وشكلهم وأخلاقهم ودينهم,,
ولا هم نادرين .. لأ .. لكن كل وحدة ونصيبها .. مهيب معقولة وحدة ما بها زود جمال تاخذ لها واحد مزيون .. نادر ما تحصل لأن الناس تسأل وتدري وتعرف كلش,, واللي مقبلة على زواج راح تذكر كلامي,,

أما اللي تبي "تفش خلقها" بتهزيئ الشباب

,, فأنا أقولها أخذي راحتك يالغالية

,, الدنيا حر وقيظ وملل,, وما ألومتس أبد

,,

ربي يحرسكم يا بنات ويوفقكم بالزوج اللي تتمنونه,,

مشكورة أختي ليز على الموضوع,, ترى سواليفكم ما نمل منها,,

الهنوووف · #13 18/07/2006, 04:49 AM

كح كح كح

هين هين يالضبااااااان

كلامكم عين العقل بس فيه شي
ماعجبني
الصراحه شبابنا احلى وجيه من هالي تقولونهم

بدوون ذكر اسامي بس واله عندنا شباب حلووين اوي
بس للاسف تلاقينه زين ويدخن والا مافيش اهتمام تلاقينه وسخ مدري كيف
حلاتهم حاله وااااااو ماحبهم الي كذا >>>>>>ياي

مافيه شاب سعودي يريح القلب الا نادررررااا
بس الكذب خيبه فيه ناس توسع الصدر بس قليلين

وعيالنا للاسف لسانهم طووووووويل ماعندهم مراعاه للمشاعر عرابجه والا خكاريه
مافي وووسط

ياتلاقينه بددسن غمارتين والا بي ام دبليوو لونها احمر او فوووشي

وبعد عيالنا مافيهم رومنسيه ياربيه
تذكرت وحده تقوول
لما حطت شمووع له بالغرفه قال طفيها لاتحرقينااا وووووووووووووووواووووو تحطيم توقع انا بعد هالكلمه صياح اسبووع قمه التحطيم

والا لما تحطيم بالوناااااااات وحركات قال شايفتنا بزارين ماملى عينك هالشنب

و لما تقولين خلينا نلعب قال انهبلتي انتي :p
مالت بس على هالنوعيه

الله يبعدهم عننا

يالله الخيره بس وترزقنااا هالشباب الي نادرين بس

يسلمووو خيتوووو احتمال ارجع بس مو اكيد

اختك
الهنوووف

هلالي راقي · #14 18/07/2006, 05:09 AM

شارك لو بابتسامه >>>>>>احلف
ثاانيكوو ..

عريب عبدالله · #15 18/07/2006, 05:17 AM

أنا متخذه قرار في عدم الخوض في هذه المهاترات منذ مبطي
لكن عجبني التشبيه تشبيه بليغ
لذا لن أعلق على شيء
بالحب والإشراق